影片
成日经过呢间石磨肠粉，今日终于都有机会食喇！食物种类都算几多，有饭、饺子、肠粉、粉面、粥同各种小食.....价钱亦都非常合理招牌肠粉~肠粉即叫即整，馅料有芽菜，令到肠粉嘅口感非常有层次，最重要系灵魂酱汁，都几肯定系小店秘方，肠粉够晒滑漏，值得推介！牛丸汤~牛丸好弹牙，牛味亦够足粟米饺、韭菜饺~饺子有分大份/细份，两款我都选择咗大，足足有八粒，可以讲系皮薄馅靓，当中会比较钟意粟米饺，食得出系用新鲜粟米去包。
继续阅读
【陈记石磨肠粉｜联和墟隐藏版广式风味】 今日上水收工肚饿饿地，念起粉岭聨和墟美食，念都唔念就揸车去兜兜。路过揸联捷街见到个好抢眼嘅黄红色招牌，念都唔念就将架车泊入荣福中心买外卖返屋企慢慢叹，荣福免费泊车20分钟真系乜都够晒！行到小店，店内有两个职员，我见店内有个石磨，睇来都好正中嘅石磨肠粉🤗今次外卖试咗4款肠粉+潮式肉丸汤，个男仔职员好熟手咁整肠粉，问佢嘢就怕怕羞羞，后面个叔叔就好勤力咁洗菜准备肠粉食材，肠粉都系即叫即做，够晒新鲜👍🏻招牌肠粉~配上香脆菜莆，芽菜丝，猪肉馅料，足料配搭，馅料绝不吝啬，菜莆切得很幼细，制做过程令菜莆&粉浆混为一体，夹起来唔会散晒。鸡蛋肠粉~原味派嘅选择，蛋香混入肠粉，增加香滑度口感。猪肉肠粉~足料爽脆肉馅配以生菜丝，口感不失。叉烧肠粉~原粒叉烧粒加入生菜丝使到肠粉有清新嘅感觉。老板(洗菜叔叔)话石磨米浆每日鲜磨，薄到透光但夹起唔易穿，师傅仔系怕羞D，但蒸肠粉火候控制有料到～ 手工肉丸汤真系有潮州嘅风味，汤底我饮到好香浓猪骨味，仲有应该系咸菜香气，令人回味，牛肉丸多汁弹牙，猪肉丸有浓厚嘅肉汁香味。老板仲教我极速取餐方法，下次起外卖平台落单，泊好架车，直冲110号舖讲我订外卖电话尾4字，即刻拎袋走人😁等紧外卖𠮶阵街坊提示，肠粉有加钱套餐，仲抵食!!!下次我要试埋佢精选推介“酸菜饺“ & “蒸米粉“。#联和墟扫街攻略
继续阅读
去行山后，到粉岭联和墟行下。经过陈记石磨肠粉小店，有几位人客等外卖。我哋行完返转头嚟买外卖，鸡粥$38浓郁绵密，米粒煮得恰到好处，鸡肉鲜嫩多汁，好有家的味道同温暖。招牌肠粉$28入面有猪肉，鸡蛋，生菜,芽菜,菜甫，更是不可错过，石磨制作的肠粉皮薄而滑嫩，搭配特制酱汁，口感层次丰富，让人一试难忘。紫菜蛋花肉片汤$38清爽鲜美，紫菜的香气与瘦肉的鲜甜完美融合，喝起来十分开胃。蒸米粉简单却不失美味，米粉吸收了汤汁的精华，口感柔软，搭配店家自制的配料，令人满足。每一道菜都充满了传统风味，价格亲民，绝对是粉岭区内值得一试的美食小店！
继续阅读
呢间两母子经营的小店即叫即整，潮汕风味十足，令人期待下次试吓佢哋嘅粥同小食 😊。我试咗潮式牛腩饭，甜卤水味浓郁，唔单止有牛腩，仲有牛筋同牛肚薄切，恰到好处，加上一少少酸菜调味，整体味道非常平衡，份量亦都足够，绝对够饱 🍛🐮。再来就系手工牛肉丸同牛肉饼汤，汤底清澈却充满浓郁牛味。牛肉饼质感扎实，不规则形状反而增添咗手工感，而牛肉丸则非常爆汁，口感弹牙，食落令人好满足 🥣🐂。生菜丝嘅搭配亦令整碗汤更加清爽 🥬。饮品方面，我选咗热豆浆，似无糖豆腐花清香嘅味道，口感滑顺，底部会有少少豆粉沉底，味道更加浓郁 🥛。最后，粟米生菜芽菜鸡蛋肠，搭配蒜蓉酱油同辣椒油，肠粉足料，各种蔬菜爽口，配上鸡蛋蛋香，令整道菜更加丰富 🌽🥚。
继续阅读
📍粉岭✨陈记石磨肠粉✨店面虽然唔算好大，但菜式选择多，即叫即蒸嘅肠粉够晒新鲜热辣🔥🔹蒸米粉味道非常鲜美～米粉蒸得啱啱好，口感滑嫩，搭配香浓酱油，简单却令人回味无穷。🔹皮蛋瘦肉粥粥底稠度适中，皮蛋香味融入粥中，搭配瘦肉，令整碗粥层次更丰富，系早餐嘅完美选择。🔹招牌肠粉餐厅招牌菜式，必试！有齐猪肉、鸡蛋、生菜、芽菜、菜莆，无论色彩定系口感都相当吸引！肠粉皮薄而韧，猪肉鲜甜、鸡蛋滑嫩、生菜又够爽脆，有惊喜。🔹鸡蛋肠粉肠粉包著滑溜鸡蛋，口感柔软，淋上特制酱汁，味道咸香可口。🔹豆浆香气四溢，豆香浓郁，口感滑顺，特别适合配搭肠粉。陈记石磨肠粉✨📍粉岭联捷街1号荣福商场地下87&110号舖
继续阅读