陳廣記茶餐廳

夏天食茶档真系一大挑战下午茶时间唔多人即叫即炒，大大碟今日叫左「星洲炒米」 真系好耐无食过有叉烧、蛋、虾仁配黄姜粉同埋咖哩粉调料都岩岩好唔会太辣，味道不错叫多极冻柠茶，系啲个炎炎夏日都真系几唔错！…查看更多

平时都系湾仔返工，有时开平时嘅嘢都想转下新口味。眼见斜路位有间茶餐厅，即管试下啦。呢间茶记都好多选择，餐牌我无影晒咁多款。我就叫左个，生炒鸡柳炒饭，上菜之前我谂住喺一条条的鸡柳，原来系已经切碎左再炒埋一碟，其实味道多选不过不失，正常茶餐厅水准，可能我本身比较细食，始终都系食唔哂。同埋呢间茶餐厅大部份算喺户外位置，我食个中午饭，热到成身都湿晒，如果怕热者不要在夏天来食。不过喺湾仔来讲，60蚊左右食到 D 咩野呀所以可以接受。…查看更多

疫情期间都少咗出去食午餐，听同事推介试左陈广记嘅咖喱猪扒饭跟埋餐饮冻柠茶外卖$62。价钱唔算平，不过份量都算几多，咖喱汁上面全部都系青椒同埋洋葱，咁啱呢两样嘢我都唔食嘅，而且睇到两者都系比较生唔系淋身嘅。白饭整体偏湿，唔系硬饭，但咖喱嘅味道几好，系偏港式偏辣，汁唔杰身但系好惹味，几啱送饭。而且份量都几多，细食嘅女仔都可以食到两餐。冻柠茶质素正常。间唔中经过见到都几多男人食，仲多数会食烟，因为有室外位置，而且座位都唔算阔落，所以买外卖都系一个好选择。…查看更多

今日中午，同朋友过咗湾仔做嘢，做完嘢求其揾间茶餐厅谂住食个午餐。行吓行吓见到呢间旧式嘅茶餐厅，有少少好奇，坐行咗入去试吓。间舖头嘅装修冇乜特别，但就有一个瞓系露天嘅，方便食烟人士去食午餐𠮶阵都可以食两支烟。坐低之后我叫咗个时菜鱼崧饭，同埋一个凉瓜汤。过咗冇耐，餐厅啲伙计就拎咗个饭过嚟。我见到啲汁已经都冇乜胃口，但系因为行咗太耐实在系太肚饿，所以就食咗两啖。佢个汤中规中矩，可以接受。呢间舖头值得赞既系佢份量足够。…查看更多

喺湾仔附近返工,午饭时间多数食开茶记,贪佢方便快捷,出品速度又快,今日就行到去公司附近既陈广记,平时经过就见得多,今次第一次去试食,当试下新野。印象中陈广记开业好耐啦,店舖位于石水渠街条斜路度,平时都多写字楼职员同埋三行工人帮衬,但系都唔算难揾位,不过佢冷气就唔多凉同埋佢有户外座位,夏天坐出去都真系几难顶。我食果时食店入面清一色系男士,亦都不时听到厨房传黎炒野既声,因为佢午市都系供应炒粉面饭。叫左一碟肉丝炒面+冻柠茶,总共62蚊,作为第一次帮衬,价钱有d贵啦,因为我平时食开50蚊一餐。肉丝炒面味道唔错,面底炸得卜卜脆,再铺上大量肉丝,银芽同淋埋茨汁,沟埋一齐都ok 既, 不过好油腻,食完之后滞左成个下昼见到隔离枱食芙蓉蛋饭,卖相几吸引,一块巨型既煎蛋笠住d饭,好似几有锅气,下次可能试下。若果想快手食个午餐,又唔想排长龙,对食物冇太大要求,可以去陈广记试下。…查看更多