陳家廚房

营业中

休息中

牛魔王一定不能錯過的omakase 🐂 主打五道菜，比你試哂多款來自不同國家的上等牛肉。位於利景酒店內，環境都好舒服！togetda 訂座仲有優惠添！生牛肉他他，上碟的份量驚人。牛肉他他不用多調味，加入酸瓜和花生增加不同口感。第二道的菜的封門柳脂肪少肉味又重，令人食指大動。周打蜆湯也不遜色。到第四道的炭火烤肉其實有少少飽的感覺🙂今日的精選靚牛肉分別有美國肉眼、比利時西冷、英國牛小排，用以環保備長炭燒烤，燒到咁上下可以加埋海鹽，餐廳提供的海鹽已經有多達六七款選擇。我最喜歡煙燻海鹽！另外餐廳的炸薯條都係free flow，有多達六款醬汁，分別是士拉差辣醬、辣千島醬、煙燻蕃茄醬、黑松露醬、蜜糖芥末和川味白汁，真係各有特色😍最特別的係川味白汁，少少麻辣同個驚喜的中西 fushion! 如果想free flow埋紅白氣酒🍷🥂加多$199/位就可以😬謝謝店員親切的招待👦🏻服務態度好好呀！要讚你

一間裝潢西式嘅餐廳有個好中式嘅名字「陳家廚房」😆早餐時間大部分係staycation 客，不過餐廳內唔算多人，環境係幾靜幾舒服嘅。▫️皇牌奄列餐 (HKD168) - 波士頓龍蝦、蟹肉奄列配車厘茄、洋蔥炒瑞士馬鈴薯▫️健康早餐(HKD88) - 牛奶燕麥皮配煙三文魚沙律、 黑麥包多士，酸忌廉及牛油果醬。喺酒店餐廳好少見到咁大份早餐😆用料普普通通味道不過不失。健康早餐嘅多士係用蒜蓉包😔😔講真唔係個個都食蒜蓉嘛。奄列餐嘅波士頓龍蝦份量好少，我唔多覺有蟹肉喎，奄列真係好大件，鍾意食蛋嘅人應該會幾滿意😂😂選擇都幾大眾化，奄列、水煮蛋、三文治、全日早餐，連粥炒麵都有。每份套餐包一杯橙汁、咖啡或茶

黎左銅鑼灣利景酒店-陳家廚房high tea💖原價$388for2 而家特價$328for2如果book房 可以$298for2加埋一之後都好抵食😍之前覺得呢間酒店好up dup，但翻新之後都幾靚，有D吊燈同鏡，梳化位都好岩打卡😘環境都幾舒服😌冇咩人，梳化、枱都好乾淨侍應都好nice🥰⚠️⚠️不過呢到燈光比較暗，影相較黑，大家如果想影相可能要坐埋邊光D嘅位⚠️⚠️個Tea都幾好食有鮑魚撻、三文魚牛油果他他、牛肉薯仔餅、墨魚球、蝦多士、石榴慕絲、蘋果撻、馬卡龍、朱古力泡芙同鬆餅4件🤭不過。。。蝦多士整到好油同好似煎堆咁，芝麻太過多，搶哂個多士味😵‍💫牛肉薯仔餅就唔太食到有牛肉味🤦🏻‍♀️都係睇返張紙先知原來係有牛肉😂馬卡龍隻色好靚，不過一夾起就林晒爛左😭反而鮑魚撻反而幾好！好特別💁🏻‍♀️蘋果撻好重肉桂味好正🤭😍英式鬆餅係巨大件🤣第一次見咁大件🤣🤣🤣服務態度真係要讚下！我唔小心整跌左茶壺個蓋落杯茶到，即刻有侍應黎幫我換杯茶同壺茶🙇🏻‍♀️🙌🏻換左新一壺比我🙏🏻 尷尬死😂好彩冇乜人🤦🏻‍♀️🤦🏻‍♀️🤦🏻‍♀️

同朋友食生日下午茶🥰🥳祝您新一頁新開始，「您」想達到😍包場食下午茶☕️悠閒時光，好嘆服務也很好這裡的下午茶☕️真係要讚😍😍👍🏻👍🏻👍🏻咸點、甜點🍮都好好味咸點：蝦多士、其他點心都真係好好味甜點個瑪卡龍超級好味😋仍然懷念想再來😋仲有，個黑加侖子茶超級超級香值得值得吃啊😁👏🏻👏🏻👏🏻環境舒服幽雅

廚師發辦（Omakase）一般都是壽司及刺身為主的日本料理，最近銅鑼灣利景酒店卻別開生面推出「STEAKINESS 牛の廚師發辦」，以來自世界各地的牛肉作招徠，每位$529而另加$199更可以任飲紅白酒及意大利汽泡酒。牛肉固然是主角，但無限追加的即炸薯條絕對是另一亮點，即使放涼後依然保持香脆乾爽，配以蜂蜜芥末醬﹑美式煙燻蕃茄醬﹑黑松露蛋黃醬﹑辣味千島醬、是拉差辣醬及川味蛋黃醬六款醬料，令人百吃不厭。六款醬料當中個人最喜愛黑松露蛋黃醬及辛香惹味的川味蛋黃醬，惟看似最十拿九穩的蜂蜜芥末醬卻略嫌嗆鼻。日式牛肉他他選用澳洲牛翼板肉，生牛肉本身肉味較淡，但肉質軟嫩而不帶筋，拌入鮮蛋黃後更加豐潤渾厚。澳洲安格斯封門柳沙律將牛肉表面燒香而中心保持粉嫩，肉味濃郁並帶陣陣煙燻香。日式蜆肉魚湯標榜以大量鮮魚熬製兩小時至奶白色，魚香濃厚再配上蜆肉更顯鮮甜。重頭戲當然是由廚師發辦的炭爐燒肉，當日三款牛肉為美國牛後腿肉（round）、美國SRF極和牛肉眼（ribeye）及日本鹿兒島A5和牛前腰脊肉（striploin）。提供無煙炭爐可以自由控制生熟程度，美國牛後腿肉肉味最重；肉眼卻欠缺肉眼應有的脂肪，口感較韌；

相信睇過上兩篇有關牛排廚師發板既食評，大家都會心思思想去試，而我就係中左伏既一位。經Togeda 預訂去食生日飯，點知大失所望，食到一肚氣。因為6點嗰輪已經滿座，訂左8點，去到其實得幾枱，不過所有野食都等左好耐。首先牛他他係份量十足既，但係味道上無咩特別。然後齋啪薯條半個鐘，先上一個屋企罐頭忌廉湯都好味過佢既餐湯。經催促後，就好似茶記咁，上左餐湯30秒就上牛排。你以為配搭牛排會好似上兩篇食評咁有曬鹽盒，薯條有6款醬汁？咁精緻既服務得賣廣告既打手先有。我地得到既只有一碟鹽，而且牛排多筋，質素絕對唔可以稱之為omakase之後到第二部分炭爐燒牛排。啲牛既質素同去食放題打邊爐款式差唔多，超薄切，好鞋，而且無牛味，亦無人黎講解唔同牛既部位。明明其他枱一人一爐，我地就3人兩個爐。其實都唔緊要，燒得起咪得，點知一塊薄薄既牛要燒5分鐘😓，問下負責人，佢竟然話今晚實在太忙唔好意思(得少過5枱客)。到最後，因為呢度唔肯安排喺甜品上面寫生日快樂，朋友唯有特別叫左呢度既斑蘭蛋糕同我慶生，點知上既時候蠟燭都無，唯有我特登問佢攞。唉，好後悔比食評呃左，訂左既祝大家好運。

先上嘢飲，再上鬆餅，差唔多食晒鬆餅會收碟，等一陣間就會上三層架。服務態度非常好，隔住口罩都感覺到笑容可掬，有禮貌之餘，上碟收碟手腳俐落，不過人手比較少，叫侍應好難。環境偏暗，我嘅位置比較光，位夠闊又坐得舒服，人唔多，得四枱左右，好適合靜靜地傾計吹水。*「中西合璧下午茶」傳統英式鬆餅 (原味及提子) 配士多啤梨果醬及奶油忌廉上完野飲就上鬆餅，真係唔打得都睇得。鬆餅焗到金黃色，標準爆開嘅開口笑。兩個鬆餅都烘熱咗，掰開一半漂嚟淡淡牛油香麵粉香，就咁食已經好好食，鬆化而且唔會太乾，原味比提子鬆餅重牛油香味，而且冇咁乾。士多啤梨果醬帶果肉粒，少酸偏甜；奶油忌廉味道淡奶香淡，兩種醬一齊搽鬆餅，真係世界級好食，又或者係我太肚餓，哈哈。低層鮑魚撻：撻皮係餅乾質感，鮑魚細細粒但鹹香十足。三文魚牛油果他他：牛油果醬新鮮又順滑，刺身級三文魚切到大粒，但底下嘅餅乾腍晒，好可惜。懷舊港式蝦多士：太多芝麻喺蝦多士面頭，完全蓋過咗蝦味。秘製香煎牛肉薯仔餅：薯仔餅薯仔味香，但唔講真唔知有牛肉粒，炸得唔夠脆，而且有啲啲油膩。椰香炸墨魚餅：椰香味零，墨魚餅彈牙唔腥，但又係油咗啲。*中層紅石榴慕斯：放喺室溫太耐，質感過軟。

壽司嘅omakase就食過幾次，估唔到牛都有專門嘅omakase🐂呢間位於利景酒店裡面嘅陳家廚房有得食呀☺️🥂經 @togetda 預訂仲可以享優惠價$499同我一樣嘅牛魔王有福了😍-❥生牛肉他他附有芝麻、蔥、生雞蛋等配料，比我地按喜愛自己去攪拌。❥腐竹甜粟米湯味道較清甜，加入腐竹好特別。為迎接之後幾個courses作準備🥰❥ free flow 薯條with 6sauces任食薯條🍟簡直小朋友至愛🥰，川辣醬、松露醬同是拉差醬都十分出色。❥澳洲草飼黑安格斯食落油脂較少，但口感足夠嫩，肉質同牛味係唔錯的。❥三款牛燒肉🐂期待嘅無煙燒肉🤩，好驚喜竟然提供咁多款鹽比我地，包括煙燻鹽同黑鑽鹽，真係大開眼界🧂三款牛部位包括：韓國和牛西冷、澳洲牛肩甲肉、美國牛肩肉。❥最後點少得甜品，係青檸sorbet🍧，酸味到位，中和頭先嘅油膩感。

我今次呢個STEAKINESS五道菜牛の廚師發辦用餐體驗唔錯！🤩 $499一位價錢都OK！餐廳環境好，啱哂三兩知己或者同男女朋友嚟☺️當日serve我哋嘅係Alan，佢非常細心、親切同埋殷勤🥰令到我同朋友呢個dinner食得好開心，多謝Alan吖😝.陳家廚房呢個STEAKINESS牛の廚師發辦同平時嘅日式omakase唔同，呢到就係食牛肉嘅🥩由總廚挑選來自不同國家不同部位嘅靚牛🐮總共有五道菜，另外有無限追加嘅伴碟薯條，真係食到超級飽！薯條會配上6款秘製醬料，好有心思！6款醬料包括包括蜂蜜芥末醬﹑美式煙燻蕃茄醬﹑黑松露蛋黃醬﹑是拉差辣酱﹑辣味千島醬及川味蛋黄醬🤩.1️⃣日式沖繩生牛肉他他用澳洲牛翼板肉製成嘅生牛肉他他，再加上鮮蛋黃同埋三款伴菜，一份生牛肉他他可以有多種食法。.2️⃣蜆肉忌廉湯飲落好creamy！我好鐘意🥰配嗰塊餅好香脆，同個忌廉湯好match！.3️⃣澳洲封門牛柳係牛橫膈膜肌肉位置，所以脂肪少，肉質實啲，牛味相對重啲。.4️⃣是日廚師精選牛肉仲有餐廳特別準備嘅鹽盒，入面有六款鹽可以送牛肉食。今次三款精選牛肉係西冷(Striploin)、肋眼(Rib Eye)同埋後腿肉(Round)我最鍾意

利景酒店嘅陳家廚房推出左新既季節限定水果撻❇️皇牌水蜜桃烏龍茶撻 1.5磅 $328成個撻都鋪滿左水蜜桃 水蜜桃又多汁又清甜入面就有一層蛋糕 再加一層烏龍茶忌廉有烏龍茶香之餘 又唔會太甜 撻皮略嫌唔夠鬆脆 但都算可接受我覺得呢個撻作為生日蛋糕都係一個好既選擇口感比較有層次 食落亦都無咁漏 影相都好靚呢個呎吋6-8個人都夠食呀👍🏻另外仲有養生系列鬆餅 $68/3個價錢算係幾抵 鬆餅都好大個焗熱之後真係有牛油香 食落都唔會太甜外面夠脆 入面又唔會太乾☺️❇️川貝枇杷陳皮鬆餅食到有川貝粒 陳皮甘甘地感覺真係好養生 我媽咪勁鍾意❇️紅棗鬆餅 呢個相對無乜特別 但都食到棗蓉既香❇️桂花圓肉鬆餅 配自家調製桂花龍眼蜜忌廉三個之中我覺得呢個最好食圓肉粒食落甜甜地同埋佢個特調cream真係好香好滑同埋記得要2日前預訂✔️另外仲見到原來佢地都有下午茶set同埋牛肉omakase 有機會真係要去試下😍

最近銅鑼灣嘅利景酒店推出咗主打多國牛肉Omakase，會有英、美、澳、日、韓、阿根廷等國不同部位，嘆齊多國靚牛，但會因應當時靚牛貨源走入酒店大堂感覺都好舒適，有大樹跟鳥籠擺設轉彎落樓梯就到餐廳，環境都好雅致又寬躺，仲有個大大酒吧位，好多款酒精飲品我哋叫埋任飲紅酒、白酒及意大利汽泡酒，先上汽泡酒及跟上餐前麵包之後就到日式生牛肉他他，用上澳洲牛翼板部位，配埋鮮蛋黃及酸瓜等配料，份量都好多，入口牛肉鮮嫩又充滿蛋香緊接係中式竹笙清雞湯，入口清甜順口，仲有脆餅條跟上之後到炭燒澳洲榖飼黑安格斯上場，先配上紅酒配紅肉黑安格斯牛味濃厚配紅酒真係一流，加上肉質部位嫩腍中帶一點實在，炭燒香加分再來係無煙炭爐自助燒，會有三款牛肉跟上，我當日係「澳洲M9、比利時乾式熟成加利西亞牛、英國牛小排」仲會跟上一盒6款海鹽、燻鹽及岩鹽，令各款炭燒牛味道昇華另外不得不提佢有任食薯條，會配上6款口味秘製醬，包括：「蜂蜜芥末醬﹑美式煙燻蕃茄醬﹑黑松露蛋黃醬﹑是拉差辣醬﹑辣味千島醬及川味蛋黄醬」，薯條炸到香口微脆，中間仲好軟熟，會想追住食㗎結尾仲有青檸雪葩減低油膩感

.牛の廚師發辦🧑🏻‍🍳🎏五道菜牛之廚師發辦 $529/位，另外加＄199仲可以任飲紅白酒同意大利氣泡酒🥂🎏日式生牛肉他他選用優質澳洲牛翼板肉製成配鮮蛋黃餐廳好細心如果唔想食生牛肉就可以同店員講整熟🎏澳洲封門柳沙律牛封門柳超有牛肉味而且份量好多🎏任食薯條有6款醬料：蜂蜜芥末醬、美式煙燻蕃茄醬、黑松露蛋黃醬、是拉差辣酱、辣味千島醬同川味蛋黃醬🎏炭爐自助燒牛肉有3款牛肉分別左韓國 Sirloin、澳洲留Eye Round 同美國Shoulder Chuck仲有六款鹽調味（西班牙黑松露海鹽、夏威夷黑海鹽、挪威煙燻鹽、海鹽、喜馬拉雅山岩鹽同美國蒜頭海鹽）超有心思🎏青檸雪葩食左咁多牛肉最後黎個青檸雪葩好舒服，酸酸甜甜🎏而家經@togetda 預訂享優惠價$499一位，真超抵😍😍🎏🎏🎏🎏🎏🎏🎏🎏🎏🎏🎏🎏陳家廚房 (灣仔)灣仔灣仔道209-210號銅鑼灣利景酒店地庫1樓

銅鑼灣利景酒店最近新推出🥩STEAKINESS • 牛の廚師發辦👨🏻‍🍳 （$529/位），共有五道菜式，完全係為嗜牛者而設，非常吸引。🕢供應時間：每晚6:30pm - 10:00pm(以上價錢需另加一服務費)⋄🥂另加HK$199，仲可以任飲紅白酒及意大利汽泡酒，性價比極高！⋄🐂和牛他他用上新鮮、高品質的優質澳洲牛翼板肉，用刀剁碎，混合香料，最後配上生雞蛋，上碟時伴以花生碎、酸青瓜、香蔥，可按個人喜好加入，一試難忘。⋄🍟無限追加伴碟薯條值得一提嘅係可以無限追加薯條，配6款秘製醬料，包括：蜂蜜芥末醬﹑美式煙燻蕃茄醬﹑黑松露蛋黃醬﹑是拉差辣酱﹑辣味千島醬及川味蛋黄醬，款款各具特色，薯條亦非常香口，令人欲罷不能。⋄🥣竹笙雞湯清澈嘅雞湯，飲得到雞肉原有嘅鮮甜味，甘甜順口，令人回味。⋄🥗澳洲安格斯牛封門柳沙律封門柳係緊貼橫膈膜嘅肌肉，肉質比較實，牛味香濃而突出。⋄🥓無煙炭爐燒肉- 澳洲和牛M9 Rib-Eye- 比利時熟食牛西冷 Striploin- 英國去骨牛小排 Short Rib最特別就係呢款無煙炭爐，客人可以自由控制牛肉的生熟程度，配三至五款海鹽，包括：黑松露海鹽、迷迭香海鹽、烤蒜海鹽及

日式Omakase大家就食得多～～唔知牛肉既Omakase大家又食過未？😏😏今次黎到陳家廚房試佢地新推出既「牛の廚師發辦」🧑🏻‍🍳🧑🏻‍🍳除左可以食到多個國家既牛肉，仲可以任食薯條！愛酒人士仲可以加(+$199) 任飲紅白酒同意大利汽泡酒添🥂🥂-🥩【STEAKINESS】牛の廚師發辦 $529/位✨📍日式生牛肉他他🇯🇵牛肉他他都係第一次試，今次就黎挑戰下💪🏻💪🏻他他選用優質澳洲牛翼板肉製成～～配料有鮮蛋黃同日式伴菜，撈勻後食口感更鮮嫩😋😋食落一d腥味都冇！仲有濃濃既蛋香～～如果唔想食生牛肉，都可以同店員講要整熟架❤️❤️📍餐湯🥣是日餐湯係粟米忌廉湯～～口感好creamy，配餅乾一齊食都唔錯😆😆📍澳洲安格斯牛封門柳沙律🥗牛封門柳已切好5大塊，食落好重牛味，比較有咬口～～火箭菜都好新鮮！一啖肉一啖菜十分正🤣🤣📍無限追加薯條🍟食牛扒點會少得薯條？😏😏呢度薯條可以無限追加！薯條偏幼身，即叫即炸夠香口～～仲有6款秘製醬料可以任蘸，包括蜂蜜芥末醬﹑美式煙燻蕃茄醬﹑黑松露蛋黃醬﹑是拉差辣酱﹑辣味千島醬同川味蛋黄醬～～所有醬料都係由大廚自家調配，味道都唔錯👍🏻👍🏻📍無煙炭爐燒肉🔥跟住就可以燒肉啦！店員會準

經友人介紹之下，知道呢到有特別嘅菜式，講緊嘅係五道菜牛之廚師發辦，另一半係嗜牛人士，自己都係，專食牛嘅Omakase 聽到都覺得好吸引！環境中、西式混合，燈用上西式，但格局擺位同有裝飾又用咗中式，望落去柔和好舒服，加上位置大，坐得好寬鬆。 五道菜牛之廚師發辦 $529/位 話明係廚師發辦，每次都有唔同嘅菜式，而今日就有餐湯、牛肉他他、燒牛肉片、無煙炭爐自助燒牛肉及甜品。至於呢個set係任食任添薯條！另外加$199仲可以任飲五款紅白有氣酒，我哋都加咗😋餐湯 是日有粟米湯，味道清甜唔會太濃稠漿口。任食薯條 除咗任食吸引之外，仲左成六款醬汁比你配薯條，分別有茄汁、蜜糖芥茉、是拉差、松露白汁、辣千島及川味白汁。當中嘅辣千島及川味白汁都比較特別，而且真係幾辣，估唔到配薯條又幾好食。牛肉他他選用韓國牛肉，肥瘦肉皆有，令他他口感豐富，再加上生蛋黃，令肉味更突出，肥肉比例佔多，因此有煙韌質感。由於份量都多，食得多少少較易有膩嘅感覺。 燒牛肉片另一款則選用澳洲封門牛，即橫膈膜部份，相對上脂肪比例少，店員提醒口感比較實同質感相對較粗糙。果然肉質好瘦，帶煙燻味，但實得嚟唔係咬唔斷果種，肉味都突出，前盤後、主