陳勤記鹵鵝飯店 (已結業)

18／3／2013（一）晩六點半，　我同阿媽落銅鑼灣搵嘢食，經過灣仔謝菲道，見到陳勤記鹵水鵝，中式高雅裝修，窗明幾淨，咦！係米芝蓮食肆噃！睇下門口個餐牌，潮洲嘢都幾啱食，價錢唔算貴，於是入去，由於阿媽平時都鐘意入廚，所以出街只點D佢整唔到或麻煩整嘅餸，於是叫左杏汁豬肺湯一客（兩份飲）湯料，杏味十足，招牌鹵水鵝脾一碟，肉質嫩滑鮮味，果然名不虛傳，第三味蠔仔烙，香酥軟，正當我地都讚好，果位唔知廚定待應話「一DD人口味架咋，有D嫌唔夠脆架」我媽打趣話「家鄉鷄咩？！」。仲有一人一碗白粥，埋單三百鬆D。值得一提：我媽心大心細改單三次，侍應依然態度良好，D侍應們都好有舊式香港人情味，今時今日係好難得。下次會黎食蠔仔粥。總結：食物、環境、價錢、服務、地點各一星，共五星。

躋身「米芝蓮」行列的陳勤記，以潮州鹵水鵝聞名，但從來都沒有嘗試。剛巧踫到有團購，立即買下2張，$100可當$200使用，即半價！原本想幫襯上環老店，可惜已滿；改幫襯灣仔分店。之後查看灣仔分店食評，有多個哭臉，有少少擔心；但相信拆自己個招牌。陳勤記位於謝菲道，四週都是餐廳，但是謝菲道在內街，行人也相對較少。星期五晚飯旺巿時段到達，但只有2丶3枱食客，生意真難做。餐廳不太大，大約放下十張枱，所以枱與枱之間的距離𣎴太多。但是客人𣎴太多，所以不太嘈雜，可以慢慢食及𣈱談。餐廳以中式裝修為主，木枱木櫈；本人比較欣賞中式傳統的吊燈，十分優雅。大部分潮州店的都會把花蟹、滷水鵝、大眼雞等潮州食物掛於門口吸引途人，但陳勤記相反地放於店較入的位置，只在門口低調地掛了兩隻滷水鵝。平時去潮州店都食鵝片，但menu中的「陳勤記十大推介名菜」找不到鵝片，只有鵝脾肉。決定試一下！鹵水鵝脾肉$138鵝種方面，陳勤記用以體型較大的獅頭鵝。現在堅持用獅頭鵝的潮州店越來越少，所以雖然價錢唔算特別便宜，但一試無妨。鵝的肉質好，可以見到肉好似係一層層，好有咬感。肉身肥瘦均勻，脂肪略嫌太多，略帶蘇味。鹵水切忌死鹹，陳勤記鹵水汁名不

哈哈... 真係無諗過自己都會上泥留食評, 但今次真係好有興致學人寫下, 因為真係好值得推介一下...尋日星期日, 好開心終於約到班好朋友出去泥行街, 因為銅鑼灣D野野偏貴, 平嘅又無咩好揀, D朋友仔又想 "試 新 野", 一講試新野我已深感不妙, 因為最近試親都中招...我地由CWB行到去灣仔, 因為行左成日街已經好攰, 米諗住是旦搵間野坐底食下野傾下計算, 原本諗住食pizza,點知朋友仔話見到間門面好靚, 食滷水嘅餐廳, 係出面見到又真係好似幾OK, 咁好啦都係想搵個位坐低傾下計者, +上已經好攰, 所以都無諗咁多咁就鐘左入去.一坐底見到個裝修好似好grand咁, 幾驚會係好貴嗰D餐廳, 好在打開餐牌都係正常價錢...呢餐我地一行4個女仔, 佢有下午茶嘅, 但又唔係咁想食飯麵個D, 個時又差唔多5點半, 所以都係散叫當晚飯算, 我地叫左一個蠔仔粥､一個滷水鵝片､一個菜脯蛋白炒飯同一個芋茸鴨一共4樣食品, 原先想要蠔仔餅, 但又未食過芋茸鴨, 米叫左個泥食, 心入面就一直為自己祈禱, 希望唔會太難食啦....D野食上嘅速度唔算係好快, 不過都ok....可能係人多啦, 佢地又唔係

見到陳勤記在灣仔區開分店，和同事一直蠢蠢欲動，希望感受Michelin食肆的威力。4個女仔，嗌左3個滷水鵝飯lunch set（包熱飲），另加一個滷味拼盤。滷水鵝飯：完全食唔到滷水和鵝肉香，鵝肉很“鞋”，唯一可取的是其中一碟飯是鵝脾飯。唔算大碟，男仔可能唔夠食。滷味拼盤：呢個就好食好多，至少有味道。鵝翼、鵝掌都好香。食飯食到一半就嗌餐飲，點知到食完飯都未黎野飲，就叫左個阿姐話仲有3杯餐飲未到。點知遠處個阿姐好大聲咁嗌：得喇得喇，整緊架喇！ 我地其實一D催促既意思都冇，個阿姐竟然以咁既態度對客，原因只有兩個：1）水吧一直做野都慢，好多客人追過野飲；2）阿姐本身脾氣就唔好。點都好，本身對食物已經冇乜好感，加上俾阿姐喝一喝，真係唔會特登再黎了。

小弟是潮州人，以前住德輔道西，也算是吃潮洲巷滷水及果條大的。昨晚朋友回港聚餐，新店，加上灣仔區較方便大家，所以朋友訂了枱一試。同枱9人共有4位潮州人，所以對潮州菜館的餸是有少許要求的。以下簡評，多多指教：1）招牌滷水：掌翼，咸，搶口咸，沒滷水香及骨香，只有咸味。滷鵝肉質還可以，但也沒滷水香味。非常失望，從前自滷水汁去了哪裡？2）四拼盤：炸雙棗，油泡帶子、海浙，還可以，ok 啦。3）（所謂）家鄉煎蠔烙：不知所謂！不用薯粉鴨蛋，不是煎的也沒關係！但也至少不應至這樣吧（相片），蠔仔乾曬縮了，個面像吃炸麵粉一樣，像沒有蛋一樣。劣！4）青瓜烙：餐牌上沒有水瓜烙，只有青瓜烙，算吧，還可以啦（相比起那個所謂烙。）5）石柳雞，味道還可以，但個皮很硬。其他菜（咸肉炒菜、川椒雞、沙嗲牛河），普普通，也算ok啦。6）反而 糖醋麵 及 反沙芋 是最正常。服務及還境是很好的。以前去陳勤記目的只為了吃滷水鵝及其他滷味。但現在的滷汁不好吃，要吃潮州小味，有其他更好的選擇。其實我不喜歡拍攝食物照片，吃前也沒準備寫食評。所以只影低特別差的蠔烙，及只作簡單介紹及感受。

是日落雨，3個同事一齊諗住近近地去公司附近食，呢度新開左冇耐就諗住即管試下。12點半去到唔使等位，坐位都算唔係好迫，但係坐正廚房位置好嘈。3個女子，點左2個蠔仔粥，1個四寶飯，忘記影相。蠔仔粥呢，細碗過屋企個湯碗，我諗D飯加埋都冇半碗，食完之後完全唔覺得有食過野，頂多都係飲左杯蠔仔湯。同事食四寶飯相對飽肚D，但係佢話D米唔好食。蠔仔粥+飲品$45，四寶飯+飲品$48，唔會返轉頭LU。離開後即刻要去附近百佳掃零食，又貴又唔好食仲要唔飽。

已有一段日子冇寫食評, 今日午餐經過見一家新開的店, 分享一下. (是次感覺一般, 所以都唔記得映相)門外放著午餐餐牌, 一個SET LUNCH要$48, 較附近茶餐廳貴. 可能過了午飯時間, 人不多. 入內坐下冇人理會, OK, 唔緊要. 叫佐一輪先有位亞姐應, 點了個SET LUNCH 鹵味雙拼飯加個凍檬茶, 不一會便到, 碟碟頭尚算OK, 鹵豬頸肉和鹵鴨腎味道都OK, 但份量就比較少佐D咁, 唔算好飽. 有點不滿意的係杯凍飲要我追兩次, 仲到我差不多食晒碟飲先到. 一般貨色.可能新開張不久關係, 整門店舖感覺干干淨淨的又夠光猛舒服, 又可以望入到部份廚房, 感覺幾干淨的, 但樓面得三個人, 仲要係未坐滿情況下, 叫幾次先有反應, 感覺好似係新手入行, ORDER 又耐, 連埋單都要等.未試其他菜色, 整體感覺係一般飯店, 收偏高價位午餐.

所有菜式價錢比同類高20~30%, 斬鵝$130椒鹽鮮魷$7X, 價錢高自然有期望, 可惜斬鵝 - 味道一般, 鹵水鵝居然沒有鹵水令人費解, 最令人氣憤是底下的豆腐少得可憐, 只有三數片薄薄的, $130元給多少不值錢的豆腐都不為過吧, 令人覺得欠缺誠意煎蠔餅 - 味道淡蠔少粉多鵝肝 - 是已經鹵好, 口感偏粉, 算是令人比較滿意, 上枱仍然沒有鹵水韮菜鵝紅 - 鵝紅淡而無味, 有少量鹵水川椒雞 - 超級欠缺誠意之作!!! 居然用凍肉鋪賣最平宜只有快餐店一般家庭用的雞脾扒?! 我完全無想過晚市花差不多一百元居然食雪藏雞扒感想是同一價錢有很多中上級潮州菜選擇, 我不會再選這裡就是