陞月小廚 (已結業)

筆者每次行經煙廠街，見到一間名為「陞月小廚」的小菜店，台子總到馬路邊，有不少客人光顧，看似很是熱鬧。多次想一試質素如何，總是緣慳一面。昨晚與大學同學食飯，筆者決心建議到此一試。怎知坐下點菜時，娃娃菜沒有、通菜沒有、西蘭花沒有、鮮魷沒有、連啤酒也沒有。正當想投訴之時，待應說這是餐廳最後一天營業，所以沒有添貨，敬請原諒。呀！第一次光顧，也是最後一次光顧。筆者不知關門的原因，但想信與食物水準無關。無論如何，從待應輕鬆的心情，想信他們已有出路，或許是轉到其他地方經營吧。

這間陞月小廚，正正在我家樓下，每日回家也必定經過這裡。它是真的很多人幫襯的，尤其是夜晚，永遠也坐滿了人，店子外面更什，個個喝著一支兩支啤酒，好不熱鬧。它雖然是小店子，但也有魚缸和很多海鮮，有時也很好奇真定假，也不知是否真的這樣好吃，今天終於來到一試了。原本其實是想吃另一間的，不過它一早已收了門，我們唯有另覓出路。正準備走出大街，眼見這間店子依舊不少客人，就提議不如試試這裡了，反正也想試很久了。大家便一致讚成，入去坐下了。內裡環境真的普通，不過有部大電視呢! 很多時別人也選擇打邊爐，不過我們還是選擇了吃小菜。小菜其實選擇不多，哥哥說因為它的廚房較細，而且價錢也不便宜呢，真的和酒樓不相伯仲，普遍小菜也是要 $50 以上的。而且它看來很標誌海鮮，因為很多菜式也是蝦蝦蟹蟹，不同的海鮮等等，它還有前菜收錢呢。我們叫了三個菜，不過等了真的很久很久，等到肚子都餓扁了，看來它的廚房真的大極有限。先來的是粟米斑塊，這是我很喜歡吃的菜之一，從小時候就喜歡吃了。因為我很喜歡它的粟米汁可以撈飯! 這裡做得不錯呢，魚的外圍炸得脆脆的，不會是很厚的粉漿。魚也有鮮味，一點也不腥，加上粟米汁用來送飯也是非常不錯的。之

周五同朋友去完廣華街睇軍火睇完九點幾肚餓, 見到陞月小廚都有d客,就坐埋去試試.叫左賽螃蟹, 炒鴕鳥肉, 炸墨魚餅同埋炒蜆,另加汽水白飯.先黎炒蜆,味道唔錯,蜆無沙,"不開口蜆"數目唔多,四十幾銀一碟絕對食得過.炒鴕鳥肉味道辣辣地,夠大件大份,送飯都唔錯炸墨魚餅有一定咬頭同埋味道ok,用黎送汽水送飯就差d,用黎送啤酒會比較好.賽螃蟹加左魚肉同埋蝦肉黎炒,令到成個菜食落口好似多d野咬咁. 效果不錯.結果送左兩碗飯.四個送四個飯兩枝汽水兩個人埋單都係250,呢個質素黎講唔錯!因為係夏天,費事打去邊,冬天如果有得打都值得考慮再去打多次邊爐試多d

昨天終於來到陞月小廚, 八時多不是很多人.我地叫了2個小菜1. 金銀旦白菜仔 ($48) - 好小油, 好大碟, 味道好清唔多味精, 非常健康既感覺.2. 琵琶豆腐 ($48) - 大大碟, 有十粒琵琶豆腐, 豆腐入面有臘肉, 魚肉, 及冬菇,唔太咸非常好食. 最得意有臘肉.美中不足是, 外面既食客在抽煙, d煙會飛到入去室內.

因大少打完war game的關係, 所以一行四人去左就近成日有好多人食0既陞月.可能仲早, 晚上7時都未到, 我0地揀外面坐, 而且見到條路口封左, 故好放心坐出面好"風味"咁食飯....大少想揀火鍋0架, 可惜太熱喇~ 小菜吧!咕嚕斑塊- 幾好味, 斑塊都幾新鮮, 外層蠻脆口的~水煮牛肉- 一上檯紅色一片(同好多油, 不過水煮係咁0架啦), 一煲都好多塊牛肉, 又好多芋絲, 第一啖食牛肉..係唔辣的, 不過牛肉好滑好新鮮, 再食芋絲, 祇係比牛肉辣d, 整體合格。胡椒豬肚湯- 都幾大鍋, 有4碗多, lee個湯都幾遲上檯, 飲一啖有少少胡椒味, 即係胡椒未出味(個底係好多胡椒)?? 大致上都好香幾好飲, 豬肚新鮮(一整鍋好多但4個人食了2條而已..), 飲完真係好滾好熱!炒蜆- 豉椒炒得好惹味, 幾足料(多數不是空殼), 清哂~西蘭花炒鮮魷- 鮮魷新鮮好味wo, 可能佢食海鮮ok 0架~ 合格成餐幾滿意, 可能後面條路食到中途重開, 變得幾驚險幾風塵吖~ 下次試下火鍋囉~不過天氣涼d先~ 下次又試多d佢0既海鮮啦, 見到隔離檯叫左好大條魚, 都好似幾正咁~

星期五晚見到佢大排長龍, 原來人人都係等向門口打邊爐.太熱加太多人等, 下次一定會來試試, 再上黎報告.