影片
港铁大埔墟站 A1 出口, 步行约7分钟
继续阅读
电话号码
36124745
61724868
营业时间
今日营业
17:00 - 03:00
星期一至日
17:00 - 03:00
以上资料只供参考，请与餐厅确认详情
食家推介
📍大埔墟运头角里6号美枫大厦地下D号舖｜港铁大埔墟站A1出口步行约7分钟潮州菜，讲求「火喉、功夫、心意」。而【陈记潮味馆】正正系一间将家乡味道、匠人手艺、同一份对食材嘅敬重，全心全意地摆落每一道菜入面嘅地道好馆子。⸻🔶 🥇普宁潮州炸豆腐：外脆内嫩，入口即溶的惊艳之作呢碟炸豆腐真系惊为天人。老板专诚从内地普宁订制地道豆腐，再以潮州手法炸制，炸皮金黄薄脆，豆腐嫩滑到几乎用唇舌就能夹碎，满口豆香渗出，简直系「豆腐界嘅和牛」。咬落去一刻，好似食紧一件豆香爆浆嘅艺术品。⸻🔶 🥢潮州经典三拼：鹅片、半肥瘦猪肉、红肠拼盘一上枱，色香味俱全，香气飘满整张枱。鹅片皮薄肉厚，油脂分布均匀，入口油香四溢；半肥瘦猪肉切得恰到好处，咸香中带胶质感；红肠烟韧微甜，咬落有淡淡酒香，三者一拼，口感层次丰富，好似一场味觉交响乐。再加上花生与芫茜点缀，齿颊留香，极具潮州冷盘神髓。⸻🔶 🐔盐水走地鸡：鸡味回归的经典半只鸡，份量比一般店大上三分。鸡皮黄亮自然，冇经漂白；鸡肉紧实中带嫩滑，咬落去弹牙有汁，真系食得出系真走地鸡。啖啖都系浓郁鸡味，无半点雪藏味，配上葱油或秘制蒜酱，简单但深刻，是广东人心头好。⸻🔶 🍲排骨春菜煲：家乡的记忆，一口煲香满足感春菜味浓，汤底渗满排骨精华，咸香中带微甘。老板解释，原汁原味嘅潮式春菜本应放一晚「发酵」，但香港人怕见黄色菜叶，佢特别调整做法，保留翠绿色泽之余仍保住传统香气。每一啖汤都喝得出细火慢煮与时间嘅恩典。⸻🔶 🌱潮州韭菜粿：香脆四溢，一咬难忘半煎炸手法令每件韭菜粿外层香脆可口，内里则系浓郁韭菜馅，咬落去香气爆发，韭菜味非常立体，唔会「生青」亦唔会「苦」，平衡得刚刚好。每块都煎得金黄微焦，边位带脆感，中间又唔失湿润，非常「邪恶」，令人食完一块仲想再来一块！⸻💬 总结：陈记潮味馆唔系走「浮夸打卡路线」，而系用一碟一味，一匙一煲，细细件嘢去说服你：潮州菜，其实唔需要包装，只要用心、用料、用时间，就足够令人回味。无论你系潮州人、钟意怀旧风味、或只系想揾间有灵魂嘅中菜馆，陈记都系你不能错过嘅一站。💰 价钱合理，份量超值。适合夜晚宵夜、家庭晚饭、或者一班朋友轻松聚餐，边饮边食，边回味家乡。📌 想喺大埔食返啖「有温度」嘅潮州味，陈记真系值得专程一试。
继续阅读
💬细细个真系阿爸带大家去周围揾食，所以大个咗都有少少偏好，住大埔咁大年，其实都应该介绍返多啲大埔嘅餐厅。呢度并不是非常惊艳嘅地方，而只系比较贴地平民同埋够开得夜，宵夜肚饿可以一嘢车返屋企慢慢食，潮州档都系𠮶几味𩠌，好食就可以🦆.———————————————————————————🥢卤水鹅🪿💬讲真话，卤水鹅而家度度都有得卖，唔一定要去打冷店，不过最紧要系要入味同够风味，卤水汁唔好太过咸，同埋有花生🥜豆腐垫底，感就很不错😎.🥢潮州煎蚝饼🦪💬系几大份，亦炸到好酥脆，好抵食，太热气一定要同人分享，蚝🦪仔都几足料😎.🥢豉椒炒蚬💬最钟意食炒蚬，真心觉得系必点常客，唔好炒过火，适当调味就一定掂，最紧要系有无吐晒沙😎.🥢韭菜猪红🐽💬大大粒嘅猪红，同韭菜系一个世纪绝配，双方无可被取代，就系咁简单😎.🥢方鱼肉碎粥💬潮州粥系单尾之选，唔食返碗方鱼粥或者蚝仔粥都唔叫做满足，亦都可能系情意结，有时有啲嘢系戒唔甩😎
继续阅读
星期六晚上8点零嚟到，当时已经全场爆满😮，好彩我地都唔系等左好耐就可以入座。小店传统打冷格局，座位唔多，而且比较迫夹。由于大食嘅我已经好饱😂，食唔落野，所以我地三个人只点左三样野。首先系潮州菜馆必食嘅卤水鹅片$138上枱果阵温度适中，唔会放到冻哂。鹅片肉质比较鞋，不过连皮食真系几有油香，点少少白醋汁更有升华效果。垫底嘅豆腐就太咸。酥炸蚝饼$98其实我想食潮州煎蚝饼多D，因为前一晚已经食过炸蚝饼，但屋企人想食脆身版，所以拣左酥炸款。蚝饼几大份，大概有三大块，蚝仔份量唔算多，但胜在唔会太细粒，亦无腥臭味。面头洒左椒盐粉，基本上唔点鱼露都够味。不过我自己就中意前一晚喺尖沙咀食果间蚝饼多D🙈，口感偏干脆，亦无咁油，同埋蚝仔系呢度嘅1.5倍SIZE。蚝仔肉碎粥$58/碗落柯打之前问职员一碗有几多，佢话大概分到两个碗仔左右。正合我地心意，因为我唔会食🤓点知实际原来可以分到六碗仔😯我地怀疑职员有心报细数，想我地三个人叫一锅🙈个粥食落几有方鱼、芫茜香；蚝仔大概十粒内；比起广东煲到绵嘅粥，我个人偏好呢款食到饭粒嘅粥。最后仲叫左罐可乐$12，埋单$306。
继续阅读
爸妈日常晚饭，最衰都系饥落亭不设订坐，个个都要系门口罚企焗汗，细妹突然早到半个钟，成廿几三十个食客围住门口等位，我未到就放弃唔等，激鬼死﹗虽然预料之内，但一样火滚﹗那么平凡但劲多食客等位，要等十几二十个号码，梗系唔等转场啦！应该因为禾𪨶个躲太猛，大家都慕名已来，试过您就知。走到广福道想试广东人，竟然几个月就执左笠。截返公园仔一带，生煎包满座又要等，东兴都满座又要等，见陈记有位？是鬼但照食，行到身水身汗了。潮州冻蟹，当我饮醉酒？定系见我童颜以为我系小朋友？两只蟹仔收$250蚊，大妈仲话大平卖益我添。只蟹仔奀滋滋，顶晒每只$80蚊竟然收贵我一旧水，两只蟹仔比四樽醋我仲乜？念住25蚊樽刚好$100蚊抵数？食完仲有三樽醋剩。蟹肉干干微暖无鲜甜味且淡茂茂，酸醋又水又淡不酸不甜，蟹膏甘香还可以。大围生昌同等份量冻蟹都只系百多元，仲要鲜甜无比啖啖肉。师傅斩蟹全程黑面粒声唔出，完全唔理收几钱，大妈冲口而出$250蚊两只大平卖。虾酱鲜鱿炒通菜，突然好想食鲜鱿，鲜鱿都系配虾酱最夹，如果配腐乳好似怪怪的。喷住烟带著镬气送上，爽脆弹弹的鲜鱿。爽嫩多汁的水通，浓郁神秘的虾酱，混得开心愉快。让大注大注的水通卷著鲜鱿挂上虾酱汁齐齐赵，百盘味道拥现，好味道啊﹗全晚最赞的一道小菜。豉椒炒蚬，每次都会做足心理准备才落单，今次都不例外。无期望就无失望，抱著搏一搏的心态﹗静静的飘到，无声无色的演绎，微暖的芡汁，微暖的蚬肉，明显早已汆水备用，兜个豉椒汁就可以迅速出货，什么味道也没有﹗无蚬味无鲜甜味无海水味，就连豉椒味都微弱的出奇，无辣味无彩椒甜味，只有少少豆豉咸味，不吃也罢﹗菠萝生炒骨，极速出场，只需 1 分钟，坚系劲㖞﹗微暖无镬气，雪死左的炸排骨程深啡色，干争争的柴皮，赵落一丝丝地剥落。咕噜汁浊而不鲜，少少酸散发阴沉的甜味，食一旧放弃﹗红椒青椒还是冻的，食一片再放弃﹗蚝仔肉碎粥一碗，意想不到炸蒜的无比功效﹗更香更甜更可口，粥底超级鲜甜不腥不嗅，大量肥美鲜甜蚝仔，新鲜度不容置疑﹗混上肉碎米饭汤汁灌入口，无得弹无位扣分。辣油煮花螺，不是劲腍螺肉，是我最爱的鲜嫩弹牙多汁﹗香辣兼备，酒味香醇芬芳，食到损晒手指。豉油皇炒海虾，豉油味香口无穷，蒜香美味但特浓劲咸，虾肉霉腍没半点弹力。毛血王，鲜笋爽脆无渣轻甜，莴笋清甜带爽，猪红异常入味，香辣可口一咬爆汁非常畅快﹗牛肚丝劲幼软腍轻索辣汁，大豆芽多汁爽脆搭埋木耳及红薯粉，麻辣双晖映，色香味俱全无得顶﹗晶莹剔透红薯粉，弹滑咽韧口感一流，辣味出众夹杂所有爽脆配菜齐齐食，百花齐放，色彩缤纷﹗卤水掌翼，大大只滑嘟嘟兼啖啖肉，清香不浊不过咸，滚上酸醋非常清新开胃。韮菜猪红，打冷店大多出品都是微暖或室温，居然热腾腾的登场，非赞不可﹗弹滑喷汁热辣辣，浸得入味滚埋辣油追住食，还有爽脆清甜韮菜点缀点缀，成件事更加精神爽利﹗蚬蚧炸鲮鱼球，外观已感到少少异样，表面光滑有著淡淡的颜色。新鲜炸起够晒热，质感空荡荡松散腍劈劈，水份太多不胶不弹不香口，鱼味微弱少许腥味。蚬蚧水汪汪淡茂茂，就算整粒掉去浸都挂不上来，激死我﹗蚬肉碎碎奀滋滋，得几粒仔，好过无。蚝仔肉碎粥一锅，老板我都话走葱咯，转头又唔记得。我本打算唔食，因为真系好饱，但老板感到不好意思，诚意拳拳要煮过碗走葱，好啦好啦，感激不尽。虽然老板亲手做，但比我早前食过的有著天渊之别。浓郁香醇靓汤底没有了，鲜味肥嘟嘟蚝仔没有了，咽韧清甜肉松都没有了。潮州煎蚝饼，蚝仔洗得不彻底不细心，食到满口蚝壳碎﹗炒蛋加花生碎怪怪的完全食不惯，正常的蚝仔炒蛋好食万倍。椒盐有膏濑尿虾皇，紧致的濑尿虾肉滴著鲜甜肉汁嫩滑弹牙夹著甘香黏硬虾膏，加埋惹味椒盐炸得脆脆，食到停不下来﹗上汤焗澳洲花龙，五星级主厨可以媲美海鲜酒家，爽弹鲜甜龙虾球，大大旧啖啖肉，轻轻上汤虾膏芡提鲜不会盖过龙虾味，有画龙点睛之效﹗美味奢华拍烂手掌。姜葱炒膏蟹，爆得姜葱极香喷喷，连平时讨厌葱的我都要一束一束葱段沾蟹汁享用，爽甜可口全部消灭。即㓥活膏蟹新鲜度爆灯﹗蟹身肉一梳梳无比鲜甜，拑肉结实爽弹无比，蟹汁飞射，橙黄色金光闪闪硬蟹膏填满蟹盖，甘甜香口无得顶﹗使得我默不作声全神贯注地细味。果皮蒸九孔鲍鱼，足足四吋长巨鲍，聚手有份量，嫩嫩弹弹鲍味鲜甜，混著果皮淡豉油更加精彩﹗盐焗乌头，除大围生昌外，第二间潮州店遇上黄油乌头﹗目标锁定物以罕为贵我当然唔会客气，民以食为天，立即行动﹗卵巢半透明状甘甜嫩滑，下一步鱼扣即鱼肾劲鲜爽甜，继而到鱼肚滑滑胶胶滚埋天然黄油添味可口极致，最后才处理大大旧啖啖肉结实背肉﹗柠味清新、鱼肉味浓、鱼油味甜、散发盐香、难得满分。啫啫生菜煲，肉松蚝油，简单便是美，爽嫩满意。鱼香茄子煲，不是软绵绵茄子，走爽口多汁路线，咸鱼香微辣就算唔捞饭净食都可以。咸菜猪肚汤，芫茜葱花我顶唔住﹗唯有只食猪肚唔饮汤。蒜蓉粉丝蒸蛏子，本想要 4 只，但婶婶话唔系段只计架，要一份份计的。我即时已意识到唔系蛏子皇，必定细细只。差不多最后一道菜才热腾腾到来，何解那么耐啊？第一时间将蛏子肉夹住蒜蓉整旧掉入口，我秒速面色一沉，搞错呀﹗蒸到三十成熟超胶韧，干争争的橡皮，仲夹杂少少砂石。老人家赵唔到，老妈投降，老爸免强食到，我就硬食呑落肚算数﹗特价 $130 蚊 10 只好抵好平亦好伏。在滴汗中完成，极品难食的蛏子﹗粉丝完全吸收蒜蓉豉油蛏子汁，当然比蛏子肉好食得多。
继续阅读
位于大埔的陈记潮味馆是一家值得一试的中菜餐厅。餐厅的氛围非常有地道街坊风味，舒适写意，令人感觉非常放松。餐厅有户外座位，可以让客人在享用美食的同时欣赏到大埔的风景。此外，餐厅提供多种传统中菜选择，包括热门的点心和炖汤，价格也非常实惠，让人感到物超所值。此外，餐厅附近有许多居民区，晚上时还有不少居民前来饮啤酒，增添了一份热闹氛围。总体而言，陈记潮味馆是一家值得推荐的中菜餐厅，提供优秀的食物、舒适的环境和良好的服务。如果你在大埔附近寻找一家地道的餐厅，这里绝对值得一试试。
继续阅读
您可能会有兴趣的...