陳儀興飯店 (崇齡街)

营业中

休息中

🪿新蒲崗潮州菜的老字號 - 陳儀興飯店🌟主打潮州菜式, 打冷, 滷水鵝📍位於新蒲崗廣場正對面🪟玻璃櫥窗掛滿滷水食品, 價錢親民💰🔸滷水鵝肉飯🪿  $58  6/10是日例湯︳+$10 油菜︳+$8飲品鵝片滷得入味, 又唔會過鹹肉質帶油香, 骨的比例佔多🦴🔸招牌鵝三寶飯  $108  6/10是日例湯︳+$10 油菜︳+$8飲品🪿三寶: 鵝肉, 鵝腸, 鵝肝鵝肉肥瘦適中, 鵝腸爽脆😉鵝肝軟嫩唔腥, 伴有椰菜絲及花生🥜🔸無糖可樂

今次嚟都對佢有期望，本身見佢係老字號同埋有幾間分店，所以諗住放假嚟試一試。👍🏻：今次都有叫到佢嘅蠔餅，佢嘅蠔餅值得一讚，蠔餅炸得好酥脆，啲蠔仔都好新鮮。另外，佢嘅蠔仔粥雖然調味並唔係話做得十分出色，但係勝在佢啲蠔仔夠新鮮。😕：佢嘅鵝片可以話係不過不失，正常水準。😨：佢個避風塘炒蜆出晒事，佢個避風塘好重老乾媽隻味，以我嘅認知避風塘應該係唔會出現嗰一隻味😂。佢成碟嘢都好鹹，飲啤酒都應該食唔晒佢成碟。佢個沙拉骨味道都麻麻地。總結：如果咁啱經過，又唔係咁多人要等位可以入去試一試。特登過嚟食就不必。（ps: 可以唔使叫佢啲小炒）建議餐廳如果小炒並唔係你哋嘅強項，其實可以唔使勉強寫入個餐牌入邊

呢期思鄉情重，所以都係特別想食潮州菜，今晚過嚟食吓呢個潮州菜嘅老字號。呢度確實係比較傳統，個環境好似大排檔咁，啲職員都唔會特別親切友善，仲有啲惡添。但係好在啲食物都真係幾好食。坐低點少得食個滷水鵝片，鵝片都幾大塊，份量都唔錯㗎，不過個滷水汁都幾鹹，所以叫埋碗白粥一齊食就very good。另外我哋叫咗個韭菜豬紅，一上嚟個份量都係嚇死人。嚿嚿豬紅都勁大嚿，完全鋪滿咗個碗，啲豬紅都好夠鹹，不過如果可以再多少少辣味咁就完美。個底都有好多韭菜嘅，呢碗韭菜豬紅真係大件夾抵食。另外叫咗個椒鹽鱔片，第一次咁樣食鱔片，佢切到細細舊冇乜骨係唔錯㗎。啲炸粉都唔會太厚，但係如果椒鹽可以多小小，味道再濃啲咁就好啦。跟住仲叫咗個鐵板通菜，普通菜就好夠鹹都好夠味，鐵板上，吱吱都幾有特色㗎。甜品方面，叫咗個脆皮落湯錢，不過呢一個甜品真係要趁熱食，如果叫嘅話一定要食飽晒先好叫或者記得要叫職員後上。如果唔係就食唔到佢軟軟糯糯嘅口感只係硬掘掘嘅一舊粉團。

應該都唔少人都食呢間食左好多年了呢度既生醃螄蚶、瀨尿蝦、蟹都係無得頂唔係度度食到而出名既仲有蠔餅其他滷水拼盤都夠大碟今次想介紹既係呢個甜品外脆內軟盡量要連埋花生糖碎一啖吃好食都停唔到除左呢樣仲有個芋泥如果夜左想揾地方食野呢間真係可以係首選

講到潮州菜應該都冇人唔識＜陳儀興＞，呢間可以屹立超過半世紀既潮州菜館，出品一定有保證🦆滷水鵝片每次去打冷一定會叫，鵝片滷得啱啱好，肉質嫩滑，最重要係滷得夠入味🐟椒鹽鱔球鱔球炸得金黃香脆，口感彈牙，椒鹽調味恰到好處，鹹香惹味，送酒一流🦐美極蝦蝦肉爽口彈牙，鹹香惹味既醬汁之中仲食到金不換既香味，好適合送飯🫓脆皮落湯錢將湯丸煎到外層脆卜卜，裡面仲保持到煙韌之餘仲食到糯米既米香味，點埋帶甜味既黃豆粉更加有風味，唯一缺點就係好飽肚～

去開陳興興打邊爐、得悉佢地附近有間係食潮州打冷，開左60年老店，所以黎開新蒲崗就試下佢。平日夜晚都大排長龍， 果然係人氣食店，等左半個鐘左右可以食啦👍🏻滷水拼盤 拼盤有齊多種滷味，生腸，豬腸，墨魚片，豬耳，紅腸，豆腐..…材料超豐富。每一款滷水都非常入味，特別係滷蛋同豆腐，吸收左滷汁精華，口感滑嫩。椒鹽鱔球 鱔球外酥內嫩，椒鹽既調味恰到好處，帶有微微既辛辣，讓人胃口大開。搭配炸蒜粒同香菜增添香氣，令人回味無窮。古法砵仔魚腸 呢道菜唔係好多地方有得食，係用一碗砵仔煲端上來，蛋面焗得好脆，入口好香蛋味，魚腸肥美甘香，非常出色，帶有古法經典滋味。美極鴨舌 鴨舌的肉質鮮嫩，美極醬調味讓整體味道更上一層樓，令人食唔停口。蠔仔肉碎浸時蔬點都要食個菜,叫左個清淡少少既上湯浸生菜，配合蠔仔同肉碎好鮮味，大大碟， 岩哂去膩。

陳儀興飯店位於新蒲崗崇齡街，環境溫馨舒適，是享受美食的理想之地。餐廳主打小炒菜式、川式小菜及鹵水打冷，菜式頗多選擇。椒鹽白鱔，外皮酥脆，內肉鮮嫩，椒鹽的香氣與白鱔的鮮美完美結合，成為啤酒的絕佳伴侶。豬耳拼生腸，鹵水香濃，豬耳爽脆，生腸軟滑，兩者搭配，口感層次豐富，令人一試難忘。荷芹鹹肉，荷蘭豆清脆，鹹腩肉香醇入味，𥚃面還有秀珍姑及芫荽蔥……等，荷芹的清新與鹹肉的鹹香相互交織，味道清新。脆皮落湯錢，甜而不膩，兩面煎至金黃，表皮香脆，食落內里軟糯，有非常多的花生碎與糖，兩者的結合，增添了無窮的風味。白粥，簡潔純粹，口感柔滑，清淡宜人，適合任何時刻。

位處新蒲崗中心點的陳儀興飯店，平日晚飯時段竟然全院滿座，果然只要性價比較高，香港餐廳還是可以很旺場當然不能講漏 他們的服務也是中菜中極佳之選滷水鵝件 $128.0大大碟！鵝🦢𩨨巨大而且厚實，鵝皮肥美甘香，$128鵝肉極多，堪稱極便宜鍋氣小炒皇 $105.0加入大量花生，腰果，魷魚乾，蝦乾跟菜甫同炒，入口爽脆無比！油香滿滿！焗魚腸$80.0口感格外爽脆，原來在蛋以外還加入了油炸鬼同煮，外脆內軟水嫩但卻不貴！$80營養豐富！脆皮落湯錢$98.0基本上就是糖不甩，麻糬卻是煎得甘香爽脆，大量花生🥜碎甜美而不膩，份量相當大，八大塊超滿足！蒜香骨$98.0把排骨切成細塊，加入蒜頭同炒，惹味！薏米水$40.0下火清熱，倒也不錯陳儀興飯店 (崇齡街) (新蒲崗)新蒲崗崇齡街40號地舖#陳儀興飯店 #新蒲崗#潮州菜#魚腸#性價比

椒鹽鱔球這道椒鹽鱔球外脆內嫩，香氣四溢。鱔魚的鮮甜與椒鹽的香脆搭配得宜，炸得好酥脆。滷水拼盤滷水拼盤中的滷水鵝肉和滷水鵝肝都非常出色。鵝肉醃製得恰到好處，肉質滑嫩，；而鵝肝則更加入口即化，有驚喜。美極焗鴨舌這道菜的鴨舌焗得非常入味，醬料的濃郁與鴨舌的鮮美十足。蒜蓉蒸蟶子皇蒜蓉的香氣與蟶子的鮮甜完美結合，火候掌握得當，蟶子肉質鮮嫩鮮甜。沙嗲炒花甲花甲的鮮味被沙嗲醬的香濃所包裹，炒至剛好的時候，帶有微微的辣味。脆皮落湯錢最後來到脆皮落湯錢的甜品，這道菜的脆皮外層，煙靭嘅內餡。如果你是潮州菜愛好者這家餐廳絕對值得一試！

📍 陳儀興飯店🌍新蒲崗崇齡街40號地舖 G/F, 40 Shung Ling Street, San Po Kong📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝區內老字號，價錢親民，好多老街坊熟客光顧。平時唔太食甜品嘅我，要介紹咗呢款潮州傳統小食先，超好食，非常罕見！▸ 落湯錢◂＄９８✿ 糯米團煎到兩面脆身唔痴牙，沾上花生及芝麻粉食落唔完全唔油笠而且香口， 口感香糯韌滑。▸鹵水鵝肝 ◂＄１８８✿ 鵝肝挑走晒筋，幼滑甘香、口感粉綿，鵝肝吸足鹵汁，鹵水汁唔會過於硬實和濃鹹，超愛～好鍾意食白鱔，長輩怕熱氣就叫哂２味~▸椒鹽鱔球◂＄１８８✿ 鱔球又大件，份量又多，椒鹽又足，香口惹味，外衣又薄身，金黃酥脆，食落啖啖肉，真心推介！▸果皮蒸大白鱔◂＄１３８✿ 白鱔柔嫩帶陳皮清香，白鱔加左太白粉增黏滑更索味，加埋獨家調製嘅甜豉油，長輩最愛！▸潮州蠔仔粥 ◂＄６５✿ 粥大量蠔仔同肉碎，粥水鮮味十足，仲有菜甫增加口感～▸魚湯浸大蜆◂＄９８✿ 叫咗個湯整湯飯，加埋潮州辣椒醬，超好食，大家要試下~

由於朋友喺外國返嚟，想帶佢去食啲比較傳統嘅潮州菜，今日去咗位於新蒲崗嘅陳儀興菜館呢間係佢哋集團嘅第一間舖頭，喺香港都有好耐歷史，主打唔同嘅打冷同埋古法潮州菜🥹🥹荷包蟮如果唔嚟呢啲傳統嘅潮州菜館真係唔知乜嘢嚟，原來係鱔全部去骨包喺荷葉裏面，同埋湯一齊煮❤️我諗唔食鱔嘅朋友都係因為多骨，呢度菜就啱晒你，完全冇骨，口感滑嫩，肉質鮮美。椒鹽鱔球外脆內嫩，炸至金黃酥脆，鱔球的鮮味和椒鹽的香氣完美結合。每一口都帶有微微的辣味，令人食指大動古法焗魚腸焗得剛好，外皮微脆，內部卻保持著豐富的肉汁。而且魚腸嘅份量非常之多！搭配的調味料增添了風味，正🪷剁椒蒸魚雲鮮香撲鼻，魚雲保持了鮮嫩的口感，剁椒的辣味讓整道菜增添了刺激感。蒸煮的過程中，魚雲吸收了剁椒的香味，比較驚喜嘅係下邊有粉絲吸收咗所有嘅香味☝️☝️魚香茄子黃鱔煲茄子吸收了黃鱔的鮮味，口感滑順。魚香醬汁的酸甜味與茄子的清香相互交融，而且黃鱔嚟講呢個係我食過最厚肉的💪💪💪欖菜肉鬆四季豆送飯之選，欖菜肉鬆四季豆，四季豆的脆口感與肉鬆的香氣形成絕妙的搭配，欖菜的鹹香味道更是提升了整體的風味

.講起新蒲崗嘅打冷店所有街坊都一定識呢間陳儀興飯店據知已經開咗好多年😎喺區內都好出名👏🏿 .🌟滷水鵝腸份量十足滷水調味啱啱好唔會太鹹將鵝腸嘅鮮香爽口推上更高層次 😌.🌟紅燒大魚雲🐠熱辣滾燙呀♨️見唔見到啲煙呀 魚肉加豆腐再加野菌當然唔少得薑蔥非常嫩滑入味🤤🤤.🌟 椒鹽鱔球熱辣辣炸起🔥 外面酥脆裏面軟滑而且冇乜骨好惹味.🌟蒜蓉粉絲蒸中蝦🦐 新鮮嘅中蝦特別甜每條都食到蝦膏加埋蒜蓉粉絲特別好味.🌟蠔仔粥 🍚 估唔到咁大碗而且好多蠔仔，粒粒蠔都脹卜卜又煮得啱啱好保留到蠔嘅鮮味👍🏿.🌟脆皮落湯錢係潮汕獨特小食係用糯米做嘅 味道甘甘甜甜👅 有啲似糖不甩.Menu仲有好多嘢食呀花多眼亂冇茶介又冇加一🥰🥰性價比好高！

陳儀興飯店係食潮州菜嘅好地方，每一次想食打冷，第一時間就會諗起總店呢度，總店位於新蒲崗崇齡街，每晚依然人來人往，一大班朋友嚟聚會又有，家庭客又有食得潮州菜點少得**潮州炸蠔餅**，呢度嘅炸蠔餅蠔肉超級多，淡淡都係蠔肉，蠔肉鮮甜，好肥美，蛋香味濃，煎得十分香脆，沒有油膩的感覺，送飯一流另外仲叫咗招牌蒜香骨，好香濃，而且炸漿唔厚，蒜香味濃，啖啖肉！叫咗兩個主食，所以想清淡啲叫個菜，所以叫咗個先鮮魚湯浸蜆，係食蜆之前先飲魚湯，魚湯好鮮甜，蜆肉亦因為浸住魚湯，所以特別入味，大人小朋友都好鍾意呢一味菜總括嚟講，呢間餐廳嘅價錢性價比高，而且係多年老店，水準高，鍾意食潮州菜嘅要去試下

我發覺其實我頗喜愛潮州菜! 要清淡有清淡, 要濃厚有濃厚! 是日來到傳統舊式潮州菜館, 舊式意思是指玻璃櫥窗掛滿很多滷水系列食品, 甫進門便看到潮式打冷小菜那種! 先看再點, 價錢親民貼地! 滷水鵝片加鵝腸 ~ 鵝片皮薄肉嫩, 鵝油豐腴, 滷汁不會過咸! 薄薄的一片鵝肉, 完全沒羶味, 鵝肉鮮香,温醇誘人! 鵝腸爽脆沒異味! 椒鹽鱔球 ~ 是新鮮的味道! 只有新鮮的鱔才有這樣爽脆口感, 配上椒鹽味道, 越食越上癮, 是啤酒的良配!潮州春菜 ~ 食潮州菜, 除了滷水鵝之外, 必點定有春菜煲! 腩肉咸香, 與春菜同熌煮, 湯味清爽回甘, 滋味無窮!魚湯浸大蜆 ~ 奶白色的濃厚魚湯、鮮甜的蜆、幼滑粉絲…這味道舒服又溫和!蠔仔粥 ~ 這是蠔還是蠔仔? 這麼厚肉又大大粒, 鮮甜又沒腥味! …米米粒粒開花, 粒粒分明! 再加上肉碎, 飽肚又滿足!脆皮落湯錢 ~ 看著像昇華版的糖不甩, 以糯米粉團制成, 煎至兩邊金黃香脆, 裹上花生、黑糖等, 口感軟糯有粘性但又不失脆口, 味道甜絲絲, 花生味濃, 大滿足! 

收工之後入新蒲崗食打冷，去到差唔多八九點仲好多人！餐廳裏面係有啲迫嘅，唔夠人數可能要搭枱。佢個魚腸焗蛋，食起上嚟唔腥，有蛋同魚嘅甜味，同埋喺出邊好難食到。蠔餅嘅蠔係夠大隻，餅係炸脆既。滷水都夠入味，蒸白鱔係不過不失，略嫌細舊。有個糯米大腸，食落口係硬身嘅，煎香左糯米兩面，唔係好識欣賞。啫啫魚泡，本身諗住有魚泡好開心，點知魚泡嘅份量真係太少，好失望。但最後買單總括嚟講性價比都係比高嘅，就唔好咁多要求🫠如果要食嘅話推介魚腸焗蛋同煎蠔餅☝🏻