影片
港铁启德站B出口, 步行约15分钟
继续阅读
电话号码
35831123
开饭介绍
除了中式小菜外，餐厅亦提供各式口味的鸡煲，如椰子鸡、重厦鸡及花雕醉鸡锅等。
继续阅读
营业时间
今日营业
17:00 - 23:00
星期一至六
07:00 - 22:30
星期日
17:00 - 23:00
以上资料只供参考，请与餐厅确认详情
相关文章
寻晚同朋友去咗陈仪兴玫瑰火锅打边炉，试咗佢哋新出嘅「花雕药膳乳鸽锅」，真系好惊喜！一坐低就闻到阵阵花雕酒香，个汤底用咗花雕酒同埋多种药材去熬，饮落好顺喉，带少少甜味，仲有啲药材嘅香气，好滋补嘅感觉，饮完个身暖笠笠，好舒服！乳鸽系呢个锅嘅灵魂，肉质好嫩滑，浸咗汤之后更加入味，咬落去啲肉汁爆出嚟，同个汤底嘅香味好夹，食到停唔到口！火锅配料方面，手切肥牛系必点！油脂分布得好靓，渌两渌就食得，入口即化，牛味好浓，水鱿鱼好新鲜，食落好弹牙，点少少辣椒豉油已经好够味。响铃炸得好脆，吸咗汤汁之后更加好食，贡丸弹牙又多汁，食落好满足。特别要提吓佢哋嘅特色饺子，菠菜饺同芥末西芹饺都好有惊喜！菠菜饺皮薄馅多，菜嘅清香好突出，而芥末西芹饺就有少少辣辣哋，好开胃，食落好过瘾！茼蒿同竹笙系我打边炉最爱嘅配料，茼蒿嘅清香可以平衡返个汤底嘅浓郁，竹笙吸晒汤汁嘅精华，食落爽脆又入味，真系冇得输！总括嚟讲，陈仪兴玫瑰火锅嘅「花雕药膳乳鸽锅」真系好出色，汤底香浓又滋补，乳鸽嫩滑，配料又多选择，食到好满足，呢个花雕药膳乳鸽锅绝对值得一试！
继续阅读
冬天真系要食返个暖笠笠嘅锅物，呢晚揾咗间港式火锅店，发现呢间餐厅都几大件夹抵食㗎㖞😎枝竹羊腩煲呢个锅底真系劲足料，羊腩有齐肥同瘦两款供应，劲啱我同朋友🐑 羊肉唔算太膻，点埋腐乳都几夹。其他配料有爽口嘅马蹄、够晒入味嘅冬菇同枝竹。仲另外有一份生菜🥬招牌手切肥牛有分两款size，我同朋友两人想食多啲其他野，所以只系嗌咗份细嘅。份量都够晒我地呢啲牛魔王🤪 雪花劲靓，牛味香浓，轻灼几秒就食得🥰 五花腩肉肥瘦嘅层次分明，唔会过份肥腻🐷 猪皮嘅部份仲带点爽弹，几钟意佢仲有少量猪软骨。自家手包韭菜饺呢个系必嗌之选，每粒韭菜饺都好大只，外皮唔会好厚，入面嘅韭菜同猪肉嘅比例刚好，每只都涨卜卜🥟弹牙鱼皮饺鱼皮饺几有口感，一份有八只，都系餐厅推介嘅菜式🐟潮州手打牛丸牛丸咬开仲有劲多肉汁，牛香十足，我同朋友都好钟意呢碟🐮 粒粒章鱼丸并香菇贡丸丸类可以双并，粒粒章鱼丸食落口弹牙，仲食到入面有少量章鱼粒🐙 香菇贡丸口感实净，另外有啲冬菇粒喺面，增加咗唔少菇嘅香味。水鱿鱼水鱿份量都几多，食落口好爽口🦑日本乌冬打边炉嘅结尾加咗份弹牙嘅乌冬，令呢餐更加温饱🍜呢餐真系食得好饱，特别钟意佢嘅羊腩煲十分真材实料。餐厅午市都有火锅供应，全日不收酱汁、茶芥及加一费，好抵食，如果一大班朋友嚟食就啱晒啦🥰
继续阅读
陈仪兴玫瑰火锅位于新蒲岗，环境舒适，适合与朋友聚餐。最近有些烦心事，无意中来到这间火锅店，瞬间觉得轻松不少！呢间火锅店我已经食过一次，唔使加一、唔使茶芥、唔使酱油费，好抵食，而且性价比高！☺️1️⃣ 花雕药膳乳鸽锅（半只） $168:汤底香浓，满满胶原蛋白，乳鸽肉嫩，让我这个不吃乳鸽的人都很满足。🍲2️⃣ 招牌手切肥牛（细）$228: 肉质滑嫩，入锅一滚，超级入味，必点！🥩3️⃣ 手打鱼面$48:低碳选择，鱼面弹牙又美味，适合怕碳水的朋友。🍜4️⃣ 云吞（鱼皮饺）$63: 大粒云吞，虾肉鲜美，实在美味！🦐5️⃣ 猪肚$68: 汤底入味，猪肚超级入味，绝对不容错过！😋6️⃣ 鸡件（水鱿鱼）$67: 鸡件嫩滑，水鱿鱼爽口，食后满足。🐔餐厅有圆桌和卡位，让人可以轻松用餐聊天，时间过得飞快！🙌
继续阅读
平时经过新蒲岗都成日见到呢一间餐厅，今日终于扚起决心睇吓！见到佢哋晚市有得打边炉，仲有多款唔同嘅汤底选择，睇落款款都真材实料，所以就决定入去试吓！一入到去我哋就叫咗个小食——椒盐九肚鱼🐟$88，九肚鱼肉质非常滑，酥脆好味！汤底真系有非常多嘅选择，令人花多眼乱，最后我哋就拣咗花雕药膳乳鸽锅 🐦 $168，呢个汤底足足用咗两只乳鸽去煲，店员建议我哋等汤滚起咗之后可以先饮一碗，有滋补养生、益气养血嘅功效！药材味真系几浓郁，冬天饮真系非常暖胃！另外火锅配料方面，我哋就叫咗招牌手切肥牛(细)🥩$228、自家手包韭菜饺 拼 自家鲜虾云吞🥟$63、潮州白鱼片🐠 $57、野生竹笙$62、皇帝菜🥬$38、胜瓜🥒$26，其中佢哋嘅手切肥牛牛味好重，韭菜饺同埋鲜虾云吞每一粒都非常大粒同饱满，好值得大家叫嚟试吓！买单𠮶阵发现，原来呢度唔收酱汁、茶芥、加一费，香港真系好少见！总括嚟讲，呢间舖头亲民贴地，店员好Nice好帮手，价钱亦都好合理，而且佢哋嘅汤底真系真材实料，感觉上健康好多！
继续阅读
黄金甲系佢地既其中一个火锅汤底(要提早预订) 落火锅料之前，侍应会叫你一定要先饮个汤，因为个汤系满满既海鲜精华，我一开始就饮左两碗🤪👍🏻饮完汤就可以食蟹🦀同埋落火锅料🌽🥩🥓🧇----------------以下是推荐小食👍🏻👍🏻👇🏻🧚🏻玫瑰金砖这个真的每次黎都必吃! 外脆内软既炸豆腐，仲系热辣辣，点醋一流，记得趁热食!🧚🏻椒盐百花大肠都系点醋一流! 好香口👍🏻👍🏻👍🏻👍🏻一围台每人夹一夹好快俾人清哂! 🤣----------------以下是推荐火锅配料👍🏻👍🏻👇🏻🧚🏻海虾 (超大只同埋好新鲜)🧚🏻蟹籽墨鱼滑🧚🏻手切牛同埋安格斯 (吃火锅一定要点肥牛🥩呢间既牛肉好高质👀👍🏻)🧚🏻黑柏叶🧚🏻韭菜饺 (皮薄馅多👍🏻超推)海鲜浓汤黄金甲重庆鸡煲玫瑰金砖午餐肉最后埋单
继续阅读