190
51
42
港铁中环站 D2 出口, 步行约3分钟 继续阅读
电话号码
25235464
开饭介绍
陆羽茶室於1933年首先在永吉街开业,至上世纪七十年代搬往现址士丹利街;供应茶盅焗茶,以酸枝椅和字画作装饰,较有典雅有气派,充满怀旧味道,茶室提供多款别具特色的中式点心,部份更是坊间少见的。 继续阅读
奖项殊荣
最优秀开饭广东菜馆 (2012)
特色
同客食饭
适合大伙人
营业时间
今日营业
07:00 - 22:00
星期一至日
07:00 - 22:00
付款方式
Visa Master 现金 银联 JCB
座位数目
400
其他资料
酒精饮料
自带酒水
切蛋糕费
包厢
泊车
电话订座 详细介绍
加一服务费
食记 (316)
等级4 2020-06-29
3743 浏览
来陆羽茶室吃晚饭,跟熟客来的好处就是,朋友菜单都不用看,便可以把硬菜全部叫齐。【烧云腿鸽片】这里的云腿片切厚片,入口之初微微甜,之後咸香溢出,鸽肉去骨和蘑菇炒,没有太多花哨,尽显食材原本的味道。【炖杏汁白肺汤】猪肺处理的非常棒,爽滑,完全没有腥气,杏汁又浓又香,原水炖汤,没有加半点调味,连喝两大碗。【虾多士】即叫即炸,面包炸的松脆可口,原只大虾肉质鲜嫩,再配上自制酸甜酱,酸甜解油炸腻,太好吃了。【菠萝咕噜肉】本来就爱吃咕噜肉,这里的每块肉肥瘦刚好,炸的十分脆,每一块都包裹着很均匀的咕噜汁,加灯笼椒和鲜菠萝,画龙点睛。 【炸酱捞面】一直对粤式捞面兴趣不大,但这道也是赞不绝口。粗面用葱油水过,肉酱另外放在一旁,肉酱偏甜口,拌面味道一流。【脆皮糯米鸡】分量十足,上桌时是一整只,侍者在眼前切开。鸡的部分皮脆肉嫩,糯米饭里也有鸡肉粒,味道香浓。唯一我觉得就是糯米饭的分量太大了。另外还点了鱼和时蔬,虽然没有上面几道那麽让人印象深刻,但出品也都没得挑剔,道道都是好味道。甜品叫了一大份【核桃露】完美收场。 继续阅读
(以上食记乃用户个人意见 , 并不代表OpenRice之观点。)
等级2 2020-11-29
0 浏览
今日跟一日游由深水湾行到浅水湾,回程到陆羽晚饭,老字号嘅茶室,传统嘅装修,好多传统嘅画,椅...也是説回个餐,一枱4人,10道菜(甜品也有两样)先来个杏汁白肺汤,足料又足份量,每人饮左2碗接住虾多士,炸得唔油又香脆👍🏻👍🏻👍🏻云腿鸽片更加无得顶,摆盆也是很有心机👍🏻菠萝生炒骨,味道一流😋😋😋凉瓜豆腐炆班翅😋😋😋菜远炒鸡什,看餐牌时以为鸡什是配角,点知它才是主角😋😋😋荷叶饭,到这个时已经好饱,後面还有水饺甜点,所以就打包回家再慢慢品尝上汤水饺👍🏻👍🏻👍🏻合桃露,好多莲子😋😋😋桃包,蔴蓉好香👍🏻👍🏻👍🏻 继续阅读
(以上食记乃用户个人意见 , 并不代表OpenRice之观点。)
等级4 2020-11-26
0 浏览
平日饮开普通嘅茶楼,今日见阿妈生日就带佢去呢度试吓😁佢自己一定唔会嚟,一来要专登去港岛区啦、二来话晒呢间都系高尚食府呀嘛!一行四人包埋小B,环境古色古香,除咗坐嘅黑色实木椅,小B嗰张BB椅都特别靓,另外茶具啦、点心纸啦、间开嘅厢房屏风以及厕所位置都仍然保留着旧式嘅气氛。一坐低阿妈见到显眼嘅标示茶芥$32一位,即刻眼都突埋,再揭下个Menu见到炒粉面差唔多$200一碟即刻为之却步,结果,我哋以点心为主,系後尾惊佢唔够饱再加咗个荷叶饭。点心来讲其实不外如是,可能啲点心名堂会有少少特别,质素就一般(可能我哋唔识嗌啦)性价比好低,只不过系因为佢系中环数一数二嘅名人饭堂🥴叉烧酥 (叉烧甘露批)- 外层系合桃酥内里包着叉烧馅,我觉得OK嘅因为我本身锺意食酥/批类嘅物体,点知食到最尾阿妹竟然发现左入面有条毛黐住左,即刻叫经理嚟睇吓,当然佢好有礼貌地同我地讲sorry话帮我地取消咗,最後埋单仲免左我哋茶钱添🤩上汤粉果🥟(煎粉果连汤)另上一碗汤俾你浸一下炸粉果,系别有一番风味嘅。西米焗布甸 (同名)其实唔知点解叫左呢样嘢,只系我阿妹提议叫芝麻卷,不过我唔想所以退而求其次,阿妈完全冇兴趣,杰挞挞一杯野,细B都俾面食咗几啖呀😝牛柳丝春卷 (同名)平时食嘅春卷馅都系来来去去虾同笋,今次包左牛柳丝,细B最锺意食,因为脆卜卜。🥳最後个荷叶饭就真系麻麻哋啦,其实都系预早整好咗叫完唔够2分钟就送咗出嚟。个饭超乾同埋冇乜料到,有啲遗憾😔总括嚟讲服务质素系高嘅,侍应比例算多亦都有礼貌,不过唔会专登再嚟,始终我哋平民家庭可能去呢啲地方好难尽情放肆地食。 继续阅读
(以上食记乃用户个人意见 , 并不代表OpenRice之观点。)
等级1 2020-09-17
1363 浏览
今日一心谂住带妈妈去陆羽茶室饮茶,去到地下已经有人帮我哋开门,不过系直接上2楼,感觉上地下是招呼有钱人及熟客,阶级观念好重,唔紧要未试过都要试吓,茶钱每位$36,但只是一般货色,点心,我哋叫咗四样点心,包括虾饺、猪膶烧卖、上汤煎粉果、同埋蛋黄麻蓉包,全部点心好快就上枱,摆明唔系即叫即蒸,而且全部都只系暖,并唔系热辣辣, 大佬啊!一啲低价嘅酒楼啲点心都起码系热㗎啦,虾饺皮厚虾唔系用新鲜嘅,猪润烧卖片猪润仲鞋过地板,上汤煎粉果粉果块皮,从未食过咁厚而且已经淋晒好难食,唔热嘅麻蓉包真系好难食,个馅又硬!全部中伏,总括来讲,食物质素极差,去超级市场买啲用微波炉叮嘅点心都好食过佢,招呼亦不见得好,环境亦冇想像中咁靓,呢个价钱,大把酒店可以食到! 继续阅读
(以上食记乃用户个人意见 , 并不代表OpenRice之观点。)
等级3 2020-09-08
1272 浏览
踏入九月,新冠疫情有所放缓;晚市堂食虽廷至九时,惜最多二人一枱规限未有放宽。家严长期待在家中亦有所微言,见近数日感染人数回落至单位数字,问老人家是否想去饮茶。一如所料即时回应叫好,仲话带我依啲乞儿女去陆羽见识见识。谂都冇谂过佢会雀跃至此。久有听闻陆羽茶室主打名流富商熟客,大众食客并非主打客户群,不过做咗咁多年人都未去过,家严雅兴亦有所宣泄,一於就去见识下。正午十二时踏入茶室地下,眼见只有三两席有座客,知客侍应即表示地面所有位置已被客人预留,须转上三楼。步上楼上途中老父不忘解说茶楼历史, 细数墙上挂满上世纪落难书生、名将的丹青墨宝,楼梯位上挂着牡丹王 张劭石 的作品更特意要我停低欣赏一番。座低开茶问茶壼或焗盅;见茶价每位$36 就一於玩玩已为数不多嘅焗盅茗茶。家严亦二话不说即点半只 玫瑰豉油鸡;未上枱已话此店鸡肉香滑非其他食店可比。的确入口较一般肉香嫩滑肥瘦均而且酱油香味浓淡适中、香味持久。加点四个点心,鲜牛肉烧卖即系山竹牛肉,牛肉松软有弹性有牛肉味无松肉粉味。 扬州煎虾饼 虾滑鲜味十足,煎完都唔觉油腻。叉烧军机酥 外皮酥香松之余份量照样保留上世纪八十年代酒楼嘅点心大细,叉烧都大块啲。酿猪润烧卖 旧烧卖猪肉充满弹性肉香十足。彷佛每啖咬落都返回昔日小孩的日子。其实加埋每位$36 茶价,两个人成七旧水饮餐茶确系贵咗啲,不过有得一睹多份大师级墨寳作品之余又买到家严嘅快乐乜都底返晒啦。 继续阅读
(以上食记乃用户个人意见 , 并不代表OpenRice之观点。)