影片
要数心目中嘅巴基斯坦咖哩，阿龙一定系其一。呢间由细食到大，以前细个成日挑战最辣嘅咖哩，成日都系配虾，辣到食唔到落去。虽则佢一直以黎都好大方，冰水任饮，但人大咗，都唔想再食到标晒汗又食唔到落去，又咩味都食唔到。同行友人食果个咖哩牛全烩话好正。而我就食最经典咖哩牛腩，今时今日，要经营一间老字号难；要一直保持住个味道更难。但阿龙做到了。今次都没失望，食得多出面果啲马来式椰汁咖哩，有时都会挂住呢啲用大量洋葱整嘅巴基斯坦咖哩，果种香甜，系同马来式加椰奶嘅好唔同。
继续阅读
放假去尖沙咀行街，突然间好想食亚龙咖喱，果然冇令我失望！佢哋嘅咖喱真系一绝，洋葱同咖喱嘅香气扑鼻而来，令人食指大动。我久唔久就会心思思想食佢哋嘅咖喱牛腩同咖喱鸡，牛腩焖得软腍入味，咖喱汁浓郁得嚟又唔会太腻，配饭简直一流！至于咖喱鸡，鸡肉嫩滑，完全吸收咗咖喱嘅精华，每一啖都充满满足感。之前我都试过咖喱蟹，虽然味道都好好，但觉得价钱偏贵，所以都系食返啲平民嘢算啦。亚龙咖喱嘅性价比高，味道又够地道，绝对系尖沙咀行街嘅必食之选！
继续阅读
午饭时间想食咖喱，喺佐敦附近就嚟咗呢度试吓。睇餐牌咖喱牛肉牛腩等大约80至$90，叫咗个咖喱羊(仲唔系羊腩添)谂住最多贵啲，应该OK啦。点知埋单$178! 嚟Q晒谱，超级中伏。以后大家都千祈唔好嚟。味道嚟讲，我叫咗个中辣比一般辣。香味还可以，跟其他清真馆或印度咖喱大致差不多的水平。一兜咖喱一共有五件只有两件羊腩，其余三件系牛肉连骨比较嚡口。呢种级数我去九龙城清真牛肉馆或者铜锣湾惠记都有，但埋单$100唔使，简直冇得比。以后都唔会再嚟。
继续阅读
话说啲咖哩真系令我惊喜连连😲！首先，那个羊腩咖哩，讲真，我系羊腩控嚟嘅，不过呢度嘅羊腩真系过瘾到不得了👍！羊腩嫩滑，带啲微微嘅羊香，同埋𠮶个咖哩汁味道恰到好处，唔会过于浓厚，仲有点点香草味，真系正！至于牛腩咖哩，呢个就更加得我心啦！牛腩嘅部分好有嚼劲，同埋我要求嘅加辣版本，辣得嚟又带点香，个汁浓郁得嚟唔腻口，搭配饭食，真系一流！呢家仲有件事值得赞，就系佢嘅服务态度好好，员工亲切，令整个餐饮体验加分不少。虽然话装修方面可能唔系最抢眼，但食物嘅质素绝对系千斤重。而且，当你以为咖哩就只系咖哩，佢地嘅创新做法令味蕾感到无穷嘅惊喜🎉！每次去，总有新发现，系呢种不断探索嘅体验中，发掘到更多咖哩嘅可能性。总括来讲，如果你系咖哩爱好者，呢间绝对系你探索咖哩新境界嘅好地方！每次嘅访问都令人期待，好想再去发掘更多未知嘅美味啊！🤤
继续阅读
港式同日式咖哩就成日食, lunch经过有间食巴基斯坦咖哩就去试吓😍第一次食，好期待😆👉🏻 咖哩牛腩配薄饼 $59巴基斯坦咖哩，一入口，有好重香料味，同埋有番茄味同平时食d 咖哩好唔同所以我特登上网search下，有咩香料🤭牛腩好林，同埋都几多旧，咖哩汁亦都比较杰身😍配薄饼劲挂汁🤤今次我简左小辣，食落去辣度岩岩好下次经过真系可以再食🤤对巴基斯坦咖哩另眼相看🤩
继续阅读