影片
以上资料只供参考，请与餐厅确认详情
为老人家庆生，不想再吃酒楼赶头赶命套餐，见阿龙私房菜好评，于是想试一下。 由四小碟由精致摆碟带来惊喜，酒香鸭脷：酒味浓郁、鸭舌质感爽。金砖豆腐，热辣辣炸出来，香气卜鼻。椒盐鸡软骨，脆得来又有咬口。凉拌海蜇，清新爽口。 跟著羊肚菌花胶炖鸡汤，一种家的味道，但在家没可能一人整一盅炖汤。炖汤有羊肚菌、花胶、瘦肉、乌鸡、鸡脚、红枣、杞子，超足料，完全是星级的炖汤，家中永远拒绝饮汤的小姐都饮都一滴不漏。 蜜椒薯角安格斯牛柳粒，色香味俱全，牛柳不会靱，薯角好味。 鬼马咕噜肉，又真鬼马，系酒炸鬼包住虾肉整出来。家人赞不绝口。 招牌梅菜宝塔肉，竟有皮包著扣肉梅菜还有菜，别有一番滋味。 果皮蒸南非鲍鱼，极速清碟😋 避风塘炒蟹，蟹肉新鲜，炸得脆。食出香港桥底风味。 陈年花雕鸡，鸡肉滑，酒味香，味道恰到好。 高级菜蟹肉扒豆苗，我真系食到一条条的新鲜蟹肉，豆苗香嫩。 金菇瑶柱炆伊面，不会太油，好吃得来不会肥。 甜品杨枝甘露，用心制作，柚子肉多到满口都是，回味无穷。 另加上寿桃包，包十分之松软，莲容香滑，包跟一般酒家的质感不同，应不是预制的，好正。 老板送上生果一客，靓到呢
继续阅读
😛回头度：8.8/10😛💰是次人均消费：≈HK$450┈┈┈┈┈┈┈┈┈┈┈┈┈┈┈┈┈┈┈适逢过年，又系机会发掘性价比高嘅私房菜！今次我就拣咗位于观塘嘅「 #阿龙家厨私房菜 」～ 佢有个每位$418套餐（免加一、茶介、开瓶、切饼费），个餐计埋小食甜品有成14道菜，劲丰富😳 每道菜都好有水准，而且大部分仲系啲心思菜式，好多都好值得试！选择又够多，真系食几次都试唔晒佢嘅菜色😂😂 我哋未食完餐饭已经想约下次再嚟试试佢个「招牌梅菜皇扣宝塔肉」，可想而知质素有一定水准🤣┈┈┈┈┈┈┈┈┈┈┈┈┈┈┈┈┈┈┈今次我哋拣咗（🌟为个人私心特别推介）： —— 【阿龙小食】 ——▪️ 黑松露素鹅🌟黄金脆凉瓜▪️ 椒盐银鱼仔▪️ 白玉葡萄—— 【原盅炖汤（位上）】 ——🌟 水牛奶花胶炖竹丝鸡汤—— 【热菜】 ——🌟海皇石榴球🌟 蜜椒百花酿鳝球▪️ 红烧酿澳洲野生秃参—— 【海鲜 - 1】 ——▪️ 金银蒜粉丝蒸元贝—— 【海鲜 - 2】 ——▪️ 红枣杞子蒸龙趸腩—— 【鸡】 ——🌟 原只脆皮无骨糯米鸡—— 【蔬菜】 ——▪️ 浓汤花胶丝浸时蔬—— 【粉面饭】 ——🌟 阿龙私房炒饭—— 【甜品】 ——🌟 荔蓉西米焗布甸（唔系吹水，发现有好多道菜都想俾「🌟」LOL）┈┈┈┈┈┈┈┈┈┈┈┈┈┈┈┈┈┈┈餐厅环境算系好宽敞，仲可以提供阔落大枱，我哋13人预埋上菜位都仲有松动👍🏻 服务质素亦非常好，我哋个个对今餐都好满意😍
继续阅读
平日Lunch嚟食，见佢都有啲人食下。同朋友两个人一齐叫 「猪扒炒出前一丁」30秒左右就出餐，两兜上哂嚟，完全无烟，已心知不妙。一放入口，完全唔热，一啲获气都冇，冷气再吹一吹冻埋。猪扒放系面底下面，又系唔热，炒都冇炒过。食食吓发现同行朋友𠮶碟深色啲，我𠮶碟就冇乜味又淡色，兜唔晕。两𩠌饭都识揾嘢热住啲食物，仲标榜自己五星级酒店大厨料理，我真唔知佢系酒店做开啲乜。Btw姐姐啲态度都麻麻，不过本身都冇咩expectation…成惠$53 无下次 。希望快啲转手，唔好再伏人。
继续阅读
私房菜嘅意思系住宅式小本经营嘅食店，要事先book定枱，选择菜式，等主人家可以好好准备只服务我哋一台客▶️ 花开富贵摆盘会唔会太精致😍真系成朵花形状萝卜切片卷起，咬落有层次酸酸哋好开胃▶️ 白玉葡萄原来系一粒粒冬瓜🍇唔讲以为系车厘茄味道有少少过酸▶️ 椒盐鸡软骨外皮炸得好酥脆干身鸡软骨爽口似日式串烧𠮶只椒盐味道重▶️ 凉拌海蜇🌶️————————-————————▶️ 雪莲子桃胶螺头炖竹丝鸡汤每人一盅热辣辣嘅汤超级多料，又猪肉又乌鸡，仲有螺头，完全可以当𩠌食🍲另外仲有滋补嘅雪莲子、桃胶、红枣、纪子雪莲子、桃胶软腍腍似啫喱汤底充满精华，咸中带天然甜😋————————-————————▶️ 海皇石榴球最钟意嘅一碟菜！外皮系蛋白做嘅，食落几有质感入面包咗虾仁、蘑菇、洋葱、带子等，成个巨型饺子咁🥟底部系天然南瓜汤，好配衬旁边仲有条雕咗花嘅芥兰～▶️ 金银蒜粉丝蒸蛏子每条带子都好长身面头放上巨量炸蒜同爆蒜蓉，食落非常香口，配送粉丝蒸蛏子新鲜，弹牙得嚟又软腍😙▶️ 清蒸大海斑好肥美嘅一条石斑🐠啖啖肉又少骨肉质弹牙滑身，简单配上豉油香葱已经好食▶️ 浓汤花胶丝浸时蔬奶白色嘅汤底配上翠绿嘅白菜仔🥬面头一条条半透明花胶，软濑濑好slimy🫣口感好得意▶️ 野菌炒安格斯牛柳粒炒得非常有镬气牛柳粒软腍🥩入面半熟呈粉红色半肥瘦，入口即「溶」，完全唔韧配上杏鲍菇同青豆▶️ 脆米百花酿蟹钳外皮好香脆薄身，系炸物嘅味道🍤入面食落似虾丸，不过系有蟹肉成份嘅————————-————————▶️ 原只脆皮无骨糯米鸡唔系一般荷叶糯米鸡将糯米酿入原只烤鸡🍗有啲似韩国人参鸡嘅原理糯米饭唔算太黏身，比较湿身本身已经调咗味带咸香另外放入大量切粒腊肠，口感丰富外皮薄脆，不过唔算多鸡肉整体几好食▶️ 家乡炒面线意外地好味👍🏻炒面干身但冇一般豉油皇炒面咁干咁硬炒入韭菜丝、芽菜、猪肉炒面带有烟熏香味，面质烟靭顺滑————————-————————▶️ 荔蓉西米焗布甸之前系起「凤城酒家」食过，唔系好多地方有上枱嘅时候有阵啱啱出炉鸡蛋仔香味👃🏻上面系一层鸡蛋布甸，混入粒粒西米鸡蛋味道香浓，同时又有吉士味西米粒好好咬😛底层系茘芋，沙沙地又够实身焗到变咗好似挞底咁，入口顺滑细致钟意佢冇咩点额外加糖，更食得出芋头香同埋冇咁易滞▶️ 贺寿桃包 生日梗系食寿包，又名pat pat包🤣真系整到成个桃样🍑觉得面包唔够松软，可能因为size比一般细啲入面有莲蓉▶️ 生果盘圆辘辘嘅哈密瓜，又甜又多汁摆盘好靓🍈-𩠌菜甜品全部出色有水准👍🏻最钟意系海皇石榴球同雪莲子桃胶螺头炖竹丝鸡汤但认真全部都好味用上顶级食材，调味烹调用心，卖相更加系精致份量又够大，食到要打包🙈环境几好，基本上等于包场开party，好有私人空间服务都OK，其中一个姐姐好幽默醒目，另一个就比较急啲 性价比唔错，大概$450/位，相当抵食～
继续阅读
好朋友在官塘成业工业大厦开设公司，他对同一栋大厦2楼「阿龙家厨」的梅菜扣肉饭推崇备至。梅菜甜甜哋，扣肉入口即溶，又不觉油腻，必定留下深刻印象。试过之后果然如此，印象难忘。店主阿龙离开高级酒店后，开设「阿龙家厨」使一般客人也有机会尝到高质粤菜之外，阿龙又可以大胆创造不同款式，获得更大成功感。而且获悉晚饭以私房菜模式经营，备有多款怀旧粤菜，更喜出望外。私房菜是泛指在住宅内小本经营的食店。它们不会有任何宣传，而是靠口耳相传。通常光顾私房菜之前都要预先订位，容纳人数一般不会多于10人。「阿龙家厨」完全符合私房菜的特色，更可容纳30人。16人同枱享用晚餐也不是问题，因店主备有一张超大的枱面满足客人的需要。今晚我们4人本著试菜的心态光顾「阿龙家厨」。当晚只有两枱客人，显得格外宁静。老板阿龙在上菜前到店面与客人谈天说地，说说笑笑，令客人有宾至如归。话梅翠凉瓜及金砖豆腐作为头盘开胃菜。话梅特有的酸味加上冻凉瓜的微苦，非常醒胃。金砖豆腐被一层金黄色的脆皮包裹着，而且温度控制刚好，不会烫咀，豆腐的豆香加上幼滑口感，正👍🏻。水牛奶花胶炖竹丝鸡汤，水牛奶味道较一般牛奶浓，而幼滑度更胜奶脂高的奶，每人都有一只原只花胶。太雕玻璃虾球、鬼马咕噜肉都唔错。招牌梅菜皇扣宝塔肉的卖相甚有特色。生蚝（苏炸）皮脆又不觉油份。红烧龙趸翅的肉质嫩滑，鱼皮做得很软，入口非常易。江南百花鸡是怀旧菜，原只鸡皮做底配以虾胶蒸熟。食用时，香脆鸡皮与弹牙的虾胶形成不同的口感，正。蟹肉扒豆苗和生炒糯米饭没有带来惊喜。木瓜雪耳炖桃胶清润养颜，既滋润皮肤且四季皆宜。木瓜和雪耳皆含有丰富膳食纤维，有助肠道蠕动排便排毒。加上清甜的味道，润而不腻。
继续阅读
您可能会有兴趣的...