影片
港铁观塘站 B2 出口, 步行约8分钟
继续阅读
电话号码
31074111
开饭介绍
除了秘制卤味外，店内还有不少香港少见潮州菜，鸭舌及捞面为招牌菜。
继续阅读
奖项殊荣
最优秀观塘开饭热店 (2015)
营业时间
星期一至日
11:30 - 22:30
以上资料只供参考，请与餐厅确认详情
本身订了枱，我哋到咗之后楼面个阿姐同我哋讲，叫我哋等一阵好快有枱。我好客气地问佢系咪已经有枱埋紧单，佢竟然同我讲”你想知嘅话可以自己去问𠮶枱客架!” (前后讲咗两次）真系第一次见到啲咁串同埋咁嘅态度嘅食肆招呼，最后嬲得制就离开咗冇食到。依间嘢就算再好食都好都一定唔会帮衬。🤬
继续阅读
《阿鸿》由差不多十多年前在观塘返工开始，已经系我心目中卤水系列既不二之选；个人黎讲，返放工之后去咗中环再去大角嘴，帮衬《阿鸿》既机会少左；突然网上传闻老板退休在即，亦无意再续约最后既观塘店，立即 call 齐家人去食番餐回味再回味！点左蒜香鸡，炸蚝饼，蔡澜捞面，卤水鹅片，啫啫芥兰煲，素鹅六款菜。咁黎阿鸿，就梗系讲讲卤水既喇。之前有OpenRice 网友提到卤人冇味或淡；我哋都试过外卖有呢个情况；不过今次堂食水准就番晒黎。素鹅将卤水既味道推到极致。一入口有阵甘，之后有陈皮八角既味道，口腔有阵余韵，素鹅本身冇乜味但非常滑，好野黎。卤水鹅片冇骨，厚度适中，鹅片底有卤水豆腐。蚝饼个炸酱超级脆，热上，成碟好多蚝仔粒，不愧为镇店之宝。唯一不足，留意到碟底比较多油。蒜香鸡 （半只）上菜靓仔，差唔多已起晒骨，鸡滑又啖啖肉，好多炸蒜粒，啲鸡好似豆腐咁冧，在座老人家都赞。七位食咗一千埋单，难得位位各有所好，今餐相当满意。总结： 《阿鸿》好野黎，若果真系结业，实在非常非常非常可惜。
继续阅读
趁阿鸿小吃就快结业，我和朋友揾咗晚来试吓佢嘅晚餐！我哋二人一共叫咗素鹅，卤水拼盘，蔡澜捞面，同糖水。蔡澜捞面上先，鹅油好丰富，令到个面好滑好有油香。卤水拼盘中规中矩，反而鸡肉好食过鹅肉。最惊喜系素鹅，素鹅皮系腐皮，皮好薄好滑，卤水又唔咸。整体来讲恰到好处，非常之有惊喜，系我食过一生人中最好食嘅素鹅！整晚侍应姐姐嘅服务态度都超好，不单止有礼貌，仲不断帮我哋加水，非常之估唔到。虽然价格就偏贵，两个人买单都五百几蚊，不过素鹅我系会encore嘅！
继续阅读
2022.09.21 庆生饭又来一个米芝莲餐厅。这次是位于观塘鸿图道的潮州菜。捞面的酱油锅气味有点重，有小虾干，芽菜与面的份量差不多。鹅肝很入味，有淡淡的卤水香，虽然没有入口即化，但口感软绵黏滑，可以一试。千层腐竹，每层都很入味，而且卤水不咸，味道刚刚好。值得一试鹅片份量还可以，肉质嫩滑入味。元蹄卖相不错，但有骚味。墨鱼口感弹牙，是推荐吃的。蚝饼火候控制得不错，吃起来很脆，但蚝的分量并不多。十分推荐这个芥兰非常鲜嫩，没有菜渣。闻到杏仁香，吃不到杏仁味。感觉就是吃了一碗猪肺老火汤。份量可以够两个人分。店舖整体铺面不大，有两三间房，但因为系板间房月，所以隔音不是太好。卤水可以一试；捞面个人觉得有点油；汤味道还可以，用料也是不错的。这间米芝莲餐厅的店铺装潢一般，但价格上算是比较平民化，不过店内人手是真的严重不足，叫点菜也叫了几次。
继续阅读
认识鸿哥，大大话话都有十多年了，记得以前在北角细舖时，我和老婆不时也会去帮衬，当时在门外分分钟要等上一个多小时才能入内，真系一啲都无夸张！之后食店搬到观塘，我们也来过好几次；但因鸿哥慢慢退居幕后，很多时也不在店内；而鸿哥不在监场，水准明显比之前差咗，自然再去的欲望也慢慢减低。早前好友再搅饭局，才知原来鸿哥已回到公司主理，大家自然一呼百应；当晚吃了大量鸿哥的拿手好戏，包括：鹅肝、鹅片、陈醋猪手、素鹅、芥末鸡脚筋、鸡丝海蜇、醉香鸭舌、皮蛋酸姜、南乳粗斋…..等。最夸张仲多咗好多新菜式，例如：龙皇献珍宝，大盘内放有鲜甜嘅冻龙虾、烟韧又入味嘅南非鲍鱼同大大只又爽弹嘅醉虾。炖汤则有两款可选择，包括：杏汁猪肺汤盅 或 花胶姬松茸炖鸡，多料又浓郁，而且价钱仲超优惠，必试首选。超巨型的卤水鹅掌翼，肉质鲜嫩又入味，原来是采用十多公斤的狮头鹅制作而成，肉质更胜普通鹅肉，松软且鹅味浓，骨胶原更是严重超标，真系净食掌翼已可饱到一个点。一条好的乌头鱼，要有黄油、没泥味、肉质甘甜幼嫩，而皮下自然流出嘅黄油，入口鱼香四溢，也是鱼嘅灵魂所在；而且多吃乌头也有健脾益气及消食导滞之功效。据鸿哥讲，因租约期满，如找唔到舖位年尾可能就会结业；所以如有兴趣帮衬，就记得尽快预订啦，支持一下本地小店，也尝一尝鸿哥出色嘅手艺。#冻龙虾 #南非鲍鱼 #醉虾 #杏汁猪肺汤盅#花胶姬松茸炖鸡#七星拌月 #鹅肝 #鹅片 #陈醋猪手 #素鹅 #芥末鸡脚筋 #鸡丝海蜇 #醉香鸭舌 #皮蛋酸姜 #手抓卤水大鹅掌 #鹅翼 #黄油乌头鱼 #炸鱼皮 #南乳粗斋 #XO酱银芽捞银丝幼面 #福果薏米腐竹蛋白糖水 #罗汉果茶 #阿鸿小吃 地址: 观塘鸿图道83号东瀛游广场地下A舖电话: 31074111
继续阅读