阿鴻小吃 (已結業)

入店後的感覺較我估計還是潔淨呢，招呼也不錯，六時許\已到，不用等位，客人亦不多。湯—葛菜湯，很淡口，但確沒有味精。墨魚餅—非我想像的彈口，但口感不俗，友人卻說有點生呢。卥水鵝件—接近沒有骨，味道不錯。招牌撈麵—個人口味問題吧，算香口，但覺得十分多油。鴨舌—友人怕怕，孤芳獨嚐，合格以上的！沒有期望般好味道，但也會再來試其他食品呢！

難得最近媽媽不用上班,而爸爸今日也放假,媽媽想去北角探個朋友,剛好她家住在阿鴻附近,於是順理成章來這裡品嚐人人讚的滷水食物.本應懷著開心的心情,但今日的天氣非常酷熱,我們的食慾都明顯降低了,來到店舖差不多2:00pm,我同爸爸都開始肚餓,而我早已想好吃什麼,所以坐下不久我叫阿姐落單,先來一個豬油撈麵,滷水雙拼(豬大腸及豬頸肉~媽媽提議的)滷水雙拼先來,我第一時間先食豬大腸,好腍而且亦無豬腸的羶味不錯,再試豬頸肉,好味~比起豬大腸入味好多而且我喜歡它夠腍,可能天氣的影響,特別口渴,淨食真的好咸,媽媽說不如要一碗白飯.豬油撈麵~雖然用了豬油來撈但不會太油,略嫌不夠香,可能冷氣太凍關係,食物很快涼,撈麵不到三分鐘變了冷麵,其實我同媽媽都喜歡吃熱辣辣的食物,明明食物水準不錯,也扣了少少分.後來爸爸再叫了一碗滷水豬脷麵~豬脷普通反而好喜歡它的麵好爽口,我覺得阿鴻這裡的麵食比起出面很多麵食店好吃很多,不知道他是自家制造還是出於他人.一場來到本想試多幾款其他小食如炸墨魚餅,醉鴿,但天氣弄人,只想飲不想吃,真的是吃龍肉都無味.雖然如此我都好滿意阿鴻的食物.

阿鴻已經食左很多次, 次次都係外賣, 返到屋企打開見到其中一樣娃娃菜份量比之前少, 不過都唔緊要好味咪得囉, 點知食食下有半條橡筋, 仲差d食埋落肚, 最怕食野加料, 要比個>_< 先得.

父親節當日dad唔肯出街食飯, 叫我地返屯門食飯, 剛好當日下午我又去開銅鑼灣, 就楂車去買外賣. 4點幾去到, 買左一份鴨舌, 一份鴨下巴, 芥茉雞腳筋, 酸薑皮旦, 豬脷一條, 千層峰. 埋單約$150鴨舌, 鴨下巴: 要左辣味, 味道都ok, 但覺得台灣老天祿好食好多芥茉雞腳筋: 因為自己唔鍾意芥茉, 所以只係食左一舊仔, 男朋友就話爽爽地, 芥茉味剛剛好豬脷: 個人覺得唔係好入味.千層峰: 爽爽地, 但都係覺唔係好夠味酸薑皮旦無食到, 因為留番比mum食既, 但係一盒賣$25蚊, 得兩隻皮旦, 少少酸薑片, 好似貴左少少總括覺得水準ok, 但無想像中咁好食, 唔知係咪因為唔係即食既關係呢. 因為由買到拎到返屋企, 都左約兩個幾鐘順帶一提, 當日無醉鴿供應, 因為無鴿返貨

我遲遲沒有動筆寫我的第100個食評, 為的是希望留給最能令我感動的食肆和菜式. 沒想到近期食得最開心的竟是我每星期必到的阿鴻小吃! 老實講, 我平均兩三日到一次, 就算係龍肉都無晒新鮮感啦, 估唔到老闆竟然有本事耐不耐就帶來驚喜, 真犀利.三個星期前, 見鴻哥整咗幾條烏頭, 便姑且一試. 我一向唔多食烏頭, 嫌佢肉質粗, 只係對鴻哥出品有信心, 而且店內食品全都試勻才試試新. 嘩! 點知原來連烏頭都可以整到咁好食㗎! 魚肉白滑鮮嫩, 配上特別調較的醬汁, 絕對係一流. 結過, 我連續食咗三個星期! 我諗, 點講都唔及試佢一試最實際喇...只係$55喳.阿鴻依然係我最欣賞, 食得最放心o既食肆!

久仰大名, 前幾日終於去左幫趁阿鴻,本人點了例湯, 墨魚餅, 招牌麵, 上湯娃娃菜及鴨舌(有骨果隻), 點講好呢例湯–幾濃, 無味精, 但無セ肉味墨魚餅–比較油膩, 因為好輕身(即係薄), 所以食唔倒佢嘅真正味道, 我諗如果可以厚d, 會食得真d招牌麵–呢樣真係唔錯, 好香, d xo 醬比想像中好吃上湯娃娃菜-呢樣都幾好, 最唔油膩嘅一道菜, 同埋有d碎火腿, 好味鴨舌(有骨果隻) –味道幾好, 麻麻辣辣咁總括尼講, 有d失望, 始終係出街食飯幣病–好多油, 仲諗梗會唔會再去.

這間食肆晚上人山人海，多數中午幫襯食lunch，他們的鹵水野是有一手的。特別推介鹵水紮蹄及豬腸。

阿鴻小吃有一道「蔡瀾撈麵」, 其實即是豬油撈麵, 加大量蔥、京蔥, 平凡中有點懷舊味道。我食過一次, 覺得不夠好味, 於是第二次再吃時, 特別要求加多些豬油。老闆阿鴻皺一皺眉:「走豬油嗎?」我答:「唔係, 係加多d!」他才重現笑容。事實上, 豬油並不可怕, 相對來說, 吃不到美味的人生, 更加可怕。

上次去買了滷水鵝,滷水蛋和豆腐外賣回家, 真係令我和我家人好失望, 滷水鵝好"硬", 很難咬, 又沒有味道, (唔知係唔係炆的時間唔夠耐?), 而滷水汁又太咸, 滷水蛋更咸得不能入口, 連我最喜愛吃蛋的姨甥也吃不下, (大家可以想像有多咸), 唯獨豆腐是最正常, 我全家都認為在街市買的滷水鵝,滷水蛋和豆腐都比阿鴻的好吃得多, 價錢更比阿鴻便宜一半. 如果真的好吃, 價錢多少不是問題, 但這樣的質數就...........

買左一隻鴨兩件豆腐鴨OK，但唔係想像中咁好豆腐普通啦可能我買外賣啦返到屋企食已經唔係好好

今晚特地到北角目的只是想會一會阿鴻小吃，店內位置不多，但裝修雅緻，等左8分鐘左右可以入座，由於早已上網做足功課，可以馬上點菜，芥未鵝掌，海蜇拼麻香雞腳筋，上湯浸芥菜膽，炸墨魚餅，醉香珍肝，兩碗例湯及最後上檯既蔡瀾撈麵。各樣食物碟頭不大，但碟碟都只是$24-$30，算係抵食。1/ 今晚例湯係蕃茄薯仔煲豬肉，薯仔同蕃茄已經煲到稀爛，已且飲完後兩個鐘都唔覺口乾，果然係無味精靚湯，$10碗都值得。2/ 海蜇拼麻香雞腳筋，海蜇夠爽脆但相比其他出品已算普通，麻香雞腳筋充滿麻油加麻醬既味道，入口感覺似咬雞軟骨，但多層雞腳皮，又多種滋味。3/ 芥未鵝掌，以中式芥辣配合麻油及滷水既創作菜式，鵝掌已去骨，故可放心大啖大啖咬，入口後芥辣既香氣直標眼耳口鼻，攻鼻得黎唔算太辣，仲帶住麻油既香而鵝掌軟滑，感覺新鮮。4/ 醉香珍肝，玫瑰露既酒香同滷水既沉香配合得好好，而雞肝同雞腎都煮得剛剛好，珍肝無過老而鞋口，仍然保持軟滑；而雞腎入口依然爽脆，就算膽固醇幾高都無有怕。5/ 上湯浸芥菜膽，芥菜膽非常翠綠已令人增加胃口，加上火腿茸及蒜子就有如畫龍點睛。菜膽入口鮮甜而無渣，非常嫩口。食菜同女人一樣，越嫩越多人鍾意!6/

05/03/2006 與BF於北角逛傢俬舖，三時許開始肚餓便二話不說去阿鴻坐底。之前，大多與同事在這裡晚膳，他是頭一回來這裡。甫坐下，他便發現這裡的小吃並不適合我這個要戒口的小傢伙吃。還好他說這是醫生訓示要戒口後的第一餐，可以放縱的吃，這餐過後便徹底戒口。香脆墨魚餅好像比上次細件及薄了，但仍香脆有咬口、有墨魚鮮味；南乳粗齋非常入味，此二味被BF轉瞬掃清。芥末雞腳跟，一貫的爽口但芥末味比之前重了，弄得我邊吃抹眼水。麻辣鴨舌依舊味香，麻辣味道圓潤並沒有過麻而令舌頭麻痺。最後上蔡瀾撈粗時，我們已挺飽但味道不錯結果還是吃光。吃第一道鴨舌時，BF謂此店師傅應為粵菜出身再轉做潮州菜，隨即解釋粵菜及潮菜的分別。於是便詢問店員，店員指着貼在牆上的雜誌專欄話“係呀！你自己睇下！”。又俾佢估中，唉…都唔好玩！

4-2-2006 1954題目與今餐食物全無關係。前幾日食完潮州菜後，就約定今晚來這裡開餐，至去年呢個時候開始，差唔多每半年就黎呢度食一次晚飯，睇下今次又有沒有進步或退步。食的食物已有食友SMASHING PUMPKINS 寫了，自己及其他食友亦寫下了無數次。個人來講，滷水依然keep到；上次我寫話退了步的墨魚餅，今次再食時，感覺又有不同，recall番大家，第1次食時有驚喜，炸得好好食，第2次食時細塊及薄左，所以該時話呢味菜式退了步，今次再食時，炸得好脆，份量適中，但剛剛炸起左，淋左少少，灘番冇咁熱先食會好少少；雙拼雞腳筋整得好爽，比之前的出色，似乎是師傅改良左做法，有芥末的味道稍為辛辣左少少，但係我喜歡，麻香既係另一味道，皆因落了少少花生醬作為其中一樣調味。埋單121，食到十二分飽，還打了包返屋企。見到某店某位食友其中寫下了以下句子：「食得多地方不等於識食，吃得多種類不等於吃盡，細沒名氣的不等於全劣，大有名聲的不等於全優，鮑蔘翅肚絕不等於眾好，回憶細味卻是千金難買，放開懷抱一定全是滋味。」，尤其係第1、4及7句更有同感，至於係在這裡出至何處，閣下自己慢慢搵，不過搵到係無獎。這裡都幫

同意樓下一位食友的意見，不是不好食，只是不值得特地走去食。推薦芥末雞腳筋、墨魚餅個人覺得招牌撈麵比蔡瀾撈麵好吃醉鴿就非常一般，鴨舌亦然大腸豬味濃，非人人受得一行六人，時為週六晚，生意十分火爆，但亦不用招呼也不打一聲，就把未吃完的食物收走吧？一副趕客的模樣，冇下次了。

尋晚兩個人去食飯，點左紅油爽耳，海蜇併川辣牛展同蔡瀾撈麵。紅油爽耳係冷盤，放左XO醬，感覺微辣，豬耳好爽口，唔錯喎。海蜇併川辣牛展既海蜇就冇咩特別，但係D牛展就好美味～同樣係微辣既，而且仲好香口惹味tim。蔡瀾撈麵冇咩配料但係都好好食呢，好甘香，麵唔太乾身，配以芽菜等等同食，好有口感啊。今次冇叫到佢地既招牌滷味tim，下次有機會再去試下先。