影片
下午茶食4只鸡翼一个沙律加杯冻柠茶刚刚好，落咗单（T-16餐）等5分钟左右阿姐走嚟话无爆脆鸡翼，换瑞士鸡翼得唔得都得接受，再过多几分钟瑞士鸡翼都冇，又话有芝麻鸡翼，算了接受，份餐一出已经见到个后生仔拎去问厨房系咪就咁出，厨房师傅应该答佢照出，个后生仔都见到唔系好对路，所以至问多一次厨房，我系要四只鸡翼，点解变咗两只咁奇怪？
继续阅读
一朝早抽完血，当然要补充下体力先开工。返屋企之前坐低食个早餐回一回血。之前见其他食评话份量好大，就过嚟试吓。但早餐感觉上份量就唔算好多，鸡扒虽然得半块，不过鸡皮几脆，好似落左脆粉特别香口。炒蛋份量应该一只蛋，呢个炒蛋嘅份量，食到有啲到喉唔到肺。另外跟餐加咗个细嘅辣肉酱米粉，辣肉酱唔辣似蕃茄酱，质地似肉躁，如果可以留返啲就好。薯饼都炸得几香脆，唔算好油。咖啡偏甘口，但系就冇苦涩味。整体嚟讲，份量唔算好大，但系食埋碗米粉就觉得饱肚。
继续阅读
曾经食过觉得唔错，所以想试其他食品，因为餐牌有点不太清晰，所以落单前已再同侍查询那款是否汤面，及说我哋唔想要捞面(因为太重口味)，佢亦确认系汤面黎既，点知黎到仍然系捞面！该侍应都说搅错左唔记得转汤面，跟住话汤面系另一页，想卸责同唔想换比我哋，只话唔好意思后就调头走开左。都试过加水睇下会唔会好D,都系唔好食，唯有净食𩠌唔食面，无下次了。未食过咁贵既一块猪扒同一件鸡脾，睇下张相就知。明白点解话多左人返内地食野，应该唔系单一钱既问题，系服务呀！
继续阅读
#20250302 🤍📍 #阿部屋日式板烧豚肉专门店 @abeiejr 大埔汀角路10号大元商场平台F3&F4号舖➖➖➖➖➖➖➖➖➖➖➖➖➖➖➖➖➖ 🥢 #是日餐汤 #野菜沙律 💭 是日靓晚餐有汤同沙律送，通常都系二拣一，两样都有好豪爽👏🏼汤系蘑菇粟米火腿忌廉汤，足料到𢳂亲羹羹都有料，好丰富🍄🟫沙律系柚子醋杂菜沙律，酸酸味味好开胃🥗.#板烧黑椒纽西兰牛柳 #薯菜 $128💭 系两大块极厚身既牛柳，叫左五成熟，切开见到入面粉粉嫩嫩好吸引🤩虽然块扒厚到一个点，但系有松肉粉既加持所以非常容易切开，份量大到搞唔掂，想像唔到跟饭或者意粉点搞，大食既问题绝对唔使担心喇🐮.#锅烧鲍鱼捞饭火锅一人前 🥢 #锅烧鲍鱼捞饭💭 完全想像唔到点样炒饭配边炉，呢间野就做出尼睇下🤣炒饭用左珍珠米，干身到粒粒分明，面头有鲍鱼、香菇同西兰花🥦上枱果阵店员哥哥仲会帮手淋啲汁落个锅边咋咋声，成件事好港式又有啲高级，几得意😚. 🥢 #澳州豚肉锅 #火鸡辣辣汤 $108💭 今餐饭好多第一次，第一次用辣鸡面个汤底尼打边炉，有去左韩国既感觉，开头唔多觉，但会越滚越辣好惹味🌶️有得拣牛或者猪，虽然啲猪系有偏肥，不过呢个价钱可以原谅啦🥘. 🥢 #蔬菜盛盒 💭 边炉啲配料都几多，有饺子🥟鸣门卷🍥油扬、猪肉丸、虾卷，真系每样一旧都够食，个底仲有好多生菜同黄芽白，overall多过平时食果啲一人火锅，另外仲有啲好爽弹既粉丝，夹个汤底真系超正👍🏼.#大埔美食 #🐷在大埔 #🐷_食
继续阅读
【大埔区】【阿部屋日式板烧．豚肉专门店】我呢排唔系好舒服，所以入咗大埔睇医生，睇完就去揾啲嘢食。好耐冇喺大元邨个平台度揾食，见有啲时间就上去八卦吓。望到呢间我未写过，姑且一战。又咁讲，𠮶真系平日下午，个头除咗啱啱放学嘅小学生同埋啲家长之外，根本就冇乜人，间餐厅都系。我入到去叫个「午市之定食」，因为冇下午茶，不过叫嘅系 $58 嘅「香川烧鲭鱼」，仲配埋「面豉汤」、「日式蒸蛋」同「味素珍珠饭」，乜都有得食，呢个价钱都冇得要求啲乜。条鲭鱼我拣咗盐烧，觉得略咸，本身肉质同埋味道都唔差，系咸咗啲啫。其实碗面豉汤都几咸，反而个日式蒸蛋就完全冇味，奇怪。嘢饮我饮热「洛神花蜜」，我自己唔记得叫佢少甜，所以唔系好惯。跟住用 $62 叫碟「铁板烧牛舌」，仲贵过个午餐，不过质素 okay，冇令我失望。咁样夹埋食咗 $120，不收加一，系可以嘅。。。（地址：大埔汀角路10号大元商场平台F3&F4号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #followforfollowback #love #eat #openrice #instagram #xiaohongshu #1am大埔区 #大埔 #太和 #阿部屋日式板烧．豚肉专门店 #阿部屋日式板烧豚肉专门店 #阿部屋 #日式板烧 #午市之定食 #香川烧鲭鱼 #面豉汤 #日式蒸蛋 #味素珍珠饭 #洛神花蜜 #铁板烧牛舌 #1am1598 #1ambackup
继续阅读
您可能会有兴趣的...