阿翁拉麵小籠包 (已結業)

朋友相約在 北角 的港運城會見, 談談近況, 順便交換一些書籍 .... 之後就在港運城的 food court 行個圈, 看看有什麼食物值得一試 ~朋友知我一向喜歡吃小籠包, 便推薦這家 阿翁拉麵小籠包, OK 既然朋友推薦, 我便試試～看來這家小籠包店還是有些來頭的, 我就點了其招牌貨, 阿翁上湯小籠包 ....阿翁上湯小籠包 $ 25/4隻 : 一籠四隻的小籠包, 隻隻堅挺張卜卜又飽滿, 每一隻都是16摺, 小籠包的皮不算是很薄的那一種, 但還是厚薄適中的, 而且有煙靭口感; 一口咬下湯汁澎湃而出, 湯汁非常鮮甜, 看過貼在舖頭門前的介紹說 "其湯汁乃是用鮮魚淆製而成的", 看來店方並沒有吹牛; 小籠包內裏的豬肉餡大大件, 肉的肥瘦的比例相當好, 好吃 ~這店的小籠包, 算是有水準, 真是平、靚、正 ～本篇完～

雖然係商場內的食物小店，但以上海菜來講，好平，好底食！我最愛的是酸辣湯麵，小籠包，紅油抄手！以甘底的價錢,👌老實講，物有所值！有時候夜晚又有小菜食，一講起又好想食啦！酸辣湯麵真係好好味架！我經常外賣拎回家慢慢食，足料，多麺，個餐都係港紙40倒，又有野飲又有小菜，今時今日無甘多底食飯店！好味好味！真係好好味！同其他店比唔差得去邊！價錢仲好低！豆漿又自家，每次食都好放心！夠味又好衛生！係時候食啦我！

吃過多間上海菜，始終覺得這裡是最抵食的。食物味道算不上是出色，但價錢方面一定是最抵的。這裡的食物款式挺多，除了多款麵食和飽類，也有多款冷盤和小菜。這裡的套餐是最抵食的。先選一款點心（$40），有小籠包、生煎包、鍋貼等，套餐本身是跟配雪菜肉絲麵的，加 $4 便可以轉配擔擔麵或酸辣拉麵，另外配熱飲。整個套餐只是 $44 便有麵、小食和飲品，坊間一個擔擔麵也不止 $44 吧？不過味道方面只可說是 food court 質素～小籠包和鍋貼很快便放涼了，令外皮有點硬。小籠包的皮不厚，咬下一口亦有些湯汁，但肉餡就偏肥。擔擔麵的湯充滿麻醬味和帶點辣味，但好像有很多鹼水，加入了香辣肉碎、花生粒、榨菜和蔥花粒，不錯～麵條硬度和份量適中，絕對夠飽。

一個人食晏，再次來到港運城搵食美食廣場又是人頭湧湧今日心血來潮想食上海野美食廣場的好處就是選擇多想要咩國家的菜式都有機會搵到要食上海野就可以來到這間阿翁拉麵小籠包餐牌都顯示於牆上，午市有點心套餐/湯拉麵套餐，價錢由$3x - $4x 不等。選好食物後，就可以到旁邊的收銀處付款。付款後，拿著發票就在旁邊等候。我選了點心套餐($38)，點心選了我喜歡的小籠包，再配搭雪菜肉絲湯拉麵。套餐包飲品一杯，凍飲另加 $2，我選了熱檸茶。等候約5分鐘，食物已準備好。驟眼望，套餐的份量都頗多。最吸睛的，應該是那籠熱烘烘，肥嘟嘟的小籠包。急不及待立即試第一粒「肥」籠包。咬開第一口，可以看到皮非常非常的薄。老實說，我咬的時候稍微粗暴，所以湯汁已經破皮而出。。。在此溫馨提示大家一定要咬得溫柔一點。咬開了小籠包後，可以看到小籠包並不小，其實挺肥的，因為內裡塞滿了肉，細心一望，慶幸肉粒並不是肥豬肉，肉粒亦頗嫩的，不“鞋”口。相反，旁邊的雪菜肉絲湯拉麵稍微遜色。驟眼望，肉絲並不多，慶幸雪菜亦不多，因為個人不大喜歡雪菜。拉麵方面，可以看到麵條頗幼的，咬下去都不太厚粉，亦稍稍彈牙。略為敗筆的反而是那個湯，稍稍油膩，亦頗

是日與老公在港運城叫了2款拉面，香酥排骨拉面和鮮肉水餃拉面，都是配凍檸檬水。首先講講2款拉面，我與老公將2款拉面混在一起食，我覺得排骨不夠香脆，拉面和水餃一般，不覺好特別，至於跟餐的凍檸水是超甜，我不喜歡這么甜的檸水，我只喝一口就不喝了。

下午茶時間，近排一直想食上海菜，就近有阿翁，方便快捷話就話上海菜，其實最想食都係紅油抄手紅油抄手$20/5pc食過幾間，有啲係餃子，有啲係雲吞，其實都唔太清楚究竟邊種打邊種^^"總之就鐘意食啦!又鐘意餃子餛飩又鐘意食辣，紅油抄手就啱哂呢度係近雲吞類型，醬汁咸中帶甜，唔通用左甜豉油?陣味都幾得意既..而雲吞都有啲奇怪，餡料既口感好似“泡沫”，總之就好似將啲餡同牛蒡攪碎咁“滑傘傘”既感覺...而且，中間仲係凍凍地應該係未完全翻熱…見住佢拎住幾隻冷凍左既雲吞落水“陸”總括黎講，麻麻啦都係鐘意餃子類既紅油抄手下次都係食番雞絲煨麵，清甜健康好味道

最近狀態一般，胃口也欠佳，是日又要自己搞定晚飯，把整個港運城 food court 走了兩圈，才決定來這兒。（誰叫是日我不吃肉不吃包又不想再吃大快活！）所以即使是來到阿翁，研究吃什麼也要花一番工夫。最後還是吃最不用用腦的青菜燴麵（$34）。日式拉麵大家吃得多，中式拉麵的受歡迎程度，猶給比了下去。其實燴麵也不是我最喜歡的麵食，因為它軟趴趴一 pat pat 實在不太對我的口胃（不是店家的問題而是燴麵本來就是這樣子），裡頭有切細的青菜，還加了一些菇類，總算好吃一些。至於那個湯底有否用肉煲（湯是奶白色的我估應該有）我就沒有考究了。這碗麵有跟飲品的，不就是那些豆漿奶茶咖啡檸茶檸水什麼的，沒啥好說了。

很久沒到港運城美食廣場, 不知現在有什麼好吃的... 先找個座位坐下...到達後才發現, 很多間食店都在這裡或其他地方吃過, 只有2間未嘗試過... 其中1間食店很多人排隊, 我又決定要跟大隊了...上海回鍋肉 $38-- 豆乾只有2片, 回鍋肉很辣, 青椒味濃, 完全掩蓋醬汁的味道...豆漿-- 豆漿有豆味, 入口順滑沒有渣, 甜度適中, 不會過甜, 暖暖的, 很暖胃...菜飯-- 沒有太多菜, 白飯未收乾水份, 有點腍...西洋菜湯-- 淡淡的西洋菜味, 半點肉味也沒有, 應該是水滾西洋菜, 雖然如此, 幸好沒有下太多鹽, 不會過鹹, 飲得安心...鎮江餚肉拉麵 $36-- 噢... 我誤會了是鎮江醋排骨之類, 我最討厭吃這款凍肉的... 不敢吃皮, 餚肉的味道像火腿, 鹹鹹的, 肉質很結實...拉麵-- 拉麵太軟腍, 湯底清淡如水, 不太好吃... 味道不太好, 但價錢不太貴... 美食廣場在中午時分座無虛席, 是不是學生哥效應呢?!! .

四川擔擔麵：配料有蔥花、花生和榨菜。麵底夠彈牙，個湯汁混有花生醬，好入味！ 鍋貼（共６隻）：層皮煎得好脆，個邊有少少＂火農＂，增加質感！內餡係菜肉，鮮味又爽口，點埋喼汁食，唔錯唔錯！ 上海粗炒：必食的上海式炒粉麵！肉絲同菜都足料，Ｄ上海麵炒到令立立！

今(7-5-2011 Sat)朝同男友o黎到,佢放低o左味佳居o既o野食後,亦放低o係呢間買o左o野食o既發票.我就問佢真係又o係o度買o野食?佢答唔記得o黎過呢o度食,同食返呢兩間.今次佢買o左:1.$6.00o既凍豆漿我又飲吓,冇味o既?水o黎o架?2. $18.00o既手拍青瓜同上年一樣冇加價,份量,賣相都差唔多,味道唔夠,又唔香又唔夠酸.最後要蘸味佳居o既魚露食.睇翻上年食評: http://www.openrice.com/restaurant/commentdetail.htm?commentid=2096893,原來呢兩樣o野都係一樣咁差,冇改善過.3. $18.00五隻o既菜肉餛飩呢個等好耐至有得攞.睇個湯好鬼死清,清到我去拎o既時侯想問佢有冇咩調味料可以攞.但返埋位同男友講時,佢話o個o度只有豆瓣醬攞.飲啖湯時,真係好清,清到飲到味精味,而餛飩就好夠味,而且皮都好滑,反而唔錯.

今朝(3-7-2010 Sat)我買完越南檬粉後,到男友o係另一間買o野食,佢o係o度買o左好多o野,有$33.00o既排骨擔擔麵餐,要凍豆漿,加$22.00o既上湯小籠包同$18.00o既拍青瓜.我見熱食應該要趁熱食,所以一齊先食呢個.男友先試排骨,佢話好食,因為香脆,我又唔覺得脆喎,但係夠厚o既.而擔擔麵呢,都幾多花生醬,但食唔出味不過幾滑.小籠包大大件,係有湯汁但水準唔高.凍豆漿冇味,唔係幾得.我o地食剩拍青瓜同食凍檬時一齊食,因為全部都係凍o野嘛,拍青瓜酸酸地又夠冰凍,唔錯o既.最後睇睇張單,原來個擔擔麵係小辣,但我一啲食唔出辣.

因為間日本野無野位所以就去左個food court醫肚見到有上海野就衝左去食lu!叫左...擔擔麵講真...其實幾抵食呀呢碗麵因為$25蚊一碗個麵餅都幾大架!不過講真呢個價錢唔好expect好似係翡X 或者 霸X山X個D地方嘅質數係等嘅時候我見到佢成個整碗麵嘅過程唯一令碗麵最敗筆係見到佢落辣椒油就係因為呢個咁嘅方法就令到D成碗麵辣左難怪碗麵係可以揀走辣不過佢個芝麻醬比較creamyoverall呢碗麵係都算抵嘅石頭鍋臘腸炒飯佢唔係真係韓國個種真係係個石頭鍋入面煮左先架呢個餸其實只係個盛載器係石頭鍋只係將D臘腸炒飯擺入去個石頭鍋所以係唔會食到任何飯焦同埋個石頭鍋有好多油呀@@再加上臘腸本身係一個比較油膩嘅食物所以成個炒飯都好多油以$36黎講個size同埋材料都係幾足嘅不過你話健康角度黎講真係有D orzzzzz 不過overall都可以過得去嘅小籠包只係個皮厚左少少!但係個皮唔係太差架個肉都okay實同埋都幾多湯係比平時個D上海餐廳多架D湯同埋價錢都真係幾抵若果唔係追求完美只係想食一食好味嘅小籠包都可以選擇呢間!因為$22蚊4隻佢個quality不遜於個D連鎖式嘅上海餐廳架!唔記得叫咩名

上次試過這裏的小籠包和拉麵之後有點意猶未盡，所以不到一星期再到這裏嘗試其他的菜式。今天點了鮮肉鍋貼、小籠包、香酥排骨拉麵、三鮮炒拉麵、上海回鍋肉和擂沙湯丸。鮮肉鍋貼 ─ 皮很薄很軟，底部卻煎得香脆，內裏的肉很鮮，很多汁，非常好吃!唯一可以挑剔的，就是其中一隻破了口。小籠包 ─ 不愧為招牌名物，皮很薄，內裏的肉夠鮮甜，又充滿肉汁，更好的是改善了一夾即破現象，質素可媲美頂泰豐出品。香酥排骨拉麵 ─ 排骨頗軟滑，但如果較厚肉的話口感會更好，可惜不是熱辣辣剛炸起，拉麵有鹼水味，除此之外都頗彈牙。三鮮炒拉麵 ─ 以微小蝦仁、火腿絲和少量雞絲炒成的拉麵，份量頗足，也有鑊氣，不過用料和賣相卻有待改善。上海回鍋肉 ─ 份量頗多，肉片炒得又滑又爽口，椰菜很脆，又非常有鑊氣，不太辣，不過太多油。擂沙湯丸 ─ 很軟糯又不太甜，不過內面的蔴蓉餡料香味不夠，而且洒在外面的花生碎完全沒有香味，所以不太好吃。兩次試食的經驗所得，這裏的鮮肉鍋貼和小籠包都做得很出色，小菜也不會令人失望，不過甜品方面不試也罷，吃了才會令你大失所望!

知道這裏開了一間以food court形式經營的新上海食店，基於勇於嘗試的心態，所以到此嘗新。這間位於北角港運城美食廣場內的食店，環境和裝潢非常時尚舒適，營業時間為7:00am-9:30pm，非常切合早起上班上學客人的需要。點了點心套餐(包括: 4隻上湯小籠包、一碗大大的素雜錦拉麵、豆漿)和高力芒果奶皇，在收銀處點菜和付款後幾分鐘後，除高力芒果奶皇要多等一會之外，其他都通通上齊，效率是一流的。先吃上湯小籠包，皮很薄，內裏湯汁奇多(甚至比頂泰豐的還要多) ，而肉的份量也頗足，煞是好吃，不過除了第一隻沒有出現一夾就破的情況外，其他三隻，隻隻如是，大大破壞了食興。素雜錦拉麵其實是蠻大碗的，拉麵嚼感與一般上海食店所供應的都差不多，所以就給頂泰豐的出品比下去。後者的口感是麵條幼滑，吃得出是精細出品。配菜方面有，竹筍、冬菇、齋卜、豆腐干和少量白菜等。竹筍頗大塊和清甜，菜也燙得青綠好吃，不過冬菇醃得不夠入味，所以香味不夠突出。齋卜是非常大的一塊，但可惜油膱味很濃。整體來說，味道可以接受。豆漿就是一般貨色，沒有甚麼好說的。高力芒果奶皇方面，將蛋白打成泡，然後加上麵粉攪拌成糊狀，就是「高力」，配上各種材