阿波座本格黑毛和牛燒肉屋 (已結業)

難得屋企夜晚無煮就成家出街搵食，係條街度經過邊間覺得順眼就衝入去😆估唔到今次食既呢間相當有驚喜，晚市平均每人都係$74仲要唔洗加一，再跟埋沙律、 麵豉湯 同海帶。雖然間餐廳主打係和牛，但係我地叫咗佢其他定食，都一樣好食😋1⃣ 黑蒜燒汁牛肉丼飯定食（$78）燒汁味重而牛肉份量同味道都可接受，配埋温泉蛋係中間再重鎚撈勻佢😆不過飯就偏濕爛🧐 但整體嚟講不俗2⃣ 日式咖哩炸雞定食（$68）呢隻咖哩偏日式，味道偏甜，一啲都唔辣。 炸雞肉質相當嫩口， 嫩到小編以為有少少生嘅感錯覺🤣，但係係熟既，請放心。3⃣ 日式照燒雞扒定食 （$78）同樣肉質嫩口，燒汁味突出。而且係即叫即煎，上到枱面真係熱辣辣😆半熟蛋就平平，可接受

門口經過見好似不錯，又幾多人就入去試試睇完餐牌都係試下個和牛丼啦睇落細細粒，其實份量都唔少，落埋個秘汁，係唔錯既，幾有牛味，唔會好un，但未到入口會化開沙律除左2粒蕃茄仔，2片青瓜，下面全部係椰菜絲，如果唔係有胡麻醬，個人會覺得太寡另外都有跟麵豉湯，餐未到已經飲左無影，偏向清淡奶茶唔太好飲…茶味唔出…有d似飲緊有色既水…抵就唔係十分抵食，志在試新野，店鋪人手唔夠，好彩2位店員好有禮貌，等一等都無緊要

慶祝日諗住食餐好少少，點知就衰收尾🤦🏻‍♀️8 點幾去到，話 d 套餐賣哂，得返散叫。然後其中一個老闆人物熱情地介紹我地食和牛丼 (但佢係讀井😓果下都覺得有點不安架啦，係日本餐廳做都可以讀錯既) 咁我地就試啦，加埋個秘制汁真係 ok 好食既，入口咬兩下就融了。只係食左一半就覺得有 d 漏，要食返 d 沙律同黃蘿蔔解下膩先可以繼續。另一個好處係沙律，湯同漬物係任食既。散叫左幾片牛，同牛舌試下，但 d 肉上左超過四個字都未有爐俾我地😰 牛都嫩滑既，但唔夠肉味。牛舌係厚切，要用 d 力先咬到，第三舊近筋位我係咬唔開🤦🏻‍♀️ 明太子雞翼都普通。重點係食到一半隔離有枱人入左黎，兩個老闆就一樣熱情介紹啦，但就俾我地聽到佢地話可以照叫套餐，只係有 d 種類無，但可以補其他款俾佢地。我地聽完心諗，咁點解頭先佢地唔咁樣同我地講可以咁做啊🤷🏻‍♀️有 d 嬲😤基於服務安排都幾混亂，食物質素又普通，未必會再去了。

因為廣告吸引我吃了一次，但也是最後一次。睇到某專頁出了一條片介紹這家餐廳，拍攝得很吸引，所以今晚決定試一試。約八時半到達餐廳，但進入餐廳後發覺大部份A4A5和牛都售完(門外是有張貼告示的但完全不清晰)。所以發現有有很多人跟我一樣進去後才知道，但沒有辦法只好坐下試一試。然後，點餐出餐只能說勁混亂。例如明明點了兩片牛舌又少了一片，有些直情漏單，共叫了三次店員才處理得到，好像完全沒有系統。肉質方面，大家看相片也因為廣告吸引我吃了一次，但也是最後一次。總括來說，若果應付不了就不要落廣告，連品質保證、服務都做不好，很難有下一次。**抱歉因爲看到也沒有心機拍照，所以不是太清晰。

炸蝦定食有三隻，如果多一兩隻視覺上更好，定食中包含了前菜，沙律，味噌湯，可惜無餐飲，但老闆好好人，招待好好，有禮貌，不會在客人食完後就馬收拾餐桌上的物品，令客人不會感到趕客的情況。炸雞定食有五大塊，唯一可惜是粉漿有啲厚，本身雞件好滑，好食，飯都好食。一定飽肚。

朋友話西菁街啱啱開咗間大阪式燒肉又5貴！本身勁鐘意响日本食燒肉所以嚟試試！坐底叫咗個阿波座黑毛和牛二人盛因為麵豉湯丶沙律吧任食嘅！仲有和牛其他部位可以一片一片叫好似响日本咁就等我試多幾個不同部位先等咗3個幾字卒之有得食了！不過就耐咗少少啲侍應都5熟手！講返啲食物好在飯係日本米同熱辣辣嘅今日啲牛係鹿兒島縣和牛不同部位真係有不同口感！西冷肉眼嗰啲香港食得多呢度保持油花分布均勻！牛舌係牛舌心超正肩甲、後腿肌丶三角肋肉無咁肥反而似返本地牛不過軟滑好多！最驚喜係個鹿兒島黑豚肉啲肥燒熟咗係膠質狀態㗎自己燒我就鐘意5成熟其他炸豬扒外面脆裡面juice原來都係日本黑豚肉！最後埋單等咗5分鐘！竟然要老闆過嚟埋單所以我都即刻同老闆反映啲侍應好生手！老闆話啲侍應係新手所以會換過班熟手侍應！我話梗係要啦！好在啲和牛好好食有心改善係好事所以下次一定會再嚟

今次經驗之後老豆話新開張既唔好叫佢試，混亂到簡直令人髮指🤬🤬-好彩我準時，如果唔係張枱就比左人(唉，早知等佢比左人算)!-個侍應哥哥新到on下on下，抹抹下枱比人叫走塊布就留響到!-當晚無牛舌，原來連set入面既牛舌都無就自己轉左另一款肉(即使價錢貴過原本既牛舌都應該要同客講聲)!-問侍應拎嘢次次一去無回頭/要催幾次!-任飲的麵豉湯大家飲左好多，但唔係因為好飲，係因為野食好耐先到!-嗌左2個2人set/一碟豚肉/一條鰻魚，唔飽再追加個壽喜燒，惡夢既開始，首先黎碟肉，攤左10分鐘再追個鍋，鍋呢，個鍋黎到呀哥仔就想響我隔離撻火，大佬呀，你撻完火我點成個鍋搬去中間呀，已經白眼反上天花板，個鍋其實得水，我唔明點解要搞咁耐，其實仲爭個烏冬架，咁我地追完個烏冬心諗應該有排，就慢煮下啲肉黎食喇(個鍋傳熱勁慢，好心佢用吉野家嗰啲喇)，到啲肉食完，老細望望下話係咪啲菜未比你，原來係有一整兜雜菜架，老細叫廚房即刻執，即刻即是執左十分鐘，個爐啲水由始至終都無乜點滾過，格硬食，最後我頂唔順再追多次個烏冬(係呀，個烏冬20分鐘有多都未黎過呀，搣開個包裝袋咋喎)，叫呀姐唔該叫廚房煮埋比我，呢到個火應該煮到聽朝都唔