阿德爾港畔餐廳

营业中

休息中

好開心鍾意嚟到Frozen主題餐廳，我和仔仔都等咗好耐，今個月仲要仔仔生日，有買一送一優惠，所以叫咗兩個兒童餐，另加咗一個凍蝦配海鮮醬（只需$55），兒童餐份量好OK，個炸糖環都幾好食。由於夜晚太多人，室內地方已經坐滿左人，唯有喺室外用餐，但係估唔到室外環境仲正，有河畔水池景，同埋夜晚都唔太熱，期間都有職員幫手帶位，以免人流擠擁。不過大人嚟講反而凍蝦配海鮮醬令我最開心。因為其他餐廳其實都食過，相比之下其實呢間環境價錢嚟講都算好唔錯，下次可以再嚟。

試一試新開嘅園區食物大熱天時去有冷氣嘅地方慢慢食環境好北歐感覺，牆上面掛滿主角嘅肖像畫我哋每個餐都叫咗一份1. 港畔海鮮薈 $238有肉 青口 蝦 紅蘿蔔 薯仔，無飯或粉之類2. 小鎮芝士火腿雞卷 $218雞肉夾住芝士同火腿，仲有配菜3. 掌櫃秘製羊膝 $238羊膝好軟腍用刀一下就切開，好多肉食落有羊羶味4. 森林貓耳粉 $198貓耳粉口感煙韌，上面仲有一隻溫泉蛋每個餐都會配送雪花餅❄️及一支飲品額外仲叫咗個小食 阿德爾蘑菇汁肉丸 $55 留意個肉丸係牛嚟㗎🐮

好耐無去港畔餐廳。再之入去都係食返至愛既$238港畔海鮮燴。白汁混入三文魚。重有新鮮烤熟既青口。因為本人個肚受唔起生冷野。熟食三文魚配青口。再加埋新鮮大蝦，全部係上等食材。滋味無窮。最後將餐包放入白汁一齊食。食到最新鮮味既海鮮味。加埋支青桃味汽水，消暑解渴。個人誠意推介。個人建議天口熱。最好坐係大室內涼冷氣。

今次就試主打的「阿德爾港畔餐廳」，餐廳裝潢已經非常有北歐風味，再加上食物都是北歐美食，果然在樂園說會有種置身動畫中的感覺。餐廳採取自助形式，店員會先介紹再協助填上點餐紙，只要遞到廚房，廚師會即時準備餐點，只要稍等一會就可以捧著你的美食到收銀處付款用餐了。❄️港畔海鮮燴滿滿海鮮，有三文魚、青口、蝦，配上薯粒和紅蘿蔔粒，炒加上一點點香料刁草增加了北歐風味，附上黑糖麵包，份量挺足夠。❄️小鎮芝士火腿雞肉卷雞肉＋火腿+芝士三層一起炸，外皮少少脆不會太油膩，配上芥末忌廉，略嫌雞肉有一點點乾，配上的薯蓉滑順，炒雜菜挺清新。❄️森林貓耳粉端起來已經聞到一股很濃的松露香，松露忌廉汁貓耳粉配上溫泉蛋，與蛋汁混和在一起提升口感，加上野菌作伴，適合素食人士。❄️炸糖環脆炸糖環，甜而不膩，香脆不甜膩。

The restaurant and the dessert shop(Northern Delights) is next to each other. Since Northern Delights is not available at Openrice, this review will combine them both.The restaurant was decorated with portraits of Elsa and Anna.The lamb shank was hot and tender and it was larger than I thought. The presentation of a whole chunk of meat falling off was slightly off-putting but I guess they made it too tender thus resulting this. You can choose soft drink but I decided to choose water instead.Ther

5月31號我喺阿德爾港畔餐廳食咗掌櫃秘製羊膝我第一次食呢個餐，覺得幾好食。其實我第一次嚟呢間餐廳叫咗個貓耳粉配一支汽水，都幾好食掌櫃秘製羊滕呢個餐有羊膝，薯蓉，薯角，兩粒車厘茄，一條菜心同幾條豆角係$238配一支汽水，貴得來但好食，值得呢個價錢P.S. 我建議大家嚟迪士尼都可以去試吓呢間餐廳

阿德爾港畔餐廳⚓️ 迪士尼篇🏰係一間北歐菜式餐廳，餐廳分咗店內及店外位置。入面位置以航海為主題，有好多冰雪奇緣❄️相片，同航海工具，好符合電影元素，整體環境好靚，但偏暗。而店外位置就位於露天湖旁邊，光線比較充足，仲更有機會見到安娜/愛莎扮演者出面經過，可以同佢地打招呼。🍑港畔海鮮燴🥘海鮮燴裡面有吾同海鮮，分別有三文魚、青口及大蝦， 亦都有好多洋蔥，薯仔，紅蘿蔔，青豆做配菜， 食落去係淡奶油忌廉汁味，牛奶味好香， 醬汁好濃稠，但味道比較淡口，唔係好夠味。跟餐配咗一件黑糖麵包，同outback 個款好似，用麵包配醬汁一齊食幾好味。份量睇落去唔係好多，但實際上食完都幾有飽腹感。🍑 小鎮芝土火腿雞肉卷佢係一舊炸雞肉卷，中間夾咗芝士同火腿，隔離配左薯蓉，薯蓉份量幾多，味道同樣偏淡，配芥末忌廉醬一齊食啱啱好，醬汁似甜既蜜糖芥末醬，真係一款萬用醬， 配所有食物一齊食都好夾，有提鮮既作用跟餐配一支飲品，今次揀咗校好符合Frozen 主題汽水，佢係出，茉莉白桃味，顏色係藍藍地，飲落去蜜桃味為主，茉莉味道唔係好飲到。另外，套餐仲有一塊雪花形狀糖環，味道似香港傳統零食

第一次坐低喺Frozen 園區用餐，有幾個熱餐選擇，小朋友揀咗海鮮拼盤，跟餐嗰個黑糖麵包好似Outback 嗰個包嘅味道，我對那個包有情意結的，所以覺得好食，但係比較地道，汁多但海鮮唔算多，個麵包又比較細，所以係唔夠點的，跟餐個「糖環」有啲似甜嘅蛋散，很有趣的配搭。另外叫咗雞餐，雞肉內有煙肉同埋芝士，伴碟有雜菜，包括西蘭花同埋幾種雜菌，呢個幾有誠意，雞肉下面有薯蓉，作為呢個餐嘅carbs。跟餐選擇嘅飲品有三種：蒸餾水及另外兩種藍色嘅飲品，我就唔會俾細路仔飲，配合Frozen theme 都係咁話。

玩完奇幻之旅，同阿女去隔離餐廳食晚飯，餐廳裏面唔算好多位，所以佢哋室外都有餐檯供應。呢間餐廳似乎比其他餐廳少人，唔算難搵位我同阿女呢晚叫咗兩個套餐#2 小鎮芝士火腿雞肉卷見到幅相好似幾吸引，但係因為個雞卷整得太耐，只係用暖燈保持溫度，原本應該係外脆，成嚿嘢變得好硬好乾，唔係幾好食，唔建議叫呢個餐#4 森林貓意粉呢個係配黑松露汁，配溫泉蛋，再加啲蘑菇，唔算特別好味，因為有黑松露醬，所以味道唔會差，值得一試每個套餐都有個糖餅跟，食落似我哋中國新年嗰啲角仔個外殼值得一讚係我俾錢嘅時候，服務員主動問我坐邊度，幫我攞兩個餐去我餐枱金卡會員有82折

🤍小白慶典蛋糕 $55首嘗carrot cake🥕🍰上面有小白朱古力 同埋糖膠花花🌼蛋糕食落濕潤 有淡淡嘅肉桂味紅蘿蔔同堅果碎豐富咗個口感😋中間兩層嘅忌廉芝士中和返個甜味🧀令蛋糕食落唔會過甜 唔會咁膩-回訪嗎：🙅🏻‍♀️（始終都係貴 食過就算）味道 🌕🌕🌕🌗🌑抵食 🌕🌕🌕🌑🌑-

迪士尼園內餐廳,應該係快餐先啱,自助形式,揾位、落單、取餐、付款.....幾款套餐,每款都大约二佰元海鲜大薈$238森林貓耳粉$198火腿雞肉卷$218配菜都幾新鲜跟餐嘅糖環,另外可選汽水一支,藍色嘅芬達似乎係首選,味道都幾新奇!整體食物質素ok,可以一試,價錢就見仁見智,入得迪士尼預左俾佢劏.....

迪士尼開咗新嘅Frozen園區❄️成個園區都好有北歐既夢幻感🇮🇸 少不免點都要食下佢既餐廳🤣 呢間既裝修好似北歐既小木屋咁好Cozy好有氣氛🪵 但係食物方面睇得出佢想Replicate北歐既菜色⛄️ 但係用料同煮法都欠缺水準🌝感覺比園區其他餐廳差🙄 而且價錢偏貴整體CP值不高⭐️ 港畔海鮮匯 🌊忌廉汁完全冇味用嚟點黑糖麵包同樣欠缺黑糖香🍞 海鮮有青口蝦同埋三文魚都係無味的🦐 紅蘿蔔同薯仔粒太硬好似未煮熟🥕⭐️ 小鎮芝士火腿雞肉卷 🍖本身以為俾外皮會比較香脆但係咬落去好淋😢 芝士同火腿既調味都尚算配合🧀 另外每個餐配上一個炸糖環 雪花既造型好特別🩵味道就似中式麻花咁

今日嚟咗迪士尼新園區餐廳—阿德爾港畔餐廳試吓。呢間係Frozen 主題餐廳，係食北歐風味菜式嘅。除咗兒童餐外，有四款成人主食套餐、兩款小食。取餐處有各式各樣食品，落咗單職員就會夾俾你。我今次就試咗掌櫃秘製羊膝。餐廳入面好多枱都食緊佢😆羊膝用鐵煎pan造型上，終於唔係膠碗碟☺️，賣相唔錯。取餐嘅時候亦都有個方形蓋蓋住。羊膝味道唔錯，肉質唔會韌。配嘅啤酒汁味道都好好，有北歐風味🍺薯蓉味道都好好，口感唔錯，配埋個啤酒汁食，我飽咗都覺得好好味😋但係伴碟嘅烤雜菜🥕🍅🫛則一般，過乾身也沒什麼味道。佢嘅份量相當多，我食嘅時候都算幾肚餓，但係未食完個羊膝已經好飽。呢個餐正價係$238，我有金卡所以折後只要$195。樂園入面有呢個質素真係超值👍🏻飲品方面跟餐係一支指定支裝飲品，我去嗰陣時有下面呢三款選擇—水、雪碧同埋藍色嘅茉莉桃味汽水🍑。我就試咗藍色茉莉桃味🍑。我之前未飲過呢款汽水，味道都ok，藍色幾襯阿德爾小鎮⛲️餐廳係Frozen 阿德爾主題，有分室外同室內用餐區。我今次坐室內，內部裝飾都好細緻，呈現到阿德爾風格室外用餐區則可以睇到frozen園區風景餐廳都算好受歡迎，到午飯時間就有人流管制唔俾咁多人入