影片
以上资料只供参考，请与餐厅确认详情
食家推介
今日已经明显很少人！前面得一两张单！点知我个餐要成20几分钟...明明已经系熟食唔使煮😥行到过去见到佢仲喺度处理紧其他食材，剪紧鸡用嚟备份，我个面就摆埋咗一边喺个兜入面，我问我个餐仲要几时得！先即刻去整埋我个餐！真系好失望，搞咩？后尾我同佢反映返个问题！我平时都唔系，佢哋先覆我话系咩，一句唔好意思都冇！睇嚟个问题都唔会改善。其他餐都搞掂晒，我呢个熟食唔使煮嘢都要等咁耐... 服务态度真系好唔掂！两个都慢吞吞。
继续阅读
之前系观塘店食过一次，今次系go go mall见到就又黎食下。佢个盐水鸡其实不出色，不过不失吧，下次可以试下鸡翼。不过佢d水果几好食，应该真系台湾水果。上次抱住猎奇心态叫了芭乐配烧烤酱，以为会好奇怪，估唔到好好食今次试了阿土酱，味道不错，挺辣的，但是比烧烤酱来没有那么夹芭乐。荀丝都唔错。不过嘛，佢个一人餐：鸡+3料，cp值都唔算平。环境方面就一间小店，go go mall是美食广场，没甚么好说的。想食水果可以食下，不过如果比较饿或者真想食盐水鸡唔会㨂佢
继续阅读
今日带左呀仔去其他妈妈屋企既会所玩，玩完等埋爸爸收工一齐去雅都既food court 食。爸爸无胃口同呀仔share一个饭，所以我又可以自私食啦，行左好多个圈都谂吾到食咩，以前听我姑仔讲雅都有间盐水鸡好食，都吾知系咪呢间，但咁多人买应该吾差既。点餐系要填呢张纸，因为我吾知调味粉洗吾洗拣，就行去问姐姐，顺便落埋单，好彩排定队问问题，迟小小己经截单，虽然有人排者，但都唔洗等半个钟吧。皇牌套餐（1/4鸡+2个配菜+香菇肉燥饭+饮品） $65：配菜我拣左卤水猪耳同莲藕，反而我觉得个猪耳出色过鸡，啲鸡肉有啲鞋，但辣味好食，肉燥饭啲肉都系鞋。
继续阅读
一直都好钟意食盐水鸡 喺附近戏院睇戏，就顺便去咗Gogomall买嚟食😋一人餐$47 一人餐有¼只鸡同埋三款配菜可以选择😆我哋选择咗甜不辣，金菇同埋猪耳🙌🏻口味，方便就拣咗阿土伯味🤣我觉得啲鸡肉好嫩滑 配菜甜不辣认真好味，烟烟韧韧❤️而金菇同埋猪耳都好唔错🤤如果挂住台湾盐水鸡𠮶阵味，我觉得呢一间真系可以止下瘾😝不过佢价钱唔算平，份量都比较少😆如果攞嚟做正餐嘅话可能就唔系好够饱，只可以当小食🥵
继续阅读
今日无意中发现，屯门新墟呢个food court ，估唔到都几多食物种类，花多眼乱，最后选择左呢间阿土伯盐水鸡，之前都有听过呢间台湾野，好似评价唔错，当然要试下招牌盐水鸡。order左盐水鸡套餐，见好似都几吸引，除左盐水鸡，仲有肉燥饭+配菜+可乐，套餐$65，都等左好耐先有得食。点知如果以呢个价钱计，食物分量真系好少，盐水鸡大约四分一只左右，食完都唔够饱，仲要啲鸡好韧，味道又淡，卤水蛋又冻冰冰，食完觉得好贵，好失望，唔会有下次😬。
继续阅读