影片
营业时间
今日营业
10:00 - 23:00
星期一至日
10:00 - 23:00
以上资料只供参考，请与餐厅确认详情
今日嚟番啅呢间位于旺角闹市中既阿四，午餐时份半满坐，唔使等位，坐低即点呢个上次食到lamlam脷既咖喱牛坑腩焗饭。跟餐有餐汤，要咗个罗宋汤，味道浓郁，酸甜度适中，十分之好味同开胃。等了约十多分钟个焗饭就上餐，焗得刚好唔会太㶶，食落有阵阵咖喱既香味，睇落去份量好似少d，但系食落就觉得份量好够，牛坑腩有牛肉味兼带少少肥膏，增加咗成个饭既味道更上一个层次，好味道。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚
继续阅读
经过旺角。行到攰攰地🥵🥵，是但入左间餐厅食下午茶，好彩冷气都够！凉晒。个份量味道都算对得住个价钱。叫左个芝士黑椒焗鸡扒饭，连埋冻饮 $55。个焗饭系即焗，叫左之后佢都有讲要等15分钟，个餐到左之后的确睇得出有几热。个焗饭仲见到d油跳下跳下，除咗焗饭，下午茶都算有啲选择。餐厅面积唔算好大，不过我2点几入到黎。都几乎每枱都有人坐紧。不过好彩一个人都唔洗搭枱。食完仲休息左阵都冇人赶。算系咁了。🤣🤣🤣
继续阅读
真系完全味道又差，服务态度又差，环境又差，完全唔知点解有人会嚟食，话系沙嗲牛肉面，但系冇牛肉，d面又系劣质公仔面，话系牛乳炒蛋，但系完全feel唔到有牛奶，口感完全唔好，讲吓环境，有好多飞虫，啲碗仲黐立立，糯米糍又完全唔值呢个价，呢间真系第一间喺旺角完完全全比我同我啲friend blacklist嘅一间店，见佢糯米糍系手工制造，谂住攞一旧试吓，结果三个人都觉得唔好食，三个人食一旧都食唔到，唯一优点就系啲歌几好听，总之为咗大家好，强烈劝退。
继续阅读
行行下旺角，有d累，又饿，随便揾间餐厅医肚，点了2个下午茶餐，日式炒乌冬和公司三文治，乌冬好好食，色泽吸引，但因肚饿，好快食完冇影相，公司三文治就等左一阵，但上菜时真的有惊喜，因为一般茶餐厅多数用午餐肉，但Uncle4系用鸡扒，较小地方食到，炒蛋又够厚，份量十足,冻柠檬我order小甜，味道刚好，清甜，茶底清澈一啲都唔混浊
继续阅读
我叫左个咖喱鸡饭，配罗宋汤。都知道外卖唔会有好大期望，但一打开饭盒，成旧拳头咁大既饭喺面头，一拎起，硬既，用筷子笃都笃唔散。算啦！食𩠌啦唔食饭，啲咖喱鸡，咖喱无味，连咖喱都无味？真系不得了！鸡又老，又无肉，全部都系骨。罗宋汤都好难唔得啦挂？又结又无味！最后，连奶茶都无茶味，死得！永不超生
继续阅读