174
43
11
所有分店 (2)
电话号码
28873269
开饭介绍
元朗人气泰国船面,汤底是熬制十二小时的牛骨汤,加上炸猪皮丶牛肉丶猪肉或鸡肉,配河粉丶粉丝或金边粉,非常正宗。 继续阅读
营业时间
今日营业
11:30 - 22:00
星期一至日
11:30 - 22:00
付款方式
AlipayHK 支付宝 现金 美国运通
其他资料
网上订座
酒精饮料
切蛋糕费
电话订座
赏订座积分
外卖服务
加一服务费
室外座位
当面支付
食记 (260)
等级3 2021-04-13
189 浏览
位於元朗既阿叔泰面,环境舒适宁静,今日黎到唔洗排队, 可以直接入去虽然知呢到主打船面,不过今次叫左其他野食首先试一试阿叔小食拼盘,有齐酸辣凤爪,2款鸡翼,以及椰汁糕。凤爪酸辣适中,好开胃。鸡翼香茅味好香,外皮亦非常脆!椰汁糕微甜,好清香冬荫公汤河,锺意辣既有福了,辣味好够,每啖食完後渐渐有辣味後劲渗出黎,亦好足料,青口都有2,3只。河粉刚刚好,唔会煮到糊状。青咖哩牛腩饭,牛腩煮得非常嫩滑,冇筋,亦吸收晒咖哩味,普通配以白饭已经好正 继续阅读
(以上食记乃用户个人意见 , 并不代表OpenRice之观点。)
💛元朗大热黄店 正宗泰国船河🇹🇭▫️放假为食兔就同朋友又去左元朗搵食,呢一间都系bookmark左好耐!一直都想试下既!门口都好多人排队,不过排咗大约20分钟左右就可以入去。▫️🍜牛肉船面($58)佢哋嘅船面,可以拣几款不同面底:金边粉、河粉、米粉、粉丝、蛋面。汤底系用新鲜牛骨熬制12个钟,味道好鲜甜,不过比船皇清。而面头嘅九层塔味道好香,附上嘅炸猪皮好香脆,通菜、芽菜等配料都多,牛腩牛丸嘅份量都好多,整体都好大碗👍🏻重点系佢哋嘅河粉系真系正宗泰国食到嘅阔条河粉,口感会烟un d,因为平时喺香港出边食嗰啲河粉都系港式嗰啲河粉,好感动😭搵咗咁多间终於搵到一间正宗嘅!不过略嫌汤底唔够热,只系偏暖,如果系再热啲会更加好!(为食兔中意饮啲热到辣嘴嘅汤🤭😂)▫️阿莱烧猪颈肉($60)猪颈肉炸得好金黄色!又大块又好味!配上泰式酸汁,别有一番风味🤪▫️🥤泰式奶茶($24)好好饮!真系好似泰国饮过嘅味道咁😍!▫️地址:阿叔泰面 ASOK Thai Noodles元朗西菁街20号益辉大厦地下3号舖。大围积信街31-51号安信楼地下Q号舖。▫️为食指数:7.5(10分为最多)抵食指数: 8 继续阅读
(以上食记乃用户个人意见 , 并不代表OpenRice之观点。)
等级2 2021-04-10
140 浏览
好抵赞的泰国美食小店老公生日想食泰国野,搵到元朗呢间好似几有特色。店员都好好,有野在Facebook查询都好有礼貌咁答,而且几有人情味。地方细细,11点10左右到都差不多Full House. 啲座位比较逼,都要坐得几密下,不过成个环境既设计都好有心思,壁画好靓。野食方面叫左老公好想食的咖哩面(泰北黄金面),卖相好靓!不过个汤底偏咸,鸡脾肉唔算好嫩。马上叫多杯泰奶解下渴。然後FF,如果佢个Corner专卖泰饮外卖都可以同旁边野饮店Fight下XD 我就叫左个牛肉船河。汤底同面正常,但好欣赏「四大调味,缺一不可」呢样野。牛丸好重黑椒味,炸猪皮好正,连平时唔食内脏的我都系咁密密食。虽然坐唔到好耐,不过论味道、装潢同理念,都系值得支持下的。 继续阅读
(以上食记乃用户个人意见 , 并不代表OpenRice之观点。)
等级3 2021-04-08
96 浏览
某天同朋友来到元朗国去到外地人生路不熟求其系openrice搵左间叫阿叔泰面的食店医肚见到个香叶肉碎炒mama呢个名咁出色所以叫左黎试原来炒妈妈好似公仔面咁,面条比较幼身炒面质感淋淋地,好香的肉碎,辣辣地,肉碎好足料,反而面既份量感觉较少🤣多啲就好啲喇另外叫左个烧猪颈肉饭,就反而觉得啲肉唔系好够送饭,最後用左炒mama的肉碎送饭了~𝙱𝚝𝚠,猪颈肉味道合格的,香口无肉腥味🤘🏻另外有加佢个小食泰式凤爪,味道还可以,酸酸辣辣都几开胃店内装修都几有特色架,好别致既感觉呢可以一试🤘🏻 继续阅读
(以上食记乃用户个人意见 , 并不代表OpenRice之观点。)
等级3 2021-03-23
474 浏览
今日入左元朗,又好想食泰国嘢,咁就系IG见到呢一间泰国餐厅,主要系食船面,从而吸引咗我过嚟呢一到试一试。佢门口具有异国风情嘅味道,颜色十分鲜艳,都好适合大家过嚟影相打卡。咁过嚟呢到真系要试一试佢哋嘅船面,而我就叫咗佢哋猪肉船面配金边粉,当中亦都有猪肉丸、炸猪皮、同埋香茅等。根据个人嘅口味你都可以落一啲辣椒粉、鱼露、糖同白醋,而佢哋就建议四样调味料都落晒。个汤底好鲜甜,反而个猪肉就一般般,而个炸猪皮就好香口,个人建议落晒四样调味料就比较好啲!另外,叫咗一个冬阴功海鲜米粉,都非常之多料喺入边,而冬阴功汤底唔会好油同好辣,如果唔系太食得辣嘅朋友都可以叫嚟试一试,而系海鲜方面佢哋都有青口、虾、蟹柳。我亦都叫咗佢哋泰式奶茶,味道都几好饮唔会好甜! 继续阅读
(以上食记乃用户个人意见 , 并不代表OpenRice之观点。)