影片
周末朋友带咗我哋几个嚟呢间楼上嘅新疆菜餐厅食午餐，估计呢度应该系香港极少有嘅新疆菜餐馆🤣老板系嚟自新疆嘅汉人，招呼非常之好🤣酱牛肉：酱牛肉干身，薄切，好牛味，系好好嘅餐前开胃菜🤣大盘鸡 小份：鸡肉切成小件，肉质软熟，加埋薯仔同埋一啲我估系新疆香料去煮，惹味好食，个薯仔鸡汁味道亦都好浓郁🤣炒时蔬：时蔬系莴笋丝，莴笋够新鲜，蒜蓉炒简单好味道🤣烤羊排半斤：羊排烤到外皮脆脆哋，羊肉肉质软熟得嚟有少少咬头，非常好羊味，仲有新疆辣椒粉同埋孜然粉可以要嚟沾羊肉食，咁就更加惹味啲🤣羊肉串：都系烤得好香口，都系好好羊味，仲啖啖肉，而且羊肉串上边厨师已经加咗辣椒粉同孜然粉🤣羊肉手抓饭：手抓饭加咗红椒丝同埋黄椒丝去炒，应该做落咗啲羊肉汁，香口又好食，仲有两条羊排黐住好多肉可以食🤣烤包子：烤包子上枱嘅时候超级热辣辣，外皮松化，配埋里边加咗洋葱粒、香葱、香料等嘅羊肉碎，好味道🤣食完之后老板仲送咗新疆乳酪俾我哋食，喺新疆系叫酸奶，好滑好浓郁，出奇地好味道🤣我哋几个都食得饱饱兼非常满足嘅一餐🤣
继续阅读