阿元來了 (鴻圖道)

多年前嘅返工饭堂，𠮶阵放lunch又过嚟坐低食，OT又过嚟买外卖返去食，年中食嘅鲁肉饭可以叠成层楼咁高今日约咗人观塘食，久违再访，原来而家系前门拎飞排队装潢系好打卡able，不过啲位有啲逼，比较适合1-4人。我哋4个人，叫咗3个主食、2个小食、3杯嘢饮，除返开~$75/人。口水鸡饭好惹味，叫咗两个唔辣，唔食得辣嘅人都食到。芝士肉松蛋饼就不过不失，馅料足，但芝士唔系好融合。嘢饮个人喜好：招牌>茱香>胚芽。…查看更多

今次捐窿捐罅去到观塘工厦，揾到呢间「哈豆」台湾餐厅，见佢个甜品名咁得意，就决定要嚟朝圣下！✨我哋今次试咗：1️⃣ 红烧牛肉肉燥饭 🍚🐮一次过满足你想食红烧牛同肉燥饭两个愿望！🤤 红烧牛肉炆得超级软腍入味，入口即化，肉燥咸香惹味，捞埋啲汁同饭一齐食，真系啖啖都系浓郁嘅台湾古早味，送饭一流！👍2️⃣ 海獭黑冰河畔温泉 🦦🍨全餐嘅焦点绝对系呢个甜品！个名劲得意，摆盘靓到好似艺术品咁，相机食先是常识吧！📸💯 佢系一个超丰富嘅甜品拼盘，有齐开心果雪花冰、朱古力奶冻、Q弹芋圆、浓香黑芝麻雪糕、清爽仙草冰同埋绵密红豆！一啖食落去，有冰嘅凉快、奶冻嘅软滑、芋圆嘅烟韧，口感层次劲丰富，味道配搭得啱啱好，完全唔会太甜，真心惊喜！🤩3️⃣ 珍珠豆浆红茶 😋❄️食台湾嘢点少得珍珠！呢杯唔系普通奶茶，系豆浆红茶嚟㗎！豆浆嘅清香同红茶嘅甘醇出奇地夹，珍珠煮得软硬适中，Q弹有咬口，整体感觉好清新！🥰总括嚟讲，呢间工厦小店无论咸食定甜品都好有诚意，特别系个甜品，绝对系打卡必点！想食高质台湾菜嘅朋友仔唔好错过啦！🤩…查看更多

放假去观塘约旧同事食晏，佢哋竟然拣咗台食。听过呢间店，但都系第一次食。冇套餐全部散叫，感觉系有少少贵，不过见到佢有控肉饭对眼即刻发咗光，因为之前去台湾搭凌晨机饿都死死吓系台北车站徒步去西门町嘅时候，到达西门町找上一间餐厅祭五脏庙，侍应阿姨介绍我食呢个控肉饭保住我一口气。所以对控肉饭念念不忘。虽然边位系肥咗少少，但系一咬落去即溶𠮶种感觉简直系爽爆。调味适中唔会过咸，碗饭食到底嘅话都唔会有啲肥淋淋嘅油，个心感觉宽一点。另外点咗几个小食，盐酥鸡相当嫩滑，锁得住肉汁。番薯波波都好食，特别钟意紫薯有种轻甜嘅感觉。唯独有啲失望系杯茉莉花珍珠冇乜茶味，个蛋饼啲芝士唔够溶，同埋个墨鱼丸冇乜特别。…查看更多

🔸鲁肉饭 $41鲁肉饭每粒饭都可以沾上油香肉汁，饭同鲁肉份量控制得恰到好处。鲁肉肥瘦适中，入口咸香，味道非常出色。🔸刈包 $37刈包配料有芫茜、花生碎、肉。肉油润软腍，三种味道融合得几好；包皮入口松软，层次丰富。🔸蚵仔煎 $40蚵仔煎蚵仔分量多，几乎每啖都食到蚵仔。而且煎得啱啱好，外层粉浆唔太厚。加埋酱汁，甜中带咸，味道地道。🔸QQ紫薯地瓜球 $38最推荐！地瓜球上枱时仲系暖嘅，外皮炸到微脆，入面口感软糯。馅料用真材实料蕃薯茸，每啖都有蕃薯甜味，食到食材本身味道，极推荐。🔸洛神乌梅汁 $23叫咗半糖版本，入口甜味偏重，酸味感觉唔明显，如果钟意酸味可能会觉得不够突出。整体感觉偏甜解渴感一般。餐厅入面会播台湾歌曲，几有feel。平日夜晚唔使等位，得闲经过都会去食👍🏻…查看更多

🧭 阿元来了•观塘🍴观塘鸿图道28号地舖讲左话要黎食好耐，终于的起心肝去揾阿元🤣观塘一讲台湾野 就一定系阿元来了。下午茶套餐-起司蛋饼🧀今日咁岩4点半去食，见有下午茶套餐。有蛋饼再加埋唔同小食 所以抵食。- 起司蛋饼 真系超新鲜热辣岩岩煎起🧀啲芝士份量好足，有拉丝既效果- 炸甜不辣 口感唔错，好有弹性 唔系得一个粉浆咁- 盐酥鸡 炸皮好薄，而且鸡肉仍然好juicy - QQ紫薯地瓜球 作为地瓜球爱好者，呢个必食！！🤤好烟靭同估唔到入面真系有紫薯馅。惊喜🤩阿元鲁肉饭🍚黎到食台湾野点可以唔食鲁肉饭呢。黎到有满满既鲁肉 ，食落同系台湾食 唔太大分别😌九份芋圆（暖)呢个份量超出我想像🤣而且佢亦有大量仙草，红豆同珍珠。个芋圆好食！好烟靭好入味。每款都有好多粒。👍🏻凤梨青茶🍍呢个正常青茶，台湾出名既凤梨，用到咁上下 有啲饱，就可以饮下 可以好好咁解腻😛…查看更多