阿一豬扒酸辣米綫

营业中

休息中

夜晚十點先返到屋企但係又未食飯，附近好多食肆都已經準備關門，但係好彩見到呢一間米線店仲開，所以就入去食我嘅late dinner，本身有諗過買外賣返屋企食，但係最後都決定坐低慢慢嘆，因為都係即叫即做即食嘅嘢味道最好。睇咗一輪menu發現其實佢都有好多好多唔同嘅選擇，不過最後都叫最簡單嘅招牌豬扒配上海麵，豬扒味道唔錯，雖然係炸嘅，但係炸粉漿好薄，豬扒唔會好韌，好鍾意豬扒上面嘅香蔥同埋花生，配返上海麵，味道不錯。

阿一豬扒酸辣米線下午茶每逢下午2:30開始，點米線或飯都送上一杯熱飲，凍飲另加$3，所以下午茶時段黎食就會有免費熱飲。招牌阿一豬扒酸辣米線是這裏的靈魂，湯底酸酸辣辣，味道濃郁惹味，辣度適中，如果不太能吃辣的朋友可以要求小辣。豬扒是另一大亮點，煎得恰到好處，外層微焦香脆，內裏保持軟嫩多汁，既不會太韌嚼不動，也不會乾巴巴，口感完美平衡。米線份量十足，粗細適中，吸滿了酸辣湯的精華，每一口都滿足，絕對能吃得飽。整體來說，這碗酸辣米線不僅味道唔錯，性價比高，值得一試。我哋係星期六下午一、兩點時間去，裏面座位已經坐滿人，建議避開午餐時間，晏少少兩、三點去食，又可以享受下午茶優惠。整體嚟講，阿一豬扒酸辣米線值得一試！

阿一豬扒酸辣米線已開業一段時間，趁放假搵機會試一試，款式非常多樣化，睇到花多眼亂，我最後就簡左個蠔仔撈紅薯粉，因為我本身吾食得好辣，有rq 小辣(不過我吾知佢地有無幫我小辣)so far辣度係可以接受，而蠔仔份量係非常非常足，一大碗幾乎啖啖都有蠔仔，食到底都仲有好多，食蠔仔都可以食飽了，黎個價錢黎講我覺得都算抵值得大家試下

阿一豬扒酸辣米線 (大埔)米線當中我會選大埔阿一豬扒酸辣米線，在大埔中心附近十字路口易找，繁忙時段比較多人，我喜歡他的豬扒，餐是可配紅豆冰，味道不錯，紅豆冰很好飲，除米綠多，仍有上海麵，泡飯選擇架。

記得好多年前喺牛頭角觀塘一帶食過呢一間嘢，寫食評先知道原來佢依家有咁多分店。招牌嘅豬扒點可以錯過呢，我揀咗清湯上海麵，佢個豬扒係好食嘅，夠大塊，救鬆軟，雖然唔算厚切但係一啲都唔薄，所以咬落去口感係幾好嘅，無論係上海麵同埋豬扒嘅份量都算多，炸豬扒冇油益味。呢個係蘿蔔韭菜餃，嚟到先知原來係蘿蔔加韭菜餃，而唔係隻搞入面有韭菜同埋蘿蔔做餡，韮菜餃好食，蘿蔔都ok嘅，不過如果再淋啲再任你啲應該會仲正。豬扒上海麵筋餐有杯熱檸水。另外店長醒咗兜酸辣蘿蔔絲畀我試，味道又真係唔錯，下次可以試下佢啲辣嘢。

這店衛生可以～感覺是整潔～店內選擇也多種類～開了一段時間～也不見太多人去吃～但一心想支持大埔小店～～於是下午茶去吃了他們的招牌酸辣豬扒米線～結果豬扒炸過度（呈微深啡黑），雖然不乾～ 但由於醃製也過度～只吃到味精豬肉味！（味濃）。 服務員見我不太吃～也有上前主動問是否太辣～於是我嘗試說給服務員聽～說：你們的豬扒米線難吃～他竟然回應：是你不喜歡吃吧了～其他人沒！我想：當然是對～口味好個人～但好像是我有問題～～😂😂結果我再沒有描述下去給他知道。

估唔到呢間阿一豬扒酸辣米線都開到嚟大埔，雞我最鍾意嘅南記米線開到去樓下之後，連呢間太太鍾意嘅酸辣豬扒都開到嚟附近海寶花園。第一次去到仲竟然好多人，要啲顧客郁吓，先至有位，可能因為新屎坑新餐廳，食客都唔少，睇吓個餐牌，都係主要係豬扒或是蠔仔等等。我都係試返個豬扒酸辣撈，佢嘅酸辣都真係幾辣，要唔叫飲品食得完，都要好食得辣先至得。豬扒又唔算太過特別，醃得都算入味，不過都係偏鹹偏辣，令到豬扒不算是很鮮味肉汁，同埋不夠厚身，偏向薄瘦其實都有點兒柴因此不算是格外美味。米線普通，冇乜彈性，荵夠香，其餘都冇乜特別總括新屎坑應該都會有啲人食吓，除非好鍾意食佢嘅超級濃味酸辣，或者覺得啲湯好正，如果唔係我都唔會再去光顧。

意外發現，好熟口面，入去試試，又真是當年，終是麻酸辣米線始祖，有功力。酸辣出色，店家也歡迎客人提出辣味度數，以作調整。豬扒入味，另上更鬆脆；韮菜餃有四粒，非常親民；紅豆冰可見完粒紅豆，非常古色。