阿一天下 (已結業)

還記得上年八月寫過一篇呢間餐廳既食評，此餐廳以賣鮑魚、魚翅平價為主(午餐)，或許基於食物選擇較少，相對來吃午餐的人客也會少，於是他們改變了經營路線，每日推出不同六款的午餐set，有炒飯、炒麵、焗飯、亦有佛跳牆，算是多了選擇。久久未有幫襯的我，相約同事一起食lunch。來到此餐廳的人均會有前菜一碟，雖然前菜不是什麼特出，但醒醒個胃，亦算不錯呢！之後點了乾炒牛河及鴛鴦飯，來炒粉麵飯之前，亦有一碗。中湯喜歡飲湯的我，喝了整整一碗，湯的味道不錯，每碗湯都有不少材料，看得出是老火湯，不像一般茶餐廳般，湯+水或是加上大量味精，未食正餐已加了不少分！ 最後再品嚐炒牛河及鴛鴦飯，我第一反應的是，是否轉了廚師或是廚師進步了？他們所煮的食物很有水準，牛河爽滑得來，卻不油膩，碟子沒有剩下大量油，鴛鴦飯所用的材料亦很足，單單這碟鴛鴦飯若果在酒樓點的話，我相信需要70多元吧！另外不得不提的是，他們的辣椒油是加有XO醬，增添高貴感覺之餘亦不只得辣。想不到半年後，食物真的進步了不少，真的要在OPEN RICE讚賞一下，希望你地俾心機啦！午餐: 有前菜, 湯, 主餐及餐飲…查看更多

去到尖沙咀想找食TEA的地方. 走了一趙ISQUARE, 可能是星期日的關係吧,供應下午茶餐的食店不多. 偶然望向窗外,見到對面有"世華"和"阿一天下". 於是便走過去那座大廈樓下, 原意是想看"世華"的下午茶 MENU. 怎知又是只得正餐(午餐)MENU!!正猶豫之際, 站在門口負責"招徠"的一位阿姐指著"阿一天下"的下午茶MENU!!沒想到食鮑魚的專門店也有做下午茶市!! 很特別呢,下午茶SET MENU有中式又有西式的.於是決定試試. 上到去,見地方頗寬敞企理, 客人不多, 又不用等位, 正合我意!! 最怕人多嘈雜的地方!MENU有好多款. 有炒飯炒麵類, 湯粉麵類, 咖哩飯類, 鉄板扒類, 鮑魚焗飯, 魚翅撈飯等.我們兩人分別點了:鮑汁鱆魚雞粒炒飯爽脆蝦球湯麵各跟一杯熱飲兩款食物的賣相和味道也不錯. 份量也適中. 最重要的是, 埋單只是$60! 以食物和環境質素來說, 比一般茶餐廳更經濟!以這樣質素的下午茶, 為何那麼少客人? 我想因為多數人(包括我們在內)都不會想到賣鮑魚的會供應這麼多元化的下午茶餐吧! 我想這家店如想增加下午茶時段的生意的話,要想想辦法加強宣傳吧~ 請繼續努力!!…查看更多

已經係第二次黎呢度,貪佢易book位同坐得舒服。平時佢的魚翅餐都要百幾蚊一個,今次見到居然有個買一送一的套餐價錢只係$14x,所以就試下。首先有個沙津前菜,跟住有魚翅,都幾好味,主菜係雞扒飯,味道一般,不過份量對我黎講岩岩好,但男仔食的話可能唔夠,最後仲有餐飲。其實仲有個送的甜品,不過太飽所以冇食到。雖然唔係話非常非常好味,但以呢區+呢個環境來說,還是會俾好評!:)…查看更多

前兩日行完街係尖沙咀想搵下野食, 行完ISQUARE見到對面有間阿一天下, 下面有人派傳單俾我就走左上去試, 環境寬敞, 座得都幾舒服, 坐低叫左個百零蚊買一送一既餐, 有翅, 有鮑魚, 仲有雞扒抄飯, 先講個'翅, 味道一般, 鮑魚口感嘗可, 反而雞扒係最好食, 食完仲有紅豆沙糖水送, 用咁平價錢食完都咁飽, 都算OK. 服務方面, 都算唔錯, 可能當日人客比較少, 所以服務都OK, 食完仲有coupon送俾我地, 下次再用coupon再試多次先.…查看更多

　　　知道有這家餐廳其實己有一段日子了，但因為自己並不太喜歡吃中菜，因此沒有想到要去吃。一要去的話都是去樓上的世華。今次是同事建議一塊去，我們一行四人三女一男去嚐。　　　光看餐牌其實有點意外，因為有套餐，有中西餐可供選擇，有兩位同事要了梅菜肉餅飯，我則要了魚扒飯，另一位則要了雞扒飯。首先的驚喜的是湯，是蓮藕瘦肉湯，湯味十足，沒有過分的味精，也不是太鹹，在初秋的日子喝很不錯。附上的酸辣前菜很開胃，魚扒的汁也不是太濃和鹹，而咖啡夠大杯，而味道也恰到好處，是次吃飯很有驚喜。　　　…查看更多

星期六晚上作了一個錯誤的決定.. 朋友過來尖沙咀和我吃晚飯., 我叫了$168/$148套餐, 味道一般，未見突出,。。內裡環境佈置配搭得很’ Special’， 可見 Mr. ET! 侍應們也很有禮貌，送餐服務過程 = ‘亂’ +馬虎招牌原只鮑魚焗飯：鮑魚一只 (SUPER SUPER SMALL), 原隻鮑魚就唔夠味生磨龍皇杏汁官燕：不太甜，自己覺得麻麻。其實與經理跟進食物之過程中，經理態度其實都唔係差, 不過我覺得幾Cheap,水準整體只是一般，我不會再來的!…查看更多

昨天生日，兩位朋友過來尖沙咀我和食午餐，於是去了一間食魚翅鮑魚仔既平民化既餐廳。我們3人叫了買一送一既 $148套餐同埋一個 $128既餐 (唔記得個餐名)，不過，佢地送餐既過程就有d亂，問佢地仲有咩未上齊 (因為我沒有仔細看到套餐之內容) ，佢地就話都差唔多，仲有個翅未上，我地叫個侍應再俾多次個餐牌我地睇，其實都仲有好多野未來到既，當然應該唔止啦個翅啦！仲有炒飯、鼓油雞翼、時菜和甜品。其實與經理跟進食物之過程中，就像食評人所形容他般，比較“串串貢”，雖然面帶笑容，但說話中卻有另一番意思，這種溝通方式，我卻不太受落呢！等我主要講返d食物先~~砂煲翅：外觀不錯，亦有一塊塊的小勾翅可見，份量適中，不過味道卻偏淡，翅湯喝不到背後有好材料做好湯底 (當然以這個價錢有這個質素，是合理的)。焗鮑魚雞扒飯 (類似名稱)：有原隻小鮑魚，雞扒，如取走這小鮑魚，屬普通雞扒焗飯，味道一般，未見突出。鼓油雞翼：鼓油雞翼夠入味，但若果雞翼能煲軟身一些，雞翼骨不會太硬實，就更好了。花膠配炒飯 (類似名稱)：其實未食炒飯時，已經很飽了，不過試了炒飯後，縱使很飽，也給我通通吃完。炒飯面頭放有一塊薄薄花膠，不過對我來講，有沒有這塊花膠並不重要，除了外觀華麗豪華之外，並沒有為這炒飯增添味美，反而炒飯內裡包著還暖暖的蛋白作配搭，卻非常不錯，食落清淡而味美，飯粒乾身而不硬，亦不油膩，值得再試呢。雜果珍珠撈：不像甜品，很水，食落食帶酸亦帶甜，自己覺得麻麻。奶茶：朋友餐飲點了凍奶茶，卻非常喜愛，因為奶茶非常重奶味，亦很滑，喜愛多奶過於茶既朋友，可以一試呢！…查看更多

I work near by, so I alway go 阿一天下 Ahyattianxia for lunch! The set lunch is just around $50 after service charge, and include the soup, main dish and drink! The food quality is above the average! Not bad! I also try the "包翅鮑魚炒飯餐", only $80 per person after service charge! 三個字 - 超抵食!! 味道都OK!唯獨高果位經理態度就一般一般!! 不過佢可能係老細都唔定! 可能有人會覺得佢funny喇, 我就唔多受喇!!! 不過想食好食又抵食ge Lunch! 唯有受下呀經理(老細)氣喇!! If you go for dinner (not just lunch), maybe he will treat you better!!By the way, 其他人都very nice! 不防TRY TRY!!…查看更多

見到報紙賣 " 阿一天下" 廣告. 佢地而家做 ing $148 "包翅鮑魚炒飯餐", 所以就同個朋友黎試下鮑魚肝 - 青黑色的鮑魚肝入口時有濃濃的海產腥味,不過加上了芥辣就容易入口得多.:)煲仔翅 - 一人一煲翅,大約有4至5塊,用料好足,味道唔錯, 真係好抵食鮑魚汁炒飯,鮑魚,時菜 - .鮑汁炒飯上有五元左右般大小的迷你鮑魚仔,我覺得啲鮑汁味道剛剛好, 而雞扒配黑椒汁,味道真係正..雜果珍珠撈 - 芒果汁好好味, 而啲珍珠好煙 un ***成個餐都又抵食又好味.......yummy~yummy~…查看更多

一間好既中菜館,一定要炒得一手好既炒飯,呢道既炒飯冇令我失望,真係一分錢一分貨,其實我一直都唔太鍾意食鮑魚,今次我就試試呢道既鮑魚炒飯,隻鮑魚又真係幾淋,又幾好咬,另外佢碗湯就真係正,老公都話飲落令佢諗起奶奶既紫菜湯不過我地入到去,經理帶左我地坐中間位,老公就問可唔可以坐窗邊位,但經理就帶左我地坐角落頭位,老公就話都係原本果道算,個經理就好風趣咁講:「先生,食個飯姐,買樓咁認真喎」haha,佢既態度其實都唔係差,笑住咁,我地都覺得句野幾funny,不過唔知其他客人受唔受呢…查看更多

今年生日的飯局係星期六的那天開始着,成班舊同事同我慶祝,衷心地講句多謝.朋友們為方便就脚,這頓飯就約在阿一天下,尖沙咀北京道,地方都算好容易就能找到,上到ニ樓,望見滿室掛滿鮑魚,魚翅,燕窩的照片,心想同事們可否玩大着,我可不是擺大壽呀!但也同時發現這家餐廳也沒有酒樓的格局,反而似間餐廳,這奇怪的配搭令我產生莫大的興趣,當然這興趣就是這裹的食物,開飯!餐前小食叫着皮蛋酸薑同埋脆皮豆腐.前者惨不忍睹,皮蛋無糖心,酸薑不酸不甜,一間打着名貴食材為首的餐廳,居然連一粒糖心皮蛋也供應不到,真的非常失望,當然後者的脆皮豆腐也只是剛剛做到皮脆而己.原來這頓飯是同事們望到某雜誌介紹佰零蚊,有鮑翅套餐食這標題而來的,那就不要估負同事的一番心意吧.話晒生日也應該有鮑翅落肚.鮑魚肝:青黑色的外表並不討好,入口時更有濃濃的海產腥味,好彩這種腥味對食得魚的人來說並不難吃,再加上撈了麻油,麻油的香味沖淡了這鮑魚肝的腥味.煲仔翅:一人一煲勾翅仔,大約有4至5塊,用料也足,但這共是視覺上的足料,講到湯頭,像是欠缺了靈魂,一點兒火腿和老雞的鮮味也沒有!!!加上勾翅炆得唔夠火喉,這煲翅真的有點浪費了材料的感覺.鮑魚汁炒飯,鮑魚,時菜,雞:一隻長長的碟上放晒所有菜式.鮑汁炒飯上扣着一隻母指般大小的迷你鮑魚仔,鮑汁應該俾人濃味的感覺,但這裏的鮑汁不咸不鮮,也不用多講,鮑魚仔也有着同樣的味感,生菜加蠔油,雞扒配茄汁,開始有種好無聊的感覺,味覺上的泛味,連我現在寫食評也覺得悶,無詞語來形容這頓飯!!!後加鼓油雞:沙煲滚住上,但中間的雞是凍的,唔講味道,單是這一點也足夠看得出這店對待食物的態度,馬虎ニ字可算最貼切了..........好彩成頓飯的目的是一班舊同事的開心聚會,大家己經早早把注意力放在八卦事情上了,食物對我們來講己經成為配角,可悲~~…查看更多

星期六晚上作了一個錯誤的決定,選擇看了一齣不該看的垃圾電影.沒有中途離場是因為看一半瞓一半!為免在此開飯令到心情更加沉重,所以先離開I Square走到街上再作打算.抬頭一望見到這裡的餐廳招牌,橫豎今餐埋單的肯定是我...地方非常寬敞但座椅擺位及檯面早已鋪上餐紙擺放了西式飯匙中式筷子,加上用膠杯盛載的熱茶看起來與翠華相差無幾.看環境配套已知無論餐牌有多天花龍鳳,願意多付價錢也好,心知出品水準也不會出現驚喜.看見餐牌上的推介就選了這個$168的套餐,而友人因不吃甜品所以價錢平一點$128.不用十分鐘翅同焗飯差不多一齊到.砂煲黃炆鮑翅----翅仔差不多去到近翅骨位置,吃起來質地硬身!勾上濃芡的金湯感覺是杰撻撻,味道調得很濃的雞湯底.不特別好喝也不算難吃.招牌原隻鮑魚焗飯----面層除鮑魚外還有一塊雞扒及冬菇,不懂去評論罐頭鮑的質素,雞扒煎完才焗吃起來尚算嫩滑,炒飯底不錯!油份少夠乾身.溝了罐頭鮑魚水的中式焗汁吃起來非常漏.所以只完成了一半.生磨龍皇杏汁官燕----不清楚龍皇是指什麼,杏仁味較薄弱,這種碎燕應該有"添加物"令到吃起來會覺得是燕窩的質感.熱奶茶----出奇地濃厚!水準比很多茶餐廳出色.$200不到又翅又官燕又鮑魚真係發夢價.(加多個零就差唔多)名貴食材也要有出色的厨藝才能發揮效果.情況有點像大家也是揸BMW,但我的是318你的是M3雖然同一品牌同一糸列,但當中的分別對汽車有點認識的話應該也清楚了吧.…查看更多

2010年1月24日 ( 2 ) 尖沙咀 ( 阿一天下 = 3 ) 午餐剛吃過Paul Lafayet甜品後，第二站約同親友來到 ( 阿一天下 )午餐，我們選吃了三個98元的(金牌套餐)。另點了一個原隻鮑魚鯪魚球湯麵。金牌套餐喝的湯有(原只鮑魚鮮人參燉竹絲雞湯)(原只鮑魚姬松茸燉雞湯)(原只鮑魚松草花燉豬展)，依然保持水準。金牌套餐吃的菜有( 椒鹽豬扒)鬆腍好味。(金瓜粉絲海鮮煲)整體也是好吃。松草花蒸滑雞：味道也ok。原隻鮑魚鯪魚球湯麵：( 56元 )，鮑魚夠腍入味好吃，鯪魚球無乜特別，整體只是一般。海帶綠豆糖水：贈送糖水，不太甜，味道ok。…查看更多

非常忙錄的一天，從深圳到尖沙咀走兩場！Busy？Of cousre，新年嗎！祝大家萬事如意！朋友提意不如今次 G 的生日食有鮑魚、魚翅、燕窩的雀局飯，但是因為有些朋友不打麻雀兼且又要返工、又有小朋友，除非去club house，否則新年時候實在很難安排到兩全其美，所以最後決定只有飯局。 原本無頭緒去那處食飯，但剛剛看到了飲食男女介紹的阿ㄧ天下有個抵食套餐，只須 $168 便有鮑魚、魚翅、燕窩食，他們的 selling point 係用阿ㄧ的罐頭鮑魚，而且還有些小菜；又有西式的扒、焗飯；又有鮑魚粥同鮑魚麵；仲有$50-$60 的燕窩甜品添！好似好多選擇咁，於是便去試試！ 當晚晚飯時間但並唔係有太多人，以為是比較早，（點知成晚都係得幾枱客，攪到好似包場咁！）我們有大有細ㄧ行18人，但由於無圓枱；朋友們又唔想張枱太長，於是便分開兩 group坐，ㄧ邊坐兩枱；傾偈非常唔方便，好似分開兩班朋友聚會咁，未能盡慶！ 我們那邊叫了 6 個套餐，兩個是$128的套餐有魚翅及1個小菜，但是沒有杏汁燕窩，只有 1杯飲品，而另外4個是$168餐；其中兩個我們選擇了鮑魚雞扒焗飯及鮑魚豬頸肉飯；朋友那邊則叫了 2個套餐、炒飯、炒麵等等。 先上的魚翅，是阿ㄧ天下首創的黃燜翅，用料是南瓜、鵝掌及魚翅，我就覺得甜得嚟似南瓜湯多過似魚翅，始終都係用傳統做法好 D，但老公覺得個味道幾特別，口味清新。到我們的紅燒魚翅上場時，除咗首先影底張相之外；仲要睇睇佢 D料足唔足。雖然是$168套餐，但發覺他們的排翅都算足料，但是個味道卻似蠔油湯，而且略鹹。 到上主菜焗飯時，覺得個買相同味道都幾好，隻鮑魚夠彈牙又夠味，但可惜亦是較鹹，反而係果個原隻鮑魚就唔夠味；而朋友的梅菜扣肉味道是Ok的，但個汁卻勁鹹！朋友說「唔知係味要就番隻鮑魚，所以好似樣樣 D 汁都ㄧ樣！」亦可能係咁，我哋越食越覺得個口好鹹！ 而另外那邊的朋友，因為主要是叫炒飯、炒麵及小菜，所以她們覺得並不太鹹，味道 Ok！後來，我們再 order 咗2個小食，炸茄子及炸豆腐，哇！我們真的錯了！個炸茄子ㄧ眼望落去就知個脆漿太厚、勁多油，果然咬ㄧ啖成口都是油，香口是香口；但卻像是食緊油炸鬼般，ㄧD都唔似食蔬菜。其實尼道菜真係好巧個廚師嘅功夫，又要脆漿夠薄、又要令到客人唔會咬到成口油；所以自己ㄧ向都好欣賞日本人的炸物（揚物）–天婦羅（Tempura），因為他們除咗個脆漿夠薄之外，這樣的做法會令到蔬菜更香口，又有口感，由其係ㄧD較為淋身嘅蔬菜，如：南瓜、茄子及芋頭。 炸豆腐，望落去就 Ok，ㄧ口ㄧ粒咁，但係ㄧ見到佢哋面頭加咗咁多七味粉，就心知不妙！因為大分部的七味粉是有很多味精的！果然大家都比 D味精攪到個口無乜味覺，飲咗好多茶！最弊係 D 茶，仔仔同朋友 O 都覺得 D 茶味怪怪地，好似有水喉水嘅味咁；唔知係咪我哋比 D鹹嘅味覺影饗晒，所以以經飲唔出 D 乜野味，只係覺得杯茶味極淡。 到尾聲上甜品嘅時候，由於本人不喜歡杏仁，所以他們便張杏汁與燕窩分開上；果然我的決定是明智的，因為個杏汁實在太難食，連朋友 T 都話差，咁無偈啦，我為有齋食ㄧ個淡而無味嘅燕窩啦！Anyway, 個燕窩都算多嫁嗱，但佢哋明唔明呢？！味道如果好，料少 D 都無問題；但料多味道唔好嘅話，盞嘥氣！所以如果甜品唔係個廚師撚手小菜嘅時候，咪ㄧ切都應該歸於簡單！用番原汁原味嘅冰糖燕窩，簡簡單單咪 Ok 囉！ 埋單 HKD2,383，唔算太貴。總括嚟講尼道無乜特別！但如果响尖沙咀返工嘅朋友，又想食吓鮑魚；都可以試吓個焗飯嘅！P.S.: –我覺得佢哋嘅女厠門隙太大了，如厠時非常尷尬！…查看更多

2010年1月2日 (3) 尖沙咀 ( 阿一天下 =2 ) 晚餐新的一年第二天，中午電話定位，要求定窗口位，晚間，我們再次來到這裏，座位安排倚靠窗前，遙望國際廣場，景觀亦佳。我們點選了四個的(金牌套餐)，每個套餐包括有(1)餐前小菜(2)自選鮑魚湯一盎。(3)自選小菜一碟(4)白灼時菜(5)白飯一碗(6)咖啡或茶一杯(7)果汁一杯。另外要了一個(鮑魚三寶餐)(168元)，套餐包括有(A)魚翅共五款選擇，可選其中一款，選了(砂煲黃炆包翅)。(B)鮑魚飯有三款選其中一款，選了(招牌原只鮑魚焗飯)。(C)指定甜品( 生磨龍皇杏汁官燕 )。另外再散點選了(一)南乳豬頸肉、(二)金衣焗魚柳、(三)原只鮑魚燒賣皇叫了二籠。金牌套餐(1)金牌套餐之餐前小吃辣椒大豆芽：是配以辣醬製成，大豆芽鮮嫩而沒有渣，味道唔錯，幾好味之冷吃小食。 (2)金牌套餐之鮑魚湯類：原只鮑魚鮮人參燉竹絲雞湯：盎內湯料包括有鮑魚仔、人參、竹絲雞等，湯帶輕微的參苦味，鮑魚仔煙靱好吃，味道配合很好。原只鮑魚姬松茸燉雞湯：這個選了兩盎，湯料有鮑魚仔、姬松茸、雞、豬肉等，鮑魚仔煙靱好味，喝湯時，感姬松茸比雞味濃，非常好飲。原只鮑魚松草花燉豬展：湯料有鮑魚仔、松草花、豬展等等，鮑魚仔一樣煙靱好吃，豬展已經煲到無味了，湯味也OK。 (3)金牌套餐之自選小菜：甜菜心蒸魚腩：用鯇魚腩及甜梅菜，少量薑蔥，魚腩頗鮮，配上梅菜，很地道的廣東小菜，太太很愛吃這道菜。原汁蘿蔔炆牛腩：蘿蔔炆得夠腍好味，牛腩比較瘦偏韌，但味道很入味兼惹味。金瓜粉絲海鮮煲：這個煲料也不少，計有南瓜、魚柳、蝦、粉絲、帶子、紅椒及蔥等，南瓜很腍甜，各樣配料也鮮美，整體配合得很好吃。椒鹽炸豬扒：外邊香脆，內裡鬆軟好食，非常惹味的椒鹽炸豬扒。 (4)金牌套餐之白灼時菜：介蘭：點了兩碟，菜質鮮嫩，烚製時火侯恰當，不太腍，又無苦味，算是好吃介蘭。生菜：也是點了兩碟，也很鮮嫩，口感爽脆。 (5)白飯，每個餐配一碗白飯，飯粒分明，是對辦的白飯。 (6)金牌套餐之餐飲熱咖啡 ：咖啡微苦不酸，雖然不是最好，算是好喝了。熱奶茶：奶滑茶香，茶味微澀，也有餐廳水準。 (7)金牌套餐之果汁：芒果汁兩杯，奇異果兩杯，鮮果配合磨沙冰製成，好飲之冰果汁。鮑魚三寶餐(A)砂煲黃炆包翅：端上時，用黃色瓦撐盛載，色澤帶黃，看到有數塊小梳翅，非常吸引，翅身軟滑，配合杰度恰當芡汁，也很滋味。(B)招牌原只鮑魚焗飯：鮑魚一只，另有東菇及肉塊的配合，加上好味的芡汁，飯底不錯，米粒分明，整體造得不錯。(C)生磨龍皇杏汁官燕：少量浮面透明物體，應該是燕窩，濃杰度剛好，充滿杏仁香味，不太甜，稱得上是精彩的甜品。除餐吃外之散叫(一)金衣焗魚柳：炸得頗香脆，魚柳軟滑味道美。(二)南乳豬頸肉：極香南乳味，搶手好吃，是香口惹味之作。(三)原只鮑魚燒賣皇：特色是燒賣頂端添上一只鮑魚，燒賣美味，鮑魚附上少許芡汁，有咬口兼味道佳。今天再試，水準仍然不錯，大家吃後也讚美，我們認為抵吃，也會再次到來的。…查看更多