閑茶 (已結業)

去YOHO MALL咁多次，好似係第一次見到呢間手搖又有小食賣嘅舖頭，見呢度可以坐低慢慢飲，慢慢食，所以就心郁郁去咗試吓！叫咗兩杯飲品，兩個小食😬星鑽芒果多多（$35）唔記得嗌少甜😅，個甜都唔會甜得離譜，欣賞呢度得個甜字，芒果味濃，幾足料。鹽酥雞（$36）一口一口，外脆內嫩。脆脆阿華田雪山（$56）單單俾佢個外表已經吸引咗🥹個蛋捲同餅乾都好鬆脆唔會偏甜👏🏻沙冰好似飲極都仲有咁，上面個軟雪糕，奶味好重，10分推介🫶🏻奶黃QQ球（$32）有三個奶黃QQ球，入面係實心的，唔係輕飄飄，味道適中，夠脆又夠熱👍🏻食完真係有飽肚嘅感覺。𝓜𝓮𝓷𝓾

天氣開始回暖，飲凍嘢就最爽今日係Yoho 1期，食完個lunch，行過見到《閑茶》即刻去買杯飲品嘆下先見到有杯士多啤梨🍓嘅特制飲品好吸睛😍二話不說即刻落order,我仲叫左一款小食台灣波波腸✴️粉色莓莓雪沙任何人見到都會心心眼😍的一杯飲品，鮮甜嘅士多啤梨肉打成沙冰，飲落仲會有果肉，配上士多啤梨脆脆及百力滋，頂層加了雪糕，整杯飲品好Fresh好清新又解渴嘅沙冰真的值得推介👍🏻👍🏻✴️台灣波波腸食出有種台灣嘅感覺，波波腸搽上蜜糖，非常之好味😋等候飲品期間，店鋪側會有非常大嘅空間位置等候，有2張高檯可以坐低品嘗，前方亦會有一個大圓型嘅位置可坐底裝修感覺簡潔而有特色，有別於其他地方感覺文青亦時尚

平日下午經過試下Yoho新開茶店，試下招牌鴨屎香奶茶加珍珠少冰微糖。飲落似奶水無乜茶味，珍珠未煮透咁，偏硬唔係煙韌。中杯$37飲一半就扔左 🥲唔明點解可以咁差… 無下次了

應該今日開幕，做優惠買一送一。我去買葡萄柚綠茶。兩杯都有加晶球，但返到屋企乜都無加到，白白收多左我$6…🥲🥲🥲🥲打電話又無人聽，投訴無門。真係唔知點搞😑

行過見到新開業 買一送一 有一條少少既人龍 入面得兩個員工 跑黎跑去 行過見到都覺得佢地辛苦 可能因為大家都同行 有啲感慨 希望後生女頂得順 保持品質💪🏼等咗一陣 買咗一杯 加油👍🏼