閑茶

营业中

休息中

個奶昔價錢同正餐一樣，杯嘢飲難飲到我大人話以後唔響香港飲奶昔。嘢食又唔係咁好食。個奶昔價錢同正餐一樣，杯嘢飲難飲到我大人話以後唔響香港飲奶昔。嘢食又唔係咁好食。

鋪面只有我一個客戶，我下完單之後來了一個外賣單，唯一的店員就不給我做飲品，一直在做外賣單入機，入完機之後又開始給外賣單裝袋，全部弄完才給我做飲品。一杯純茶等了我五分鐘。我去催他，他還理直氣壯 堅持要裝完袋才給我做飲品。

放工飲杯手搖，真係解決咗返左一日工作嘅疲累。位於元朗元點一期嘅閑茶同一般台式手搖店不同，佢旁邊仲有座位可以比客人休閒咁坐喺度享用。除了手搖，仲有日本人氣即炸三文治和雪糕。星鑽芒果多多芒果肉係極多，味道比較濃烈嘅甜，但因為有乳酸多多嘅關係所以需要極濃芒果味。鐘意食到芒果肉嘅朋友一定要試。芒椰西柚沙冰估唔到芒果同西柚嘅味道都可以相得益彰。西柚可以帶出一種清新嘅味道，令芒果加椰奶呢個經典組合更加有特色。士多啤梨脆脆作為一個茶點嘅份量剛剛好，炸三文治充滿牛油香味，但食落唔會成口油，炸得夠香脆乾身。士多啤梨果肉清甜，加大量cream 係最好嘅配搭。

我想同你一齊食…色色？ 正面啲！係牛油果昔昔同煙三文魚牛油果三文治🥰牛油果昔昔用上新鮮嘅牛油果加入牛奶做出來嘅奶昔特別香滑！特別request少甜，咁就更加健康啦！鴨屎香檸檬茶非一般嘅檸檬茶，因為用上鴨屎茶底，入口特別清新！再加上新鮮嘅香檸檬，飲落口醒神解暑！煙三文魚牛油果三文治🥰炸三文治滿瀉嘅牛油果蓉，聽埋煙三文魚一齊食鹹香突出！特別鍾意炸三文治🥰炸得金黃香脆，香口不油膩！最近做緊買一送一甜味更加多選擇㗎！閑茶 (元朗)元朗元龍街9號形點 I L1樓1087號舖#元朗美食 #人氣三文治#炸三文治

原本想去七仔買野飲，但經過見到閑茶個裝修幾啱快閃打卡，就改咗去買手搖飲品😂好少有手搖店係有枱凳可以坐低打卡嘅，環境比較深色有型格。我揀咗杯珍珠四季春奶茶，朋友揀葡萄柚椰果多多，因為天氣太熱，朋友仲揀多個粉色梅梅新地杯食。四季春呢隻茶其實好香好好飲，見好多fd都無乜試過四季春覺得有d可惜，而四季春配搭珍珠同奶，係好清雅嘅茶味唔會俾奶味搶過哂，好正。梅梅新地杯好多梅粉，雪糕睇落好靚，好啱打卡。葡萄柚椰果多多，朋友話唔會好甜，啱哂減緊肥戒甜嘅佢。因為係拎去睇戲飲，我地拎咗個外賣袋裝野飲，佢地嘅外賣袋唔係d核突膠袋，係可以保溫嘅錫紙袋，都幾有心思。可惜趕住入場無試佢地個炸三治，朋友話呢排炸三文治好似幾hit，唯有下次再買嚟試下啦。

最近搬咗入元朗 一於喺屋企附近發掘下有啲咩食喺樓下YOHO見到有間茶飲 仲有小食賣 店舖隔離有座位坐 買完可以慢慢食添.叫咗兩杯飲品 鴨屎香檸檬茶同埋百香果檸檬多多因為本身都怕飲甜嘢 所以兩杯都揀咗少甜 百香果檸檬多多酸酸甜甜 最啱就係夏天飲🫶🏻鴨屎香檸檬茶嘅獨特氣味我自己都好鍾意夠晒解渴.見到舖頭仲有依家日本好興嘅即炸水果爆餡三文治不過當日太飽就冇食叫咗杯士多啤梨雪糕 牛奶雪糕好香濃加上面頭有好多酸酸甜甜嘅士多啤梨脆乾🩷成個組合非常之夾！果然甜品就係第二個胃😂成杯完食無問題！

元朗都有好多手搖飲品今次喺YOHO MALL見到呢間閑茶有好多特色飲品～同朋友一人叫咗一杯試吓-Oreo脆脆布蕾奶茶滿滿嘅Oreo碎超好味～叫左微甜岩岩好 因為Oreo本身都已經有啲甜味微甜岩晒唔太鍾意飲甜嘢嘅朋友-胖胖四季春胖胖系列即係上面係厚奶蓋今次揀左下面配四季春茶底飲緊上面厚厚嘅奶蓋同時下面又有四季春既茶香～的確唔錯 佢除咗飲品之外，仲有小食可以嗌第一次食呢個炸三文治我同朋友都有比佢驚艷到外面炸到脆卜卜超好味我哋揀咗牛油果煙三文魚超多嘅牛油果 一咬落去滿瀉出嚟 鍾意食牛油果嘅朋友值得一試！除咗外賣之外，佢仲有少量位置可以俾你堂食食完先慢慢繼續行街都仲得👍🏻

啖啖照燒雞肉，很實在😋調味剛剛好。麵包夠脆👍🏻晚餐時間有位坐。作為輕食茶飲店，有位坐很方便進食😃而且即叫即炸，唔錯～見到有套餐買，1個炸三文治+1杯手沖飲品。又可以就咁買1個炸三治，然後送一件綿綿鮮忌廉炸三文治。

電影入場前買左2杯茶飲同甜品食，即炸三文治好驚喜，大家快D黎試下！🧋胖胖芝士奶蓋四季春🧀芝士奶蓋咸咸甜甜，唔似某內地品牌咁得死甜，芝士味好濃郁，茶底都好清香！🥤3Q冬瓜茶冬瓜茶底叫左微甜，對我黎岩岩好！3Q有珍珠、椰果同晶鑽，口感糯糯有咬口，爽夏天飲夠晒爽口！‼️好食指數9/10‼️推介指數9/10🥪士多啤梨脆脆三文治面包炸得好香脆，Cream甜而不膩，夾埋新鮮士多啤梨肉🍓🍓，真係好夾呀！難怪日本hit到黎香港啦！‼️好食指數 9/10‼️推介指數 9/10🍽 閑茶📌 元朗元龍街9號形點 I L1樓1087號舖#台式飲品 #手搖飲品 #日本 #炸三文治 #hk #hkfood

💖 閑茶 (元朗)✨元朗元龍街9號形點 I L1樓1087號舖〰️〰️〰️〰️〰️〰️〰️〰️〰️〰️〰️〰️〰️〰️〰️近排成日落雨搞到我嘅心情都超差🙄，老公為左氹我就去呢間閒茶排隊買手搖🤩-楊枝甘露西米🥭 $46孕期最愛嘅芒果🥭，為咗控制自己唔好食咁多甜嘢，已經好耐冇食過芒果🥹。老公🐻❤️買咗呢杯飲品嘅時候，我就知佢係我肚入面條蟲🤣。西柚一絲絲，酸酸甜甜我好愛😍。另外仲有芒果粒同西米，好有咬口🥰，當做宵夜岩岩好！-香水檸檬鴨屎香茶🍋 $40採用了優質嘅鴨屎香茶葉🌿，香氣比平時一般嘅茶葉濃郁芳醇，與加入的香水檸檬🍋一同打碎，勁出味🥰茶底微帶苦澀卻又不失甘醇😋，飲落去回甘清爽，老公都讚頰齒留香😝-QQ腸🫘 $32台灣QQ腸🤩，好香好惹味，一整出嚟就已經想食😎，好脆口，可以一啖一粒，正🥳想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

天氣太熱啦 一入到Yoho mall見到有間茶飲店就即刻諗住買杯飲品試吓 見到有好多款都好吸引 又有沙冰又有雪糕🍦杯杯都好邪惡 佢地仲要出咗好多夏日飲品 有雪糕又有飲品飲 一次滿足哂😍店裡面有兩張高枱俾你坐係到飲用 亦有其他坐位俾你坐下休息下 店舖主要以綠色為主 🍫 髒髒可可冰山我俾佢地圖吸引咗要咗呢杯髒髒可可冰山 非常邪惡👿好大杯滿滿的 係上面加咗半條繽紛樂同朱古力條 啱哂我呢啲鍾意朱古力嘅fans 除咗係朱古力仲有個雪糕係上面 飲完非常解暑 🥭 芒椰西柚沙冰呢杯芒椰西柚沙冰飲落好fresh 有好香芒果同西柚味 係上面有啲西柚肉 解暑必選🥢鹽酥雞呢到除咗有飲品 仲有啲台式小食 咁我地就叫咗鹽酥雞 啱哂用嚟配杯嘢飲飲 叫完之後即刻炸 夠哂香口

💖元朗Yoho mall新開左間手搖店，飲品選擇多之餘仲有台灣小食，最特別嘅係店面大，有堂食同打卡位，坐住等同飲都得！1️⃣髒髒可可冰山🍫 $56💖佢地其中一款特色飲品，底係可可沙冰，無冰渣感、口感綿密細膩，味道係濃郁朱古力味帶啲奶香，上面係軟滑嘅抹茶雪糕🍵，份量實在、食落滿足，再配oreo粉、kinder朱古力同朱古力條，口感豐富賣相又靚，好大一杯勁吸睛🤣，飲完有飽足感。2️⃣草莓晶球麻薯鮮奶🍓 $42💖顏色好靚，甜甜嘅草莓鮮奶配上奶香煙韌嘅麻薯、同埋有咀嚼感Q彈嘅晶球，口感豐富，味道清新香甜。3️⃣鹽酥雞🐔 $36💖估唔到飲品店嘅小食都唔錯👍🏻！炸皮酥脆，油脂香但唔膩，雞肉唔柴有肉汁。仲有其他經典台灣小食甜不辣、炸地瓜條等。💖而家新北海道牛乳5.0軟雪糕🍦仲做緊買一送一優惠，大大枝幾抵食！

位於YOHO閑茶，一種幽靜雅致的感覺。店內以綠色為主，營造出一種清新自然的氛圍。店內設有多個供客人品茶休憩的空間，散發出濃濃的文青氣息。楊枝甘露西米蘊含著新鮮多汁的芒果加上清甜的椰奶，口感清爽解膩，底下有滿滿西米巴西莓昔昔入口綿密細滑，莓香十足而且唔會太甜！健康人士必點除了飲品,餐廳亦有供應幾款小食。鹽酥雞，炸地瓜，炸一口湯包，蛋黃芋圓都有，我們點了一份鹽酥雞，一份有8塊。雞肉鮮嫩多汁,表皮酥脆可口

日日都咁熱，飲返杯冰凍嘅特色茶飲消暑解渴先～上星期去YOHO經過一間台式茶飲店，出咗一系列Colourful嘅夏日特飲超吸晴，咁啱當日仲見到抹茶軟雪糕做緊買一送一，即$25大大杯，抵喎🤤！最後揀咗我近期至愛嘅「香水檸檬鴨屎香茶」，真心必飲😍！嚴選茶香濃郁嘅烏龍茶品種「鴨屎香」，融合甘爽清新嘅香水檸檬，消暑解渴一流～男朋友揀咗「胖胖Oreo抹茶」，表面有Oreo餅碎同質感綿密嘅奶蓋，甜度啱啱好，抹茶亦好出色，店員果然好推介！除咗飲品之外，仲有多款台灣風味小食可以加配，當日去到見有做緊優惠，只要買飲品就可以半價買一份小食😆，即每款只係加十幾蚊。試咗鹽酥雞都唔錯，即叫即炸，誠意之作💪🏻。另一亮點✨舖頭有個空間比人坐低等嘢飲/嘢食，亦可坐低慢慢享用同打卡。Sharp醒螢光綠色為主題嘅高枱同手繪燈箱都係推介嘅打卡位，空間闊落舒適，不錯不錯～

在香港很多手搖茶店, 但位於元朗Yoho Mall的閑茶的最大賣點是用料足, 而且比其他手搖茶店更優勝的是有位坐, 而且不只一兩張椅, 是有一張大圓椅子在店內可以任人坐! 這絕對可以成為在元朗逛街購物, 行得累時的歇腳點!來了幾次, 我這次點了我最喜歡的胖胖桃桃沙冰 。胖胖桃桃沙冰用水蜜桃為主料並搭配綿密滑順的沙冰。沙冰當中有著桃汁,不僅令飲品的顏色更好看, 品嚐時, 也會感受到桃的清甜味從沙冰中滲透而出, 是一級消暑良品！另一杯飲品, 我點的是青桔檸檬晶球多多。晶球多多其實就是寒天晶球。寒天晶球也稱為“魔芋晶球”, 是吃起來感覺像小塊果凍的一種晶瑩剔透的小球，口感Q彈。寒天晶球不含脂肪，所以這配料不會增加額外的卡路里, 也是我最喜歡的配料。最令人喜出望外的是, 從透明的杯蓋裡會看到, 這手搖茶用的都是新鮮的青桔和檸檬, 而且份量很多, 絕對足料! 所以這手搖茶不會有人工的酸甜味, 所有酸甜果香都是天然的!!坐者歇腳, 有飲品, 當然要來個小吃。這次點了QQ腸來吃。這個QQ腸一共有6件, Q彈有口感, 用來配茶不錯!下次到元朗行街購物, 想歇腳, 一定要來閑茶~~