726
35
18
港铁旺角站 E1 出口, 步行约3分钟
继续阅读
电话号码
25916669
开饭介绍
以传统和风设计的日式炉端烧餐厅，装修别致如日本居酒屋小店，气氛一流。炉端烧有鸡肉、海鲜及蔬菜等多款选择，放在开放式厨房让客人自选，亦有空运到港的刺身寿司、海鲜丼等菜式。
继续阅读
营业时间
今日营业
12:00 - 15:00
17:30 - 23:00
星期一至日
12:00 - 15:00
17:30 - 23:00
公众假期
12:00 - 15:00
17:30 - 23:00
公众假期前夕
12:00 - 15:00
17:30 - 23:00
*4月21日起最後落单时间: 午市14:45; 晚市21:45
以上资料只供参考，请与餐厅确认详情
有关奖赏计划
食家推介
表哥就嚟出发去旅行，趁佢出发前专登约佢食番餐日本嘢。近期嘅话题不外乎喺「福岛」核污水，讲笑咁讲，今次真喺「福」水难收。海产类可能会食少啲，甚至停一段时间先，都喺观望住发展，但其他食材就唔喺太担心，所以，今晚嚟到「长阪烧」就趁倒水前尽兴。 餐厅位於商厦中，一出电梯，已睇到极有和风嘅装潢，一室以木系为主，有吧枱、散座、卡位，地方都算大，加上天花极具和风嘅灯笼，仲有唔少富日本风情嘅壁画，感觉好唔错，非常有气氛。 最锺意喺啲靠窗嘅卡位，因为一来靠窗，可以睇吓街景，二来每个卡位都有啲布帘隔一隔，增加咗好多私隐度。 餐牌内容就唔特别讲喇，因为作为居酒屋有非常多选择，饮品亦喺更加有唔少酒精类饮品。 除咗主餐牌，仲有啲季节限定生蚝组合、厨师推介、自家酿梅酒……等等，我哋就睇啱咗一款生蚝组合，就喺4只生蚝加一杯白酒非酒精饮品，只卖$138， 亦可以加38蚊转为梅酒，因为喺自家酿制，颇有兴趣试一试。 自家酿梅酒 $58听店员介绍，佢哋呢啲自家酿嘅梅酒喺酿咗两年时间，所以，绝对喺心机嘢，而晌吧枱尾尾就见到一大罂一大罂酿紧嘅梅酒。除咗一杯杯咁卖，如果够人多，亦可以成枝咁落单，亦可以买走。因为点咗个生蚝组合，所以，只需另外加多38就可以试到呢款梅酒，如果要埋粒梅，就再加多$8，但我觉得值得加钱配。梅酒酒色清澈，味道醇厚带少少甜味，所以，相对易入口，并且渗出阵阵梅香，余韵长，不过，酒精浓度都几高，唔好睇小佢。 季节限定生蚝组合 $138虽然餐牌无讲明蚝嘅来源地，但店员话一定喺时令靓货，有兴趣试嘅客人亦可以事先问问店员喺咩蚝，睇下啱唔啱食先落单。而是夜嘅生蚝喺爱尔兰石蚝，出面啲蚝吧食往往要$50-$60只。只蚝外形窄身瘦长，肉身较薄，带爽脆嘅口感，蚝味鲜甜，而海水咸味几重，怕海水味重嘅客人可以唧多少少柠檬汁，再加埋鸡尾酱汁调和一下，风情亦唔错。 火炙三点刺身 $288日本菜吸引之处就喺卖相精美，摆盘富心思，就好似呢个火炙三点刺身，单喺睇样都好吸引，3款刺身包括有火炙带子伴三文鱼籽、火炙左口鱼伴海胆、火炙吞拿鱼腩，而山葵都喺新鲜手磨货色，绝对够晒诚意。 试过之後，3款刺身都好出色，可以讲各有特色，难分高下。大大粒嘅带子鲜甜爽口，左口鱼炙烧过油香突出，衬埋海胆无得输，而吞拿鱼鱼味浓郁，轻轻一炙口感更柔润。 串烧鸡脾肉 $32 睇人哋嘅评论，就话呢度嘅炉端烧几有一手，而当中「烧鸟」嘅选择就特别多，店员就叫我哋试试呢个鸡髀肉。高温嘅炭火唔单止烧香外皮，更能够锁住肉汁，所以，入口啲鸡髀肉既嫩滑，又富肉汁，带有少少碳火香，食得出师傅嘅手势好。 烟肉车厘茄 $28、豚肉秋葵 $38、豚肉露笋 $38既然佢哋嗰炉端烧又一手，无理由净系试一款鸡髀肉，所以，再嚟一轮3款串烧：烟肉车厘茄、豚肉秋葵、豚肉露笋，有肉有蔬菜，减低一下自己嘅罪恶感。烟肉车厘茄一向好受人欢迎，因为烟肉烧过就好惹味，配以酸爽嘅车厘茄，绝对好有化学反应；豚肉秋葵亦都好食，薄薄嘅豚肉渗出少少油脂，令爽口嘅秋葵充满又香；至於豚肉露笋，亦都几得，露笋好鲜嫩，入口无渣，呢几款串烧配梅酒都一流好。 松叶蟹膏多士 $128表哥未食过甲罗烧，所以，呢一款松叶蟹膏多士对佢嚟讲喺一度好新鲜嘅菜式，有啲似食法式鹅肝酱多士咁。蟹膏混上少少味噌，火炙而成，味道浓郁丰腴，大量咁搽落脆口嘅多士，非常香浓惹味。 今晚无论所试嘅刺身，还是炉端烧、蟹膏多士，都喺好高质素嘅出品，再者用料绝无欺场，而招呼方面都好熨贴，侍应亦好有礼貌，让我哋两老表有顿好称心嘅晚饭。
继续阅读
今日去左一间楼上日本菜餐厅食lunch, 布置得好有日本风格。试左午餐set lunch，价钱都合理。笋彩会席御膳-前菜 小食腌牛肉粒配卷蛋腌牛肉粒咸香，卷蛋形状好靓，味道香甜，而且质感软绵。-特选刺身三点拖罗，虾，带子刺身鲜甜，特别拖罗油脂分布平均，口感滑溜-三贯寿司盛盒吞拿鱼蓉，三文鱼，杂锦寿司盒鱼生新鲜，杂锦寿司盒有数款不同鱼生，食落好有口感。-精选炉端烧三品鸡软骨，猪腩肉，翠肉瓜鸡软骨好有咬口，脆得黎啊会太硬猪腩肉串肥瘦适中，咬落香口翠肉瓜厚切，咬落好多汁，好清新-杂锦天妇罗虾，茄子，鲜菇，秋葵天妇罗炸得金黄香脆，用上新鲜蔬菜，非常美味，炸虾虾肉弹牙。萝卜蓉配姜蓉解腻一流-滑蛋牛肉丼丼饭超有惊喜，望落细细碗，但超足料，压到实一实。牛肉份量多，而且牛肉质素好，牛肉味够香。配埋滑蛋，肉汁，蛋汁一齐捞饭好好食，饭粒分明。-甜品 雪米糍另外叫左个 北海道鲜带子夹海胆。带子嘅鲜甜包住幼滑口感嘅海胆，再加上三文鱼籽嘅咸香。呢个组个口感超丰富，仲同时食到几重嘅鲜味。推荐一试。餐厅环境舒适，店员亲切，价钱合理，想食好食日本菜，不仿一试！
继续阅读
朋友食饭喺旺角搵一间坐得舒服嘅日式餐厅就喺朗豪坊附近，睇餐牌有生蚝、有刺身又串烧就入去睇过环境坐得舒服， 侍应好细心咁问我哋想坐吧枱定系坐 一般餐枱，因为我哋想坐低倾下计，所以就坐咗一般枱，下次可以试下坐吧枱生蚝有两款，一款西班牙一款日本上菜时好细心咁讲清楚建议先食西班牙，然後再食日本嗰款，因为日本嗰款比较浓味服务非常好分开畀咗一只专系食生蚝嘅碟生蚝肥美可口，非常大只松叶蟹膏多士多士非常脆， 配埋松叶蟹膏酱非常惹味厨师发板三点盛以为得三样，原来有五样嘢鲷鱼刺身、 火炙带子刺身、 蛋卷、 鳗鱼沙律、 海胆三文鱼子丼鳗鱼沙律，啖啖鳗鱼鲷鱼刺身，非常新鲜炙烧带子刺身，超大粒上枱时仲介绍可以配埋紫菜一齐食海胆三文鱼子丼海胆饭海胆同三文鱼子分量多睇落细细，食落份量都唔少两个人share食就啱啱好，可以食多几样嘢最後餐厅出名食炉端烧，所以点都叫返几串烧试一试烟肉车厘茄， 烟肉烧得微脆，配埋里面juicy嘅蕃茄 好好食烧鸡髀用鸡肉烧完仍然嫩口，重鸡味我自己就最锺意呢个经典配搭豚肉露笋， 猪肉嘅油花配埋露笋朋友相聚食到最尾系差点儿唔舍得走
继续阅读
位於旺角的日式炉端烧餐厅。餐厅位於旺角楼上舖二楼，占地一整层，空间其实不算大，但装潢以清新木系为主，加上装修别致，因此用餐时也是很舒适。餐厅设有卡位及吧枱，客人可以选择入座於吧枱观看师傅手艺，亦可坐近窗边眺望人来人往的旺角街道；虽然我选择就座就吧枱前方，旁边左右都有食客，但座位间距不算窄，因此不会太有挤迫感，喜欢看师傅手艺的可以建议坐於吧枱前喔~ ⋆_____ᴛᴏᴛᴀʟ ᴏʀᴅᴇʀ______⋆° 北海道鲜带子夹海胆 $148° 云丹拖罗蓉山盛 $188° 黄花鱼一夜干 $158° 活烧元贝 $88° 串烧和牛 $68° 串烧鸡脾肉 $32 ° 免治鸡肉棒38- ✧° 北海道鲜带子夹海胆 $148鲜带子开边夹海胆，卖相已经非常吸睛，海胆色泽金黄甘澄，鲜而不腥。放入口海胆瞬间溶化，加上厚肉爽口的带子，鲜甜味美 ! ° 云丹拖罗蓉山盛用拖罗蓉、三文鱼籽及海胆堆成的一座小山丘，舖在上面的刺身馅料丰富得把寿司饭全然淹没，好不震撼! 拖罗蓉由师傅人手剁碎及挑筋，口感更顺滑~海胆配上拖罗蓉鲜甜味浓，加上三文鱼籽的甘鲜口感，口感丰富，味道实在太诱人了~ 不论视觉及味道都是一种享受喔!° 黄花鱼一夜干超大一条的！黄花鱼烧得软嫩酥香，鱼骨软韧，口感鲜甜细嫩；鱼皮烧得脆香可口，但鱼肉不会太乾，丰腴有汁，佐酒一流~ ° 活烧元贝吃到活元贝鲜甜的味道，扇贝厚肉细嫩，师傅建议吃後连同汤汁一并喝掉，风味更佳；此话所言属实，汤汁吸收了元贝的鲜甜精华，极鲜极浓° 串烧：🔸 和牛：和牛肉味浓郁，脂香肉嫩，口感不会太韧，但略嫌不够厚切，略欠嚼劲🔸 鸡脾肉：用了鸡髀肉的部位，质感更为嫩滑，涂上烧汁经过猛烤後，外香内嫩，肉味浓郁🔸 免治鸡肉棒：免治鸡肉棒混合了鸡皮、鸡胸及鸡髀肉，肉汁、香味及味道三者兼备，口感一流；蘸 点日本的橙黄色蛋黄来吃，加倍可口味美。
继续阅读
闺蜜生日我请食饭 ，佢有好多要求， 要食日本菜 ，要新鲜好味 ，要靓靓餐， 要够份量， 又要抵食， 好似以前嘅出奇蛋广告， 一次过满足三个要求 。要满足晒好似都唔容易 ，一番搜寻之後 ，拣咗喺旺角呢度长阪烧。第一次帮衬呢度 ，讲真嗰句 ，真系可以满足晒我哋嘅要求。 🥰🥰首先系美💐 ，餐厅装饰典型日本风格， 挂有灯笼， 仙鹤， 墙上有鲤鱼，古典日本画。 餐厅虽然不大，但井井有条，光猛企理， 窗边一大排宽敞卡位， 可以望到街景。 厨房是开放式， 可以见到厨师们忙忙碌碌， 制作餐点 。每样食物上枱， 都系精心❤炮制，精美摆设 ，颜色鲜艳 ，配搭得宜。 绿色嘅新鲜紫苏叶 ，除咗养眼， 仲带出一阵阵清香嘅味道， 黄色嘅小菊花 ，摆喺食物旁边 ，有种画龙点睛嘅效果 ，紫红色嘅萝卜， 丰富咗颜色， 又平衡咗肥美鱼生嘅油润。第二系非常满足， 我哋叫咗两个餐 ， 食物种类多到记唔晒， 有前菜小食， 刺身三款 ，寿司三款 ，天妇罗四款 ，炉端烧三款 ，叉烧乌冬一小碗，鳗鱼饭一大碗， 最後仲有雪糕糯米糍。 最满足系刺身，粉红色肥美拖罗 ，鲜甜柔润肥嘟嘟，充满丰富omega-3 ，喺个口度嚼下嚼下唔舍得吞， 两粒大带子 ，点啲wasabi豉油真系极品鲜甜，超满足味蕾。仲有一只大牡丹虾， 一啖摆落口啱啱好 ，有种幸福嘅感觉。 心灵手巧嘅厨师仲用青瓜雕咗只青蛙摆喺隔离， 栩栩如生， 所有嘢都新鲜到爆灯。 炉端烧都极之出色 ，猪腩肉同鸡软骨都烧到脆香， 味道又调教得好，椒盐嘅味道令到啲肉鲜甜而又唔油腻， 齿颊留香，回味无穷。 另一个满足就系大碗鳗鱼饭， 两块大鳗鱼， 啖啖肉，鱼油嘅香味令到碗饭都非常吸引，三扒两拨就食完，超满足。 其余啲食物都系认真制作， 我哋两个愈食愈起劲，食完仲觉得少咗啲蔬菜，於是又点咗一碟枝豆 ，又系与别不同嘅制作， 新鲜不在话下，少少咸，粒粒豆都好饱满，食到停唔到口。 两个人食到好满足好开心， 平均都唔使200蚊一个人， 真系极之实惠 ，性价比超高。 所以话呢度一次过满足我哋三个要求 ，就系食物好 ，卖相靓 ，价钱平。 另外仲要赞下啲服务 ，店员姐姐个个都殷勤有礼 ，上食物嗰阵时轻轻放， 收碟嗰阵时又系轻轻摞，绝对唔会打扰我哋食嘢 ，仲要每枱都有一壶热茶， 唔会饮到冻晒 ，又要搵人斟茶， 真系好周到，满意再满意。总之， 呢一餐令到闺蜜非常之满意 ，佢话下次我生日又请我嚟呢度食， 到时又可以大快朵颐。
继续阅读