影片
港铁尖沙咀/尖东站 L3 出口, 步行约8分钟
继续阅读
开饭介绍
餐厅位于尖沙咀的历史建筑之中，设有室外用餐区。餐厅提供各种午市套餐、英式下午茶餐等，主打西式菜肴，如龙虾浓汤、水煮三文鱼、自家制蛋糕等，造型精致吸引。
继续阅读
营业时间
*最后落单时间: 20:30
星期一至日
12:00 - 21:00
以上资料只供参考，请与餐厅确认详情
前排想约妈咪食母亲节饭，咁啱见到呢间嘅下午茶好似好靓咁，于是就拣咗平日嚟食～平日冇咩人好正，同妈咪早咗到，喺1881同佢影下靓相先我地系三个人嚟食，呢幅图系二人份量，仲会有另一个笼系一人份量一嚟到就即刻影相，真系好靓，本身电话讲好嘅「母亲节快乐」字牌都好靓佢个餐牌系写得好清楚有啲咩嘢食，但我唔记得咗影同埋呢间系有素食下午茶，啱哂素食嘅朋友除咗鸟笼，另外有scone食，几好食，重牛油味鸟笼最顶系甜点，中间同最底都系咸点～印象中大部分咸点都几好食，尤其系最底层嘅薯饼同鱼饼（？）而甜点我最记得旧抹茶嘢，几重抹茶味，少少苦唔太甜有旧白朱古力嘅cake真系超甜，唔系好啱我呢间嘅下午茶咸点多过甜点，我地好钟意，因为有时食得太多甜嘢会好腻同埋真系有放松到嘅感觉，环境好舒服虽然初初坐出面有啲热，但系坐坐下就冇咁热而且侍应服务好好帮我地影相影得好靓题外话：我之前都有食过晚餐，最记得心太软好好食！
继续阅读
约朋友下午茶好去处，今次约咗好耐无见嘅几个朋友相聚所以下午茶都坐咗成3个钟🙊疫情期间坐室外长廊感觉比较安心，空气好环境优美，喜欢打卡嘅女仔最啱,影相一定靓，食物质素OK，下午茶tea set有两种选择，有class同素食可以选择价钱合理而且服务好好一定会在去帮衬👍
继续阅读
多谢朋友邀请，同我庆祝生日，朋友话之前同朋友去庆祝结婚纪念，无意间发现做紧六折，谂起我生日，所以约埋一齐去，我地要求坐室外，夜晚天气唔太热，服务同环境都好好，仲有好多影相位，我地叫咗好几个主菜，大家share，可以试多几款， 我哋叫咗肉眼扒， 煎三文鱼， 烤烧春鸡同 意大利香草饭，总括咁多款都唔差，每一个set都有汤或者沙律、主菜、之后系甜品，除咗意大利饭之外， 其他set嘅配搭系薯茸加蔬菜， 整体嚟讲，会再去，好好
继续阅读
最近疫情关系，唔少食肆都出尽大大小小不同优惠，1881呢间餐厅更系做紧午市套餐六折，的确好难唔心动，尤其呢度主打置身于古迹中用饍，早排就带屋企人前嚟一试！作为面包控，见到呢盘餐包已经被吸引，面包种类多达5款，而且毕竟系酒店餐厅，每款食落都有水准。前菜我点了沙律，沙律菜非常新鲜，再配上烟三文鱼同沙律酱。屋企人点了餐汤，当日系送上蘑菇汤，饮落系食到鲜蘑菇打成碎粒，creamy得嚟带点鲜味。主菜方面，我地分别叫了侧腹牛扒、猪扒同海鲈鱼share食。首先牛扒系配上红酒汁，其实牛扒系香味但口感实在系太靭，明明已经系切薄片上加叫了medium，但依然系靭到几乎咬唔开。跟住到猪扒系配上洋葱汁，另外有啲酸酸甜甜嘅梅汁𣺉上面，但猪扒本身嘅香味唔突出，系所谓嘅无乜猪味，只是酱汁嘅调味系不错。最后嘅海鲈鱼系最令人满意嘅一碟，鱼肉厚身却香滑，配上清新嘅芒果蓉十分夹。甜品方面倒是做得几出色，当日上嘅系红桑梅蛋糕，先系摆盘已经很别致，而且连碟都系冰冻地上，底层系层脆脆，上面再一层海棉蛋糕、一层果蓉同一层mousse，味道唔会太甜，反而酸酸地好清新，可以去刚才主菜嘅油腻，口感更加系够晒丰富。最后餐饮我当然要一尝酒店级咖啡，叫了americano加鲜奶，但亦令我为之失望，因为呢杯咖啡味道苦涩，令平日饮咖啡唔加糖嘅我都忍唔住要加糖才饮到落去。可能系我原本期望太高，只可以话有六折优惠都系可以接受嘅
继续阅读
今晚同同事黎1881呢边聚餐，哪怕有优惠都冇咩人，系呢个咁有历史价值既建筑入面食饭真系零舍不同，前身系水警总部，过百年历史，呢间餐厅除左装修风格外，食物都好有水准，当然价钱同外面餐厅比会比较贵一d，但物有所值，今晚点左个牛扒，3成熟，做得好出色
继续阅读