影片
有位女性朋友结婚！邀请我做姊妹！心感荣幸又开心！ 就算要我当日早上 7:30 走到上环亦在所不计！由于，他们将会于下午 3:00 在长沙湾一间教堂行礼！ 因此，午餐选址同区的 <长虹海鲜酒家>。地点较为方便！这间位于商业大厦的酒楼，一走入去，见到酸枝椅配上贝壳雕花，手工精细！但说到环境，这里的枱很密，给人感觉较焗促！装修普普通通！一般酒楼格局！幸好！我们被安排到酒楼深处的两张大枱！好让我们可靠墙摆放婚礼所用的物品！餐具以葡萄图案作点缀！打破沉闷的框框！邻枱为我们这枱点上点心及其他美食！大家真是可以大饱口福了！ 我们这枱除了部分兄弟及姊妹之外，还有，摄影师及摄录师！摄影师及摄录师跟大家分享之前在婚礼上遇到的趣事！ 气氛融洽轻松！食物及点心送上的速度算快！先送上炒粉面，然后点心大厦陆续有来！当日，我食的东西不多！只要够饱便算了！况且，还要赶去教堂帮手！雪菜肉丝炒米即叫即炒！一夹起仍是热辣辣的！ 米粉炒得干身爽口之外，因为加了各款配料如雪菜、红椒、青椒及肉丝，味道层次感变得丰富！ 咸味刚好！加上这是第一碟上枱，相信大家已经收货！虾饺虾饺皮烟韧又薄！略带晶莹剔透！馅料若隐若现！ 虾肉虽不是新鲜货色！胜在肉质爽口弹牙！另外，混合了笋丝，增添口感！烧卖大大粒！ 加入了不少肥猪肉！虽然很香口，但是很油腻！ 酱皇蒸凤爪甜美得来软腍入味！ 有点入口即溶的感觉！ 花生煮得够腍，吸收了酱汁精华，味道不错！流沙包流沙好像火山爆发的熔岩泻出来！ 我不禁说了一句：好流呀！ 摄影师都笑说：果然好流㖞！包身松软程度稍逊！流沙馅热辣辣烫口的！略嫌缺乏咸蛋黄！甜而不腻！一试无妨！煎薄餐刚刚煎好送上！松软程度很理想！ 洒上芝麻煎得金黄，充满芝麻香！真诱人！ 混合火腿粒及葱粒，更香口美味！相信价值是大众化！只可惜食物方面强差人意！
继续阅读
今早9:15 约了朋友饮茶, 试试一些非大型集团经营的酒楼, 这间酒楼平时搭车好多时经过, 但附近以住宅及工商业为主, 故好少会亲临尝试, 今日有机会到来一赵 。这里是一间商业大厦,楼层不高, 但酒楼都不是大派头果款, 普普通通的装修 。但食客都多, 但属于不占枱模式, 行埋去以为无人, 原来一份唔完整的报纸加一张已开咭的单已经表现到 :这里已有人占左位, 我们由街头行到街尾, 很不容易才找到一张细枱, 剔了点心, 系无待应理会, 只有一名阿叔好亲切的笑容过来取单, 但我们估计 : 唔通系老板 ? 真系无人知 。两个人选了棉花鸡、煎酿茄子、长虹虾饺、鱼翅饺 、煎锅贴、煎腐皮卷, 南瓜粟米粒作为甜品, 先按次序讲讲:棉花鸡: 不过不失, 鸡都有3件, 几滑, 棉花够大及汁味浓, 冬菇一小件, 唔错 !煎酿茄子: 简单三件, 煎酿料好少, 清但内无乜料, 无意见 !长虹虾饺: 4件, 热、皮都少少厚, 但馅料ok鱼翅饺: 4件, 干, 味精重, 有口感煎锅贴: 唔够㶶, 少少黄皮都无, 够大肉汁浓, 但味精都多煎腐皮卷: 不过不失, 脆但又系唔觉里面d料南瓜粟米汤: 唯一无选错, 食得好滋味 !普洱茶: ok整体食物味精较浓 !
继续阅读
今日系清明节, 我哋一行三大一B扫完墓, 谂住去饮茶. 次次都系去好彩, 新星, 今次就去呢间酒楼试下喇去到11:15, 要等四张枱, 但都好快.入到去无人带枱, 算啦自己揾啰, 坐低咗, 叫极都无侍应开茶, 一系话等阵, 一系当见唔到听唔到,咁惟有一路写点心纸, 一路举手叫侍应开茶啦, 点知到写完点心纸都仲未有人同我哋开茶. 搅到我成个傻婆咁举住张点心纸系咁拨, 真系火都嚟 拨咗都10分钟, 先至有人埋嚟我哋叫咗8个点心鲜虾肠粉--啲虾够大只, 够鲜几爽, 唔错!川酱金钱肚--辣辣哋, 几冶味. 唔错!姜葱牛柏叶--OK, 几好味!叉烧饱-- 唔错!鲜竹卷--OK烧卖皇--几大粒, 味道都唔错!生滚及第粥X2--用煲仔上, 个样好似唔错, 但一"毕"落去, 得两片猪润, 两旧猪肚, 一粒贡丸, 系咁多, 粉肠都无条再食落去真系"把鬼", 都唔系生滚嘅, 似白粥加啲及第料咁, 完全唔得!茶钱$7.00一个 (如果多人嘅话都几贵), 埋单$154.00总括嚟讲点心味道都可接受, 惟可能侍应人手唔够, 无论开茶同埋单都要等好耐, 理应改善!!
继续阅读
呢间野，起码值六个喊脸第一，普洱茶叶好差，色水就好深，茶既香同味都冇，都唔知系咪染色茶第二，点心真系好差，凤爪系有酸馊味，鸡札旧鸡系得劲大旧骨同丁屎咁多肉继续，煎肠粉可以仲林过D煎肠粉，一D都唔香口，D虾米仲臭臭地我问个侍应有冇沙律酱，佢答有，咁我叫佢比碟我佢就答我沙律酱唔系用黎点呢D咖㖞(指住碟春卷)我就再讲多次，唔该比碟我啦佢就再问，你要黎做咩既先?你要黎点呢D?呢D唔系点沙律咖㖞我就再忍，讲多次总之你比碟我啦唔该佢就话得冇问题讲真我系客人，佢系侍应我唔系话睇唔起佢份工定点只系佢做得呢份工就尽佢本份客人要求佢比，佢唔抵触公司规定比得咪比啰有冇需要一而再再而三咁反驳同教我点食一碟春卷呢?重点黎喇!!佢果碟根本唔系正宗有猪肉木耳粉丝既春卷而系有虾有九王既春卷咁我点SALAD CREAM有咩问题先????最后就系埋单好慢，等左三个字正想催佢就见到佢拎住成栋10本夹单果D簿阿姐你做唔到就咪拎咁多啦想等死其他人咩一次就够，以后都唔去P.S 仲有，佢D装修真系好不知所谓用个铝合金既框框住张三英战吕布
继续阅读
寻日本来谂住去长虹饮下午茶~~~~人多要等位~~~~~~~点知等到位又俾人指东指西,唔知要安排边张台俾我地~~~~~~安排左台,以为唔驶搭台仲好开心tim~~~~~~点知等左好耐都冇侍应黎执嘢~~~~~叫左佢地好多次都要继续等~~~~~~最后我地决定走人~~~~~~~上次已经觉得佢d食物质素差左好多,例如d薄饼有"叔"味~~~~~点知连d服务水平都差埋,以后都唔会再去~~~~
继续阅读