長旺燒鵝燒味飯店

呢间嘢位于旺角熟食中心上面，喺朗豪坊对面搭扶手电梯上一层就到了。上面有好多间唔同档口，今日就拣咗呢间食烧味嘅。呢度啲餐厅全部都算系旺角入边最平。平均四十零蚊就有一个餐。 如果平时放饭想食平啲嘅话非常之建议大家嚟呢度。呢次嗌咗个烧鹅濑，加埋杯冻柠茶都系四十零蚊，烧鹅味系几够嘅，不过略嫌份量有啲少，不过都对得住个价钱。 呢度食饭环境唔算太差，卫生都OK，不断会有职员嚟抹枱同埋收嘢。放饭时间都会见到好多人走落嚟呢度食，不过都系食完好快就走所以唔使点等位…查看更多

今日lunch好肚饿于是就去左买烧味饭, 烧鹅叉烧饭 双拼再加一个例汤, 例汤系粉葛猪骨, 不过味道就比较淡, 烧鹅质素一般 , 但叉烧就比较干同鞋口, 不过呢个饭连例汤只系$38 , 无谓太高要求吧~…查看更多

依家OPENRICE有外卖自取优惠 满$45减$15 (优惠码: EAT15) 不过好似每日都有限额要早啲预先揿定先用到附近嘅咁多食店入面我拣咗帮衬呢间车仔面原因系我见到佢哋无论系粉面嘅种类同埋𩠌菜方面都比一般嘅车仔面店多好多选择价钱又抵 用埋券系超级抵 四个𩠌加埋红豆冰分汤外卖攞走都只系$30❗️暂时食咗两次，第一次拣咗牛肚鱼皮饺通菜配佢哋𠮶个皇牌金xx汤小辣濑粉，比我想像中辣，后来我发现牛腩汤系最好味嘅通菜唔知系咪唔当造好大条好老唔系太新鲜，我谂夏天先好再叫通菜。极力推介牛肚同鸭肾❗️首先讲咗牛肚先，好香好好味 份量都算多 食极都好似仲有几条 好淋 切成幼条几好咬。鸭肾啲味道应该算系咁多种𩠌入边比较浓，不过冇𠮶啲内脏味 卤水味几岀 唔会太过硬 恰到好处嚟紧打算试埋牛腩萝卜杯红豆冰都几有诚意 有颗粒感 感觉上系自己煲嘅 重点系只需要加$3 而且叫佢少冰真系有少到唔似出面啲茶餐厅虽然未叫做劲好味 不过依家出面好难揾一啲真材实料嘅红豆冰 同埋绝对冇罐头𠮶啲咁甜 好似会糖尿病咁。服务态度方面 车仔面𠮶边个女仔都几Nice几有礼貌 不过唔知佢使唔使负责冲嘢饮 因为佢搽咗蓝色嘅指甲油应该都有啲人会介意。总结就系一日有呢一张券喺度我都会系咁食😂…查看更多

今天到旺角熟食市场揾食，周围睇有边档好。来到长旺烧味店，望著肥肥D鹅记得之前食过都唔错...就埋去当然是点了烧鹅脾饭叫了下庒。皮脆有烟熏味鹅肉扎实完全吾会油腻. 同埋好入味啊而且烧鹅皮够脆皮！不过酸梅酱不够酸偏甜，跟鹅不配。饭粒粒粒分明.整体是不错的.....环境同卫生度都ok 衰在坐位鉄櫈注入地下不能郁动...碟饭放在枱面要污㡳个身食以熟食街档嚟讲唔算迫夹 .....价钱方面六十元都可以接受，加四元有汽水⋯⋯…查看更多

最近都喺旺角工作, 所以好多机会嚟呢度食饭。今日就试下食烧味, 呢度唯一间就系「长旺」。之前几次嚟都见到隔离嘅人喺度食佢嘅烧味, 睇落都几靓呀。我叫咗个<熏蹄拼叉烧饭>, 跟杯热奶茶(加$5)。 价钱方面, 睇唔明佢个餐牌, 初初以为双拼饭 33蚊碟, 原来要35蚊, 可能系因为要熏蹄嘅关系。熏蹄唔错; 叉烧系半肥瘦, 味道都唔错呀, 份量再多少少就好喇。饭嘅质地亦ok。豉油ok, 捞饭一流。冇另外再要求「葱油」, 因为惊太咸、太油腻。热奶茶, 系好好饮嘅。下次要试下烧肉, 睇下好唔好味。…查看更多