影片
以上资料只供参考，请与餐厅确认详情
食家推介
招牌菜
相关文章
煲里面啲肉除左雪方面有问题之外，大致上无问题。实不相瞒，我之前是当中员工，所以日日都会食。我觉得鸡煲系最好食，但要不断加水，因为五加水会好咸，加汤就仲咸。以我个人喜好，我就中意薯仔片，薯仔，鸡件做配料，凉拌都好好食，我见过厨房整，真系好花功夫。168元一只鸡，本来就不是贵。但现今以套餐推出，我都五知系平左定贵左lu，我觉得如果饮多几罐汽水既，计人头98元系平左既
继续阅读
记得第一次食系两年前, 去完南生围踩单车~之后黎依到食晚饭..点知一试难忘, 当中..试过铜锣湾既...或者快餐店既..点都不及依到既鸡煲!!$128 半只鸡 $168 一只鸡有时两个人食半只, 加薯粉都已经好够啦~~~因为本身钟意食SPICY 野, 所以叫左中辣~~男朋友都系嫌唔够辣另外再叫佢加辣~~~平时叫半只鸡, 今次叫全只,好足料!!不过伴菜略微少左D ~~平时半只又系咁多伴菜, 到叫全只, 伴菜一样只系鸡多左= =不过都真系好够味!! 薯粉都系推介菜~~够弹牙~~~最近几次去, 都有得送生菜~其实分量唔少, 只系食左一少部份先记得影相XDDD 菜好新鲜好甜~虽然系送但都唔会俾烂菜你食~~总结: 试过咁多间都系最好依间, 每次特登坐车入黎食~~唔洗等位~ 鸡分量够多, 价钱抵食!! 服务OK! 食物够新鲜!! 汤同鸡肉都够入味!! 唔会被辣味或其他伴菜遮盖!!
继续阅读
1549 浏览
此店以鸡煲驰名，当天甫坐下，忽然想吃羊腩煲，结果就出事了。点了一份羊腩煲，198元，小贵了点。很快就端来了羊腩煲，铺上了香菜，内容物是大量的姜、葱、芹菜、冬姑等。汤汁有很浓重的香料味，加上大量伴菜，又甜又香。再盖上份量不少的炸枝竹......可是，问题出在羊肉方面，店方应用了急冻羊肉，而质素也很一般，肉的膻味加上肉的质感，令它失分不少。下次再试，还是吃鸡煲好了。后来有次，朋友的饭局中，我最后才来到。尝了一口鸡煲，果然是肉的问题，鸡肉即使雪藏，只要汤底好就可弥补一点，羊肉就......
继续阅读
当日系星期日晚，大约6点半左右到，舖外两旁的位置已满，我们被安排于小巷坐。还好早一步，因为那已是最后一张枱。我们先点了个鸳鸯鸡煲，另加了碟菜和饺子，后来追加了炸腐竹。等了一会儿就上菜，鸡煲都算大煲，鸡也很入味，辣度也ok。饺子也意外地似自已包，不错。只是嫌加单比较麻烦。下次会多D人嚟叫多D料。
继续阅读
呢晚一行 4 人, 打算去长来试下~去到见到都有 6 成满, 唔使等就有位!因为好肚饿既关系, 一坐底就啦啦声落单...落完单, 野食未到就唯有倾下计先!等左大约 20 分钟, 上枱.............2 支啤酒 + 2 罐王老吉 only!!唯有饮住啤酒继续倾下计睇下电视~再等左大约 20 分钟.....仲系一样野都未有.....连个煲都都未见影!!! (因为客唔多, 无理由唔使煮既连冷盘小食都无)心知不妙, 捉左个伙计叫佢帮手追一追睇下系咪溜左单....伙计完全无回音, 然后又再等左大约 20 分钟...斜对面台果枱比我地迟黎大约 4-5 个字, 但系佢地 order 完之后....个男人出左去一阵 (唔知系咪去话老细上野慢), 跟手就自己拎住个煲(汤底)入黎.....然后火锅料亦相计上枱....人地开餐了!!!!!!呢一刻真系燥燥地!!! 有无搅错!!!!由少少饿, 变成好肚饿, 再由好肚饿, 变成饿完.....前前后后追左成 3-4 次, 次次追完都无下文.....人地迟黎过我地, 但系已经食紧, 我地就响度饿紧!!!!最后, 我地决定比低饮品钱就走人!!!叫左个老板娘 (貌似系) 黎收钱, 啱啱准备找返钱果一刻, 个煲先至黎!!!然后系咁....老板娘: 咦, 个煲黎啦㖞..我地: 无用啦, 而家先黎, 唔食啦..老板娘: 食埋先啦, 都黎左啰..我地: 隔离 2 枱迟过我地黎, 人地都食紧啦, 追你咁多次都无反应, 咩都饿完晒啦, 唔食啦.. (好坚持, 因为真系等到燥左!!)老板娘: 咩你地咁架, 有无搅错呀, 黎左又唔要, 下次你地唔好再黎呀! (发返我地烂渣, 自己唔啱仲要闹人)好坦白, 呢种做生意既手法, 唔系想歧视, 只系我咁大个都真系未遇到过香港人开既店会同你一样态度啰!!叫客人"唔好再黎"... 唔通我再黎你会打我乎?!你觉得你自己生意好既, 我无办法~唔休做还唔休做, 但唔应该系用呢种服务态度!!!自己唔啱都仲可以大声过人, 恶过人, 真系.....xx 文化!!!!老老实实, 就算你免费请我黎, 我都一定唔会再黎啰~!!!!
继续阅读