長來食坊 (已結業)

對雞煲真是有個情意結, 喜歡雞, 又不喜歡個湯底, 喜歡配料,但雞煲又唔好食...........總找不到一個十全十美的雞煲的店!!曾經試過朗屏的雞煲, 除了個湯底, 其餘一概不好吃, 而且地方偏遠又污穢...今次俾多次機會佢, 因為我真是太愛佢湯底, 於是來到元朗教育路這間店, 響聯品條橫巷...因為早, 我去到是第一位客人, 電視都未開!!入面有7-8張枱, 街外也可以擺枱我地一坐低, 阿姐熱情招呼,服務不錯, 佢話$168 一隻雞, $128半隻雞,當然佢話一隻雞抵d!!一坐低已俾了滾水洗碗筷, 又有個爐,個爐幾乾淨, 沒有污積!!兩個人叫了一隻雞, 一定要叫香辣雞煲, 本人不喜歡麻辣, 淨香辣味, 已經夠頂癮!!現在還送生菜一份!!!正!!一來已有香味, 應該差不多熟哂, 再開大火滾熱去!!!眼見有很多花椒八角, 仲有乾蔥,洋蔥!!!雞很多舊, 不過原來好細舊的, 好碎, 老公話隻雞得2斤重而且,細雞, 仲要斬到甘碎, 一d 口感也沒有, 而且多碎骨... 沒有雞味...不夠滑..不過個煲有許多冬菇, 好索味!!!!仲要份量多, 我狂食冬菇, 正!!成煲湯滾起, 個汁起初不太辣

突然好想食雞煲, 想起長來便來到這間元朗店. 因之前只吃過朗屏站, 友人說元朗舊b附近那間才是最正宗最好吃~晚上七時多店外已有很多枱等做生意, 店內十分細只有數張枱但仍可接受還有電視看. 今次試了中辣, 半隻雞已夠兩口子吃. 配料有芹菜、冬菇、洋蔥、蒜頭等等. 湯底比較杰身, 味道香濃, 辣味十足剛剛合我們的口味. 真是越吃越辣越吃越過癮, 鼻水亦不停地流. 我最愛的紅薯粉, 可惜長來的薯粉一向都是比較碎, 熟後變得軟身比較難夾, 但薯粉吸了辣汁真是十分美味~~~~~~~~整碗吃了十分飽!!謹記薯粉剛熟便要夾起, 否則會太腍不好吃的. 相公的白飯加了辣湯, 吃得連他都流鼻水~~還叫了一罐可能和油麥菜, 真是很飽了, 整晚都回著一陣陣辣味的氣~~~~~~~~~哈哈. 今次吃後不會太口乾, 我會再來的~~~

今天一家幾口子慶祝父親節, 平時食火鍋多, 今日特別少少, 買左個雞煲. 呢間最出名係重慶辣雞, 我點左一個外賣 $170蚊, 加埋一個涼伴青瓜 $26 一隻雞份量岩岩好, 夠6人食湯底 - - 比較油, 但味道好好, 辣度我選了小辣所以接受到, 自己加咗薯粉, 索埋d汁簡直一流呀雞 - - 都係冰鮮雞, 質數一般.反而涼伴青瓜幾ok, 份量大$25價錢合理, 有種麻辣感覺.

話說成日聽到朋友們山長水遠走入元朗食雞煲,而我住係元朗,一次都冇食過,所以趁住我生日就提議去食一次,我地一行7個人,有位朋友一早去等擺位,所以一去到就有位了~唔洗等~我地叫左一個香辣雞煲(少辣), 其實我想叫大文辣,不過朋友們都不太吃辣,另外再點了肥牛,冬菇,羅白,紅薯粉,雞件,魚皮餃,九菜餃,雲吞,支竹,生菜等配料,,,,,,先講返個雞煲先, 叫左小辣, 真係一D都唔辣,而且真係愈食愈口渴,不過入面既配料同埋雞既份量真係好足,而且個湯底較"杰"......再講下個肥牛,一黎到就知係唔靚既料,顏色望上去冇咩光澤, 應該係雪得很厲害~而九菜餃同雲吞基本上係差唔多,只係有九菜同冇九菜既分別,不過好好味......但都係咸左少少,另外又要讚下個紅薯粉,食落去好爽!總括黎講, 其實所有野唔係話太出色,係元朗好味既多的是,呢到既雞煲只係不過不失,我期望太大......所以有D我望!但係如果有一大伙人,我都會再去食過既~~

話說天氣轉冷，正正想吃個雞煲暖暖胃。當時七時多，天寒地凍的走來，發現裡面已經爆滿。老闆娘眼見我們５個人拎位，立刻說「你地唔好黎呢度啦，去朗屏啦！」不斷叫我們離開我們實在太疲倦，不想由這裡走向朗屏，所以寧可等，也要在這裡！老闆娘眼見我們不服氣的樣子，於是致電朗屏店，原來也是爆滿了。我心想，幸好沒走到那邊，不然冷死。直到八時多，終於有位了。老闆娘再次走出來跟我們說，這裡不能容納５人，所以我們其中要坐得很迫。算，我們能迫點坐！（雖然很勉強）二話不說，點了馳名的雞煲，不過要小辣。再點幾款配料基本上就只有眼見的幾款，非常普通！雞煲裡面，用料也很足，也有數廿塊的雞（雖然骨多肉少）。雖然點了小辣，可是辣味也不是蓋喔！而且湯有很重的八角味。可惜，愈吃愈咸，愈來愈口喝…

之前同朋友行過.. 30幾度都有人係到食... 所以.. 一心搵日來試當日.. 天氣比較冷. 我們2人來試因為我唔食辣, 所以選了最小辣的重慶香辣雞煲, 我覺得好好食. 辣左小小. 我都食到 1/3.. 不過其他配料就一般聽聞可以外賣.. 下次一定再食....

屋企人介紹這間鋪頭而來.一邊唔辣,一邊香辣雞煲,好得又好多,食得辣的你就一定試試,掂!手打魚滑同肥牛就普通.開頭7點鐘去到仲有位,但越食越多人來食,有好野就自然就有人食,希望呢間可以保持到最少而家這樣,食過唔少食店,紅了就自然偷工減料.喜歡食打便爐就一定要試試.