鏞記酒家

营业中

休息中

鏞記對我嚟講係一個充滿情懷嘅老字號，無論係同朋友飯局定家庭聚會，呢度永遠係個穩陣之選。一定要試嘅當然係佢哋嘅招牌炭燒燒鵝，燒鵝肉質嫩滑多汁，肥瘦適中，沾啲酸梅醬，味道層次豐富，絕對係全餐焦點！仲試咗蒜片芥末大蝦球，蝦球彈牙鮮甜，芥末嘅微辣同蒜片嘅香氣好夾，食落開胃又過癮，係一道好有驚喜嘅菜！金蛋蒸手刴肉餅都係亮點，手刴肉餅質感鬆軟，蛋液蒸得滑溜，鹹香適中，入口有種家常嘅溫暖感；銀棯帶子蒸豆腐更加出色，豆腐嫩滑如絲，帶子鮮甜，銀棯嘅清香為整道菜加分，食完真是一個字—正！蟹肉鮮菰西蘭花嘅西蘭花爽脆，鮮菰嫩滑，蟹肉鮮甜，     平衡晒其他濃味菜。已經同朋友講好，下個月再嚟過。

中午約埋幾個同事去鏞記酒家試菜，作為一間老字號粵菜館，環境真是一個字 — 靚！裝修有現代感，帶點傳統中菜館嘅典雅氣派，坐得舒服，氣氛輕鬆又唔失格調，無論係同朋友定同事聚餐都好啱。今次點咗幾道菜，款款都好有驚喜！首先係竹笙羅漢上素卷 ($200)，素菜做到咁精緻真是一個亮點，竹笙軟嫩入味，吸晒湯汁嘅精華，卷入面嘅菇類同蔬菜配搭得宜，清香又豐富，食得出師傅功力。跟住試咗珊瑚白玉千萬柳 ($280)，賣相一流，冬瓜絲燉得軟腍透味，配上鮮甜嘅蟹肉同蟹皇，入口滿滿海鮮香，層次好豐富，絕對係今餐嘅焦點！豉汁燒釀酒滑豆腐 ($250) 都好出色，豆腐滑到入口即化，釀料鮮香入味，豉汁帶點酒香同微辣，惹味得來唔會蓋過豆腐嘅原味，食完真是一個滿足。沙爹津絲牛冧肉 ($260) 係另一道驚喜，牛冧肉嫩滑多汁，沙爹醬濃而不膩，配上津絲（魚肚）嘅獨特口感，食到停唔下來，份量同質素都好有誠意。最後嘅上湯腿絲浸時蔬 ($170) 好清新，湯底鮮甜濃郁，腿絲軟腍，時蔬爽口，作為一道清淡菜式完美平衡咗整餐嘅味道。服務方面，店員點餐同上菜效率都算高。中環地段加上呢個水準，雖然價錢稍為高少少，但質素完全對得住。下次會再試其

藏身中環威靈頓街的鏞記酒家，数十載煙火氣中煉就港式燒味巔峰。推門便是木質樓梯與吊扇的復古風情，爐火香氣直竄鼻腔，仿佛踏入老香港的舌尖江湖。必點飛天燒鵝，皮脆如琥珀，脂香盈口，肉質細嫩不柴，蘸上特色醬汁更美味；豉油雞滑嫩入味，醬汁醇厚，盡顯火候功力。雖名聲在外，服務仍細緻周到，老饕與慕名客在暖黃燈光下共用傳統滋味，煙火升騰間，品的是一份曆久彌新的港味情懷。

走進鏞記酒家，恍若踏入香港燒味博物館。金紅油亮的脆皮下透出粉嫩鵝肉，蘸上特調醬汁，油脂化作滿口清香。秘制豉油雞的膠質在唇齒間纏綿，鮑魚炒飯粒粒分明泛著鑊氣，連青菜都透著老火靚湯的鮮甜。二樓露臺能望見中環車水馬龍，百年磚牆與銅鍋明檔相映成趣，老師傅現場斬燒鵝的刀光裏藏著三代人的匠心。離店時捧盒陳皮紅豆沙，甜而不膩的收尾，恰似這場味覺盛宴的溫柔注腳。

酸姜皮蛋開頭我以為就係普通嘅皮蛋加舊姜，點知食落可以咁特別，兩者之間居然可以咁配搭，真係令人驚喜！燒鵝同叉燒都好好食，鵝潤腸好特別，特別推薦，豆苗出乎意料炒得好

招牌飛天燒鵝真係冇得頂，係我食過最好食嘅燒鵝，皮脆肉嫩，肥而不膩。其他菜式就中規中矩，不過鑊氣都幾夠，本來想試埋個叉燒，聽講都係招牌菜之一，不過覺得燒鵝同叉燒好似有啲重複，所以叉燒都係留返下次先嚟食

呢間餐廳係我十幾年前，返工返中環嘅時候，老闆最喜歡買畀我哋食嘅燒鵝，其實最主要係個燒鵝汁好好味。而我就係因為個燒鵝，去咗嗰度食飯，又愛上咗佢嘅揚州炒飯。因為佢係粒粒分明，每粒飯都係有蛋液包住，好夠鑊氣，好足料，超like。之後冇返工返中環呢，就好少去食，不過每次有外國嘅親戚嚟香港玩，我都會帶佢嚟呢度，因為佢好多香港嘅特色菜，環境又舒適，又有香港酒家情懷。尤其是有一個禮雲子蒸蛋白，我喺香港真係只有喺呢度能夠食到，我覺得好特色好特別。另外佢仲有啲手工菜，要預早過數預訂，我都好歡喜，反正係有老香港特色嘅酒家，我都比較推薦呢一間，請人食飯唔失禮，自己又食得開心

杭州嚟嘅客戶話想體驗下香港嘅美食，考慮到出品同埋檔次，第一嘅選擇當然係鏞記啦！時隔上次嚟鏞記都差唔多有四五年啦，出品依然係咁正，味道同之前嚟都係一樣咁正咁穩定，燒鵝依然係用炭嚟燒，非常香口

鏞記酒家不愧是香港美食的代表之一，無論是環境、服務還是菜品，都讓人印象深刻。走進酒家，古色古香的裝潢與現代元素巧妙結合，營造出優雅舒適的用餐氛圍。服務員熱情周到，從點餐到上菜都細緻入微，讓人倍感貼心。菜品更是無可挑剔，招牌燒鵝皮脆肉嫩，入口即化，香氣四溢，不愧是鏞記的鎮店之寶。其他菜肴如蜜汁叉燒、清蒸海鮮等也各具特色，食材新鮮，調味恰到好處，每一口都能感受到廚師的匠心獨運。尤其是鏞記的點心，種類豐富，口感細膩，令人回味無窮。總的來說，鏞記酒家不僅傳承了傳統粵菜的精髓，還不斷創新，帶給食客極致的味覺享受。無論是家庭聚餐還是商務宴請，這裏都是絕佳的選擇。強烈推薦給每一位熱愛美食的朋友！

帶上海嘅客人嚟食飯，都係揀呢度最穩陣。大家都係食肉獸，叫咗個黑椒香草牛柳粒夠惹味，懷舊中式煎牛柳都唔錯，牛肉軟腍嫩滑，口味酸甜開胃。仲試埋個荔茸香酥玉帶子，外層香酥，蓉滑而唔漏，帶子新鮮，個客最鍾意係呢道，話未試過咁嘅做法。食埋個黃金奶皇煎堆仔，成餐好滿足。啲侍應見生面口都會主動介紹，講解都好詳細。今次揀咗二樓樓梯附近有十八定十二羅漢個位，環境舒服啲，啱傾生意。最後啲客仲要求買佢哋個XO醬番上海。

周末陪長輩出嚟食下嘢，揀咗鏞記。啲老人家鍾意佢間嘢夠傳統，又寬敞舒服。晶瑩筍尖鮮蝦餃皮薄餡靚，金絲山竹牛肉球個肉好彈牙，調味出色。阿嫲話仲好食過以前上海嗰啲。最正係個瑤柱蟹肉灌湯餃，傳統做法，湯汁夠鮮味。啲侍應見到係老人家，會好貼心咁幫手斟茶執餐具。見到阿嫲行得慢仲會特登扶住，好感動。唔駛趕，慢慢坐到三點幾都無人迫。大家都話下次再嚟。

中環行完街諗住搵個地方坐低食嘢。鏞記依然保持到傳統酒樓嘅格調，但又唔會老土，裝修夠晒靚，啱晒影相。叫咗個黑椒香草牛柳粒，黑椒配埋啲香草夠惹味，牛肉嫩滑又唔會太生，啱啱好！個人推薦個炭燒蔥油叉燒包，啲包仔軟綿綿又唔會散，叉燒夠香又唔會太甜，個蔥油香到出面都聞到！最後仲試咗個原盅花膠燉螺片，啲湯清甜又滋潤，啱晒天氣轉涼飲。坐喺窗邊望住出面嘅中環景色，慢慢享受個餐真係幾寫意。座位舒適，侍應態度都OK，但建議lunch time最好早啲嚟，唔係等位都要等一陣。

肥到不行的燒鵝，咬下去就覺得，鵝肉也太肥美了吧！沒吃過這麼肥美的鵝肉，一般對鵝肉的印象是稍微偏硬的，但這個口感卻很軟，口感好不說，味道更是一絕。鏞記燒鵝的烤乳豬也是好厚一塊，皮烤的超級脆，原汁原味。

公司年尾飯聚，老細俾錢當然可以食豪啲，大家投票揀左鏞記。正宗炭燒黑鬃鵝皮脆肉嫩，蠔汁花膠鵝掌皇火候足，玉簪玻璃明蝦球同銀杏翠綠炒花膠都做得幾精緻。湯水揀咗生磨杏汁潤肺湯啱晒呢個天氣，最後食埋個生磨綿滑芝麻糊收尾，甜品做得就不過不失，正常水準。book咗間房，環境舒服企理，夠闊落。侍應經驗豐富，上菜時間掌握得好。開瓶費$300，有需要可以自己帶紅酒。值得推介：正宗炭燒黑鬃鵝銀杏翠綠炒花膠生磨杏汁潤肺湯

*美人肉卷抱珠簾：平平無奇，食完冇乜印象*「美人肉卷抱珠簾」聽落個名好似好高級，但上枱之後發現其實只係一卷豬肉包住火腿同蘆筍，底下仲加咗少少花生醬。豬肉外層炸得脆，但味道同火腿幾乎冇分別，兩種豬肉加埋只係重複咗一樣嘢，冇食到咩新意。至於蘆筍，只係加咗啲爽口感，味道一樣唔突出。最奇怪係花生醬，嗅下仲以為幾特別，但入口根本冇乜存在感，唔夠突出去平衡成道菜嘅味道。整體食完冇驚喜，講真，叫同唔叫其實都冇分別。.*燒鵝：秘製醬汁蓋過燒味，肉質靭難入口*作為鏞記的招牌之一，燒鵝理應係亮點，而且燒鵝皮本來應該係最吸引人的部分。不過最難明嘅係，佢燒鵝一上枱就淋上秘製醬汁，搞到皮變得軟塌，完全失去了應有的酥脆口感。醬汁雖然被標榜為秘製，但味道過鹹，喧賓奪主，蓋過了燒鵝本身應有的香味。鵝肉本身肉質偏靭，幾塊比較厚的部位難咬得開，食落有啲費力，搞到我對住客食都略感尷尬。整體來講，燒鵝既無脆皮，又欠嫩滑，遠遠未達到一間老字號應有的水準。.*白切雞：冇乜雞味，只有幾件雞髀算過得去*白切雞冇咩技術可言，依賴嘅只係隻雞本身嘅質素，但呢碟雞睇嚟連基本味道都做唔到。雞肉普遍鞋口，好似煮得過熟，但其實可能根本係隻雞唔夠靚