影片
开饭介绍
由烧味大牌档开始做起的镛记，现已发展成中外闻名的粤菜馆，多年来镛记酒家获奖无数，尤其以烧鹅驰名，不少外国游客慕名而至，回国时更订购特别包装的烧鹅，故有「飞天烧鹅」之称号。
继续阅读
奖项殊荣
最优秀开饭广东菜馆 (2008-2011,2014), 最优秀中西区开饭热店 (2010)
特色
同客食饭
适合大伙人
附加资料
开瓶费300
营业时间
今日营业
11:00 - 22:30
星期一至日
11:00 - 22:30
以上资料只供参考，请与餐厅确认详情
相关文章
今晚同屋企人出嚟食饭，长辈话想食中菜，就拣咗镛记，贪佢地方够大，菜式选择又多，可以满足唔同口味。嚟到镛记，梗系要试下佢个招牌「正宗炭烧黑鬃鹅」啦，鹅烧得皮香肉嫩，炭烧味好突出，屋企个个都赞好。除咗烧鹅，我哋仲叫咗几款𩠌食。个鱼露津丝虾球煲几够镬气，虾球几大只，咬落爽口，津丝索晒鱼露嘅鲜味，用嚟送饭一流。另外叫咗只芝麻化皮脆乳猪俾大家试下，乳猪皮烧得够松化，芝麻亦都好香，小朋友见到已经好开心。椒盐百花酿玉带都几受欢迎，玉带鲜甜，酿咗虾胶再炸到金黄，椒盐调味啱啱好。食中菜梗要有碟菜，个椒丝腐乳唐生菜炒得几好，够爽脆，腐乳味亦都足。一家人都食得几满意，菜式味道大路，老人家同小朋友都啱食。虽然唔系话有咩石破天惊嘅菜式，但胜在稳稳阵阵，系家庭聚餐嘅一个好选择。
继续阅读
好耐无嚟镛记，今次同屋企人嚟食饭，谂住都系食开𠮶啲烧鹅叉烧啦，点知俾我哋发现到几味新菜式（定系我太耐无嚟唔知啫？），胆粗粗试下，又几有惊喜㖞！首先嚟个洛神花山渣骨腩，个名已经够晒特别啦！啲骨腩炆到好腍，酸酸甜甜好开胃，洛神花同山渣个味好夹，女仔实钟意。跟住个上汤腿丝浸时蔬 ，菜够嫩，汤够清甜，食完啲浓味嘢清清个口腔都唔错。 个豉蒜凉瓜牛冧肉镬气十足，凉瓜甘甘哋，牛肉够嫩滑，豉蒜味劲香，送饭一流！最后个银棯酱蒸鲜斑腩，初头都惊个银棯酱会唔会好怪，点知蒸出个酱带少少咸香果香，同斑腩嘅鲜味劲夹，鱼肉又滑嘟嘟，好快就清咗成碟！总括嚟讲，今餐都几有惊喜，下次可以再嚟试下其他！
继续阅读
放假约咗旧同学去中环镛记吹水饮茶，两个人食唔到几多嘢，所以都系叫咗啲几笼点心同埋炒咗两碟菜。虽然我哋系求其点菜，不过出品就真系一啲都唔求其，每一道菜都食得出用料上乘绝不马虎，令我意想不到嘅系呢度嘅点心都可以整得咁出色，尤其系咖喱荔芋金钱肚，下次嚟一定要食多次！
继续阅读
几个老友好耐冇聚，相约镛记食返餐好嘅，闲话家常！陈皮蒜子蒸斑腩，肉质厚实，夹杂住淡淡嘅陈皮清香，相对平衡返斑腩嘅油脂，口感一流。当红脆皮炸子鸡 ，外皮酥脆，肉质细嫩，齿颊留香。鸡枞菌炒豚爽肉，估用嘅应该系猪颈肉，好爽好脆，一啲都唔觉得有肥猪肉果种感觉。滑蛋炒虾仁系家常菜之中嘅送饭神菜，基本好快清碟~~蔬菜就选择咗胡椒春菜咸骨煲，有肉有菜，当季嘅春菜真系好鲜嫩，连啖汤都好味道！
继续阅读
终于有个周末系唔洗开OT，难得有时间梗系陪下屋企人啦！老豆一早就book定咗去镛记饮茶，原来镛记除咗烧鹅之外，点心都系好好味，作为烧卖爱好者嘅我基本每次饮茶必点烧卖，呢度嘅烧卖大大只，啖啖肉，配埋瑶柱真系好丰富嘅口感，好满足！仔仔想食甜品，点咗份酥皮蛋挞，真系一分钱一分货，同出边啲蛋挞真系天渊之别！虾饺晶莹剔透，皮薄馅靓，每只都鲜味十足！
继续阅读
您可能会有兴趣的...