影片
以上资料只供参考，请与餐厅确认详情
将来香港会发展北部大都会，今日就嚟咗实地「考察」，哈哈！其实喺跟几个单车友入嚟踩一转，由大埔出发，经粉岭、上水，再过古洞兜个大圈，睇埋「心形湖」，可谓行程丰富。而午饭时间，就晌古洞嘅「锦益茶楼」放饭。单睇铺面就已好有怀旧味道，最好喺佢有个后门位，方便我哋「泊车」。入到里面，一来呢度已好有历史，二来嚟嘅都喺附近嘅村民多，少量行山客或单车客，啲枱布换咗好似无换咁，所以，感觉就会「地踎」啲，最唔好喺仲有啲阿叔专登坐埋一角煲烟。虽然同我哋坐得有啲距离，但一样有少少烟味。食物选择方面，星期一至六有啲特价午餐（公众假除外），每日有4款，定价$50，但唔包饮品。茶钱$5位，配啡茶、汽水收$6，所以，大多数人都索性叫杯啡茶，咁就唔使计茶钱。如果特价午餐唔啱食，无问题，有另一个餐牌，提供大量碟头饭、汤粉面、三文治、出前一丁，都喺唔包嘢饮，嘢饮另计，而啲碟头饭跟特价午餐都喺差唔多，大部分都喺五十零蚊。椒盐猪扒 $50两位老友都喺拣猪扒饭，即叫即做，自然更香更好食，一客有3大件猪扒，饭底又非常多，老友就话啲猪扒腌得入味，好松化，椒盐香啱啱好，唔会过咸，要挑剔嘅，喺油咗少少。梅菜扣肉饭 $53难得同啲死佬出嚟，选择自然可以放纵少少，就要一客梅菜扣肉，因为即叫即蒸，都等咗成廿分钟咁滞。扣肉跟饭分开上，分量超多，咪睇表面以为啲扣肉唔肥，反一反，当中有件喺4:6比，所以，部份过肥嘅我都喺去咗嚿膏，然而，唔太肥𠮶啲，咬落又真喺唔觉油腻，好香、好松化，此外，啲梅菜亦都好正，捞饭一流。热奶茶 $6虽然喺「茶楼」，不过，都有种茶记风格，所以，又即管试一试奶茶，其实，都喺顶吓奶茶瘾。虽然唔喺话咩超高质，但比预期好，感觉唔差㖞，茶底丰厚，好有茶香。依类旧式茶楼卖少见少，晌市区就更加唔多见，所以，多谢老友带我嚟呢个「秘窦」简简单单食番餐。个笑脸喺俾碟梅菜扣肉饭，因为食到心头好，环境、服务就免提喇！
继续阅读
工作中午餐！呢间旧式茶楼未试过，今日咁啱有车位，入内地方残旧，收银边有大蒸笼！不过无睇到有无点心，十枱客左右！桌布好多窿，大部分都系大枱，店员安排张小枱比我，筷子好黏，一定要抹！餐牌食物大路！一般小菜馆客饭都有！落单即叫即炒！鲜茄牛肉饭（$42）叫了少饭（唔好浪费）切件蕃茄新鲜爽口，牛肉片仲有牛味！唔会喇到无味！洋葱爽口，白饭松软，酱汁酸甜！够热好味！滑蛋牛肉饭（$38）同事食叉烧烧鸭濑（$45）同事食，竟然比鸭腿！店员有笑容！上菜收碟勤快！旧式茶楼风味！包括唔干净嘅厕所，最后去附近公厕仲干净！
继续阅读
先前经常从落马洲坐车回上水. 行旧路, 大大的路牌 "锦溢茶楼" 吸引了我要研究一下这是个甚么的鬼地方. 心想, 系呢D乡郊野岭开的酒楼食肆, 必定有佢既特色. 是日, 在网上找了几位志同道合的网友, 一齐来探索呢一个隐世角度. 一起来陪我 "寻找隐世的味道".可惜是没有电话, 只有一个地址. 详情只能靠某Forum车友版中的介绍得知有什么好食. 本来是为了饮茶而来的, 可惜是此酒楼11点打后便停止没点心供应. 饮茶饮不成, 只好配上啤酒加小菜. 塞翁失马, 焉知非福, 散点小菜, 原来可以更加深入地尝到此乡村酒家既独特风味.一行六人, 自行驾车来的朋友为我们留了是日最后一笼点心. 是一笼潮州粉棵. 已经不热了, 但食落, 馅料正宗, 多花生, 碎肉. 感觉松散但食落成个粉棵结结实实. 实属不错也.事前已得知此茶楼的烧鹅了得, 6个人, 首先叫了半只来大擦一返, 再叫下啤酒. 食烧味, 饮啤酒, 乐活也. 此烧鹅, 该是早茶时段一早烧好的大鹅, 半只, 连半个头上, 应真有风味. 有人见鹅头无人问津, 便一野夹起, 品尝鹅头凸出来的一部份, 见其食得津津乐道, 实在令人羡慕. 刚才提及到鹅是一早烧好, 所以我们的鹅, 是冻食的, 咬落皮没有因为冻左而变韧, 依然香脆, 而且咬落, 带点炭香味, 相信是用正宗炭𬬻烧出来的靓鹅. 皮带点㶶也无碍其鹅香. 后来加点的例牌烧鹅, 没有因为过了少少火而带㶶的皮, 加上花生塾底, 味道比之前的半只, 更香更鲜.台上菜牌只是简单的炒粉炒面, 食小菜就要看看墙上的大字报. 来到这些乡郊地方, 总会想找一些带点乡村特色既菜式. 而第一道, 便是酱爆大肠煲. 大肠够肥美, 但完全不腥不腻, 咬落, 松化可口, 酱汁浓而不咸. 煲仔出品够哂热辣, 的确是一味巧手小菜.叫了些出面少见的菜式. 椒盐鲩鱼腩, 同西兰花炒咸猪肉, 实在带点新界北既风味. 鱼塘鲩鱼, 围村咸猪肉, 可是非常地道既口味. 椒盐鲩鱼腩, 炒得非常之干身而且保持到鱼肉不烂. 此物, 也是送啤酒既良物. 食落不觉太热气, 咬落鱼肉新鲜结实, 有啤酒相送, 大家不忘食多几樽.西兰花炒咸猪肉, 咸猪肉, 是新界乡村菜式既名物之一, 预先腌咸了的猪肉, 切片炒西兰花, 籼似是简单的菜式但没有足够既镬气, 是不容易弄得好食的. 咸猪肉, 不像那些极咸的火腿, 记得小时候, 阿婆先把新鲜买回来的猪肉, 用盐"拿"过后, 便放入雪柜储存. 后来从爸口中得知, 以前没雪柜, 当时买肉又不像现在咁方便, 所以腌咸猪肉就成为新界围村独特的食物. 此猪肉, 是生腌的, 味道没有过份的咸. 西兰花爽甜而全熟, 只有镬气够的炉头才能炒得出. 𩠌菜的味道全是由那微咸的猪肉带出. 呢道菜, 乡下味十足.叫了一个蛋白炒饭, 而为了送饭, 加点了一个鱼香茄子煲做尾声. 滚热辣的茄子煲, 茄子炆到腍哂, 咸鱼香味四溢但食落绝对没有喧宾夺主的感觉. 不是一味够咸鱼味就是好, 有咸鱼香, 有肉味, 有茄子味. 三种食材既味道都没有盖过其他, 造才算好. 不过, 传统的做法, 成砵油, 就冇咁健康啦.最后讲一讲个蛋白炒饭, 本来是瑶柱蛋白炒饭, 后来侍应大叔出来说没有瑶柱, 就蛋白炒饭算. 饭, 炒得尚算好, 起玛够粒粒分明. 没有瑶柱, 改成菜粒. 更加简单清新. 六个男, 再加上炉兄于收工后过来趸脚. 七个男, 大家谈食, 谈拍照, 谈风月. Good Boy Club, 就是这样的快乐. 本来想过桥入埋去古洞街市的, 但天气太热而且本人下午又有野做. 众人最后都系回到上水火车站, 各自北上或南下.
继续阅读