影片
附加资料
无肉餐单详情: 逢星期一供应「Green Monday」餐单，另每天供应少量素食菜式。
营业时间
星期一至四
11:30 - 22:00
星期五至六
11:30 - 22:30
星期日
11:30 - 22:00
以上资料只供参考，请与餐厅确认详情
早咗10分钟到「Suzuki」, 冇乜人㖞... 影吓相先... 好耐冇玩一扫全景, 爽呀!!!好口渴呀!!! 连水都冇, 要16蚊1枝... 哗!!! 咁我紧系饮特饮好过啦...口渴到晕, 正想Whatsapp大家问吓去到边, 朋友就准时到喇, Good!!! 第一时间Order 2杯特色抺茶饮吓先, 再整多个DIY Salad食住先...特色抺茶--我同朋友都拣咗红豆味, D红豆都几有红豆味, 跟住我话"奶味好重", 唔知朋友点听, 听咗"冷气好嘈", 笑死~ Set好位影相, 另1朋友就啱啱到, 好惨地比我叫佢行开D唔好坐住, 嘿嘿, 唔好嬲㖞, 因为我好辛苦先摆好呢个位o架!!! 睇相先发现佢迟到15分钟, 今次算佢好彩, 我地Order咗嘅食物都未到, KeKe~我影紧PIZZA时, 朋友唔知道, 转动只碟... 又几好效果㖞, 咔咔~自选沙律--酱汁3选1, 另外可以加钱加配料, 要加钱就唔好啦... 我地拣咗青芥末蛋黄沙律酱, 味道都几特别, 唔辣又唔攻鼻... 沙律都几新鲜, 系份量少D啰, 1人得1啖...冲绳温泉蛋烟肉忌廉汁意粉--温泉蛋半生熟, 怕怕, 了咗D冇蛋嘅嚟食, 好好味, 好Creamy!!! 佢地话加咗温泉蛋好滑, 好正~东京生姜黑豚肉比萨--好味㖞!!! 朋友话"唔似Pizza", 我仲答"嗯, 系呀系呀, 似薄饼", 朋友点头同意之后又话我句o野好矛盾... 念咗一念, 又系㖞, 哗咔咔咔!!! 跟住朋友居然知道我所指嘅薄饼系可丽饼, 好劲呀!!! 呢个Pizza个皮软到可以卷到好似雪糕桶咁揸住慢慢叹, 所以觉得佢似可丽饼, 个馅D味又特别, 我好钟意呀!!!北海道蟹脚芝士饭锅--呢个味道麻麻地, 同埋冇咩蟹脚, 但胜在够饱肚...食食吓, 另1朋友一时又话自己有幻觉, 一时又话晕... 原来系邮轮驶离码头时, 如果你定神望住只邮轮, 有种漂浮感, 真系几晕, 哈哈哈...哗!!! 原来而家仲有「幻彩Fing Long Long 」o架!!! 我地呢个位睇得好清楚呀... D雾!!!芝士焗脆薯条--未人齐已经Order, 食饱晒都未到, 揾D职员跟跟, 再等多一阵就有得食... 首先, 幼薯条, Not"卖飞佛"... Second, D薯条上面咁少芝士... Third, 个橙色芝士酱好似平时食芝士饼咁嘅味, 有D失望...食完主菜, 到甜品出场...北海道3.6牧场牛乳焦糖炖蛋(抺茶, 原味, 咖啡)--抺茶味唔错, 食得出真正抺茶味... 原味都好SWEET, 个焦糖最脆... 咖啡味比饮1杯真嘅咖啡更咖啡N倍, 香到上脑, 但系因为浓度太高, 所以有D苦, 但系, 正正系我杯茶, 赞!!!蛋糕Cut成细细件, 一个Order可以拣2种味, 职员话今日得番2种味, 偏偏就系我地拣咗果2种, 有D运~(前) 抺茶红豆芝士蛋糕--So So...(后) 咖啡榛子蛋糕--点解我食到好重芝士味?!! 奇怪!!! 应该系Cream味啩... 味道So So...心太软邂逅芒果--个名几Romantic, 情人节应该会大卖... 心软程度掌握得唔错, 配芒果汁真系另有一番风味, 不过用鑵头菠萝就有少少败笔...我地由7:00PM坐到9:30PM Last Order打烊... Bilibala咗成晚, 认真爽!!! 隔离枱D情侣都换咗2转仲走埋...
继续阅读
多啦A梦的吸引力，唔驶多讲，只要去下海港城就知道。上星期六，与朋友C谂住聚一聚，见到商场既人潮，即刻同声讲：「快d食完饭离开人山人海的海港城，转个静d既场！」好快拣左去Suzuki Café，因为星期六加上又系食晏时候，所以人都唔少，好彩岩岩有张双人台，唔驶等位。餐厅环境都几开扬，有太阳晒到入黎，又望到海景，只可惜人太多，坐唔到出去。入到去先发现星期六无Set Lunch，只得大menu，一个饭／意都成70几80蚊，觉得有d唔抵，叫埋饮品成百成蚊，所以无叫饮品。我实在太肚饿， 叫左筑前鸡肉锅饭，可惜落单后等左成20分钟，食物先到，由好肚饿等到唔系好饿。个饭都系咁，除左鸡肉，重有几条荷兰豆、莲耦、红萝卜，个汁好似有面豉，都几开胃，个饭既份量都几大，食左一半就已经饱饱地，勉强只能食到8成。朋友C叫左咖喱鸡肉锅饭，普通的日式咖喱，夏天食甘甜的咖喱都几适合，鸡肉都几新鲜，只奇怪的是咖喱上面有提子干、菠萝同车厘子干，又咸又甜，唔知会唔会生飞兹呢？埋单个时，都等左成分钟，成餐人饭就咁食左一个钟头，之后速逃海港城去饮野。
继续阅读
难得朋友们在闲日放假，七个人相约在尖沙咀的铃木珈啡馆吃顿迟来的午餐。两时多到达，店内顾客不多，颇为宁静，本来想坐在靠近玻璃窗的空间，但每桌最多只可容纳六人，唯有坐室内。午餐选择算足够，七十多元有餐汤、主菜和餐饮，价钱较实惠。我们吃了～餐汤：味道不错，感觉比罐头汤浓。咖哩猪扒饭($76)：咖哩不会很辣，内有果肉，很开胃，适合拌饭。猪扒香脆，不会太嚡口，味道好！咖哩鸡扒饭($65)：咖哩不够多，未能啖啖饭都被咖哩包裹。鸡肉不过不失，没甚么特别。泡菜猪肉饭($62)：份量充足，饭和肉都算多，味道方面亦是合格水平。鲜奶咖啡(+$15)：午市套餐送的是绿色的青瓜香柠苹果汁，看到已觉得太健康，个人不太喜欢。如要选择其他饮品，要加$15，但只可在两系列中选，其他饮品加钱也不能转。结果喝了一杯Latte，拉花在运送过程中有轻微「走样」，卖相一般，味道尚可。龙眼茶($35)：其中一个朋友早已吃饱，只点了一杯龙眼茶。感觉颇认真，茶是分开一壶来上，份量充足，可以饮很久。我们坐了超过三小时，期间没有侍应来打扰(要找侍应斟水、结帐等都要耐心等候)，相信在假日未必能如此自在。
继续阅读
餐厅海景非常吸引。食品还可以。当晚时间是七点左右，不用排队，内面还有很多位，与旁边几间食店要等位的情况很不同。坐下，餐厅是无水供应的，除非饮要俾钱的水。两人点了一个套餐，弍佰几蚊，有汤（茶餐厅水准的粟米忌廉汤），有头盆（两旧鳮翼，已煎咗后好耐的日式饺子及不知乜的沙律）。一个什么海鲜意粉（可以及格），一个意大利薄饼（中间因未够时间解冻而唔热的什么海鲜，吃落全不是味儿）。到最后来了每人一件约两元币大小的水果挞，饮品衹可选择意大利特浓咖啡，如要转其他饮品，就算在餐牌上价钱相同的饮品都要加28元。最后我们衹要了这特浓咖啡（其实有冇得选择我都会要特浓咖啡，这店的咖啡不错）。但问题是，这间店不能这样做，试问你有客人来你家坐，你可唔可以连水一杯都不给你的客人？还有，香港人有几多人餐后会饮特浓咖啡，而要转飮其他饮品要加28元。28元可以去星巴克或其他咖啡馆饮另一杯饮品都可以，两个人如要转饮其他东西要56元，基本上系餐价的五分一。故我希望这家餐厅不要行歪路，真的要给顾客一个窝心的感觉，才可以有改善。本人暂时不会再光顾这餐厅。服务我评最劣，不是指服务员，他们很好，很有礼，我是指这餐厅的管商方法，令人不安。
继续阅读
在西九海滨长廊拍照，暴晒了个多小时后，大家都汗流浃背，于是到Suzuki Cafe休息一下。妈妈点了Latte(HK$32)，她说味道一般吧。这个青瓜香柠苹果汁(HK$32)有细细的果肉碎碎，又不会太甜，非常refreshing，喝后但觉自己十分健康 : )店员向我们推介这个「热焦糖三重奏巧克力饼」(HK$52)，我和妈妈妹妹三人分享，还以为一定会意犹未尽，没料到妈妈吃第一口已面有难色，继而妹妹亦与蛋糕呆呆对峙，最后到我……实在……实在很久没吃过如此「精彩」的蛋糕，甜到不行，而且是绝不讨好的甜，连伴碟的粟米片都是「林」的，天啊﹗不过这里环境十分舒适，看著无敌海景，加上店内十分宁静，也度过了惬意的时光﹗
继续阅读