鐵牛台灣牛肉麵 (翡翠中心)

营业中

休息中

中環餐廳一向價格偏貴，不過今晚來到呢個旺區，我食到一間位於中環，食物水準有質素，而且價格非常親民的台式餐廳，真心想比個like佢！！～<私房牛肉麵 $88>呢款牛肉麵，除了有大大件嘅牛肉之外，還有牛筋、牛肚、蘿蔔，配上彈牙粗身的台灣麵，非常掛湯美味，用料非常之高質尚盛，滿滿的一大碗。值得一讚的就是牛肉湯底味道夠濃香。<雙重芝士牛奶鍋 配安格斯牛肉 $158>呢個火鍋一上枱已經充滿驚喜，份量超級大。火鍋材料豐富，有魚餃、芋頭貢丸、芝士丸、響鈴、米粉、香菇、蔬菜、重點是安格斯牛肉片的份量亦都夠曬充足，一人份量絕對吃得夠飽！！<滷水蘿蔔牛腱 $52>滷水牛腱肉部位非常之靚，肉質軟綿，牛肉味道好突出，肥瘦均勻，而且炆得非常之入味。<滷味拼盤 $56>滷水拼盤材料有滷水蛋、滷水豬大腸、同埋豬耳，三樣都炆得非常之入味好食。另外叫了兩杯台式飲品，<大甲椰椰芋香奶>，椰奶的味道不算突出，但反而芋頭的味道夠香甜。<閨蜜紅豆珍珠奶茶>，個人非常推薦紅豆珍珠奶茶，因為珍珠做得夠彈牙，有咬口，配上大量紅豆及奶茶，非

亞洲菜系中，食得最多嘅就喺台灣菜，最鍾意飲嘅就珍珠奶茶，所以，今晚約咗老友出嚟食飯兼「開會」，因為嚟緊禮拜日搞活動，順便傾下啲細節嘢，佢話就我地點，所以，揀咗晌公司附近嘅「鐵牛」。好多人都話中環一入夜就好靜，其實睇下邊個位置，蘭桂坊、半山自動扶手電梯呢幾截其實好多遊客，而入到嚟「鐵牛」近乎可以講座無虛席嚟形容，只不過喺平日晚上，都坐到咁爆。講返個環境，一室木系，光猛整潔，而講到最佳位置非卡位莫屬，因為零舍闊落，舒服好坐。枱側就放齊豉油、豆瓣醬、辣椒醬俾大家自行再作調味，仲有牙簽、紙巾放晌度自由取用。先翻一轉餐牌睇吓有咩揀，餐牌製作幾精美，大部分菜式都圖文並茂，以分類而言包括臭臭鍋、台灣便當、湯麵、拌麵、小食、飲品，而惠顧任何火鍋套餐、便當、麵食，飲品都有減$10優惠。天氣仲有少少寒，所以，目測所見，有唔少人嗌火鍋套餐。鹽酥小拼盤 $56小食都有好多地道台式嘢，而呢一款拼盤就可以試勻3款小食：台農57號甘梅地瓜、逢甲鹽酥雞、酥炸花枝丸。啲嘢炸得唔錯，食落唔喺好油，地瓜粉甜，灑咗啲甘梅粉，酸酸甜甜幾好食，鹽酥雞外脆內軟，花枝丸好有魷魚味，整體確喺唔錯。綜合滷味拼盤 $56另一款小食亦喺台式

牛筋牛腩牛肉麵每次都會食💥 推薦鎮店牛肉麵牛筋啱啱好嘅琥珀色，咬落超淋，膠質多到黏嘴唇 牛腩肥瘦啱啱好嘅崩沙腩，肉絲分明仲索盡滷汁 靈魂湯底飲得出用牛骨熬足鐘數，濃得嚟唔膩喉，飲到底仲見到香料渣，真材實料認證✅ 牛腩煲套餐熱辣辣砂鍋上枱，滾吓滾吓，腩肉份量多到懷疑人生～去晒酸蘿蔔，酸脆解膩，神助攻！ 小食雙殺花枝丸拼盤，外脆內彈牙，咬到墨魚粒粒！話梅粉係神來之筆，鹹甜酸三重奏，台灣夜市feel即刻返晒嚟🇹🇼滷水拼盤（大腸+蛋+豬耳），入味又軟腍飲品核彈級驚喜朱古力加珍珠，濃到似食緊流心布朗尼，可可味攻陷味蕾，珍珠配朱古力，原來係咁夾，邪惡度爆錶⚠️ 百香果qq，成粒百香果挖空裝住！酸香清爽到眼仔發光💛 同濃湯麵係絕世CP

好多年前係鐵牛食牛肉麵，今次就試下台式小火鍋 ：鐵牛臭臭鍋 、台灣本味麻辣鴨血鍋台式火鍋 最大分別係有臭豆腐 、鴨血 、芋頭貢丸、 米血糕。米血糕始終食唔慣。芋頭貢丸變成香菇貢丸會開心。鴨血ok,唔似街賣既一盒盒既鴨血會無味。臭豆腐最有記憶。火鍋既重點當然係肉，有西班牙豬肉片，+$10可以轉安格斯牛肉片。肉係唔錯，如果有肥牛揀會開心D。主食可配白飯同新竹米粉，咁我見唔到係唔係台灣米，咁梗係叫新竹米粉。整體火鍋都唔錯，臭D更好。唯一唔好係野飲要另外收費，不過水免費。

放工同朋友去咗中環鐵牛食dinner, 原本只係想簡單食個牛肉麵, 點知一到門口就見到個一人一鍋台式火鍋menu, 雖然天時暑熱, 但每款鍋配料豐富, 吸引我地試試。餐廳環境整潔光猛, 座位寬敞, 坐得舒服。我地點咗兩款台式拼盤同埋兩個鍋物。鹽酥小拼盤:分別有彈牙花枝丸、鹽酥雞同埋甘梅地瓜, 每款酥脆可口。鹵味拼盤:每款鹵物都鹵得入味而不會過鹹, 包括有好林嘅豬腸、爽骨軟骨豬耳同埋軟滑流心鹵蛋。台灣本味麻辣鴨血鍋:可選辣度, 麻香又惹味, 刺激味蕾夠醒胃。配料相當豐富, 大多配料均利於吸湯, 包括有蜂巢豆腐、蟹柳、魚皮餃、魚豆腐、響鈴、娃娃菜、蕃茄、金菇、娃娃菜、粉絲、冬菇、蘿蔔、煙韌嘅米血糕、彈牙芋頭貢丸同埋呢款麻辣湯底獨有嘅彈滑鴨血, 再配上自選嘅安格斯牛肉片同埋新竹米粉, 成個配搭絕對唔會悶, 份量足!而另一款鍋我地就揀咗---雙重芝士牛奶鍋同樣自選配安格斯牛肉片、新竹米粉呢個鍋配料跟上面嘅麻辣鍋相似, 只係冇咗鴨血, 以兩款碎芝士取締, 芝士慢慢滾起被熱熔, 熔於湯底中, 令湯底味道奶味更突出而且溫順香滑, 熱辣辣時仲可以拉起芝士絲, 安格斯生牛肉鮮嫩, 可因應個人喜好煮成其熟

台灣火鍋熱辣辣 一個鍋入邊有勁多配料仲有可以配飯 粉絲等等我叫嘅雙重芝十牛奶鍋 有香濃嘅牛奶味 再加埋濃郁嘅兩款芝士放喺安格斯牛肉片 之上 所以一般熟嘅時候所有芝士都黐住啲牛肉好惹味呢個鍋真係有好多配菜一個人嚟講，份量超多芝士丸，水牛芝土，芋頭貢丸，米血糕，蕃茄，蜂巢豆腐，蟹柳，魚餃，魚豆腐，響鈴，雞蛋，娃娃菜，配金針菇，蔬菜，粉絲，冬菇，蘿蔔紫菜飯另外仲叫咗個小食木魚炸豆腐 大大磚豆腐 外脆內大甲椰椰艼香 少少甜 有口感幾好

中環Soho區樓上台式餐廳，除了一般牛肉麵和飯類，還有很適合I人的一人火鍋。從小食到主菜和飲品，質素相當不錯，而且定價在中環旺區而言，算是親民。夜市小香腸 $42 | 鹽酥小拼盤 $56Taiwanese Sausage | Deep-fired Set台灣小食最愛的鹽酥系列，一次吃勻鹽酥雞，炸蕃薯條和花枝丸，暖烘烘又邪惡，特別是灑滿話梅粉的炸蕃薯條，酸酸甜甜，加分不少。還有烤小香腸也是熱門小食，蜜汁惹味燒讓人一口接一口。鐵牛臭臭鍋配安格斯牛肉片 $138Taiwanese Stinky Tofu Hotpot雙重芝士牛奶鍋配西班牙豬肉片 $148Cheese and Milk Soup Hotpot一人台式火鍋也有幾個選擇，配料多樣豐富，有肉有菜，固定配料有芋頭貢丸、米血糕、蕃茄、蜂巢豆腐、蟹柳、魚皮餃、魚豆腐、響鈴、娃娃菜、金針菇、蔬菜、粉絲、冬菇和蘿蔔，臭臭鍋會多配臭豆腐、鴨血和大腸，都是很有台灣味的食材，湯底濃郁微辣，喜歡臭豆腐、重口味的友人當然大愛！牛奶鍋的口味相對之下較西式，大量水牛芝士讓湯底更濃稠，連吃火鍋也有拉絲的視覺享受。大甲椰椰芋香 $36 | 有時候紅豆珍珠奶茶

講真喺中環食嘅茶餐廳都要70-80所以寧願食台灣餐廳 環境比較舒服朋友帶我上嚟 其實位置好方便就喺中環扶手電梯旁邊除咗平時台灣牛肉麵之外，仲有小火鍋鹽酥雞、各種台式小食、珍珠奶茶等等今次特登揀咗啲新嘢呢碗叫做鐵牛 手沖涮涮牛肉麵$88牛肉上嚟嘅時候仲係新鮮的煮滾的熱湯 即時涮熟攪拌一下就食得 比平時的牛肉 口感更加嫩好食！湯底都好香濃 勁推薦這款朋友就話想食小火鍋但係呢個小火鍋，絕對唔細鴨血真係台灣風味仲加咗安格斯牛肉+$10有菜有肉 仲可以揀一個飯/米粉我就比較鍾意米粉索哂d湯勁正麻辣口味恰到好處 也可以自選大中小辣仲有小食拼盤 當然我最鍾意係鹽酥雞份量都比較多 可以幾個人分享牛肉煮熟咗唔好擺太耐加埋台灣鴨血一齊食 真係好正飲品方面推薦 大甲椰椰芋香 完全唔會太甜 口感清新

鐵牛呢間餐廳係香港有幾間分店😌，今次都係第一次食。今次2個人係中環店食食到勁飽都係人均百幾蚊。我地叫左2個小食/2個主食同2杯飲品。1）柚子螢香雞排便當 配海苔芝麻飯 🍚雞扒鮮嫩多汁/再配幾款小菜配搭，味道合格。2）鐵牛台灣牛肉麵🐮（半筋半肉麵)湯底濃郁唔會太咸，感覺唔係味精湯，配搭惹味牛肉🥩，份量有夠大。值得推介。👍🏼👍🏼3)櫻花蝦粉絲娃娃菜 🥬娃娃菜唔老亦都無黑點，洗得乾淨。配櫻花蝦粉絲食落都幾清夠健康😆4)鹽酥小拼盤有花枝丸、鹽酥雞同地瓜，食落唔會好油，炸得岩岩好。🤤😋5)黑糖珍珠鮮奶 飲落去唔會太甜，比起飲珍珠奶茶無咁罪惡感，幾好飲🥰6）鴨屎香狂打檸檬茶味道正常發揮，好大杯，飲唔曬🤣

位於中環「鐵牛」主打台灣風味牛肉麵，湯頭濃郁帶層次，紅燒湯底以牛骨熬製，加入豆瓣醬與香料，鹹香微辣，麵條選用手工寬麵，吸附湯汁卻不失嚼勁。招牌半筋半肉麵 HKD78牛腱軟嫩、牛筋膠質滿滿，入口即化。古早排骨肉燥湯麵 HKD75濃郁肉燥香，排骨酥嫩入味，湯頭甘醇不膩，麵條Q彈有勁，古早味十足，暖心又滿足！小食如滷水拼盤（牛肚、豆腐、蛋）入味不死鹹，蔥油拌麵香氣撲鼻，可惜份量偏精緻。環境簡約工業風，價位中上（$80-100）不加一，適合上班族解饞。整體水準不俗，若湯頭油膩感再減些更佳。

餐單選擇多到你揀唔切！🔥 香濃蕃茄爆蔥鍋配西班牙豬肉片同新竹米粉，啖啖濃郁, 滿足晒香港人既邊爐胃；柚子蜜香雞排乾拌麵酸甜滋味好開胃；仲有鹽酥小拼盤同涼拌小黃瓜做開胃小食！😋👨‍🍳連手搖飲品都冇放過！試吓桔香愛玉冰茶，清新又解渴！🍹重要係有兒童餐供應，帶埋小朋友一齊嚟都無難度！👨‍👩‍👧‍👦想搵個地方邊聽台灣歌，邊享受台灣菜，咁就要嚟中環呢間鐵牛啦！記得叫多幾樣試吓，包你食到舔手指！💃🕺

我自己非常喜歡一人火鍋 一人火鍋都可以一大班人食一人一鍋食自己嘅湯底食自己嘅口味非常之好朋友想食臭臭鍋， 我自己就想食牛乳芝士鍋鐵牛臭臭鍋有台灣臭豆腐，豬血糕覺得辣度都幾適中雙重芝士牛乳鍋面真係有兩層芝士芝士我覺得要即刻食如果唔係就會溶曬喺個湯裏面芝士仲可以做到拉絲裏面有一隻雞蛋 ，今次我跟咗牛肉牛肉加雞蛋一絕好鍾意呢度嘅一人鍋，裏面蔬菜好多娃娃菜，蕃茄，蘿蔔，冬菇加8蚊可以配滷肉飯滷肉夠多可以撈曬成碗飯係要食返個滷肉飯先用台灣的感覺因為想食豬腸所以叫咗個綜合鹵味拼盤豬腸油香濃鬱， 豬耳夠爽口鹽酥小拼盤有鹽酥雞，炸地瓜條同埋花枝丸即叫即炸又熱又脆特色飲品選擇多大甲椰椰芋香， 可以加椰果或者珍珠我今次加咗椰果， 有啲嘢咬下覺得不錯朋友就要小朋友香濃朱古力可以叫無糖，飲落剛剛好夠濃又唔會好甜餐廳座位坐得舒服寬敞 可以慢慢食傾下偈

今日去左海洋公園，6點幾返出市區就喺中環翡翠中心嘅鐵牛台灣牛肉麵同朋友食晚飯，太掛住台灣既美食，點都要食啲台式菜同飲品頂住先裝修好簡單樸素，去到台灣嘅餐廳就係咁，餐廳入面好光猛，座位好闊落，坐得好舒服，木質傢俬同燈光有一種溫馨氣氛，適合朋友小聚店員好友善，真係好似去咗台灣咁食物選擇好多我哋兩個人點咗香酥排骨肉燥湯麵香濃蕃茄爆蔥鍋配西班牙豬肉片鹽酥雞拼夜市小香腸酥炸花枝丸嘢飲有宜蘭金桔檸檬蜜同嘉義檸檬冬瓜茶我哋兩個食到好飽，好滿足，呢度嘅食物份量真係唔嘢少湯麵湯底濃郁，湯入面加咗好多肉燥喺底，令到個湯好惹味，麵條正常，重點當然係香酥排骨，排骨外脆內嫩仲要好Juice，又厚肉蕃茄鍋湯底微酸濃郁，西班牙豬肉片份量好多又夠嫩滑，一睇色澤，就知道係靚嘅肉，唔會只係一大堆脂肪既豬肉片，小火鍋配料豐富，蔬菜配料好充足，加上我哋配米粉，米粉吸晒蕃茄湯，食落好惹味，火鍋配米粉係絕配鹽酥雞外皮香脆，食落啖啖肉，九層塔同蒜片提香，夠晒台式嘅味道小香腸都好Juice，咬一啖就爆汁酥炸花枝丸金黃酥脆，內裏彈牙，好有咬口，花枝份量好多，唔使點調味料都已經好好食飲品方面，金桔檸檬蜜酸酸甜甜，夏天飲好開胃，冬瓜茶唔太

播住五月天嘅歌而且餐廳設計都好舒服有feel！台式經典野食同臭臭鍋都有！同朋友分別都係叫左乾拌麵唔好睇佢好似咁少、其實個碗好深好大超級夠飽🥹一碗係拌米粉配蜜汁芝麻雞脾一碗係刀削麵配柚子蜜香雞排全部都係擔擔肉！配上甜甜地嘅滷肉碎同青瓜絲撈埋一齊食好正！青瓜絲又可以解下膩清爽口感！小食叫左牛肚同鹽酥小食拼盤牛肚好淋而且係麻辣味都好開胃🤤拼盤齊曬花枝丸，鹽酥雞，蕃薯條樣樣都可以試少少份量啱啱好！飲埋檸檬冬瓜茶，愛玉檸檬夠曬解渴👍🏻👍🏻

環境5分：樓上麵店好大地方，非常光猛，卡位非常闊落，可以望住D旅客上上落落，不停打卡，好過癮，畀五分。衛生5分：枱面放咗辣椒油同豉油，紙巾同牙籤，非常乾淨，衛生一樣滿分。服務5分： 服務員好親切，主動介紹食物，上唔到網落單仲樂意人手寫野，點菜上菜一樣咁快手，效率高，滿分。味道5分：1)    滋潤蜂蜜綠茶少少甜，好滋潤，熱辣辣嘅天氣飲落去一流。2)   宜蘭金桔檸檬蜜好清涼，鹹鹹地又唔會好過火，飲完喉嚨好舒服。3)   鹽酥小拼盤入面個鹽酥雞同花枝丸炸到好香脆，最緊要啖啖肉冇骨；Ｄ脆薯係番薯嚟嘅，好甜。4)   綜合滷味拼盤Ｄ豬耳卜卜脆，大腸夠鬆，一隻滷水蛋切開一半，空口食都唔會覺得好鹹。5)   總鋪師私房牛肉麵有齊金錢𦟌，牛肋條，牛筋，牛肚絲，好多料。啲牛肉非常淋，同有牛味，個湯頭非常清甜，碗麵有一個紅蘿蔔，一個白蘿蔔，同樣都係非常之淋。6)   金錢肚牛筋麵只係有金錢肚同牛筋，件數自然多D，兩件牛筋又粗又滑，好有趙頭，Ｄ金錢肚絲好爽。抵食5分：唔洗100蚊一碗正宗台灣牛肉麵，都非常之化算，抵食滿分。