影片
开饭介绍
餐厅由台湾人主理，招牌菜为红烧牛肉面，汤头带牛肉香味及少许药材味；其台式小食及珍珠奶茶亦有水准。
继续阅读
营业时间
今日营业
11:30 - 22:00
星期一至日
11:30 - 22:00
*截单时间: 21:15
以上资料只供参考，请与餐厅确认详情
有关奖赏计划
中环餐厅一向价格偏贵，不过今晚来到呢个旺区，我食到一间位于中环，食物水准有质素，而且价格非常亲民的台式餐厅，真心想比个like佢！！～<私房牛肉面 $88>呢款牛肉面，除了有大大件嘅牛肉之外，还有牛筋、牛肚、萝卜，配上弹牙粗身的台湾面，非常挂汤美味，用料非常之高质尚盛，满满的一大碗。值得一赞的就是牛肉汤底味道够浓香。<双重芝士牛奶锅 配安格斯牛肉 $158>呢个火锅一上枱已经充满惊喜，份量超级大。火锅材料丰富，有鱼饺、芋头贡丸、芝士丸、响铃、米粉、香菇、蔬菜、重点是安格斯牛肉片的份量亦都够晒充足，一人份量绝对吃得够饱！！<卤水萝卜牛腱 $52>卤水牛腱肉部位非常之靓，肉质软绵，牛肉味道好突出，肥瘦均匀，而且炆得非常之入味。<卤味拼盘 $56>卤水拼盘材料有卤水蛋、卤水猪大肠、同埋猪耳，三样都炆得非常之入味好食。另外叫了两杯台式饮品，<大甲椰椰芋香奶>，椰奶的味道不算突出，但反而芋头的味道够香甜。<闺蜜红豆珍珠奶茶>，个人非常推荐红豆珍珠奶茶，因为珍珠做得够弹牙，有咬口，配上大量红豆及奶茶，非常好饮！二人最后埋单才花费400多左右，个人觉得餐厅环境宽敞舒适，食物材料都用心去做，非常新鲜美味，而且份量够大，又有台式饮品供应，选择款式丰富，服务亦不错，下次一定会再来。
继续阅读
亚洲菜系中，食得最多嘅就喺台湾菜，最钟意饮嘅就珍珠奶茶，所以，今晚约咗老友出嚟食饭兼「开会」，因为嚟紧礼拜日搞活动，顺便倾下啲细节嘢，佢话就我地点，所以，拣咗晌公司附近嘅「铁牛」。好多人都话中环一入夜就好静，其实睇下边个位置，兰桂坊、半山自动扶手电梯呢几截其实好多游客，而入到嚟「铁牛」近乎可以讲座无虚席嚟形容，只不过喺平日晚上，都坐到咁爆。讲返个环境，一室木系，光猛整洁，而讲到最佳位置非卡位莫属，因为零舍阔落，舒服好坐。枱侧就放齐豉油、豆瓣酱、辣椒酱俾大家自行再作调味，仲有牙签、纸巾放晌度自由取用。先翻一转餐牌睇吓有咩拣，餐牌制作几精美，大部分菜式都图文并茂，以分类而言包括臭臭锅、台湾便当、汤面、拌面、小食、饮品，而惠顾任何火锅套餐、便当、面食，饮品都有减$10优惠。天气仲有少少寒，所以，目测所见，有唔少人嗌火锅套餐。盐酥小拼盘 $56小食都有好多地道台式嘢，而呢一款拼盘就可以试匀3款小食：台农57号甘梅地瓜、逢甲盐酥鸡、酥炸花枝丸。啲嘢炸得唔错，食落唔喺好油，地瓜粉甜，洒咗啲甘梅粉，酸酸甜甜几好食，盐酥鸡外脆内软，花枝丸好有鱿鱼味，整体确喺唔错。综合卤味拼盘 $56另一款小食亦喺台式嘅经典卤味拼盘，又喺一次过可以试到3款卤味小食：猪耳爽、卤蛋、卤大肠，每样嘢都卤得好入味，猪耳果然好爽口带脆，卤蛋好香，仲带少少溏心，大肠望落去好脆，内壁仲有好多肥膏，但咬落唔觉好油腻，亦无𠮶阵阵臊味。总舖师私房牛肉面 $88主食方面，老友喺牛魔王，所以，一眼就相中呢款集金钱腱、牛肋条、牛筋及牛肚丝嘅私房牛肉面。先呷口汤，香而不浊，几款「牛」都好好食，牛肋条非常松化，牛筋软腍有咬口，仲有浸透嘅甘笋同萝卜都好好食，面条份量亦多，果然有质素，抵食。蜜汁芝麻鸡髀干拌面 $82今晚饭瘾唔大，改试试干拌面，亦因为较少食，亦好想试试，就拣咗款配鸡脾。果然配上大大只鸡脾，烧得几靓仔，糁满芝麻，最好喺鸡脾已一开三，方便夹嚟食，味道香浓，肉质嫩滑；面条加咗好多卤肉、青瓜丝同葱花，捞匀嚟食，味道、口感都非常之好。宜兰柑桔柠檬蜜 $30老友拣食浓味嘅牛肉面，所以，佢就话专登拣柑桔柠檬蜜嚟中和一吓，佢就话杯嘢饮酸酸甜甜，感觉好唔错。闺蜜红豆珍珠奶茶 $36小弟向来喜欢珍珠奶茶，加埋红豆就更加好，不过，有段小插曲，饮咗好耐都未啜到珍珠，再撩两撩睇睇，发觉真喺无，侍应都唔好意思，即时帮忙加番，可谓忙中有错。讲番啲奶茶，几醇香，珍珠好咬口，红豆又绵又甜。整体嚟讲，环境舒服，出品有水准，其实我都帮衬过尖沙咀店，但已经好多年前嘅事，能屹立多年之久，就连疫情都挨得过，自有其实力。
继续阅读
放工同朋友去咗中环铁牛食dinner, 原本只系想简单食个牛肉面, 点知一到门口就见到个一人一锅台式火锅menu, 虽然天时暑热, 但每款锅配料丰富, 吸引我地试试。餐厅环境整洁光猛, 座位宽敞, 坐得舒服。我地点咗两款台式拼盘同埋两个锅物。盐酥小拼盘:分别有弹牙花枝丸、盐酥鸡同埋甘梅地瓜, 每款酥脆可口。卤味拼盘:每款卤物都卤得入味而不会过咸, 包括有好林嘅猪肠、爽骨软骨猪耳同埋软滑流心卤蛋。台湾本味麻辣鸭血锅:可选辣度, 麻香又惹味, 刺激味蕾够醒胃。配料相当丰富, 大多配料均利于吸汤, 包括有蜂巢豆腐、蟹柳、鱼皮饺、鱼豆腐、响铃、娃娃菜、蕃茄、金菇、娃娃菜、粉丝、冬菇、萝卜、烟韧嘅米血糕、弹牙芋头贡丸同埋呢款麻辣汤底独有嘅弹滑鸭血, 再配上自选嘅安格斯牛肉片同埋新竹米粉, 成个配搭绝对唔会闷, 份量足!而另一款锅我地就拣咗---双重芝士牛奶锅同样自选配安格斯牛肉片、新竹米粉呢个锅配料跟上面嘅麻辣锅相似, 只系冇咗鸭血, 以两款碎芝士取缔, 芝士慢慢滚起被热熔, 熔于汤底中, 令汤底味道奶味更突出而且温顺香滑, 热辣辣时仲可以拉起芝士丝, 安格斯生牛肉鲜嫩, 可因应个人喜好煮成其熟度。所有吸汤配料完美尽吸汤底精华, 大爱!!饮品方面多款台式餐厅自调饮品选择, 南投县百香果QQ: 果香味突出, 感觉清新不会甜到漏, 仲有唔少QQ果肉, 很有层次。红豆珍珠奶茶: 奶与茶味比例平均, 吸啜时都能吸到红豆珍珠, 红豆软林甜甜地, 仲有烟韧熟透珍珠, 正!
继续阅读
台湾火锅热辣辣 一个锅入边有劲多配料仲有可以配饭 粉丝等等我叫嘅双重芝十牛奶锅 有香浓嘅牛奶味 再加埋浓郁嘅两款芝士放喺安格斯牛肉片 之上 所以一般熟嘅时候所有芝士都黐住啲牛肉好惹味呢个锅真系有好多配菜一个人嚟讲，份量超多芝士丸，水牛芝土，芋头贡丸，米血糕，蕃茄，蜂巢豆腐，蟹柳，鱼饺，鱼豆腐，响铃，鸡蛋，娃娃菜，配金针菇，蔬菜，粉丝，冬菇，萝卜紫菜饭另外仲叫咗个小食木鱼炸豆腐 大大砖豆腐 外脆内大甲椰椰艼香 少少甜 有口感几好
继续阅读
中环Soho区楼上台式餐厅，除了一般牛肉面和饭类，还有很适合I人的一人火锅。从小食到主菜和饮品，质素相当不错，而且定价在中环旺区而言，算是亲民。夜市小香肠 $42 | 盐酥小拼盘 $56Taiwanese Sausage | Deep-fired Set台湾小食最爱的盐酥系列，一次吃匀盐酥鸡，炸蕃薯条和花枝丸，暖烘烘又邪恶，特别是洒满话梅粉的炸蕃薯条，酸酸甜甜，加分不少。还有烤小香肠也是热门小食，蜜汁惹味烧让人一口接一口。铁牛臭臭锅配安格斯牛肉片 $138Taiwanese Stinky Tofu Hotpot双重芝士牛奶锅配西班牙猪肉片 $148Cheese and Milk Soup Hotpot一人台式火锅也有几个选择，配料多样丰富，有肉有菜，固定配料有芋头贡丸、米血糕、蕃茄、蜂巢豆腐、蟹柳、鱼皮饺、鱼豆腐、响铃、娃娃菜、金针菇、蔬菜、粉丝、冬菇和萝卜，臭臭锅会多配臭豆腐、鸭血和大肠，都是很有台湾味的食材，汤底浓郁微辣，喜欢臭豆腐、重口味的友人当然大爱！牛奶锅的口味相对之下较西式，大量水牛芝士让汤底更浓稠，连吃火锅也有拉丝的视觉享受。大甲椰椰芋香 $36 | 有时候红豆珍珠奶茶 $38Taro Milk Tea | Milk Tea with Red Bean & Bubble一热一冷的台式饮品，是台式火锅的最佳拍档。冻饮可选少糖少冰，较适合香港人的口味。暖暖的大甲椰芋奶的芋香突出，刚好中和臭臭锅的微辣。
继续阅读