影片
以上资料只供参考，请与餐厅确认详情
今次去咗间平民铁板牛扒店食嘢，价钱好平，份量同质素都几高水准一开始会上左罗宋汤同餐汤先叫咗个铁板牛舌拼肉眼牛扒，牛舌切得厚薄适中，表面略略烧焦，食落去香口弹牙，完全冇韧身嘅问题。肉眼牛扒就更加正！五成熟嘅熟度啱啱好，切开𠮶阵见到个肉色系漂亮嘅粉红色，肉汁锁得好好。最正系佢表面烧到香脆，入面仲保持到多汁嫩滑，连筋都冇，肉质够嫩滑。黑椒汁另上就最啱，想点辣就加几多，唔会搞到个牛扒浸汁咁样。配菜嘅薯菜都做得几好，薯仔香软，菜够新鲜爽脆。西冷牛扒就做得更加出色！五成熟嘅熟度一样完美，个西冷油花分布均匀，肉质够嫩又唔会肥腻，食落去香甜多汁。个烧汁味道浓郁，带有红酒香，配埋牛扒更加突出个牛味。意粉做得够al dente，软硬适中，沾埋个烧汁食就更加完美！饮品方面，冻柠檬水少甜就啱啱好，柠檬味香甜，完全冇苦味。冻柠檬茶走甜就更加啱我心意，茶味香浓，柠檬香气足，最啱配重口味嘅牛扒。总括嚟讲，铁板世家嘅牛扒质素同价钱都算得上抵食，最紧要系厨师对火候掌握得好好，每次嘅熟度都好准确。虽然唔系高级牛扒餐厅，但胜在够实在，想食个抵食又够水准嘅牛扒，呢度真系值得一试！
继续阅读
太耐无行金鱼街，行完唔知有咩食，都系打算求其入间茶记算，点知原来有间装修到以前港式西餐，系食铁板牛扒。入去里面，发现原来系深水埗老店马德里餐厅嘅分店。餐包呢度无用普通圆形西式餐包，真系港式传统好甜嘅餐包，有以前嘅感觉。罗宋汤传统港式味道，好多椰菜同西芹，配带辣味嘅番茄汤特别开胃。忌廉汤Creamy但无咩材料，好适合点餐包食，唔搽牛油。整体都唔错，但相比之下比较逊色。铁板牛舌拼肉眼牛扒 五成熟 $158呢个铁板，特登无落汁，不过热度一样，攞开好多垫底嘅薯条，一样足够将牛扒煎到七成熟。配菜有西兰花同车厘茄。肉同一般港式西餐一样，都有松过，不过唔会完全烂晒，都有保留牛肉嘅味道。呢度嘅肉眼牛肉味足够，唔会太硬。但呢度嘅牛舌外层比较硬，但多左牛舌，只系多$10，算系咁。铁板T骨牛扒 五成熟 $148T骨系将牛柳、西冷牛扒同中间连带嘅T字脊骨原个切出，同时食到嫩滑嘅肉同有牛味嘅肉。 加入黑椒汁之后，有黑椒香味，可以带出牛肉味。意粉+$10咁重怀旧氛围，但都系俾普通白洽意粉，有啲可惜。冻柠檬水 走甜 +$4*2=8牛肉太油腻，饮走甜嘅柠檬水比较舒服。甜品今次甜品系黑加仑子味杂果啫哩，口感比较松散。呢啲港式口味，必须要加花奶，完全复刻。总计：$324
继续阅读
咁啱想食啲地道啲嘅锯扒，之前都听闻过呢一间铁板餐厅好受欢迎，一入去嘅时候都差唔多坐满晒！🫨铁板餐嘅种类都好多，以份量同质素嚟讲价钱亦都唔算好贵！😗每个扒餐都包咗一款扒、餐汤、饮品、仲有甜品添！我同朋友都想大大啖食肉！两个都拣咗铁板煎牛舌拼肉眼牛扒配薯菜 ($158)，仲叫咗忌廉汤、冻柠茶少甜少冰、而甜品就系花奶配啫喱！😍铁板煎牛舌拼肉眼牛扒配薯菜🥩我哋分别叫咗三成同五成，同样都系叫咗黑椒汁，唔够汁仲可以添！肉眼牛扒比想像中厚身同大块，食落唔算超嫩滑，但系胜在肉味好足！有两块大大牛舌，牛舌略嫌煎得唔够焦，如果本身唔钟意牛舌质感嘅可能会觉得好raw🫣花奶配啫喱好耐冇食过黑加仑子啫喱，仲要配埋花奶，童年回忆即刻返晒嚟😉入边都好足料，仲有椰果添！
继续阅读
同女朋友行完花墟 落大雨 天气凉凉地佢话想锯扒用apps一揾就揾到呢间系太子站附近嘅铁板世家座位好阔落 装修系传统扒房 用格仔枱布 加配一啲怀旧嘅墙纸 成件事好有feel一坐低侍应已经好快问你饮咩汤再上埋餐包 好有效率罗宋汤好开胃，劲多配料忌廉汤好Creamy，够哂浓同女朋友一人点咗一份扒用铁板上 jar jar声 一份肉眼一份西冷 都系138同148 原本已经配咗好多薯条 够哂饱锯扒就最怕佢煮到Over Cook，又或者一旧扒入边有一大部份系肥膏或者筋呢度做得好好，冇呢啲事发生而且伴碟𠮶啲菜都系食得落口 唔会一阵臭青味饮品够大杯无嗌小冰啲冰都唔会太多柠檬有四片 成杯冻柠茶好够味道最后仲有啫喱送最有惊喜嘅系啫喱入边系有果肉食落去个口感系非常之丰富食到饱一饱两个人都唔使$300 ！
继续阅读
前几日系youtube见到有介绍呢间平民铁板餐，决定试试。这家餐厅的港式铁板餐给人一种怀旧的感觉，菜式选择多样，适合喜爱肉类的食客。铁板牛舌配肉眼扒拼薯菜牛舌的口感柔软，整体味道非常不错。铁板的热度保持得很好，倒汁时需要小心，建议用纸巾遮住自己，避免烫伤。铁板T骨牛排配蔬菜接著是铁板T骨牛排，搭配蔬菜。牛排带有浓郁的烧烤香气。整道菜不会过于油腻。饭前的牛油餐包非常松软，抹上牛油后香气四溢，配上罗宋汤和忌廉汤，无论是开胃还是暖身都很合适。最后，甜品的黑加仑子杂果啫喱好有童年回忆。
继续阅读