影片
以上资料只供参考，请与餐厅确认详情
太耐无行金鱼街，行完唔知有咩食，都系打算求其入间茶记算，点知原来有间装修到以前港式西餐，系食铁板牛扒。入去里面，发现原来系深水埗老店马德里餐厅嘅分店。餐包呢度无用普通圆形西式餐包，真系港式传统好甜嘅餐包，有以前嘅感觉。罗宋汤传统港式味道，好多椰菜同西芹，配带辣味嘅番茄汤特别开胃。忌廉汤Creamy但无咩材料，好适合点餐包食，唔搽牛油。整体都唔错，但相比之下比较逊色。铁板牛舌拼肉眼牛扒 五成熟 $158呢个铁板，特登无落汁，不过热度一样，攞开好多垫底嘅薯条，一样足够将牛扒煎到七成熟。配菜有西兰花同车厘茄。肉同一般港式西餐一样，都有松过，不过唔会完全烂晒，都有保留牛肉嘅味道。呢度嘅肉眼牛肉味足够，唔会太硬。但呢度嘅牛舌外层比较硬，但多左牛舌，只系多$10，算系咁。铁板T骨牛扒 五成熟 $148T骨系将牛柳、西冷牛扒同中间连带嘅T字脊骨原个切出，同时食到嫩滑嘅肉同有牛味嘅肉。 加入黑椒汁之后，有黑椒香味，可以带出牛肉味。意粉+$10咁重怀旧氛围，但都系俾普通白洽意粉，有啲可惜。冻柠檬水 走甜 +$4*2=8牛肉太油腻，饮走甜嘅柠檬水比较舒服。甜品今次甜品系黑加仑子味杂果啫哩，口感比较松散。呢啲港式口味，必须要加花奶，完全复刻。总计：$324
继续阅读
讲起豉油西餐，后生一代唔喺好知乜，但一听就明，就证明你小弟咁，都喺有番咁上下年纪。早前晌太子食嘢，偶见呢一家「铁板世家」，主打喺港式怀旧铁板餐，之后再上网睇睇佢啲食评，感到好有兴趣，所以，拉埋独居老友嚟锯吓扒。虽然呢个铺位唔喺咩几十年老店，但喺里面装修格局好有回到以前嘅感觉，好有复古怀旧风，尤其是啲红白格仔枱布，绝对喺七八十年代嘅标记。佢唔喺咩茶餐厅，茶式唔会包罗万有，但务求贵精不贵多，包括各款铁板餐之外，就只有焗饭、焗意粉……等等。我哋嚟得目标清晰就喺港式铁板餐。有一样嘢好搞笑，坐低无耐，餐都唔好话未点，连食乜嘢都仲研究紧，侍应哥哥已经问你红汤定白汤，相信点乜餐都包餐汤、餐包。餐汤、餐包叫得豉油西餐，拣红汤白汤又喺另一经典，小弟就钟意红汤罗宋汤，因为酸香微辣好醒胃之余，有大量蔬菜够健康，饮落确喺好足料。跟汤送嚟呢一款餐包，真喺满有情怀感，依家真喺唔多地方仲供应呢一款餐包。餐包非常之软熟，微微暖，搽上牛油，配罗宋汤真喺经典中嘅经典。铁板肉眼牛扒拼猪扒 $128呢度嘅服务好有香港人嘅特色，就喺快，两份铁板餐好快就送到上枱。我就多心少少拣咗肉眼拼猪扒配烧汁，啲烧汁淋落去真喺「咋咋声」，好有仪式感，亦可见块铁板几咁热。无论件肉眼，还是猪扒，都非常之大件，下面放满咗曲纹薯条，再有少少西兰花、车厘茄伴碟，单睇外观就好够份量，而啲肉眼果然好够腍滑，而且，有肉香，猪扒亦都好松化，沾上烧汁，确喺几唔错，百零蚊绝对物有所值。铁板肉眼牛扒 $128老友就对肉眼情有独钟，所以，单单净拣肉眼扒，有相你睇件肉眼真喺超大件，而且，有番又返咁上下厚身， 唔会大得嚟「薄切切」。佢就拣咗七成熟，但就无话好韧，同样喺肉质嫩滑，咁大件加埋啲薯菜，佢都话够晒饱，好彩无加配意粉或饭，唔喺就嘥晒。红豆冰 +$8、冻咖啡 +$3老友钟意叹咖啡，自然拣杯冻咖啡嚟爽下。我就谂住食铁板餐，所以，升级揾杯冰冻红豆冰嚟「降温」。红豆冰最紧要喺啲红豆够腍，呢杯就合晒格，啲红豆仲好清甜，份量又够多，一边食住扒，一边饮住冻饮，食吓红豆，几咁爽呀！甜品餐牌就无写话奉送甜品，不过，见阿姐拎住一大盘啫喱全场周围游走，枱枱都送上啫喱。我就梗喺要加花奶啦，阿姐仲好好人，同佢讲多奶就多奶俾我。啫哩除咗有啲杂果，仲喺好耐无食过嘅黑加仑子口味，虽然只喺一杯简简单单嘅啫喱，却勾起唔少童年回忆，储到几毫就落去士多买杯啫喱食。无论环境、抑或餐汤、餐包、甜品，都充满港式怀旧风味，今时今日香港嘅消费指数，呢度一份铁板餐只喺百松啲蚊，仲要无加一，再者，我同老友都觉得啲扒嘅质素以咁嘅价钱一啲都唔失礼，确喺性价比高，所以，你见全场满座，一枱人走又一枱人入，就知唔喺靠吹就得。
继续阅读
今日同朋友嚟到太子一间西餐厅，呢度有怀旧铁板餐，叫咗佢哋嘅铁板餐，我就同大家介绍一下：铁板牛舌拼肉眼牛扒呢道牛舌好正，煎得香脆，肉质滑嫩，咬下去有肉汁流出来。至于肉眼牛扒，我叫咗五成熟，火候掌握得好好，肉味鲜美，配埋黑椒汁简直一流。铁板原条龙利柳呢条龙利柳鱼煮得好精致，铁板烧出嚟嘅味道鲜甜，鱼肉嫩滑，完全冇腥味，配埋啲柠檬，食落去清新又开胃。最后仲有啫喱，加埋花奶，口感滑滑，味道淡淡地甜，非常清新。
继续阅读
喺旺角东附近揾间睇得上眼嘅茶记都唔算太多选择。行过通菜街见到两间，网红店「红x」排晒长龙，隔离嘅铁板世家主打铁板肉类，主打香港怀旧风情，枱布用上红白格仔，早餐都enjoy到，款式就同一般冰室唔大差别，而价钱都几相宜。金牌早餐 $42沙嗲牛肉面牛肉软滑份量多，沙嗲酱浓香唔会太咸，转出前一丁仲唔使加钱，麻油另上好贴心罗宋汤牛腩粒面个汤底酸酸甜甜好开胃，牛腩粒粒软腍重牛肉味，仲带有软筋Steak Breakfast $42薄牛扒完全系违反商品说明条例，出面茶记嘅薄牛扒真系止紧薄，但呢度可能系比较佢晚市𠮶啲牛肉，已经差唔多一只只手指头咁厚，早餐比$42有锯扒嘅享受劲爽早餐配菜七选二，一个拣咗炒蛋同猪柳汉堡，一个拣咗午餐肉同猪柳汉堡，猪柳汉堡厚身唔削又有肉汁好唔错。套餐亦包括餐包，加两蚊可以转奶油猪仔包，大大份劲脆口！扒餐可拣热香饼，配埋枫糖浆热量爆棚，餐饮仲有得加钱转红豆冰，有满满能量开始新一天😆
继续阅读
一早收工之后要到旺角做facial就打算揾间餐厅食个早餐 依间应该系以铁板餐出名，但之前一直冇试过就试吓佢嘅早餐质素先 每张枱都有红白格仔嘅餐枱布 几有feel罗宋汤牛腩粒通粉 配炒蛋汉堡扒奶油猪牛腩粒份量几多几香牛味 唔会太韧 煮得几腍罗宋汤都好足料有蕃茄洋葱薯仔味道十足每啖通粉加埋足料嘅罗宋汤好满足喺一个美好嘅早晨 炒蛋都滑 奶油猪焗到好香脆仲有满满嘅花生酱奶油好邪恶但系都好满足另外叫咗杯菊花薏米水饮落几舒服好养生
继续阅读
您可能会有兴趣的...