16
3
0
开饭介绍
主打传统潮州菜。餐厅位于高层，环境阔落，有室外用餐区，能够边欣赏风景边享受佳肴。
继续阅读
营业时间
今日营业
11:30 - 21:00
星期一至日
11:30 - 21:00
有关奖赏计划
周末嘅铜锣湾一向人山人海，想系闹市中搵间静静地嘅café 并非易事，今次想分享嘅呢间Café 就集合靓景同清静嘅环境於一身❤️Café 位於餐厅钰膳潮州菜入面，可能因为咁所以人流并唔多，我地星期日4点去到嘅时候只系得我地一枱客。Café 嘅rooftop area可以将成个铜锣湾市景 一览无遗，因为系25楼所以都有阵阵微风，即使炎夏之下都唔会太热。座位嘅四周种满左绿色植物🌿，成个感觉就好似置身於闹市当中嘅绿洲咁，感觉非常舒服❤️✨Hojicha Latte ($64)因为怕夜晚训唔着嘅关系今次就冇试到佢地啲咖啡，但呢杯Hojicha Latte都同样高质，茶味非常香浓😋下次有机会再定要黎试下佢地啲咖啡。
继续阅读
朋友正日生日推荐试下呢间正宗潮州菜我哋4个人卜咗房无收minimum charge不过最後埋单都贴近minimum 食物出品有心加上食材新鲜所以少贵但物有所值红烧潮州翅非常正宗烹调味道香浓 师傅非常用心熬制 好正吉品鲍鱼拼鹅掌糖心鲍鱼冇得输呀炆得好入味 又系一百分煎蚝饼我本身只食生蚝蚝煎真系嫲嫲试咗少少 竟然非常酥脆一点腥都没有 所以都食咗好多川椒鸡🐔 这是我最喜欢的潮州菜炸脆了的薄荷叶一点都没有油腻感觉鸡块好juicy 嫩滑鲜甜方🐟炒芥兰厨师一定挑选最靓的菜苗啦好爽脆好鲜嫩两面黄其实已经好饱不过唔食对唔住自己呢个面120分官燕清心丸绿豆爽不是我杯茶我没有吃双色水晶包皮薄多馅料我吃的奶黄 丝绒般滑够甜 我喜欢自家制蛋糕🎂也带了红酒没有收切饼费和开瓶费(因为朋友是熟客如果你自备酒水最好问清楚开瓶费)
继续阅读
之前同朋友嚟过两次，服务都十分好，所以今日做冬同屋企人嚟，餐厅应该知道fully booked，员工好似唔够人咁，几次搵人都冇人，我哋食6-8pm时段，落单嗌几次人先有人肯帮我哋落单，然後到埋单，叫咗两次，话就话「应左」帮我哋埋单，仍然系冇人理，反而serve隔离嗰枱熟客不知几好服务，我直接去柜台埋单，嗰一刻先print张单，即是之前「应咗」嘅侍应冇帮我哋买单，(今晚)呢度嘅侍应好锺意同一时间两个人serve一枱。唯一可取系，食物好味，加水冲茶好快🤣
继续阅读
1526 浏览
自疫情後变得抑郁嘅蕃薯uncle於年半间爆瘦咗二十磅，好彩人逢喜事精神爽，生日见多咗朋友後连胃口都激增埋，近期收到风有餐厅开幕或者系优惠推广都会第一时间与大食会组员分享。话说长辈从一编报导得悉人气热店「钰膳潮州菜」嘅店主为两位年青人，而座阵嘅大厨却系拥有三十多年经验嘅老师傅，三人冇代沟之余，短短合作咗三年已可於餐饮业不甚景气嘅情况下开分店，所以就相约一同去见识吓。「钰膳」新设之分店位於铜锣湾登龙街一幢食厦内，方便又易搵。占用面积全层嘅中菜厅楼底高高，光线充裕，不过可能因舖上地砖，用餐大堂嘅声浪颇为嘈杂。幸好六人被安排入座私隐度较高嘅私人厢房，有专人服务之外，房内仲有部空气净化风扇，既凉爽又卫生。细问下得知新店有个好特别嘅卖点，就系其伙伴「Bluemount Café」善用二十五楼高层所设嘅室外座及靓景打造出嘅空中精品咖啡屋。（由於当晚有人包咗场，所以唔系好影到相。）潮州菜配咖啡真系够哂噱头，原来白色部咖啡机仲坚有来头，绰号为「咖啡机中嘅劳斯莱斯」！嘻嘻，最跟得上潮流嘅契妹都唔弱，见到旁边部多管式玻璃咖啡机装置即估到有冷萃咖啡饮，无奈咖啡师话最快都要十一月先会推出。唔怪得知下午茶设有小食及蛋糕套餐，下次黎真系要好好细嚐。参阅咖啡馆嘅四页饮品牌时，竟然发现七点前嘅啤酒有欢乐优惠，友善好客嘅经理肥仔哥哥即作出推介。小肥结果试咗杯「经典柠檬风味啤酒」（欢乐价$58/杯；原价$78/杯）。手工啤清爽带甜，饮落可以话似杯酒精唔浓嘅柠檬味汽水咁，极易入口。「钰膳」嘅厚本餐牌共有二十八页之多，中英对照，并附插彩图，眼见网上未有记录才特意在此上载。另有六款优惠套餐可选。长辈一心就系黎试其中推广紧嘅八道菜「钰膳二人极品套餐」（优惠价$1,632/两位；原价$2,188/两位）。六人就点咗四人份量，另散点几款传统潮州餸。餐桌上摆有齐备嘅自用及公用餐具。卤水鹅肠（$168）、鹅片（$168）、鹅肝（$298/只）：三款自选卤水菜式以拼盘呈上，当中鹅片香浓且肉汁丰盛，鹅肝亦相当软润，最意外就系舖面嘅鹅肠坚爽脆。潮州笋粿（$87/半打）：笋粿外层烟韧香口，个韭菜鲜笋虾仁馅亦爽嫩惹味，送酒一流。钰膳二人极品套餐之潮州红烧翅：套餐顺次序出，第一味潮州翅翅香浓滑溜，虽然话系优惠套餐但都绝对足料，暖胃又窝心。钰膳二人极品套餐之原只吉品鲍鱼扣鹅掌：鲍鱼扣鹅掌四人份量一碟上，视觉效果更震撼！席上嘅隐世食家们一刀切落去，即赞吉品鲍鱼确真溏心，咬落柔韧黏软，大大只鹅掌则软腍滑溜，芡汁鲜浓无比，套餐净计头两味已经值回票价！钰膳二人极品套餐之迷你水瓜烙：细佬因饭前已饮咗两轮欢乐啤酒，忘记告知厨房自己有果仁敏感问题，所以未能进食含花生嘅水瓜烙，不过蕃薯uncle对水瓜烙赞口不绝，应该唔会差得去边。钰膳二人极品套餐之川椒鸡：川椒鸡除咗肉质又嚡又乾，带有少少麻辣嘅味道亦不甚讨好，系套餐入味最失色嘅一道菜。普宁豆酱焗鸡（$208/半只）：功夫多嘅豆酱鸡必先预订，或许因为冇几耐前喺另外一间潮州舖食过更出色嘅，有比较下就觉得鸡肉偏实唔得嫩口，似乎都系叫鹅稳阵啲！钰膳二人极品套餐之方鱼炒芥兰：翠绿嘅芥兰十分爽脆，个人只系略嫌调味过咸，越食越口渴。钰膳二人极品套餐之咸肉蛋白炒饭：单尾咸肉蛋白炒饭香口得黎毫不油腻，饭粒软绵有嚼口，简单味佳。甜品环节前先有热辣消滞嘅功夫茶。钰膳二人极品套餐之官燕清心丸绿豆爽：绿豆爽微甜清润，大家最意外就系见到碗内量足嘅燕窝，因为喺其他食肆叫套餐食的话好少唔洗搵都见到啲燕窝。钰膳二人极品套餐之双色水晶包：水晶包皮层巧薄烟韧，细佬只系食咗黄色嘅奶皇水晶包，馅心软滑可口。「钰膳潮州菜」铜锣湾分店於牛年初开幕，新设嘅「Bluemount Café」空中咖啡厅部份似走年轻人嘅路线。中菜厅嘅用餐大堂较为嘈吵，人多建议可考虑订房。服务生亲切落力，最感动就系亲证佢地会尽量满足食客嘅要求。现推广中嘅「钰膳二人极品套餐」丰富味佳，平均每位八百多元可食齐鱼翅、吉品鲍鱼同燕窝，CP值实属今期之最，绝对试得过！
继续阅读
今晚其实book了另一间酒楼.不过去到不对路.即走！！！！！在同一大厦找美食！！结果去了这间潮州菜馆.本身是潮洲人的一家来到此店.环境不错.因座落28楼.我们日order了two dinner set. 最平那set $298.但妈妈想食抄河所以三人只order 两set二人餐另外将汤转了潮州翅.来潮州酒楼一定要食潮州翅.就知是否够功力！！！ 差点忘记了影相分享第一度菜已经感觉良好~~~虾枣够乾身及有弹口嘅feel.翅到了~~d烟不停上升.够热已胜了一半！果然果翅底够浓不是那种生粉打出来结的那种.我比95分.好食过乐口褔.这个值85分.15分是太少份量.鹅肉入味.总结：一定要最少试一次.
继续阅读