52
4
0
港铁湾仔站 C 出口, 步行约3分钟 继续阅读
所有分店 (2)
电话号码
28158698
开饭介绍
主打传统潮州菜,厨师严选新鲜食材,讲究材料的搭配,精心制作多款潮州地道小菜。以卤水鹅,各种海鲜如鲍鱼、海螺驰名。 继续阅读
营业时间
今日营业
11:30 - 23:30
星期一至日
11:30 - 23:30
付款方式
Visa Master 现金 银联
座位数目
80
其他资料
网上订座
Wi-Fi
酒精饮料
自带酒水
泊车
电话订座
赏订座积分
外卖服务
加一服务费
室外座位
独家网上订座
以上资料只供参考,请与餐厅确认详情
有关奖赏计划
食记 (69)
等级7 2022-02-24
2648 浏览
叔公婶婆於湾仔名店「钰潮州菜」设宴款待亲友,年纪轻轻嘅XO仔亦有份参与,实感荣幸万分。潮州菜馆正门设於地下,门牌光鲜,故不难找到。通往楼上用餐大堂必先行经梯级或乘坐升降机。长辈早已安排晚宴於厢房内进行,空间感足,私隐度更高。餐桌上摆有齐备嘅自用及公用餐具;菜单早已订好,大家只需饭来张口。潮式冻大红花蟹:大大只花蟹橙美吸睛,厚厚嘅蟹肉鲜嫩多汁。潮式四喜拼盘:潮式拼盘内含四款香口小食,其中普宁炸豆腐外脆内嫩,潮阳虾枣及蟹枣松爽弹牙,最特别就系半脆半腍嘅虾米薯仔粿。卤水拼盘:卤水拼盘中小肥唔识食掌翼,不过舖面嘅鹅肠够爽、垫底嘅鹅肉都好够肉汁。椒盐九肚鱼($128):九肚鱼外层酥脆,鱼肉嫩滑,惹味小食也。红烧潮州翅($348/位):每人一客嘅潮州靓翅十分足料,翅翅又粗又滑溜,红烧汤底亦香浓暖胃,极为窝心!蒜子火腩扣花锦鳝皇腩:大肥爸爸激赞鳝皇腩嘅鳝皮厚润腍滑,肉质幼嫩鲜甜肥美。伴配嘅豆苗翠绿软嫩,同大大只冬菇一样索尽煲中嘅精华!猪油炒白菜仔:话明用猪油炒嘅白菜仔肥嘟嘟,外表尤其油润有光泽,食落爽脆鲜美。沙爹牛河($148):单尾沙爹牛河微辣鲜香,河粉面条幼滑肥弹,牛肉又够松软,就连芥兰都脆卜卜,实滋味无穷,!黄金发财卷:意头够坚嘅菜式其实系用发菜炸出嘅点心。以一层薄薄嘅腐皮包住嘅发菜卷意外地热辣,而且弹弹地嘅质感完全唔松散,有嚼口得黎芳香轻盈。羔烧三宝($198):地道潮式甜品羔烧三宝嘅银杏细巧软润,个人避开唔食紫色嘅芋头,但最爱清甜可口嘅甜蕃薯。湾仔人气中菜厅「钰膳潮州菜」地方企理卫生,唯独用餐大堂面积唔算大,楼底唔高,满座时难免会觉得嘈杂,幸好当晚十多人宴席间出厢房,成功提升咗私人空间。长辈预订之十道菜餐单丰盛高质,传统潮州菜肴有相当嘅信心保证,皮滑肉嫩嘅花锦鳝皇腩更加系冇得顶呀! 继续阅读
(以上食记乃用户个人意见 , 并不代表OpenRice之观点。)
等级3 2022-08-10
0 浏览
同家人庆祝生日饭,所以就拣左依间潮州菜。6个人食左2000几,都抵食!必食系冻马友鱼,原本以为冻食应该麻麻地,纯粹想试吓,点知系好好食。马友鱼系限量的,所以要预订。另外芋头饭都不错,值得一家人再去! 继续阅读
(以上食记乃用户个人意见 , 并不代表OpenRice之观点。)
等级1 2022-08-07
0 浏览
无意间发现这间潮菜,朋友邀请生日饭去一试。坐位不多,环境整齐,每张台距离空间足够。我们到埗时可能刚开始营业,空调不足但经反映後立即作出改善,值得一赞。个人认为价钱合理,菜式份量,味道不错。值得一提系服务员态度非常好,点餐时温馨提示菜式份量,刚刚好。此外,经常来检查及换乾净碟,非常窝心会再去光顾 继续阅读
(以上食记乃用户个人意见 , 并不代表OpenRice之观点。)
等级1 2022-07-28
182 浏览
今日约好几个朋友食🎂生日晚饭,一行5大1小,见呢间食评唔错就试下,因平日都怕会满座,因此早一日订定位,6:20到即可安排座位,坐下未齐人,侍应就到来问需否点餐,但因主角及还有朋友未到,因此告诉迟些再点,等主角到,当朋友到齐人坐下,同一位女侍应再到来问需否点餐,因主角刚坐下餐牌都未睇,因此再次告诉迟一些,正当大家朋友讨论叫咩食时,😂位女侍应又再次到来问我哋点餐,因未研究好,但都叫了4样先,卤水鹅,咕噜肉,潮州蚝仔烙,小炒皇,上菜速度快,之後再叫了一个方鱼炒芥兰,本来还想试四喜拼盘,但因唔知有边四样,问另一位侍应,问佢甜定感咸,佢答梗系咸啦,但就唔答有边四样,态度不是太好,因此我地冇叫到,之後其实都有再考虑紧要反沙芋定糖醋面,因为有生日蛋糕,所以谂住2选一,但由点餐到进餐的过程,侍应的态度都不好,例如点餐呀!加水呀!明明地方唔大,系佢面前伸手叫埋出声,都可以当睇唔到,到最後因主角想试下糖水,叫了一碗绿豆爽,但其他朋友怕太凉就冇要,当搵侍应点餐时,位侍应好唔满意咁应我哋,一碗?叫一碗得一人份量喎,😂本人心想,一碗当然一人份量啦,唔驶你讲我都知,到最後搵侍应拎蛋糕出嚟切,侍应话要收$150切饼费,我地话OK,咁佢哋拎出我哋买的生日蛋糕及帮我哋点🎂,但竟然冇俾碟同叉俾我哋,我哋再问佢哋有冇餐具,佢哋竟然答以为我地唔俾切饼费😂我同朋友就谂,明明讲咗OK,你又帮我哋拎咗🎂点埋蜡烛,莫非你唔俾餐具我地,就会唔收我哋切饼费,真奇怪。总结:是日晚餐,食物正常唔算好味,好味过呢间还有很多,价钱因地区所以都算正常,但侍应的白鸽眼服务态度,真系要大大改善,本人都很少会咁不满意一间餐厅🤦🏻‍♀️ 继续阅读
(以上食记乃用户个人意见 , 并不代表OpenRice之观点。)
等级3 2022-07-09
352 浏览
骆克道食店林立, 竟然比我地揾到间食潮州菜的中菜馆。 6:30pm 到达, 见无乜人, 以为中伏啦。 但我到7pm, 已经爆场,睇黎我早到。是日晚餐脆皮炸子鸡鹅肝鹅片拼鹅翼小炒王沙爹牛肉炒河糖醋面胡椒猪肚汤脆皮炸子鸡, 皮脆肉滑, 鸡肉鲜嫩, 鸡皮炸到好脆, 非常野味。鹅肝, 邪恶的鹅肝, 入口甘香,邪恶都值得。鹅片拼鹅翼, 鹅片较薄但肉嫩,鹅片带弹性, 卤水汁唔会太咸, 带少少甜味。小炒王, 有镬气, 但略为份量较少。沙爹牛肉炒河, 沙爹汁好味, 牛肉厚切有牛肉味, 好似和牛咁软咁林。糖醋面, 糖醋面煎炸得刚刚好, 有微微燶边, 入口"爽爽"声。胡椒猪肚汤, 胡椒味较淡,似清汤。蚝饼, 份量超大, 正宗潮州蚝饼, 薯粉唔会太浆口, 蚝仔肥美。 继续阅读
(以上食记乃用户个人意见 , 并不代表OpenRice之观点。)