鑑記車仔麵

营业中

休息中

叫左三餸，午餐肉豬皮同齋，得一個餸先食得，豬皮有毛，從來未食過有毛的豬皮，見到一點點黑色已經冇胃口，齋就餿左，食到好嬲，以前都食過呢間，衣家真係覺得好差，做街坊生意都唔應該係咁。

好耐無食過車仔麵，想食牛腩咁就入去試試啦。味道唔錯，位置方便係正巴士站旁邊。今日食咗牛腩貢丸蘿蔔，三樣送 40 蚊。辣椒醬睇落唔拉但都係辣㗎。華富商場以外既一個選擇。我選咗粗麵覺得麻麻地，下次再黎選河粉可能好D。只收現金同支付寶。

車仔麵百吃不厭，一碗麵由湯底、配料至麵條種類任你揀，可以一次過可以食勻多種心水配料，而且價錢便宜。華富村呢間車車仔麵由細食到大，五個餸，仲有招牌麵，唔使諗。湯底清甜，餸十分足料，時菜爽口，其他餸入口惹味。

由於住得比較偏僻，而收工又比較晚的關係，又想早早歸家卻又肚餓時，位於邨口呢間車仔面當時就是一間完美的食店。雖然是唯一一間有野食的，除左便利店之外啦當然。夜晚11點入去，雖然座位唔多，但是好多時候都是基本坐完人，我就當然是外賣翻屋企慢慢食。佢地招牌面都是豬類製品，我就唔是歧視豬，不過就唔對我胃口，所以一次都無試過。不過就有好多餸選擇，例如:漢堡扒，珍寶腸，芝士腸，雞翼或加尖等等。反正我每次食都是鹵水豬大腸+牛百葉+雞腎+雞翼，4個餸都是40左右，對比起其他地區的（如灣仔區某明）就真是有好大的對比至於味道方面呢，湯同面都是正常水平，而個人喜好的4款餸大腸同雞腎是一定有，其他無的話就會加多一份二之一，味道與口感並存。最估唔到的是我竟然會是第一個評價的人！榮幸！