影片
食家推介
招牌菜
垃圾生炒牛肉饭食咗一啖，竟然是生的，血淋淋不用来不用试是否可以叫食环垃圾都不能形容的垃圾影衰香港仲要一句道歉都冇手快快收咗碟生out out 牛肉饭抵佢冇生意唔该快啲执笠真心short
继续阅读
下午搭叮叮入咗黎跑马地，周围行见到有间野叫铁板站，突然之间想食扒就入去试下。入面系好古式既扒房装修风格，有d大卡位坐都几舒服。打开餐牌一睇，哇，西冷铁板餐都系75蚊连野饮重唔洗加一！！重要系跑马地！！我谂呢个价钱真系唔知边度揾到！！叫完一阵好快就上咗个罗宋汤同个包，个汤应该系自己煲既，好浓味，入面重有劲多菜。之后饮完汤就上咗个扒，我叫咗三成熟，我觉得系啱啱好既。出面熟透，入面都重系有小小粉嫩既。唔系超巿买个d劲cheap既扒，咁当然都唔系贵价餐厅个d。老实讲有d鞋既。但呢个价位黎讲系无得输啦。最后杯冻柠茶就系正常嘢。75蚊埋单抵到😱😱
继续阅读
今日约咗人喺跑马地，早咗成个钟，周围行睇吓有冇地方可以坐低。本来入咗一间高档咖啡店，睇完餐牌，见到一杯咖啡，最平都要$5x，最后见到呢间，喺外面唔系好睇到入面，谂住求其拣间hea吓。入到去，一阵「噏」味，除咗我同一个阿姐，乜人都冇😅，睇到下午茶餐牌价钱超平，双拼三文治连热饮$26，烘底不另收费，下午茶不设加一服务收费，简直系超值，平到有少少滴汗😅。我当然系叫呢个$26嘅超值下午茶餐啦。我叫咗吞拿鱼芝士三文治烘底加热柠水。坐坐下，嚟吓一个客又再嚟一个，最后有七枱客人。等咗十几分钟，三文治同饮品一齐上。例牌相机先食，点知影完呢张相发觉杯柠水有只乌蝇，好呕心🤮! 我叫咗阿姐几次，佢听唔到，最后，佢行过，我话佢知，佢竟然唔好意思都冇句，仲见怪不怪话：「点解飞咗落去呀？」跟著叫入厨房：「整返杯热柠水嚟。」埋单𠮶阵，阿姐话$28，我问佢点解$28，佢话因为烘底。吓！乜餐牌唔系话烘底不另收费嘅咩？最后佢都收返我$26。
继续阅读
牛扒又梅又冇血水，唔知自己食紧乜。垃圾中既垃圾一入去己经有阵味，谂住佢旧旧地开左咁多年应该都唔会太差，叫左个西冷见到块扒只色都唔系咁开胃。一切落去白雪雪完全唔系牛扒应有既颜色一啲血水都冇，唔知雪左几耐。食落口感有啲梅，唔臭但乜肉味都冇…..个罗宋汤都怪怪地偏甜。真系冇下次…….食两啖就顶唔顺放低刀叉埋单去隔离麦当劳叫多个餐填饱个肚算数。好耐都未食过一餐咁难食既午餐！如果最好味既系10分，我比呢间野1分！最过大家乐啲牛扒…
继续阅读
现在很少旧式歺厅用铁牛头铁板，以为旧式快歺又开左咁耐，应该都可以啩，食左一份T-bone 和一份杂扒，T-bone真系又咸又有D唔知咩味，其实调左味的扒，冇可能可以煮几成熟啰，鸡扒D味道也是有D唔知乜酸臭味，D调味料可能系万年料，所以臭左也唔出奇，咁多年都冇改善，既然有心经营，唔明点解唔做好D，跑马地已经冇乜特别好野食，连呢D小店都咁差，冇心机做就真系执左佢算啦！真系难为了住呢区的人，外人也不需要特别入来找野食！真系零分都唔值！
继续阅读