鐵板燒海賀

去尖沙咀 The One 嘅海贺食晚餐，拣咗佢哋嘅「盛夏祭」menu。餐厅环境舒适，视野开扬，坐喺19楼望落去成个弥敦道，夜景靓到不得了，好啱同朋友慢慢倾计又食嘢。 头盘先嚟个三文鱼亲子沙律，个沙律新鲜爽口，三文鱼切得厚身又嫩滑，啖啖肉，配搭晶莹的三文鱼籽，咬落去一爆油香，层次好丰富。刺身三点，每款鱼生都保持冰凉爽口，新鲜度满分，无半点腥味。带子大大粒，煎到表面金黄色，内里仲系保持嫩滑多汁，配埋香橙同西班牙辣肉肠汁，好Juicy又惹味。白鳕鱼肉质软绵，食落去好冧，灯笼椒同烟肉嘅咸香令鱼肉更入味，唔会抢走鳕鱼嘅鲜甜。大虾爽口弹牙，虾肉好结实，红咖喱虾酱带微辣，将虾嘅味道推到另一个层次，食到停唔到口。 日本爱媛鸡肉，鸡肉外皮香脆，肉质依然嫩滑，调味适中，食落去啲肉汁好丰富。牛肉眼薄烧片片油脂分布匀称，入口软嫩又有牛味，咬起嚟烟靱但唔韧，好有层次感。 蕃茄酱烟肉炒饭，饭粒粒粒分明，带微微焦香，蕃茄酸甜同烟肉咸香好夹，食到尾都唔觉腻。饮品Passion Times 同 Lychee Luna，前者带果香同微气泡，好清爽；后者荔枝甜香突出，饮落去又Chill又解腻。甜品系红豆抺茶奶冻，细致收尾 。…查看更多

餐厅环境舒适，饱览维港靓景。铁板套餐有鲜虾柚子沙律、香葱拖罗蓉三文鱼籽杯、铁板烧鹅肝、铁板烧南非鲍鱼、A4宫崎和牛厚烧、樱花虾炒饭、味噌汤及渍物和精选甜品，另加甜品拼盘。🔸鲜虾柚子沙律 ~ 酸甜的酱汁与新鲜的沙律菜混合一起，配上鲜虾，开胃美味。🔸香葱拖罗蓉三文鱼籽杯 ~ 卖相精致，新鲜又美味的拖罗蓉和甜美的三文鱼籽。🔸铁板烧鹅肝 ~ 鹅肝入口即溶，肥美而不腻。🔸铁板烧南非鲍鱼 ~ 铁板师傅烹调得刚刚好，鲍鱼弹牙鲜味。🔸A4宫崎和牛厚烧 ~ 和牛的油花、肉质和色泽都不错，有浓浓的牛香味，加上蒜片和特制酱汁一起吃，增添滋味。🔸樱花虾炒饭 ~ 炒饭粒粒分明，炒得够干身。🔸味噌汤及渍物 ~ 最后有热辣辣的味噌汤和酸甜解腻的渍物。🔸精选甜品 ~ 甜品是白桃奶冻。🔸甜品拼盘 ~ 再加甜品拼盘作庆祝生日之用。整体环境靓，服务好和价钱合理。🏷️温馨提示～ 整个用餐体验均属个人分享意见， 只作参考😊。…查看更多

朋友8月生日，带咗佢去The One 19楼铁板烧海贺庆祝，餐厅居高临下可以饱览成个维港夜景，就算唔系坐铁板烧吧枱位，窗边位一样系咁好嘅体验，好正好浪漫，当日仲要无落雨，天色好清🌃今次dinner menu 系海贺盛夏祭，$638一位系入门价，一共8道菜，呢个地段同装修黎讲收费合理，当然有啲更豪华嘅menu，丰俭由人～三文鱼亲子沙律三文鱼好嫩滑，底下仲有大量三文鱼籽刺身三点全部都好厚切嫩滑，有带子、油甘鱼，最钟意烟熏鲣鱼，鱼肉表面烤熟，好香烟熏味，鱼肉中心仍然系半生状态铁板烧带子配香橙西班牙辣肉肠汁带子好大粒，煎到微焦内里白嫩，酱汁系日西fusion, 辣辣地酸酸地可以带出带子嘅鲜味，仲可以中和忌廉薯蓉嘅腻铁板烧白鳕鱼配灯笼椒烟肉汁绝对系我成餐最钟意嘅一道菜，白鳕鱼好厚身，又系煎到外焦内嫩，鱼油香好重，鱼肉呈片状，灯笼椒烟肉汁又系比较西式嘅调味，同鱼香平衡得宜铁板烧大虾配红咖喱虾酱今次呢个汁就系比较泰式嘅做法，同一餐入面好似食匀几个地方嘅菜式咁，红咖喱虾酱又辣又浓郁，同烧大虾好夹铁板烧日本爱媛鸡肉 或 铁板烧美国牛肉眼薄烧同朋友一个食鸡一个食牛，薄烧嘅肉眼肉香十足，里面肉汁饱满，包裹满满嘅葱花，除咗搭配蒜片，仲可以配山椒烧汁同辣根忌廉汁，后者似西洋wasabi 辣辣地好过瘾食鸡嘅话，一啲都唔俾牛输蚀，每旧都肥厚鲜嫩，肉质紧实，鲜味丰富蕃茄酱烟肉炒饭蕃茄口味应该无人不欢，咸香嘅炒饭口感湿润，而且唔会好似出面嘅落咗咁多油，食落冇乜负担感，最后我都食得晒成碗甜品本身嘅甜品会有一个白桃布甸，因为我remark咗朋友生日，所以送咗个小cheese cake同雪糕…查看更多

星期日晚喺 The ONE 揾餐好啲嘅慰劳餐，就拣咗19楼嘅「海贺 Kaika 铁板烧」，试吓佢哋夏季限定嘅「海贺盛夏祭」套餐。特价 $638 一位，当然要加多杯 Suntory 生啤 🍺 配住先够 Chill！全晚由一位熟练又风趣嘅师傅帮我哋即席铁板烧，坐得舒服又观感十足！---🥗 1️⃣ 大虾蟹子沙律餐前先来一客清新沙律，大虾爽口弹牙、蟹子铺满沙律面层，粒粒晶莹，入口有趣。配合沙律菜、青瓜丝等蔬菜，整体口感层次丰富，唔单止系一味清爽，而系真正做到「凉而不淡」，系夏天开胃嘅好选择。---🐟 2️⃣ 三点刺身刺身三点包括三文鱼、油甘鱼同赤身，切得厚身，鱼味保持得唔错。三文鱼油脂分布平均，口感滑溜；油甘鱼偏向扎实、有咬口；赤身冇筋，带返少少清甜。不过以铁板烧套餐嚟讲，刺身质素已属中上。---🔥 3️⃣ 铁板带子配橙香辣肉肠汁带子厚身唔过熟，中心保持嫩滑，煎香面层带少少焦脆感，对比感做得出色。橙香辣肉肠汁有惊喜！酸甜带辣之余，有啲似墨西哥风味融合日式手法，好香口，唔会抢味，反而帮带子加咗层次。---🐠 4️⃣ 铁板白鳕鱼配灯笼椒烟肉汁鳕鱼外皮煎得脆卜卜，鱼肉够嫩，少少油香但唔腻。重点系烟肉汁！香气满分，有少少咸香衬返白鳕鱼嘅细腻口感，中间夹住灯笼椒嘅微辣感，整体味道唔算复杂，但系协调感几高。---🍤 5️⃣ 铁板虎虾配红咖哩虾酱汁今餐我自己最钟意嘅就系呢道！虎虾够大只，而且煎得啱啱好，完全唔嚡口。红咖哩虾酱汁有浓浓泰式风味，但未至于太重手，反而系带出虾鲜。成件虾连虾头都处理得干净，诚意分加分！---🍗 6️⃣ 铁板爱媛鸡 or 美国牛肋眼 / 加配A4和牛原套餐系二选一，我哋选咗 upgrade +$200 试 A4和牛，牛扒厚切，五成熟左右，师傅手势准，外层香脆，内里仲保留粉红肉汁，唔需要太多调味已经好好食！油脂分布靓，但唔会漏，食完唔会有负担，完全符合A4级数水准。---🍚 7️⃣ 蕃茄烟肉炒饭食到呢度已经八九分饱，但呢个炒饭仲系好有惊喜～用番铁板现炒，蕃茄味浓郁之余烟肉香气渗晒入去，每粒饭都炒得干爽唔黏，拌埋少少葱花提香，一口接一口停唔到。---🍨 8️⃣ 甜品甜品就比较简单，当晚系一客士多啤梨雪糕＋焦糖脆脆碎，收尾位唔算突出，不过够清新，喺多道菜之后就啱啱好冇压力。---📝 整体评价整个「盛夏祭」套餐份量刚好，由头到尾每道菜都见到诚意，唔会有中伏位。最欣赏系每道菜都设计到配合季节感，例如酸甜橙汁、红咖哩酱汁等等，适合夏天食。师傅现场即烧，互动感几足，仲会细心介绍每道菜材料同煮法，坐窗边望住维港景色，气氛加晒分。价钱方面，$638＋加$200升级和牛＋$88啤酒，两个人埋单连加一共 $1597，虽然唔系平，但以铁板烧来讲算中高质素，适合庆祝／想食得豪少少嘅日子。下次有机会会想试埋佢哋嘅黑毛和牛全餐或午市 set！---✨ 食材新鲜、火喉准、服务到位，系 The One 想揾个舒服位置、睇景又食得好嘅餐厅，呢间系不错选择。建议早少少订位，唔好 miss 咗靓位！…查看更多

🇭🇰尖沙咀《海贺》盛夏祭🌈铁板烧🔥🔥The one浪漫天际🎆维港全海景✨✨又一年の生日漂亮饭🍰🍧💕💁🏻‍♀️位于尖沙咀The One19楼《铁板烧海贺》🩵年年生日必打卡餐厅🎉💝拍不腻的维港🇭🇰浪漫全海景🎆每次过来都心情超靓✨环境一如既往的有情调又有格调，灯光柔和气氛优雅，白天通透自然光☀️晚上夜景璀璨🎇🌃平时钟意坐铁板烧位置，欣赏厨师烹调过程🔥偶尔想浪漫也可选择窗边位置，享受成个海景View😊💕和闺蜜一起拍照打卡超「出片」的喔📸餐厅现在有推出🌸《海贺盛夏祭》🌸套餐抵食又丰富🎊🎊🎊🌺三文鱼亲子沙律：三文鱼片新鲜厚实，搭配细嫩嘅三文鱼籽，粒粒分明，清新嘅沙律酱，开胃又醒神✨🌺刺身三点：新鲜度十足，肉质鲜甜入口爽滑，搭配特调嘅酱汁，将鱼嘅鲜味完美带出✨🌺铁板烧带子配香橙西班牙辣肉肠汁：带子煎得外脆内嫩，香橙汁嘅清新酸甜与辣肉肠汁嘅香辣完美融合，食落仲有浓郁芝士味I like😍😋味道层次丰富，令人回味无穷✨🌺铁板烧白鳕鱼配灯笼椒烟肉汁：白鳕鱼质地细嫩，呢个组合都几特别，灯笼椒嘅微辣与烟肉嘅咸香相辅相成👏🏻口感好Nice✨🌺铁板烧大虾配红咖喱虾酱：大虾煎得啱啱好，肉质紧实弹牙，红咖喱酱味道浓郁，不会抢咗大虾本身的鲜甜，令人食指大动✨🌺铁板烧美国牛肉眼薄烧：牛肉质地柔嫩，油花分布均匀，煎得外焦里嫩，卷包住葱花香蒜一齐食，肉汁Juicy油香四溢，一口下去超满足✨🌺蕃茄酱烟肉炒饭:炒饭粒粒分明，烟肉嘅咸香与蕃茄酱嘅酸甜相互搭配，好Yummy呀✨🌺甜品：丸子奶冻，丸子烟韧，奶冻滑嫩，解腻又甜蜜💕餐厅仲好贴心甜品写生日字，特别安排我哋去露台影相打卡呢👻又是一年美美的生日漂亮饭✨📍 《海贺》铁板烧 尖沙咀弥敦道100号The ONE 19楼…查看更多