影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
中午同同事决定试吓太古坊开咗无耐嘅Yung's Bistro，点知真系有惊喜。餐厅环境简洁又舒服，设计带点现代感，喺商业区入面畀到人一种轻松嘅用餐体验。点咗镛记正宗烧鹅，鹅皮好重油香，肉质软嫩，味道层次好丰富。星洲炒米米粉炒得干身，咖喱香浓而不辣，虾仁同叉烧粒好入味，食到停唔到口。家乡梅菜扣腩肉，肉质软腍，梅菜入味，酱汁浓郁得来唔会太咸，配饭一流。服务有效率，侍应好快手帮我哋落单同上菜。餐厅位置方便，对于office人嚟讲系lunch嘅好去处。不过中午真系几多人，建议book定位或者早啲到。
继续阅读
第一次嚟太古坊呢间镛镛，之前K11果间试过，今次同旧同事嚟新嘅呢间饮茶！菜单同K11果间都差唔多，点心依然保持同一水准，好适合周末一家人嚟饮茶Family day！虽然装修风格偏西式，但系茶市一嚟到都系充满传统早茶氛围嘅感觉
继续阅读
今次已经系第二次嚟打卡啦，真系太好味所以今次一定要写返篇食评赞美下先得！太喜欢佢哋嘅陈皮牛肉，浓郁嘅陈皮醇香搭配鲜嫩多汁嘅牛肉，实在令人难忘，午餐set基本每个星期都唔同，如果系系附近返工嘅可以试一试
继续阅读
之前去过K11嘅镛镛，今次嚟新开嘅呢间，大致嘅菜单同果边都系差唔多，价钱应该都唔会相差太大！出品都系一样咁满意，各样点心精致得嚟又好味，而且好有特色，睇得出除咗烹饪之外摆盘方面都落足功夫，适合三五知己嚟饮茶吹水
继续阅读
前两日同朋友特登嚟试吓镛镛嘅烧味，叫咗只半烧鹅，皮脆肉嫩，特别啱冬天食。至尊肥㶶叉烧都唔错，松软多汁，蜜味十足 。配𩠌叫咗个花胶竹笙炖响螺，啲汤好滋补。韭黄三虾炒滑蛋都好惹味，蛋炒到好滑，虾新鲜弹牙。见到隔离枱叫嘅流心西施炸虾丸都几吸引，下次可以试吓。食完饭行吓商场都几写意。
继续阅读
您可能会有兴趣的...