鍋牛點心火鍋館 (已結業)

今日幾位好友一起到呢間鍋牛打火鍋，服務一如既往的好，上菜速度甚快，我們嗌了一個鴛鴦湯底，湯的味道十分之濃郁。因為是任食嘅關係，我們點左好多東西，一開頭唔理甘多！點了好幾碟午肉(我和我的朋友門都係食肉獸) 頭碟上陣的係特選牛肉+高級肥牛，特選牛肉顏色白裡透紅，吃落去甚有𡁻頭，同時食得出十分強烈的牛肉味(比我在牛X吃的$358和牛好吃的多)在吃塊高級肥牛，拌和沙嗲湯底一口咬嚼，我心入面不感諗:我成五十歲人未食過甘好味的肥牛，同我在佳X買的垃圾完全唔一样！油脂分佈甚均，同時都吃得出師傅的刀工！除了牛肉，我也推薦各位試試這間店的牛爽肉！顧名思義，即是爽的牛肉，拌和清湯+特製火鍋鼓油一起咬嚼，油脂嘅香除即係你口腔入面暴開，呢塊清盈✅透嘅牛令我諗起了家鄉的清牛肉火鍋(我是潮汕人)  因為是任食，我地都叫了很多注名的食材，有牛餐肉，猪肺，肉丸等等，全都是上等食材！尤其是午餐肉，很像我早前到漢城吃的(明洞賣雪糕对面個間部長鍋)，總体來說，冇得彈！我們共坐了3個半鈡頭，侍應佢地仍然對我們態度十分良好，雖然超鈡，等冇一句怨言！好難得同身边三5⃣知己一齊同枱食飯，不亦樂乎，我推介各位可以係度边食美食，边聚舊！…查看更多

一提起任食打邊爐，大家都會諗質素麻麻地，配料選擇唔算多，總之就係連埋加一就係$200內，啤酒又任飲啦。不過呢間野真係令我喜出望外，配料除咗正常都有嘅嗰堆之外，佢竟然有豬肺、肉眼筋、豬腰、牛胸線等等，喺任食打邊爐黎講真係算刁鑽火鍋配料啦。呢幾樣我都有試，先講豬肺，真心比較韌，咬唔到；肉眼筋好食，好有肉味；豬腰都算爽；牛胸線好香牛味，香港好少地方食到，雖然係脂肪，不過真係值得一試。另外絕對值得一讚嘅就係d侍應嘅服務，真係好耐無試過有咁貼心嘅服務。…查看更多

$156位呢個價錢有咁多款野食，仲有大支裝青島任飲真係性價比超高！火煱料首推封門柳，唔肥重牛香。最好係咩吖，係任叫吖，仲有牛胸爽，第度比較少有，另外仲有牛膀牛腸牛肺牛柏葉(白), 豬內臟就有豬潤豬腰豬肚豬肺，質素都叫ok, 又係任叫嗰下好。仲有一様值得推介嘅就係魚鰾，平時都比較少係打邊爐見度。另外自家制墨魚滑都唔錯。…查看更多

我好少贊食店，但係呢間店真係ok，材料豐富又新鮮。真心推薦，大角咀火鍋食店有名，的確名不虛傳。入面除左牛羊任食，仲有生蠔，煮熟左仲大大隻，真心正我會再光顧！正正正…查看更多

這陣子都懶於打食評，但這間真的很想與各食友分享。老友吹雞試新嘢，當然要出席囉！訂了晚上七點檯，可能因為是閒日，未有滿座。坐低看到可選擇的食物紙。哇~封門柳、牛腸、牛肚、牛膀、牛肺、牛脷、牛爽肉、牛栢葉、牛滑都有，另有釀油炸鬼(一條大約剪開四嚿左右)、牛肉餃、日芥湯包及多款丸類.....因選擇不少，未能全部打上。必食牛類，另記得試吓響鈴(真的很鬆脆)，整體食物也不錯，而且除了罐裝飲品(飲品選擇不算多)，仲有青島啤酒任飲，平日價錢每位148元+8醬油費=每位$156，五至日假期每位加$10，沒加一，以這個價錢，任食兩個半小時真的算得上平靚正!當然這兒不是一面倒的好，這兒也有漏單情況，但情況不嚴重，可以接受。 因食評上傳的照片數量有限，有些照片會另傳上來。…查看更多

網上介紹呢間任食火鍋，148不收加一，膽粗粗黎試下係咪真係咁抵食。環境係一般茶餐廳格局，只要唔好對佢有五星級飯店的要求其實還可接受。六點鐘開始，order 食物方式係類似放題形式，係點菜紙上寫下數量。食物款式大路，質素亦不錯，種類以148的價錢黎講都幾多。一開始order左出名的封門柳和肥牛，但等左半個鐘都仲未有，一問店員，原來仍未刨好，有就會即上。食物份量都頗多，食左第一輪的份量已經八成飽，後來發現漏單情況都頗嚴重，不過因為已經飽飽地決定投降唔追，留返下次再試。飲品任飲的，包括青島啤酒，可惜我唔飲，如果男士黎一定啱晒。埋單148+8 蚊醬料錢，仍然係好抵食！…查看更多

上網見到人介紹平靚正，就約埋朋友去試下，入去安排坐最尾卡位，好多蚊仔，即刻轉位，轉左兩次，店員都無炸型，算唔錯！湯底多款簡，麻辣，醉雞，豬肚，雞煲呢啲特別啲既款都有，啲料雖然唔叫多，但勝在唔少魚卜，靚牛，牛滑，鮮丸類，雲吞內有大粒蝦，豬什等等！野飲除左青島啤酒，就係汽水任飲！$148，兩個半鐘，抵到呢！九龍區黎講都算係咁！今時今日除左呢間真係唔知去邊度搵到平靚正既邊爐，距離奧運站又近，埃華街基本上係食街，都算方便！一定有回頭既選擇！希望改善下啲蚊仔就更加理想！…查看更多

物超所值之前見有廣島豪，封門牛就過黎試，雖然地點唔係好就腳，但食物水平絕對物超所值。湯底選擇好多，我揀咗雙拼。沙嗲同清湯，沙嗲味都濃。打咗一陣，兩個湯底就會容合咗😂。我地7點半到去食，都半滿座，但上菜好快，第一次湯未滾，落單嘅野就到齊，已且份量唔少。封門牛真係好好食，很重牛味🤤 丸都正常，唔係佳寶質素。 蠔都鮮甜，只係未解凍。仲有好特別嘅油炸鬼食，就咁食已經好好食，好熱夠趣。…查看更多

天氣凍凍地唔打邊爐都唔知有咩好做都好耐冇食過任食邊爐，因為出面好多都質素參差但哩間$148全包任食又ok 喎湯未滾時叫左碟油炸鬼，入面有啲粟米粒，口感唔錯，唔算油膩野食方面牛肉有驚喜，比出面任食既新鮮同重牛味仲有好香既醉雞，一落完個煲即刻淥咩都惹味哂！野飲方面除左一般汽水（有白色可樂yeah), 青島都係任飲醬料有炸蒜都值得一讚～～而家好多邊爐都冇炸蒜架喇多朋友黎叫多啲野食真係一流，不過記得book 位…查看更多

真係一間好不知所謂嘅火鍋店，完全冇服務態度極差！而且又無禮貌真係差到一個點！由其係夜晚負責做收銀果位阿叔，好似真係唔優做咁！佢個心態好似多你一客唔多，小你一個客唔小咁！好似就收工就大晒咁系度趕客走！而且仲有啲欺騙成份！就好似如果你地間嘢就收工，d職員係咪有責話比客人知，咁如果我地知你仲有一個鐘頭唔夠就收工，咁我地就唔會選擇去哩間食嘢！但我哋一入去坐低，佢哋根本無講過，仲照繼續落單！佢哋呢間野寫明話食三個鐘，又無寫收工時間！咁我哋唔知入到去，你係咪有責任同我地講聲，咁如果我地知道可能只可以食得一個鐘頭，咁我哋一定唔會入去囉！仲要態度極差！入到去好似客咁！講埋啲說話勁難聽！其實有冇得食都係其次好小事，但係你做飲食行業用咁嘅態度係好有問題！好似好巴閉咁！真係以後請都唔會去吖！…查看更多

主打任食火鍋既鍋牛，聖誕節依然人頭湧湧$148 一位全包，湯底有好多選擇，揀醉雞窩都唔駛加錢，不過雞就係方型既雪藏雞件，有少少失望。主打牛肉既佢，牛肉有肥牛同埋封門柳可以揀，另外仲有牛滑，比一般火鍋任食多左啲選擇。不過封門柳叫左三碟既質素都好參差，而肥牛更加不值一題。如果餐廳真係要以牛做主打，似乎未夠班。環境方面，一路食一路都有啲蚊飛黎飛去，衛生情況一般。而且，餐廳只有兩三個樓面，似乎唔夠，當要執檯時，就會無人落單。總括而言，一分錢一分貨，$148 的確唔應該有太大期望，適合希望平平地打邊爐人仕。…查看更多

$128任食2.5小時，封門柳牛肉隨便食🍲-今次推薦喱間任食邊爐開左唔算好耐，但試過真心驚喜，先講價錢，8:30前入座$148，8:30後入座$128，仲要唔收加一🤟🏻！冇額外收費！你話抵唔抵先😂。但價錢平又點先？質素好hea既不如食吉邊啦，係唔係？驚喜位係食物選擇夠曬多，野食都有超過一百款🤤，仲要唔會係得啲超hea既野。除左大路一定有既丸、菜、麵，仲有唔少特別野，例如係魚咀🐟、魚卜、廣島蠔、豬潤🐷、豬肺、豬筒骨，仲連芝士麵都有得叫😂，真係花多眼亂啊喂。而最正既位☝🏻，係一般任食邊爐都係比肥膏多過肉、薄又薄過紙既肥牛比大家食，佢地除左肥牛，居然有得任食封門柳牛肉，碟碟都好新鮮，食多兩三碟都回曬本啊傻的嗎🤪。-當然唔好抱住比百幾蚊就食到幾千蚊既邊爐質素，但真心性價比好高的🤪。-最後，地點算方便，旺角行過去大約十分鐘啦，大食怪岩曬啦，多野食又抵食🤟🏻，快啲date下朋友仔去食啦🤗。…查看更多

大角咀出名多野食，今晚就去了埃華街的鍋牛點心打邊爐。餐廳以平價任飲任食為主，$148全包就可以有超過八十款的火鍋配料，還有青島及汽水任飲，性價比高。湯底亦有九款選擇，全部都十分足料，番茄豬骨拼麻辣鍋，有三四件大豬筒骨，湯底鮮甜。食物方面墨魚滑是首選，新鮮爽彈。牛肉方面有封門柳及肥牛，前者肉質較瘦但肉味濃，後者較肥膩但較腍。海鮮方面有廣島蠔、脆腩、魚卜及魚雲等，魚肉新鮮爽甜，蠔肉碌完都幾大隻。餃子款式有四款，韮菜、雲呑、牛肉及魚皮餃，其中雲吞蝦肉新鮮爽彈，牛肉餃比較有特色。百幾蚊的價錢有此質素確實抵食，而且店員有禮，主動換碟，收碟又快，值得一讚。…查看更多

幾個朋友約了去大角咀打邊爐，這間火鍋店應該是新開不久，但七點多都全場爆滿。任飲任食全包無加一都是$148，估計大部份人都是被價錢吸引，食物款式十分多，連廣島蠔、竹笙這些少見的材料都有任食。我們先點了一個鴛鴦鍋，番茄豬骨及麻辣湯底，豬骨湯底有濃郁番茄香味，麻辣湯辣味十足。任飲包括支裝青島及汽水。牛肉有封門柳及肥牛，前者肉味較濃郁，肉質較有咬口及瘦；後者比較肥且肉味不及封門柳，但尚算不錯。墨魚滑絕對有驚喜，爽口彈牙。廣島蠔味道不俗，爽口鮮甜。什餃有韮菜、雲呑、牛肉及魚皮餃，雲呑裏面有爽口蝦肉，韮菜都很香，餃子都十分足料。還有脆骨腩及魚卜等等，新鮮有魚肉鮮甜味，煲完魚後湯底十分鮮甜的魚湯味。整體食物質素中上，未食之前以為百幾蚊都比較一般，但食過之後一定會介紹朋友幫襯，因為餐廳無將價就貨，希望能繼續維持。另外原來早上6:30已經有早茶飲，全部香港製造，每日新鮮即製點心，價錢都幾抵食，下次可以帶屋企弓人試下。…查看更多

weekend早上9點幾係大角咀搵野食。膽粗粗試下呢間晚市極紅既火鍋點心店啲點心。點心味道中規中矩。$28兩樣價錢幾抵食。仲要係即點即蒸。推薦鳳爪，幾肥美。雞扎大件足料。鵪鶉蛋燒賣都唔錯。松子香芋餃點嗰陣看錯以為係芋角。蒸芋頭餃唔係我杯茶。麻麻地。菜乾豬骨粥味精有點多，豬骨肥左啲。牛肉腸牛肉量唔多，腸粉本身有少少漿口。不過$14就唔計較太多啦。6樣點心埋單連茶錢$100有找。真心抵食味道又唔差。值得推薦。…查看更多