影片
结论：中大伏礼拜日走去试下呢间屋企附近无差评嘅餐厅一行入店内一阵厕所味，具体d系厕所入面的尿骚味，再加埋冷气开得唔大，成间餐厅就焗住阵味变得更加浓。 （fine 抵鬼死我哋夹硬坐低试 心谂冇𠮶差评）嗌咗两样都味道麻麻。跟住系食材差，𠮶鳗鱼饭，鳗鱼系霖霖地，过嗮期好腥臭，牛肉锅d肉好似系雪咗成个世纪，冇嗮肉味好似𡁻紧d塑胶食环署可唔可以去查下佢哋d食材？开咗喺呢个位置，本身就系做街坊生意做到咁差仲有得开？
继续阅读
地方很小坐位有点迫，但仍然吸引很多街坊经常来的小店，来过几次午餐时间都满座。服务到位，食物即叫即煮，等食物上枱时间正常，已经是第二次来了。食乌冬的话可以加钱改洞庭乌冬或手打乌冬，我哋食普通乌冬都已经唔错。如果加钱转手打乌冬应该更加味道升华。肥牛锅＄55估计是用铁镬仔即煮即上，所以热辣辣香喷喷几特别，肥牛够簿片，入口软腍口感唔错，汤味鲜甜伴配娃娃菜及窝蛋铺面，无论肥牛、乌冬、汤及伴菜都好足，整体唔错。滑鸡锅$56同肥牛锅差不多，鸡唔算好嫩滑但都滑而且好味，味道比较肥牛锅更清甜。整体满意，下次再来！
继续阅读
两位老板亲力亲为 即叫即做入到去老板热情招呼 服务一流 女老板好靓女 新鲜好味抵食 上枱热辣辣人气小店有时要排队 又抵又好食值得等推荐👍🏻👍🏻👍🏻👍🏻👍🏻
继续阅读
依家天气突发冻咗好多！最啱食暖笠笠嘅嘢🥰由于疫情关系，依家都唔敢去餐厅度食火锅类嘅嘢。咁啱见到啲外送平台有呢间青衣嘅小店，所以就叫外卖试吓啦。我系同其他人一齐夹订嘅，所以除翻开运费都唔贵，如果想自己一个订嘅朋友建议都系同人share运费一齐订～～～送到去屋企或者工作地方，唔使出去等又唔使拎都几方便🤩鸡球锅烧乌冬 转粉丝本身都想食佢啲乌冬，但点知嗌嘅时候发现乌冬有太多糭，基于选择困难😂 我决定试吓新野叫粉丝😂😂😂 不过听同事讲佢啲乌冬都系唔错几好食😂佢份量真系好多，外卖嘅话会变咗系胶碗，虽然不及堂食会滚下滚下，但送到黎都仲系热辣辣嘅！！粉丝都几烟韧，好有口感～鸡球同配菜嘅份量都几多，汤底系日式清汤，有淡淡的甜味，鸡肉就冇咩腌过嘅味道，保留佢原先鸡肉嘅香味～～我见到堂食嘅价格系仲更加抵，有机会都想试吓佢其他嘅锅烧乌冬😆性价比好高啊😆😆😆
继续阅读
寻日去青衣揾朋友顺便食晏，佢话屋企楼下有间唔错食锅乌冬既铺头，佢叫我可以试试佢。入到去铺面唔系好大间铺但系好干净企理。坐底一👁餐牌全部都系乌冬😋（本人劲好乌冬）重要价钱都系$4x-$5x，加上见到隔离枱食紧个锅都几大碗下。咁就叫咗个鸡球锅🥘试下，黎到见到又真系好大碗。入面有好多菜又有菇。食落乌冬好够弹牙，饮淡汤底好有日式汤底既甜味，鸡肉够滑。confirm系又平又好食又大碗，下次一定会再去试其他锅🥘🥘。👍超级推荐👍
继续阅读