影片
港铁會展站B1出口, 步行约6分钟
继续阅读
附加资料
多款素食菜式每天供應
营业时间
*截單時間: 14:30, 22:00
星期一至六
12:00 - 15:00
18:00 - 23:00
星期日
全日休息
以上资料只供参考，请与餐厅确认详情
今日嚟到灣仔呢間日式餐廳，個位置都有啲難揾🙈一入到去，就望到個裝修好靚，環境幾好💞餐牌有好多款lunch set, 全部都包左沙律/燉蛋、白飯、湯、飲品同甜品😋好抵食👍🏻我地分別叫左雜錦刺身、雜錦壽司、同埋安格斯牛肉鐵板燒～三樣嘅份量都好多，而且牛肉燒得好香，個汁都同個牛肉好夾🤤另外，燉蛋亦都好出色😍熱辣辣～好好味👍🏻刺身同壽司就好新鮮～最後就係甜品啦，有三款口味嘅雪糕：豆腐、黑芝麻同柚子，三種都各有特色，我個人覺得黑芝麻係最好食🥰不過餐廳上菜有少少慢，飲品同埋燉蛋都好遲先到，希望佢地有待改善～
继续阅读
a local japanese restaurant in wanchai🍱🍣 the beef kaoriyaki is very juicy and not too fat😚 the angus beef teppanyaki isn’t as tasty but is still pretty good😜💖 their lunch set is very filling and they refill your rice and miso soup!!!!🥰
继续阅读
剛剛lunch time到了餐廳用膳餐廳環境舒服，服務員招待也非常好最重要係食物都很新鮮，無論前菜的沙律和主菜都係咁好食我點了一客海鮮刺生午餐，每件刺生都非常新鮮，實在非常美味 感覺享受了一個美好的星期五
继续阅读
2月14日除了是情人節, 也是一位好同事的Last Day......於是一行廿人就去了這間高級日式餐廳試試。單看門面，如果同事不說是餐廳也未必知道，因門口是一道木門，完全看不到裏面的格局。開門原來要靠門口側的一條看似斷開的柱，將手放中間，門就開了~ 裏面環境裝修都感覺高級，寧靜適合傾談。中午餐牌有成17款選擇都幾多，價錢約260 - 320 (未加一)，頗貴不太親民~首先上三文魚沙律，菜都幾鮮~正常發揮，不過就有同事話部分三文魚解凍未足，不知是否我們太多人做唔切~主菜我自己點了溫火焗三文魚，有少少估計是蒸蔬菜在旁。三文魚份量都幾大份，肉質非常嫩滑，裏面可見到半熟狀態，有同事笑言是糖心三文魚~XD 齋食魚會覺得咸了少許，不過配上蘿蔔蓉及芥茉一起吃又覺得剛剛好~單是這個菜的話我會給8.5/10 分!蔬菜、麪豉湯、前菜和白飯也正常發揮，沒什麼特別。甜品是北海道送的雪糕，有三款選擇 - 柚子、黑芝麻或綠茶。 柚子非常清新，有少少柚子在內，質感介乎於雪糕與雪粑之間。黑芝麻味濃，奶味較柚子多一點，有微微一粒粒打碎芝麻的感覺。總括而言，味道我個人是喜歡的，不過以午餐而言，人均索價大概$300.-就略嫌太貴，坊間同樣質數可以平一點~P.S. 我試過同事點的燒鰻魚，肉厚且腍，也是不錯的選擇。
继续阅读
4050 浏览
肥肥白白嘅XO仔一向心得長輩們愛戴，有好野食都會預埋細佬一份。嘻嘻，適逢賭王uncle相熟嘅日本餐廳「錫池」搞咗個試酒會，佢第一時間就訂咗間貴賓房，大宴好友歡聚暢飲。餐店位置都幾隱蔽吓，其門面簡樸低調，但充滿著濃厚嘅禪味，最有特色就係嗰個開門機關設計，小肥喺度就先賣個關子，等大家親訪時可以動一動腦筋。用餐大堂一眼睇哂，由於小弟都係第一次到臨，所以都唔係好清楚平時嘅擺位，眼見堂內只有一張長長嘅餐桌，相信佈置應該係為配合當晚嘅試酒會而設。私人派對於廂房內進行，牆上有幅都幾抽象嘅畫品，睇黎店主都幾潮喎。畫下嘅一角早已擺好個酒杯陣，酒會未正式開始時大家先飲自來威士忌，真夠激。Uncle真係勁有XO仔心架，深知細姪少飲紅、白酒，仲一早預備咗樽名牌香檳「Dom Dom」俾細佬一人獨享，係唔係羡煞旁人呢？！席上有齊自用及公用之餐具。亦有一份關於晚餐配備嘅酒品及美國酒廠嘅資料。試酒晚宴嘅菜單早已訂下。為怕賓客唔夠飽，主人家仲專登額外加咗幾款送酒小食及兩道魚生，當真盛設得很！懷石料理前菜：代表酒莊嘅人解說完畢後，晚餐即由前菜拼盤打頭陣，建議食用次序由左邊起開始，順序亦即鮮黃有彈性嘅銀杏、卜卜脆又惹味嘅准山、爽潤嘅蕃茄、軟腍甜甜嘅玉子、鮮濃軟嫩嘅鮟鱇魚肝、及透明杯內翠綠色清脆嘅春菊。深海池魚薄切：餐牌上冇嘅池魚薄切巧薄透光，盡顯師傅刀功如何精湛，未食已聞到芬芳嘅松露香，每片魚肉軟潤鮮香，正到暈呀！炙燒拖羅壽司：經炙燒過嘅拖羅壽司已調好味，一口食落去即覺拖羅肥美嫩滑，鮮濃無比，一樣咁掂！海膽拖羅三文魚子丼：安排配白酒嘅丼丼用上顏色鮮美嘅海膽、拖羅蓉、三文魚子作主材，頂面再加上金萡點綴，食客可因應自己嘅口味混入豉油。色澤亮麗嘅三色魚生丼嘅飯底粒粒飽滿肥潤，個人覺得撈起黎食最能令當中嘅新鮮潤甜爆於舌上。由於細佬對紅酒實在係一竅不通，根本上冇資格品評，結果只能同讀者們分享幾幅相。法國鵝肝拌無花果：喺日本餐廳食到高質鮮美嘅魚生一啲都唔出奇，不過真係冇諗到大廚連香煎法國鵝肝都可以煮得咁出色，時間掌握得咁完美！厚厚嘅鵝肝外皮煎得十分香脆，入面就啱啱熟，入口即溶，嫩滑非常，可謂外剛內柔，伴配埋清新爽甜嘅無花果簡直係無懈可擊！香煎春魚柚子醬：皮層乾巧脆口，雪白嘅魚肉亦相當軟嫩，點上墊底甜甜嘅秘製柚子醬即能提升春魚嘅魚鮮味。蒜香和牛鐵板燒：食完多道海鮮及一款超正內臟後，終於輪到肉食一環，仲要係肥肥家族最愛嘅和牛呀！燒至三成熟左右嘅和牛油脂好均勻，入口鬆爽帶脆，而且肉汁豐盛，不用點上醬汁已夠肉香惹味，冇得彈呀！法國蘋果批：甜品法國蘋果批超級薄身，薄薄嘅批皮同蘋果薄片混埋一起，效果味清微甜，半爽半脆，且一啲都唔油膩，黏上雲尼拿雪糕食則份外清涼醒神。飯後飲杯熱咖啡可幫助消化。原來仲配埋果仁同乾果架，夠哂周到。灣仔日本料理「錫池」位於瑞安中心一樓不甚起眼嘅角落，據悉早於二十多年前開業，裝潢可形容為低調地新潮。老店簡潔雅致，服務生態度和藹有禮且細心體貼，為試酒活動設計嘅晚餐用材高質，廚藝了得，菜式美味得很。非常感激賭王Uncle悉心嘅安排，讓XO仔品嚐美食時可獨享靚靚香檳，請容許細佬在此再次道謝！
继续阅读