影片
营业时间
今日营业
08:00 - 21:30
星期一至日
08:00 - 21:30
公众假期
08:00 - 21:30
以上资料只供参考，请与餐厅确认详情
优惠
今日入嚟马鞍山呢个场，顺便试吓呢间，睇吓系咪真系好食～锦丽。叫咗～火车站粉 特式小食拼盘同二杯野饮先嚟～火车头汤河粉，先试啖汤，牛骨汤味带小小甜，过得去，跟著食扎肉～有咬口弹牙，小小一块扎肉都做得唔错，牛腩～咬落去唔淋又唔韧，佢件牛腩个韧度真系几特别，牛丸～比一般牛腩档嚟得大粒，咬落去又唔同一般牛腩档咁硬，佢哋果啲系淋得嚟又弹牙，真心不错，真系即刻想学普通牛腩档，叫佢嚟碗净牛丸😂。小食拼盘～有蔗虾，鸡翼，猪扒同春卷 ～每样二件小食无乜特别，正常口味～收货。埋单～$182，净系佢唔需要加一，已经加晒分。回头度：8/10特别要赞门口姐姐，笑容100分，同埋今日星期六，又系揸车人事，呢个姐姐帮到手（揸车者会明），我又唔可以讲得太明白！咁嘅服务质素都无加一，边度揾？再讲啲食物质素真系水准以上，真心不错。以上纯粹个人食后分享，绝无收取任何报酬或优惠，亦愿意承担所有责任。唯一要弹系,又系啲位用到尽，枱与枱太近。
继续阅读
一个鱼柳早餐（似 super sandwich 戈种）一个猪扒早餐（有香茅味）金边粉 转沙嗲汤底+$3 其实系喇沙味 。金不换炒蛋 加咗香料 与别不同 。牛角酥牛油香 。特别一赞收银/知客姐姐 好热情 好招呼
继续阅读
宜家一人火锅盛行，估唔到连主打越式汤河嘅锦丽都有出一人火锅，唔知系咪12月限定，行过见到个餐牌都唔错，几吸引，又唔贵，最重要唔洗等位，就入去试吓啦。一个系胡椒鸡锅一上枱已经闻到好香胡椒味，不过食落又唔系好浓，唔会太难入口，啲鸡几嫩一个系牛肉汤锅锦丽平时啲牛肉汤河粉都好食，个牛肉汤其实就完全系平时粉面𠮶个牛肉汤，好香牛肉味，有白萝卜又清甜，啲牛肉都几淋。额外加嘅生牛肉额外加牛丸，好香玫瑰洛神花茶，几香加咗油炸鬼，点汤都ok，一上枱𠮶阵热辣辣仲系好脆再加咗小食拼盘鸡翼、猪扒、蔗虾同春卷全部都香口脆口
继续阅读
寻晚收工去佐马鞍山果边同朋友食饭，因为我比较中意越南菜同泰国菜，所以佢就带我去食最爱既檬粉环境：装修风格以简约为主，以白色、棕色为主，有少少怀旧feel又或者讲佢比较还原翻系越南当地餐厅既感觉 咖哩牛腩饭 ：咖喱汁好香浓，唔会太辣，浓稠度适中摞离捞饭真系一流。肉既分量唔算少，牛腩软嫩香滑，脂肪分布均匀。仲有咖喱最强搭配薯仔都煮到口感非常软糯，食落口好似薯泥咁，加埋咖喱汁非常惹味。 软壳蟹捞檬 ：软壳蟹炸到金黄酥脆，酱汁酸酸甜甜非常开胃，青瓜丝、胡萝卜丝、芽菜做配菜入口爽脆。分量适中，一个女仔食就刚刚好，可能男士就会觉得唔系好满足啦 越南滴滴咖啡：口感醇厚金香，有微微酸味，相当回甘。甜道落单果时可以同店员讲，因为我个人比较中意饮斋啡，所以当时只要求添加最少既炼奶。
继续阅读
锦丽D野食ok，送餐速度也很快，可是服务态度差得很，不会再光顾。平时我都唔会用OpenRice，但系为左写哩个评论，我特登开左个Account。穿蓝色牛仔衣的男服务员(估计是经理)，服务态度非常恶劣。我和我家人在网上下单时遇到问题，我想找职员帮忙时，他说:「咩话？咩话？」态度非常傲慢。当时客人并不多，但他仍然以不情愿的态度和我们说话。他更要和我搏嘴，态度急需有改善。我以后也不会和家人再到这里光顾了。
继续阅读