錦麗 (信德中心)

原来信德中心三楼都有野食，不过应该新装修，餐厅都系得一两间选择～见到广告牌话呢间系米芝莲餐厅，望落几吸引，所以试下～生牛肉汤河呢个系招牌菜，要点～汤底系牛肉汤，再加埋好多洋葱、葱，鲜甜但唔会有味精汤嘅感觉，生牛肉浸到啱啱熟，仲有三四块，份量都唔少～越式蟹肉饼蕃茄汤檬粉好多评论话呢个好食，又嗌咗。蟹肉饼份量都多，有三旧大小系不规则嘅蟹肉饼，好易夹散，睇得出蟹肉好足。个檬粉似濑粉同米线mix埋嘅口感，不过最重要嘅汤底就好普通，冇乜蕃茄味～椰汁红豆冰超级重椰汁味，同成罐椰汁倒落去冇分别，好滞好腻，饮完成个胃都顶住，好辛苦，不过啲红豆系大粒好食嘅，但胃唔好嘅朋友慎重选择。…查看更多

今日岩岩坐完船番黎香港，已经好肚饿，朋友即刻拉左我黎到离境大堂隔离既越式餐厅，装修睇落四正，又有卡位，一于慢慢吃个汤河抖下先！锦丽生牛肉汤河粉，介绍话佢系Wall Street Journal誉为胡志明市最好吃既牛肉粉，名副其实！先讲汤底，浓郁既牛骨香加上各种香料，好有层次，味道好清甜，系老火汤甘好饮！吃既时候可以加埋豆芽，九层塔，青柠汁，辣椒入汤底，会成为另一只味道，好神奇！而河粉好弹牙，牛肉分量都唔少，怪唔得系最好卖既牛肉粉了！越式蟹肉饼蕃茄汤檬粉好正好特别！先讲汤底，好浓郁既蕃茄味，亦都好鲜甜！配上满满的蟹肉饼真系好正，鲜上加鲜！蟹肉饼好足料，见到一丝丝既蟹肉条，不过比较易散开，食既时候可以用匙羹连汤一齐食，正！同时亦配有扎肉，豆卜，蕃茄等，而檬粉弹牙而挂汁，整体好高质！特色小食拼盘包括有金丝网虾春卷、越式蔗虾、越式蒜蓉牛油鸡翼、香茅猪扒。春卷金黄色既网皮包住爽弹的虾肉，配上租辣酱好惹味！越式蔗虾系将虾滑包系甘蔗支上面制成，味道甜甜地好香口！鸡翼同猪扒都做得唔错。惹味牛肉法包，用左自家制猪肝酱配蛋黄酱，甜甜地都几可口。配料有大量烤牛肉，肉松，酸萝卜，青瓜，青葱，芫茜同青椒，法包既香脆加上甜甜地既蛋黄酱，大量配菜，依个配搭都几用心，食落好有层次而感觉又几清新！唔错！整体黎讲好满意，最紧要野食正环境正，慢慢坐慢慢叹，生活就系要甘写意架麻！下次黎要再食佢个汤河！太正！…查看更多

同朋友喺港澳码头搭船出发去澳门玩，上船之前决定喺信德中心医饱个肚先！经过发现原来锦丽喺信德中心都开咗分店，餐厅座位阔落舒适，睇嚟食返碗越式汤河先再上船，都系一个唔错嘅选择～酥炸软壳蟹捞檬💰HK$78软壳蟹外层炸到酥脆可口，内里嘅肉质仍然保持柔嫩！檬粉口感顺滑，能够好好吸收酱汁嘅味道～锦丽牛丸粉💰HK$74面底简咗金边粉，口感顺滑得来带有弹性！牛丸肉味香浓，而且爽口弹牙，味道出色！汤底亦系成碗粉嘅精华所在，每一啖饮落去都系清甜嘅牛肉香味，令人齿颊留香～特色小食拼盘💰HK$79有金丝网虾春卷、越式蔗虾、法式蒜蓉牛油鸡翼同埋香茅猪扒！可以一次过品尝哂咁多款越式小食～马拉盏酱时蔬💰HK$42通菜质地柔嫩，配搭惹味嘅马拉盏酱，令人食欲大开～咸柠檬青柠梳打(冻)💰HK$38结合咗咸柠檬嘅酸咸味、青柠嘅清香同埋梳打水嘅气泡感，整体味道非常清爽～玫瑰龙眼茶(热)💰HK$28淡淡嘅龙眼香甜味再加上玫瑰嘅花香，感觉好养生～…查看更多

位于上环信德中心嘅锦丽餐厅，以其每日熬煮23小时嘅牛骨牛肉汤底而闻名！仲系2023年同2024年打入米芝莲推介！咁出色，一于试下佢嘅招牌菜品风味餐厅嘅装潢简约而不失雅致，营造出一种舒适惬意嘅用餐环境首先品尝咗生熟牛肉粉，汤底浓郁，牛骨精华完全融入汤中，带有自然嘅甜味粉条弹牙，搭配生牛肉片，肉质鲜嫩，熟牛肉则软滑入味，整体口感层次丰富接住系火车头粉，呢道菜品嘅丰富配料令人惊喜肉眼嘅油脂分布均匀，咬落去时口感滑嫩，牛筋有独特嘅Q弹感，扎肉嘅香气四溢，熟牛肉更添风味，搭配牛丸嘅弹牙口感，令整碗粉嘅滋味更加丰满汤底依然保持住深厚嘅牛骨精华，好饮到想干晒佢呢餐后甜品方面，班兰椰汁糕嘅清香与椰香交织，口感柔滑，唔会太甜，不错而椰子沙冰则清凉消暑，细腻嘅沙冰配上椰子嘅天然甘甜，好refreshign！椰汁红豆冰，红豆淋度得刚刚好，配上椰子汁，甜而不腻，完美值得encore 的一间米芝莲平民餐厅❤️…查看更多

越南餐厅嚟讲，我哋都比较钟意「锦丽」，一嚟它系米芝莲2023 & 2024 必比登推介，二嚟真心觉得性价比高，用料新鲜又抵食！而且上环码头呢间锦丽招呼好好，环境唔错，坐得舒服。呢个经典扎肉法包系新产品，所以系我哋今晚必点item。poster介绍有足12大馅料，连饮品都只系 $57，出面呢个价净系普通有馅法包都唔得，仲切埋上枱真贴心。法包软硬适中，馅料十足，12种不同食材刺激味蕾：其中肉松、猪肝酱味尤其突出， 入口时咁多食材融为一体，坚好食㖞。香茅咖喱猪扒饭 $88朋友话呢度咖喱唔错，果然掂！咖喱用碗满满的另上，入面有薯仔、蕃茄仔，咖喱味香浓，配上炸猪扒，好味。越式火车头金边粉 $95好耐未试过咁有份量嘅越式火车头，单看卖相就知用料十足！如果你系好牛嘅食客，一定要点呢款火车头，用牛骨汤捞制汤底浓厚，牛丸多汁，牛筋软腍，牛腩味浓，半熟牛肉爽口， 适合一众牛魔王。另外不得不提系扎肉都好正宗，值得推介。呢度晚餐可加最多3款小食，得意之处系愈加就愈抵/低价，所以我哋决定加爆它😆1. 越式蒜蓉牛油鸡翼(2件) $27一上枱那股新鲜的牛油蒜蓉已先入鼻，香到不得了！真心推荐呢款当年红极一时的经典鸡翼，食咗先讲😬2. 越式蔗虾(2件) $21弹牙得嚟又爽口，大大条，调味刚好。3. 椰青·斑斓椰汁糕(2件)$14心心型嘅两件甜品，已经吸睛。椰青味入面有真椰肉之余，仲有淡淡椰青水味；斑斓椰汁味浓郁，钟意入面有去皮绿豆粒，增加口感，两只味都好食！大虾扎肉米纸卷 (2件) $44米纸卷系越南菜必食，清新嘅蔬菜味道，加上有大虾同扎肉，平均返整体，点埋醋食，食完好似开胃咗，继续食食食😂越南滴滴咖啡(冻) $9又系指定动作，必饮的！等它慢慢滴完，再冲落d冰度，练奶冻啡，另一番风味啊⋯⋯只系加$9就饮到正宗越式咖啡，唔系要谂丫嘛！清甜甘蔗汁(热)好少餐厅饮到甘蔗汁，唔太甜，趁热入口，为呢一餐添圆满。咸柠檬青柠水(热)咸柠檬醒神开胃，加埋青柠，咸咸甜甜的味道更加清新。…查看更多